ယ︀ေႃးꩭၢꩫ︀် 3:2 - Khamti Shan

² မ︀ꩫ︀်းယ︀ႃႇ ၵ︀မ︀်ႈလ︀ိူင︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ မ︀ႃးꩬ︀ီ “ꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ꩬ︀ြႃဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ တ︀ူႈၵ︀ႃႛတ︀င︀်းမ︀ိူင︀်းတ︀ွင︀်းတ︀ီၵ︀ႃႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးꩫ︀ိမ︀ိက︀်ႉ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈမ︀ႂ်းꩡ︀ဝ်ႛꩭီတ︀်ꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်လ︀ွေႛက︀ီး ၸ︀ႂ်က︀ေႃႇꩭီတ︀်ꩵ︀ႈꩫ︀ႆ︀ႛတ︀ီၵ︀ႃႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 3:2 ပူးပေါင်းရင်းမြစ်များ

မ︀တ︀်တ︀ႄး 22:16

ယ︀ဝ်ႇက︀ီး တ︀ပ︀ေးၵ︀ဝ်က︀မ︀်ႈၸ︀ွင︀်းင︀ႆ︀း က︀ူꩫ︀်းက︀ုမ︀်ႛꩭေရ︀ုတ︀်ၵ︀ဝ်က︀မ︀်ႈၸ︀ွင︀်းမ︀ႆ︀ႛပ︀ွႆ︀ꩡ︀ႂ်ႇဢ︀ူ။ ၵ︀ဝ်က︀ေႃႇꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ “ꩡ︀ဝ်ႛꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ၢႆ︀ႈꩫ︀မ︀်ဝႃႈꩫ︀ႆ︀ႇ။ ꩫ︀ႃႛက︀ူꩫ︀်းမ︀ႆ︀ႛမ︀ဝ်ꩫ︀ူႈ၊ မ︀ဝ်က︀ူဝ်ႈမ︀ဝ်ꩬ︀ွင︀်ꩬ︀ီ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈꩫ︀ၢႆ︀ႈꩬ︀ိုင︀် ꩬ︀ွꩫ︀်ꩭႂ်ႛဢ︀ူꩫ︀မ︀်ꩫ︀ꩫ︀ႆ︀ႇ တ︀ူႈတ︀ွင︀်းဢ︀ူ။

မ︀တ︀်တ︀ႄး 23:7

ၵ︀ဝ်က︀ႃက︀တ︀်က︀ီးက︀ေႃႇ ၵ︀ဝ်မ︀ႆ︀ႛက︀ူꩫ︀်းꩫ︀ႆ︀ႇၵ︀ဝ် ꩫ︀ၢပ︀်ႉꩰယ︀မ︀်ႈꩰꩬ︀ီၵ︀ႂ်ႈꩭႂ်ႛတ︀ၢꩫ︀်ႛဢ︀ူ။ ၵ︀ဝ်မ︀ႆ︀ႛ ꩬ︀ြႃ ꩬ︀ြႃꩫ︀ꩬ︀ီက︀ေႃႇ ၵ︀ႂ်ႈꩭႂ်ႛꩭွင︀်ႇလ︀ူင︀်ꩫ︀မ︀်။

မ︀တ︀်တ︀ႄး 23:8

ꩬ︀ူမ︀ႆ︀ႛယ︀ႃႇ ꩬ︀ြႃ ꩬ︀ြႃꩫ︀ꩬ︀ီ ပ︀ီၵ︀ႂ်ႈꩭႂ်ႛꩭွင︀်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူတ︀င︀်းလ︀ုင︀်ပ︀ီꩫ︀်ႈပ︀ီႈꩫ︀ွင︀်ႇက︀ꩫ︀်ႈꩬ︀ီ ပ︀ၢꩫ︀်ႈက︀ꩫ︀်ႈꩫ︀မ︀်။ ꩬ︀ူမ︀ႆ︀ႛꩬ︀ြႃပ︀ႃးလ︀ိဝ်ႈꩫ︀ႆ︀ၢႈꩫ︀မ︀်ယ︀င︀်းꩫ︀ႆ︀ႇ။

ယ︀ေႃးꩭၢꩫ︀် 1:38

ꩡ︀ဝ်ႛယ︀ေꩬ︀ုဝိꩫ︀်လ︀ႅမ︀်းꩬ︀ီ ꩬ︀ွင︀်ၵ︀ႃမ︀ႆ︀ႛꩭꩫ︀်က︀ီး “ꩬ︀ွင︀်ၵ︀ိူဝ်က︀ꩬ︀င︀်ꩫ︀ႆ︀ၵ︀ႂ်ႈꩫ︀ႆ︀ႛꩫ︀ႆ︀ႇ” ꩫ︀ꩬ︀ီထၢမ︀်ဢ︀ူ။ ꩬ︀ွင︀်ၵ︀ႃယ︀ႃႇ “ꩬ︀ြႃꩴ︀း မ︀ႂ်းꩡ︀ဝ်ႛဢ︀မ︀ႆ︀ႚꩫ︀ႆ︀ဢ︀ူတ︀ီၵ︀ႃႛꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 10:38

ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈꩭီတ︀်က︀ီး က︀ဝ်ႈမ︀ႆ︀ႛမ︀ဝ်ယ︀ုမ︀်ꩫ︀က︀ေႃႇ ဢ︀ꩫ︀်ႈက︀ဝ်ႈꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ယ︀ုမ︀်တ︀ႃႉ။ င︀ႆ︀းက︀ီးꩬ︀ိုင︀် ပ︀ူဝ်က︀ဝ်ႈယ︀ႃႇ က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ꩭူမ︀်ႈၵ︀ိင︀်းꩬ︀ီဢ︀ူꩫ︀က︀ꩫ︀်ႈ က︀ဝ်ႈက︀ေႃႇ က︀ꩫ︀်ႛꩫ︀ႂ်းပ︀ူဝ်က︀ဝ်ႈမ︀ႆ︀ႛ ꩭူမ︀်ႈဢ︀ူꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩬ︀ူတ︀ီတ︀ွင︀်းမ︀ႃးꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 12:37

ပ︀ၢင︀်ႈꩫ︀ႃႛၵ︀ဝ်မ︀ႆ︀ႛ ꩡ︀ဝ်ႛယ︀ေꩬ︀ု လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ꩭီတ︀်မ︀ႃးꩫ︀က︀ေႃႇ ၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩵ︀ႈယ︀ုမ︀်ယ︀မ︀်ႈ။

ယ︀ေႃးꩭၢꩫ︀် 14:10

ၸ︀ိလ︀ိပ︀်ꩴ︀း က︀ꩫ︀်ႛꩫ︀ႂ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ဝ်ႈယ︀င︀်းꩫ︀က︀ꩫ︀်ႈ က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းဢ︀ူ။ မ︀ႂ်းမ︀ဝ်ယ︀ုမ︀်က︀ျႃး။ ၵ︀ၢမ︀်းဢ︀ꩫ︀်ႈက︀ဝ်ႈဝႃႈꩫ︀ႆ︀ႇ လ︀ုက︀်ႉက︀ဝ်ႈမ︀ႆ︀ႛဢ︀ွက︀်မ︀ႃးꩵ︀ႈꩡ︀ႂ်ႈ၊ လ︀ုက︀်ႉပ︀ူဝ်က︀ဝ်ႈ ဢ︀ꩫ︀်ႈတ︀င︀်းက︀ဝ်ႈၵ︀ိင︀်းꩬ︀ီဢ︀ူမ︀ႆ︀ႛꩫ︀မ︀်မ︀ႃးꩫ︀ႆ︀ႇ။

ယ︀ေႃးꩭၢꩫ︀် 15:24

ꩬ︀င︀်ဝႃႈ ဝူင︀်ႈက︀ၢင︀်ႈၵ︀ဝ်မ︀ႆ︀ႛ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းဢ︀ꩫ︀်ႈၸ︀ႂ်က︀ေႃႇ ꩭီတ︀်မ︀ဝ်ပ︀ီꩫ︀်ႈꩫ︀ႆ︀ႇၵ︀ဝ် က︀ဝ်ႈမ︀ဝ်ꩭီတ︀်မ︀ႃးက︀ီး ၵ︀ဝ်မ︀ႆ︀ႛဢ︀ပ︀ႅတ︀်ႉꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ဢ︀ꩫ︀်ႈက︀ဝ်ႈꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ၵ︀ဝ်ꩭꩫ︀်ꩬ︀ီက︀ဝ်ႈမ︀ႆ︀ႛတ︀မ︀ိူင︀်း ပ︀ူဝ်က︀ဝ်ႈမ︀ႆ︀ႛတ︀မ︀ိူင︀်းꩡ︀င︀်းဢ︀ူ။

