ယ︀ေႃးꩭၢꩫ︀် 3:27 - Khamti Shan

²⁷ ꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ယ︀ႃႇ “ၸ︀ႂ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭႂ်ႛက︀ီး က︀ꩬ︀င︀်က︀ေႃႇꩵ︀ႈꩫ︀ႆ︀ႛ၊

ယ︀ေႃးꩭၢꩫ︀် 3:27 ပူးပေါင်းရင်းမြစ်များ

မ︀တ︀်တ︀ႄး 21:25

ꩬ︀ြႃယ︀ေႃးꩭၢꩫ︀် ꩭႂ်ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇ ဢ︀ဝ်ႈဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛက︀ျႃး ဢ︀ဝ်ႈဢ︀ႃꩫ︀ႃက︀ူꩫ︀်းက︀ျႃး” ꩫ︀ဢ︀ူ။ ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ ꩭဝ်းတ︀ီဝႃႈꩭိုဝ်ꩫ︀ႆ︀။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀မ︀်ꩫ︀က︀ျႃး။ င︀ႆ︀းက︀ီး ꩭီတ︀်က︀ꩬ︀င︀်ꩫ︀ႆ︀ꩬ︀ူ ꩬ︀ြႃယ︀ေႃးꩭၢꩫ︀်မ︀ႆ︀ႛမ︀ဝ်ယ︀ုမ︀်ꩫ︀ႆ︀ႇꩫ︀ꩬ︀ီ မ︀ꩫ︀်းတ︀ီဝႃႈမ︀ႃးꩬ︀ႃး။

မ︀တ︀်တ︀ႄး 25:15

က︀ူꩫ︀်းဢ︀မ︀ႂ်းယ︀ႃႇ ၸ︀ူႛꩡ︀ႂ်ႇမ︀ꩫ︀်းၵ︀ဝ်မ︀ႆ︀ႛꩭွင︀်ႇꩬ︀ီ ဢ︀ꩫ︀်ႈꩫ︀င︀်ၵ︀ဝ်က︀တ︀်ႉꩫ︀က︀ꩫ︀်ႈ က︀ူဝ်ႇလ︀ိူင︀်ႈမ︀ႆ︀ႛၵ︀မ︀်းꩭႃႛꩡ︀ွႆ︀ႇ၊ တ︀ၢင︀်က︀ူဝ်ႇမ︀ႆ︀ႛꩬ︀ွင︀်ꩡ︀ွႆ︀ႇင︀ႆ︀း ဢ︀ꩫ︀်ႈက︀ိူတ︀်မ︀ႆ︀ႛယ︀ႃႇ ꩡ︀ွႆ︀ႇလ︀ိူင︀်ႈဢ︀ၢပ︀်ႉꩭႂ်ႛဢ︀ူ။ ယ︀ဝ်ႇက︀ီး မ︀ꩫ︀်းက︀ႃတ︀ီႈက︀ႆ︀ႈဢ︀ူ။

မ︀ႃက︀ု 13:34

ꩫ︀ႆ︀ႇယ︀ႃႇ ꩫ︀င︀်ပ︀ုင︀်ၵ︀ိူင︀်ႈၵ︀ၢမ︀်းက︀ူꩫ︀်းဢ︀ꩫ︀်ႈက︀ႃတ︀ီႈက︀ႆ︀ႈက︀ူဝ်ႇလ︀ိူင︀်ႈꩫ︀ႆ︀ႇ ၸ︀ူႛꩡ︀ႂ်ႇမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭိူꩫ︀်းမ︀ꩫ︀်းဢ︀ၢပ︀်ႉဝႆ︀ႇ၊ ၵ︀ဝ်မ︀ႆ︀ႛဢ︀မ︀ူးꩡ︀ႃႇၸ︀ႂ်ꩡ︀ႃႇမ︀ꩫ︀်းꩡ︀ွင︀်ꩭႂ်ႛဝႆ︀ႇꩬ︀ီ ၸ︀ူႛပ︀ႂ်ႇတ︀ၢင︀်းပ︀တ︀ူႈမ︀ႆ︀ႛက︀ေႃႇ ꩬ︀င︀်ဝႆ︀ႇꩭႂ်ႛပ︀ႂ်ႇꩫ︀ီႈꩫ︀ီႈဝႆ︀ႇꩫ︀ႆ︀ႇꩫ︀က︀ꩫ︀်ႈꩫ︀မ︀်။

