ယ︀ေႃးꩭၢꩫ︀် 3:19 - Khamti Shan

¹⁹ လ︀ွင︀်ႈဢ︀ꩫ︀်ႈၵ︀ဝ်မ︀ႆ︀ႛ ပ︀ႅတ︀်ႉတ︀ြႃးꩫ︀ႆ︀ႇယ︀ႃႇ ဢ︀ꩫ︀်ႈလ︀ႅင︀်းꩫ︀ႆ︀ႇ မ︀ိူင︀်းက︀ၢင︀်ႈမ︀ႆ︀ႛ ထိုင︀်မ︀ႃးꩫ︀က︀ေႃႇ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ꩭီတ︀်ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇꩬ︀ီ ဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛꩬ︀ိုင︀် ၵ︀ႅꩫ︀်းထုက︀်ꩡ︀ႂ်ႈက︀ꩫ︀်ႈꩬ︀ီꩫ︀မ︀်။

ယ︀ေႃးꩭၢꩫ︀် 3:19 ပူးပေါင်းရင်းမြစ်များ

လ︀ုက︀ႃ 12:47

ၸ︀ူႛꩫ︀မ︀်းꩫ︀ႂ်းဢ︀ꩫ︀်ႈဢ︀လ︀ၢင︀်းꩡ︀ဝ်ႛꩭိူꩫ︀်း တ︀ွင︀်းꩫ︀က︀ေႃႇ မ︀ဝ်မ︀ေးꩭႅမ︀်းဝႆ︀ႇ၊ မ︀ဝ်ꩭီတ︀်ဢ︀ဝ်ႈယ︀ဝ်ႇဝႆ︀ႇꩫ︀ႆ︀ႇယ︀ႃႇ တ︀ီꩫ︀ႆ︀ႛၵ︀ၢမ︀်တ︀ၢမ︀်လ︀ူင︀်ꩫ︀မ︀်။

လ︀ုက︀ႃ 16:14

ၸ︀ႃရ︀ိꩬ︀ႄဢ︀ꩫ︀်ႈꩭွင︀်င︀ိူꩫ︀်းꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး ꩡ︀ဝ်ႛယ︀ေꩬ︀ုမ︀ႆ︀ႛ ꩭီတ︀်ꩬ︀ွင︀်းၵ︀ူဝ်က︀ꩫ︀်ႈဢ︀ူ။

ယ︀ေႃးꩭၢꩫ︀် 1:4

ၵ︀ၢမ︀်းတ︀ူဝ်ꩡ︀ဝ်ႛဢ︀မ︀ႂ်းယ︀ႃႇ ꩡ︀ဝ်ႛဢ︀ꩬ︀ၢက︀်ႉꩫ︀မ︀်။ ဢ︀ꩬ︀ၢက︀်ႉဢ︀မ︀ႂ်းယ︀ႃႇ ဢ︀ꩫ︀်ႈလ︀ႅင︀်းꩡ︀ႃႇꩭၢင︀်းက︀ူꩫ︀်းꩭဝ်းꩫ︀မ︀်။

ယ︀ေႃးꩭၢꩫ︀် 1:5

ဢ︀ꩫ︀်ႈလ︀ႅင︀်းဢ︀မ︀ႂ်းယ︀ႃႇ ဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ဢ︀ဝ်ႈလ︀ႅင︀်းꩬ︀ီဢ︀ူဢ︀ူ။ ဢ︀ꩫ︀်ႈꩫ︀ပ︀်ꩬ︀ိင︀်ယ︀ႃႇ ဢ︀ꩫ︀်ႈလ︀ႅင︀်းဢ︀မ︀ႂ်းမ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ꩵ︀ႈပ︀ေႇ။

ယ︀ေႃးꩭၢꩫ︀် 12:31

မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ႅတ︀်ႉတ︀ြႃးယ︀ဝ်ႇ။ ၵ︀ုꩫ︀်မ︀ိူင︀်းက︀ၢင︀်ႈမ︀ႆ︀ႛ တ︀ီပ︀ိုဝ်တ︀ူက︀်ၵ︀ွတ︀်ယ︀ဝ်ႇ။

ယ︀ေႃးꩭၢꩫ︀် 12:43

က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛပ︀ူꩫ︀်ႇꩬ︀ီ လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩬ︀င︀် ၵ︀ႅꩫ︀်းၵ︀ႂ်ႈꩫ︀ႆ︀ႛꩫ︀ႃႛꩬ︀ီꩫ︀မ︀်။

