ယ︀ေႃးꩭၢꩫ︀် 3:31 - Khamti Shan

³¹ ꩡ︀ဝ်ႛဢ︀ꩫ︀်ႈလ︀ုက︀်ႉက︀ꩫ︀်ႛꩫ︀ိူဝ်မ︀ႆ︀ႛက︀ျွႃးမ︀ႃးꩫ︀ႆ︀ႇ တ︀င︀်းမ︀ိူင︀်းမ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။ က︀ူဝ်ႇဢ︀ꩫ︀်ႈလ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇယ︀ႃႇ ပ︀ီꩫ︀်ႈက︀ူꩫ︀်းမ︀ိူင︀်းက︀ၢင︀်ႈꩬ︀ီ လ︀ွင︀်ႈမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀်ဝႃႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛမ︀ႃးꩫ︀ႆ︀ႇယ︀ႃႇ ဢ︀ူက︀ꩫ︀်ႛꩫ︀ိူဝ်တ︀င︀်းမ︀ိူင︀်းမ︀ႆ︀ႛꩫ︀မ︀်။

ယ︀ေႃးꩭၢꩫ︀် 3:31 ပူးပေါင်းရင်းမြစ်များ

မ︀တ︀်တ︀ႄး 28:18

ꩡ︀ဝ်ႛယ︀ေꩬ︀ုယ︀ႃႇ တ︀ႆ︀ၢႛၵ︀ဝ်မ︀ႆ︀ႛမ︀ႃးꩬ︀ီ “တ︀ꩫ︀်းၵ︀ူဝ်းဢ︀ႃꩫ︀ႃဢ︀ꩫ︀်ႈက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛယ︀င︀်း၊ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းတ︀င︀်းမ︀ိူင︀်း က︀ဝ်ႈꩭၢပ︀်ႉဢ︀ဝ်ႈယ︀ဝ်ႇ။

ယ︀ေႃးꩭၢꩫ︀် 1:15

ꩬ︀ြႃယ︀ေႃးꩭၢꩫ︀်ယ︀ႃႇ လ︀ွင︀်ႈꩡ︀ဝ်ႛယ︀ေꩬ︀ုတ︀ႅဝ်လ︀ေဢ︀ူ။ မ︀ꩫ︀်းဝႃႈꩫ︀ႆ︀ႇ “ꩡ︀ဝ်ႛဢ︀ꩫ︀်ႈက︀ꩫ︀်ႛလ︀င︀်က︀ဝ်ႈမ︀ႆ︀ႛ တ︀ီက︀ျွႃးမ︀ႃးꩫ︀ႆ︀ႇယ︀ႃႇ ꩡ︀ဝ်ႛဢ︀ꩫ︀်ႈမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀ယ︀င︀်းပ︀ုꩫ︀်ႛ ယ︀င︀်းမ︀ႃးꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛယ︀ႂ်မ︀ႅတ︀်ႉꩬ︀ႃꩫ︀မ︀်ꩫ︀ꩬ︀ီ က︀ဝ်ႈꩭူဝ်းမ︀ႃးꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 1:27

ꩡ︀ဝ်ႛဢ︀မ︀ႂ်းယ︀ႃႇ က︀ꩫ︀်ႛလ︀င︀်က︀ဝ်ႈမ︀ႆ︀ႛꩬ︀ိုင︀်က︀ျွႃးမ︀ႃးꩫ︀က︀ေႃႇ က︀ဝ်ႈယ︀ႃႇ က︀ေႛꩬ︀ႆ︀ၢၵ︀ႅပ︀်တ︀ိꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈက︀ေႃႇꩵ︀ႈထႅက︀်ႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 1:30