ယ︀ေႃးꩭၢꩫ︀် 10:41

က︀ူꩫ︀်းဢ︀ၢꩫ︀်တ︀ၢꩫ︀် မ︀ꩫ︀်းꩡ︀ဝ်ႛမ︀ႆ︀ႛ မ︀ႃးက︀ꩫ︀်ႈဢ︀ူ။ ၵ︀ဝ်ယ︀ႃႇ “ꩬ︀ြႃယ︀ေႃးꩭၢꩫ︀်ယ︀ႃႇ လ︀ႆ︀ၢးꩫ︀မ︀ိတ︀်ႉꩫ︀ႆ︀ႇၵ︀ဝ် ꩵ︀ႈပ︀ျႃးမ︀ႃး။ ꩫ︀ႆ︀ႇꩫ︀က︀ေႃႇ လ︀ွင︀်ႈက︀ူဝ်ႇꩫ︀ႆ︀ႇ ဢ︀ꩫ︀်ႈꩬ︀ြႃယ︀ေႃးꩭၢꩫ︀်ဝႃႈမ︀ႃးꩫ︀ႆ︀ႇၵ︀ဝ် တ︀င︀်းမ︀ိူင︀်းꩡ︀ႂ်ႈဢ︀ူ။ ꩥ︀ႃးဢ︀ူ” ꩫ︀ꩬ︀ီဝႃႈက︀ꩫ︀်ႈဢ︀ူ။

ယ︀ေႃးꩭၢꩫ︀် 6:65

မ︀ꩫ︀်းꩡ︀ဝ်ႛက︀ၢပ︀်ꩬ︀ီ “ပ︀ူဝ်က︀ဝ်ႈဢ︀ၵ︀ၢင︀်းမ︀ဝ်ꩭႂ်ႛက︀ီး ၸ︀ႂ်က︀ေႃႇက︀ဝ်ႈမ︀ႆ︀ႛမ︀ႃးꩵ︀ႈပ︀ီꩫ︀်ႈ။ င︀ႆ︀းꩬ︀ီꩫ︀မ︀် ၵ︀ၢမ︀်းꩫ︀ႆ︀ႇၵ︀ဝ် ꩬ︀ူမ︀ႆ︀ႛက︀ဝ်ႈဝႃႈမ︀ႃးꩫ︀ႆ︀ႇ” ꩫ︀ဝꩫ︀်ႇ။

ရ︀ေႃမ︀ 1:5

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ၵ︀ၢင︀်းဢ︀ꩫ︀်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛꩭႂ်ႛင︀ႆ︀း ꩭႂ်ႛပ︀ူဝ်းက︀ူꩫ︀်းက︀ူႈၸ︀ꩫ︀်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈထွမ︀်ꩡ︀ွမ︀်းꩬ︀ီ ဢ︀ဝ်ႈꩭိူဝ်ႈꩭိုင︀်းမ︀ူꩫ︀်ႈမ︀ꩫ︀်းꩡ︀ဝ်ႛꩫ︀ႆ︀ႇ က︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ရ︀ေႃမ︀ 12:6

င︀ႆ︀းꩫ︀ႆ︀ႇꩬ︀ီ ꩭဝ်းက︀ေႃႇ ꩬ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩫ︀င︀်က︀ျေးꩡ︀ူးမ︀ꩫ︀်းꩡ︀ဝ်ႛꩫ︀က︀ꩫ︀်ႈ ပ︀ူင︀်ႈꩭႂ်ႛꩫ︀ႆ︀ႇၵ︀ဝ် တ︀ိုဝ်းက︀ꩫ︀်ႈတ︀ႃႉ။ ၸ︀ူႛꩡ︀ဝ်ႛမ︀ႆ︀ႛ ꩬ︀ူးဢ︀ꩫ︀်ႈꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀င︀်းက︀ီး က︀ႃႈꩫ︀င︀်ၸ︀ူႛꩡ︀ဝ်ႛယ︀ုမ︀်ယ︀မ︀်ႈꩫ︀ႆ︀ႇ ꩭူဝ်းတ︀ႃႉ။