ယ︀ေႃးꩭၢꩫ︀် 2:11

ဢ︀ꩫ︀်ႈꩫ︀ႆ︀ႇယ︀ႃႇ လ︀ႆ︀ၢးꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈꩡ︀ဝ်ႛယ︀ေꩬ︀ု ဢ︀ွꩫ︀်ႈတ︀ၢင︀်းလ︀ေႚလ︀ေႚꩭီတ︀် ꩬ︀ီ ပ︀ျႃးမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။ လ︀ွင︀်ႈꩫ︀ႆ︀ႇ တ︀ိူင︀်းက︀ႃလ︀ိလ︀ႄ၊ ဝီင︀်းက︀ႃꩫ︀မ︀ႆ︀ႛꩫ︀မ︀် မ︀ꩫ︀်းꩡ︀ဝ်ႛꩭီတ︀်ပ︀ျႃးမ︀ႃးꩫ︀ႆ︀ႇ။ င︀ႆ︀းꩫ︀ႆ︀ႇꩬ︀ီ တ︀ပ︀ေးꩡ︀ဝ်ႛၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။

ယ︀ေႃးꩭၢꩫ︀် 20:16

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “မ︀ေရ︀ီ” ꩫ︀ꩬ︀ီꩭွင︀်ႇၵ︀ွတ︀်က︀ီး မ︀ေရ︀ီက︀ေႃႇ “ရ︀ပ︀်ပ︀ုꩫ︀ိ” ꩫ︀ꩬ︀ီ ဢ︀ဝ်ႈၵ︀ၢမ︀်းက︀ျူးတ︀ွပ︀်ဢ︀ူ။ ရ︀ပ︀်ပ︀ုꩫ︀ိꩫ︀ꩫ︀ႆ︀ႇယ︀ႃႇ ꩡ︀ဝ်ႛꩬ︀ြႃꩫ︀ꩫ︀မ︀်။

ယ︀ေႃးꩭၢꩫ︀် 3:26

င︀ႆ︀းꩬ︀ီ ၸ︀ူႛတ︀ပ︀ေးၵ︀ဝ်ယ︀ႃႇ ꩬ︀ြႃယ︀ေႃးꩭၢꩫ︀်မ︀ႆ︀ႛမ︀ႃးꩬ︀ီ “ꩬ︀ြႃꩴ︀း က︀ူဝ်ႇဢ︀ꩫ︀်ႈဝꩫ︀်းဢ︀ွက︀်ꩫ︀မ︀်ႇယ︀ေႃတ︀ၢꩫ︀်မ︀ႆ︀ႛ မ︀ႂ်းꩡ︀ဝ်ႛမ︀ႆ︀ႛမ︀ႃးꩬ︀ီ၊ မ︀ႂ်းꩡ︀ဝ်ႛက︀ေႃႇ လ︀ွင︀်ႈမ︀ꩫ︀်းꩭီတ︀်ꩬ︀ၢက︀်ႉꩬ︀ေꩫ︀ႆ︀ႇ င︀ႆ︀ႚမ︀ꩫ︀်းၸ︀ူႛꩡ︀ဝ်ႛက︀ေႃႇ ꩭႂ်ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩬ︀ီဢ︀ူဢ︀ူ။ က︀ူꩫ︀်းꩫ︀ႆ︀ႇၵ︀ဝ်က︀ေႃႇ မ︀ꩫ︀်းမ︀ႆ︀ႛ လ︀ႆ︀က︀ႃက︀ꩫ︀်ႈတ︀ီၵ︀ႃႛဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 4:31

ဝူင︀်ႈဢ︀မ︀ႂ်းမ︀ႆ︀ႛ တ︀ပ︀ေးꩡ︀ဝ်ႛၵ︀ဝ်ယ︀ႃႇ “ꩬ︀ြႃꩴ︀း ဢ︀ꩫ︀်ႈက︀ိꩫ︀်ႈꩬ︀ုင︀်းတ︀ီၵ︀ႃႛမ︀လ︀ႃး” ꩫ︀ꩬ︀ီမ︀ꩫ︀်းꩡ︀ဝ်ႛမ︀ႆ︀ႛ ꩬ︀ွက︀်ႉက︀ꩫ︀်ႈဢ︀ူ။

ယ︀ေႃးꩭၢꩫ︀် 5:36

ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈ ꩬ︀ြႃယ︀ေႃးꩭၢꩫ︀်ဝႃႈမ︀ႆ︀ႛယ︀ႂ်ꩬ︀ႃꩫ︀ႆ︀ႇ ယ︀င︀်းဢ︀ူ။ ဢ︀ꩫ︀်ႈင︀ႆ︀ႚက︀ဝ်ႈꩭီတ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ဝ်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉꩭႂ်ႛꩫ︀ႆ︀ႇၵ︀ဝ်ꩫ︀မ︀်။ ဢ︀မ︀ႂ်းၵ︀ဝ်ယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈ က︀ဝ်ႈမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 6:2

ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ ဢ︀ဝ်ႈလ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ဝ်ႈꩫ︀ီႈꩭႂ်ႛꩫ︀ႆ︀ႇမ︀ႆ︀ႛ ꩭꩫ︀်မ︀ႃးꩬ︀ီ က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွမ︀်းက︀ꩫ︀်ႈဢ︀ူ။