ꩡ︀ဝ်ႛꩫ︀ႆ︀ႇꩫ︀မ︀် ဢ︀ꩫ︀်ႈက︀ဝ်ႈဝႃႈမ︀ႃးꩫ︀ႆ︀ႇ။ ꩡ︀ဝ်ႛဢ︀ꩫ︀်ႈမ︀ိူဝ်ႈက︀မ︀်ၸ︀ႃ ꩵ︀ႈပ︀ႆ︀ယ︀င︀်းပ︀ုꩫ︀်ႛယ︀င︀်းမ︀ႃးꩬ︀ီ က︀ဝ်ႈမ︀ႆ︀ႛယ︀ႂ်မ︀ႅတ︀်ႉꩬ︀ႃꩫ︀ႆ︀ႇ က︀ꩫ︀်ႛလ︀င︀်က︀ဝ်ႈမ︀ႆ︀ႛ တ︀ီက︀ျွႃးမ︀ႃးꩫ︀မ︀်ꩫ︀ꩫ︀ႆ︀ႇမ︀ꩫ︀်းꩡ︀ဝ်ႛꩬ︀ႃး။

ယ︀ေႃးꩭၢꩫ︀် 3:30

မ︀ꩫ︀်းꩡ︀ဝ်ႛယ︀ႃႇ ဝႃႈယ︀ႂ်မ︀ႅတ︀်ႉမ︀ႃးꩫ︀မ︀်။ က︀ဝ်ႈယ︀ႃႇ ဝႃႈယ︀ုက︀်ႉယ︀ွမ︀်းက︀ႃꩫ︀မ︀်” ꩫ︀ꩬ︀ီတ︀ွပ︀်ꩭႂ်ႛဢ︀ူ။

ယ︀ေႃးꩭၢꩫ︀် 6:33

ၵ︀ဝ်ႛတ︀ေႇတ︀ေႇꩫ︀ႆ︀ႇယ︀ႃႇ ꩡ︀ဝ်ႛဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛ က︀ျွႃးလ︀ူင︀်းမ︀ႃးꩬ︀ီ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 6:51

က︀ဝ်ႈက︀ီးယ︀ႃႇ ၵ︀ဝ်ႛဢ︀ꩫ︀်ႈꩭႂ်ႛဢ︀ꩬ︀ၢက︀်ႉ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛလ︀ူင︀်းမ︀ႃးꩫ︀မ︀်။ ၵ︀ဝ်ႛꩫ︀ႆ︀ႇက︀ိꩫ︀်ႈက︀ီးယ︀ႃႇ ꩬ︀ူမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉꩫ︀ိပ︀်ဢ︀ူ။ ၵ︀ဝ်ႛဢ︀ꩫ︀်ႈက︀ဝ်ႈတ︀ီꩭႂ်ႛꩫ︀ႆ︀ႇယ︀ႃႇ တ︀ူဝ်ႈက︀ဝ်ႈ ဢ︀ꩫ︀်ႈက︀ူꩫ︀်းမ︀ိူင︀်းက︀ၢင︀်ႈမ︀ႆ︀ႛ ဢ︀ꩬ︀ၢက︀်ႉꩭႂ်ႛꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 8:23

မ︀ꩫ︀်းꩡ︀ဝ်ႛယ︀ႃႇ “ꩬ︀ူယ︀ႃႇ က︀ူꩫ︀်းမ︀ိူင︀်းက︀ၢင︀်ႈꩫ︀မ︀်။ က︀ဝ်ႈယ︀ႃႇ လ︀ုက︀်ႉမ︀ိူင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀မ︀်မ︀ႃးꩫ︀ႆ︀ႇ။ က︀ဝ်ႈယ︀ႃႇ က︀ူꩫ︀်းမ︀ိူင︀်းက︀ၢင︀်ႈꩵ︀ႈꩡ︀ႂ်ႈ။

ထဝ်ꩡ︀တ︀်ႉၵ︀ဝ် 10:36

ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇꩭၢင︀်းဢ︀ီတ︀်ꩬ︀ြေးၵ︀ဝ်တ︀ႅဝ်ꩫ︀ႆ︀ႇ ꩬ︀ူꩫ︀ႆ︀ႛꩥ︀ိꩫ︀်းမ︀ႃးယ︀ဝ်ႇ။ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛꩡ︀ွမ︀်ႈယ︀ေꩬ︀ုၵ︀ရ︀ီတ︀်မ︀ႆ︀ႛ က︀ူꩫ︀်းꩭဝ်းပ︀ိုင︀်ႈဢ︀ိင︀်ႈꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ႆ︀ႛထုက︀်က︀ꩫ︀်ႈပ︀ွက︀်ႉꩫ︀ႆ︀ႇꩫ︀မ︀်။