က︀ေႃရ︀ိꩫ︀်တ︀ု ႑ 1:1

က︀ဝ်ႈပ︀ေႃလ︀ု ဢ︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈဢ︀လ︀ၢင︀်းမ︀ꩫ︀်းꩡ︀ဝ်ႛ ꩭွင︀်ႇဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ꩫ︀ွင︀်ႇꩭဝ်းꩬ︀ေႃးတ︀ီꩫ︀် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 12:11

ꩫ︀ႆ︀ႇꩫ︀က︀ေႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူလ︀ိဝ်ႈꩫ︀ႆ︀ၢႈꩫ︀မ︀် ꩬ︀ူးꩫ︀ႆ︀ႇၵ︀ဝ်တ︀င︀်းမ︀ိူင︀်းꩭႂ်ႛꩬ︀ီ က︀ူꩫ︀်းက︀ူႈက︀ူဝ်ႇမ︀ႆ︀ႛ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ပ︀ꩫ︀်ႈꩭႂ်ႛꩫ︀ႆ︀ႇ။

က︀ေႃရ︀ိꩫ︀်တ︀ု ႑ 15:10

ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ င︀ႆ︀ႚက︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀မ︀်။ က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩭႂ်ႛပ︀ူဝ်းမ︀ဝ်ၵ︀ွတ︀်ꩫ︀ႆ︀ၢႈꩫ︀ႆ︀ႇ တ︀မ︀ၢꩫ︀်ꩡ︀ဝ်ႛတ︀င︀်းမ︀ိူင︀်းမ︀ႆ︀ႛꩬ︀ႃꩬ︀ီ က︀ဝ်ႈꩬ︀ေႈꩡ︀ႃႉမ︀ႃးဢ︀ူ။ င︀ႆ︀းꩫ︀က︀ေႃႇ ဢ︀မ︀ႂ်းယ︀ႃႇ ဢ︀ꩫ︀်ႈက︀ဝ်ႈꩬ︀ေႈꩡ︀ႃႉꩵ︀ႈꩡ︀ႂ်ႈ။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ꩭီတ︀်ဢ︀မ︀ူးဢ︀ူꩫ︀ႆ︀ႇ။

က︀ေႃရ︀ိꩫ︀်တ︀ု ႑ 3:5

ꩬ︀ူဝႃႈင︀ႆ︀းက︀ီး ဢ︀ႃပ︀ေႃလ︀ုꩫ︀ꩫ︀ႆ︀ႇၵ︀ꩫ︀်တ︀ႂ်းၸ︀ႂ်ꩫ︀ႆ︀။ ပ︀ေႃလ︀ုꩫ︀ꩫ︀ႆ︀ႇက︀ေႃႇၵ︀ꩫ︀်တ︀ႂ်း ၸ︀ႂ်ꩫ︀ႆ︀။ ꩭၢင︀်းၵ︀ိူဝ်ယ︀ႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩬ︀ူမ︀ႆ︀ႛꩡ︀ွႆ︀ႈဢ︀ဝ်ႈယ︀ုမ︀်ယ︀မ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ၢႈꩬ︀ႃး။ ꩭၢင︀်းၵ︀ိူဝ်ယ︀ႃႇ ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ႂ်ႇꩫ︀ႆ︀ႇ ꩭီတ︀်ꩫ︀ႆ︀ၢႈꩬ︀ႃး။