ယ︀ေႃးꩭၢꩫ︀် 7:31

လ︀ုက︀်ႉၸ︀ုင︀်က︀ူꩫ︀်းမ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀် မ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ႃးက︀ꩫ︀်ႈꩬ︀ီ ၵ︀ဝ်ယ︀ႃႇ “မ︀ိူဝ်ႈꩡ︀ဝ်ႛမ︀ေꩬ︀ိယ︀က︀ျွႃးမ︀ႃးꩫ︀ႆ︀ႇꩫ︀က︀ေႃႇ က︀ူဝ်ႇꩫ︀ႆ︀ႇမ︀ႆ︀ႛဢ︀ဝ်ႈꩬ︀ႃꩬ︀ီ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း တ︀ီꩭီတ︀်ꩵ︀ႈꩡ︀ႂ်ႈ” ꩫ︀ꩬ︀ီဝႃႈက︀ꩫ︀်ႈဢ︀ူ။

ယ︀ေႃးꩭၢꩫ︀် 9:16

ၸ︀ႃရ︀ိꩬ︀ႄက︀မ︀်ႈၸ︀ွင︀်းယ︀ႃႇ “က︀ူဝ်ႇဢ︀မ︀ႂ်း ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျွႃးမ︀ႃးꩵ︀ႈꩡ︀ႂ်ႈ။ မ︀ꩫ︀်းꩬ︀ိꩫ︀်ဝꩫ︀်းက︀မ︀်ႈꩬ︀ိꩫ︀်မ︀ႆ︀ႛ ꩵ︀ႈပ︀ႂ်ႇ” ꩫ︀ဝꩫ︀်ႇ။ ꩫ︀ႆ︀ႇꩫ︀က︀ေႃႇ က︀မ︀်ႈၸ︀ွင︀်းယ︀ႃႇ “ၸ︀ူႛဢ︀ꩫ︀်ႈꩭီတ︀်ဢ︀ပ︀ႅတ︀်ႉယ︀ႃႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭိုဝ်လ︀ိုဝ်က︀ေႃႇꩭီတ︀်ꩵ︀ႈꩫ︀ႆ︀ႛ” ꩫ︀ဝꩫ︀်ႇ။ င︀ႆ︀းꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈ ꩡ︀ႂ်ႈက︀ၢက︀်ႉက︀ႃက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 10:38

ꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ွꩫ︀်မ︀ꩫ︀်းꩡ︀ဝ်ႛꩫ︀ၵ︀ႃ တ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛဢ︀ၢပ︀်ႉꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ိင︀်းလ︀ွေႛꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ူႈတ︀ီႈမ︀ႆ︀ႛပ︀ꩫ︀်လ︀ေင︀ႆ︀း က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭီတ︀်က︀ျေးꩡ︀ူးꩭႂ်ႛမ︀ႃးယ︀ဝ်ႇ။ က︀ူꩫ︀်းဢ︀ꩫ︀်ႈၵ︀ုꩫ︀်ꩬ︀ူင︀်ꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ꩫ︀်းꩡ︀ဝ်ႛဢ︀ဝ်ႈꩫ︀ီႈꩭႂ်ႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 2:22

ပ︀ူဝ်မ︀ေပ︀ီꩫ︀ွင︀်ႇ ဢ︀ီတ︀်ꩬ︀ြေးၵ︀ဝ်ꩴ︀း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭဝ်းမ︀ႆ︀ႛꩭီတ︀်ပ︀ျႃးꩭႂ်ႛမ︀ႃး ယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈꩫ︀ီႈꩫ︀ီႈ တ︀ီၵ︀ႃႛဢ︀ူ။ လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းꩫ︀ီႈꩫ︀ီႈ တ︀ီၵ︀ႃႛဢ︀ူ။

ၸ︀ိလ︀ိပ︀်ပ︀ၢႆ︀ 1:14

ꩫ︀ႆ︀ႇꩬ︀ေႇမ︀ဝ်က︀ႃး လ︀ႆ︀ၢးပ︀ိူဝ်ႈက︀ဝ်ႈတ︀ူက︀်ထွင︀်ꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈက︀ꩫ︀်ႛꩫ︀မ︀်ယ︀ႃႇ ꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ေႈၵ︀ႅꩫ︀်းꩭတ︀်ꩭၢꩫ︀်မ︀ႃးင︀ႆ︀း မ︀ဝ်က︀ူဝ်ႈမ︀ဝ်ꩬ︀ွင︀်ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈဢ︀ေႈၵ︀ႅꩫ︀်းꩭူဝ်းမ︀ႃးက︀ꩫ︀်ႈဢ︀ူ။