ရ︀ေႃမ︀ 9:5

ၵ︀ဝ်ယ︀ႃႇ ꩡ︀ိူဝ်ႇၵ︀ိူဝ်း ဢ︀ꩫ︀်ႈလ︀ုက︀်ႉပ︀ူလ︀ီꩫ︀်ꩭေပ︀ရ︀ူး ဢ︀ꩫ︀်ႈꩡ︀ိုဝ်ႈယ︀ႂ်ꩫ︀ႆ︀ႇၵ︀ဝ်မ︀ႆ︀ႛ ၵ︀ိူဝ်းမ︀ႃးꩫ︀မ︀်။ ꩡ︀ွမ︀်းꩬ︀ႆ︀ၢက︀ူꩫ︀်းက︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀မ︀ိူင︀်းက︀ေႃႇ ၸ︀ꩫ︀်းၵ︀ဝ်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ုပ︀်ႉပ︀ိုင︀်တ︀င︀်းမ︀ိူင︀်းမ︀ႆ︀ႛ က︀ူꩫ︀်းတ︀င︀်းမ︀ိူင︀်း မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀ူဝ်းယ︀ွင︀်ႛက︀ꩫ︀်ႈက︀တ︀ႃႉ။ ꩬ︀ႃႈထု။

ꩭေပ︀ရ︀ူး 9:1

ꩡ︀ႃႇလ︀ိူင︀်ႈ လ︀ိက︀်ႉၵ︀တ︀်ႉပ︀ထမ︀မ︀ႆ︀ႛ ပ︀ိူင︀်ႈဝႆ︀ႈၸ︀ြႃးꩫ︀ႆ︀ႇၵ︀ဝ်င︀ႆ︀း ဝၢင︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ လ︀ွေႛဢ︀ူ။

ပ︀ေတ︀ရ︀ု ႑ 3:22

င︀ႆ︀ႚယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ယ︀ဝ်ႇ။ မ︀ꩫ︀်းꩡ︀ဝ်ႛပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈꩬ︀ီ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈဢ︀ႃꩫ︀ႃတ︀ꩫ︀်းၵ︀ူဝ်းယ︀င︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩬ︀ီဢ︀ူဢ︀ူ။

ယ︀ေႃးꩭၢꩫ︀် ႑ 4:5

ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်ယ︀ႃႇ ပ︀ီꩫ︀်ႈက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇꩬ︀ီ လ︀ုက︀်ႉပ︀ႃႛမ︀ိူင︀်းက︀ၢင︀်ႈမ︀ႆ︀ႛꩫ︀ႆ︀ၢႈꩫ︀မ︀် ꩫ︀ူႈꩬ︀ီဝႃႈꩫ︀ႆ︀ႇ။ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်က︀ေႃႇ ၵ︀ၢမ︀်းၵ︀ဝ်ထွမ︀်က︀ꩫ︀်ႈဢ︀ူ။

ၿျႃၻိက︀်ႉ 19:16

ꩬ︀ိူဝ်ႛထမ︀ူင︀်ႇမ︀ꩫ︀်းꩡ︀ဝ်ႛꩫ︀ၵ︀ႃ ပ︀ၢꩫ︀်ႛၵ︀ႃမ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ꩡ︀ိုဝ်ႈပ︀ွႆ︀ႉဢ︀ꩫ︀်ႈ “ꩡ︀ဝ်ႛꩭူဝ်ၵ︀မ︀်းꩫ︀ိူဝ်ꩡ︀ဝ်ႛꩭူဝ်ၵ︀မ︀်းတ︀င︀်းမ︀ိူင︀်း၊ ꩡ︀ဝ်ႛꩫ︀ိူဝ်ꩡ︀ဝ်ႛတ︀င︀်းမ︀ိူင︀်း” ꩫ︀ꩫ︀ႆ︀ႇတ︀ႅမ︀်ႛဝႆ︀ႇဢ︀ူ။