က︀ေႃရ︀ိꩫ︀်တ︀ု ႑ 4:7

ꩬ︀ူက︀ꩬ︀င︀်က︀ေႃႇ ꩵ︀ႈလ︀ၢက︀်ꩬ︀ႃပ︀ိူꩫ︀်ႈ။ ဢ︀ꩫ︀်ႈꩬ︀ူမ︀ႆ︀ႛယ︀င︀်းꩫ︀ႆ︀ႇတ︀င︀်းမ︀ိူင︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႆ︀ႇꩫ︀ႆ︀ၢႈꩫ︀မ︀်။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭႂ်ႛꩬ︀ီ ꩬ︀ူꩫ︀ႆ︀ႛꩫ︀ႆ︀ႇ က︀ꩬ︀င︀်က︀ေႃႇ ꩵ︀ႈယ︀င︀်း။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ က︀မ︀်ႇလ︀ွင︀်ႛက︀ꩫ︀်ႈꩫ︀ႆ︀ႇ။

က︀လ︀ႃတ︀ိ 1:1

က︀ဝ်ႈပ︀ေႃလ︀ု ၸ︀ူႛပ︀ီꩫ︀်ႈဢ︀ꩫ︀်ႈက︀ူꩫ︀်းလ︀ိူက︀်ႉတ︀ၢင︀်ပ︀ွႆ︀ꩡ︀ႂ်ႇမ︀ဝ်ꩡ︀ႂ်ႈ၊ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩭွင︀်ႇꩬ︀ီ ပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀ႆ︀ႇ ꩬ︀ူꩡ︀ဝ်ႛꩡ︀ိူဝ်းတ︀ိူင︀်းက︀လ︀ႃတ︀ိꩫ︀ႆ︀ႇၵ︀ဝ်မ︀ႆ︀ႛ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

ဢ︀ေၸ︀ႅတ︀် 1:1

ꩬ︀ူꩡ︀ဝ်ႛက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ူဝီင︀်းဢ︀ေၸ︀ႅတ︀် ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩬ︀ီဢ︀ူꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈပ︀ေႃလ︀ု တ︀မ︀ၢꩫ︀်ꩡ︀ဝ်ႛꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႑ 2:7

င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛက︀ႃꩭူဝ်းꩬ︀ွꩫ︀်က︀ွတ︀်ꩫ︀ꩬ︀ီ က︀ဝ်ႈမ︀ႆ︀ႛ လ︀ိူက︀်ႉဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀မ︀်။ ဢ︀ꩫ︀်ႈꩫ︀ႆ︀ႇၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀မ︀်။ က︀ဝ်ႈꩵ︀ႈၸ︀ႅတ︀်ႉ။

ယ︀ႃက︀ု 1:17

ꩬ︀ူးက︀ျေးꩡ︀ူးဢ︀ꩫ︀်ႈꩫ︀ီႈ ဢ︀ꩫ︀်ႈတ︀ီမ︀်ႈက︀ုမ︀်က︀ႃႈꩫ︀င︀်ယ︀င︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛမ︀ႃးꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈက︀ၢင︀်ႈဝꩫ︀်း၊ ꩫ︀ိူꩫ︀်ႈ၊ ꩫ︀ၢဝ်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀ႆ︀ႇꩫ︀မ︀် ပ︀ူင︀်ႈꩭႂ်ႛမ︀ႃးꩫ︀ႆ︀ႇ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်က︀ၢင︀်ႈဝꩫ︀်း၊ ꩫ︀ိူꩫ︀်ႈ၊ ꩫ︀ၢဝ်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ မ︀ိူဝ်ႈလ︀ႂ်ႈက︀ေႃႇ ꩵ︀ႈလ︀ွက︀်ႉꩵ︀ႈလ︀ၢႆ︀ႈ။ က︀ꩬ︀င︀်မ︀ႆ︀ႛက︀ေႃႇ ꩭႂ်ႛပ︀ူဝ်းꩫ︀မ︀်ႈꩬ︀ိင︀်ꩫ︀ႆ︀ႇ ꩵ︀ႈꩭူမ︀်ႛꩵ︀ႈလ︀ၢပ︀်ႉ။