ယ︀ေႃးꩭၢꩫ︀် 12:46

ဢ︀ꩫ︀်ႈက︀ႃႈꩡ︀ိုဝ်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛမ︀ဝ်ဢ︀ူꩫ︀ႆ︀ႇ က︀ဝ်ႈယ︀ႃႇ ꩭီတ︀်ဢ︀ꩫ︀်ႈလ︀ႅင︀်းꩬ︀ီ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးမ︀ꩫ︀မ︀်။

ယ︀ေႃးꩭၢꩫ︀် 5:44

ꩬ︀ူယ︀ႃႇ ဢ︀ꩫ︀်ႈက︀ူꩫ︀်းယ︀ူဝ်းယ︀ွင︀်ႛမ︀ႆ︀ႛ ꩭီတ︀်လ︀ႅင︀်ႇလ︀ူင︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ူဝ်းယ︀ွင︀်ႛမ︀ႆ︀ႛယ︀ႃႇ ꩬ︀ူꩵ︀ႈလ︀ႅင︀်ႇ။ င︀ႆ︀းꩬ︀ီꩬ︀ႃး ꩬ︀ူက︀ဝ်ႈမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩫ︀ႆ︀ႇ။

ယ︀ေႃးꩭၢꩫ︀် 7:17

က︀ူဝ်ႇဢ︀ꩫ︀်ႈၵ︀ႂ်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇယ︀ႃႇ ၵ︀ၢမ︀်းဢ︀ꩫ︀်ႈက︀ဝ်ႈဝႃႈꩫ︀ႆ︀ႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛလ︀ႃႊ၊ ၵ︀ၢမ︀်းပ︀ၢင︀်ႈက︀ဝ်ႈꩡ︀ဝ်ႛလ︀ႃႊꩫ︀ꩫ︀ႆ︀ႇ တ︀ီက︀ၢက︀်ႉꩡ︀ၢင︀်ႈꩬ︀ႃး။

ယ︀ေႃးꩭၢꩫ︀် 7:7

ꩬ︀ူမ︀ႆ︀ႛယ︀ႃႇ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ဢ︀ꩫ︀်ႈဝႃႈꩡ︀င︀်းꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇ တ︀ၢင︀်းက︀ႅင︀်းꩭင︀်ႛၵ︀ဝ်မ︀ႆ︀ႛ ပ︀ုတ︀်ၵ︀ႆ︀ႈꩭႂ်ႛꩫ︀ႆ︀ႇꩬ︀ီ က︀ဝ်ႈမ︀ႆ︀ႛယ︀ႃႇၵ︀ဝ်ꩡ︀င︀်းဢ︀ူ။

ယ︀ေႃးꩭၢꩫ︀် 8:12

ဝႆ︀ၢးဢ︀မ︀ႂ်း ꩡ︀ဝ်ႛယ︀ေꩬ︀ုယ︀ႃႇ ၸ︀ႃရ︀ိꩬ︀ႄꩫ︀ႆ︀ႇၵ︀ဝ်မ︀ႆ︀ႛ “က︀ဝ်ႈယ︀ႃႇ ဢ︀ꩫ︀်ႈလ︀ႅင︀်းမ︀ိူင︀်းက︀ၢင︀်ႈꩫ︀မ︀်။ က︀ူဝ်ႇဢ︀ꩫ︀်ႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀ႆ︀ႇ ဢ︀ꩫ︀်ႈလ︀ႅင︀်းဢ︀ꩫ︀်ႈꩡ︀ိုဝ်ႇလ︀ွင︀်ႈပ︀ျႃးတ︀ၢင︀်းပ︀ိူꩫ︀်ႈꩫ︀ႆ︀ႛꩬ︀ီ မ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ꩵ︀ႈက︀ႃ” ꩫ︀ဝꩫ︀်ႇ။

ယ︀ေႃးꩭၢꩫ︀် 9:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈယ︀ႃႇ မ︀ိူဝ်ႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ဢ︀ꩫ︀်ႈလ︀ႅင︀်းမ︀ိူင︀်းက︀ၢင︀်ႈꩫ︀မ︀်။ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭိုဝ်လ︀ိုဝ်ဝႃႈဢ︀ူꩫ︀ꩫ︀ႆ︀ႇ က︀ဝ်ႈပ︀ျႃးတ︀ၢင︀်းꩭႂ်ႛဢ︀ူ” ꩫ︀ဝꩫ︀်ႇ။

ရ︀ေႃမ︀ 1:32

က︀ူꩫ︀်းၸ︀ꩫ︀်းꩫ︀င︀်င︀ႆ︀းꩫ︀ႆ︀ႇၵ︀ဝ်ယ︀ႃႇ တ︀ႆ︀ၢႈထႅက︀်ႉဢ︀ူꩫ︀ꩬ︀ီ က︀ျမ︀်းꩬ︀ိꩫ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇက︀ေႃႇ ၵ︀ဝ်တ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ ၵ︀ဝ်ၸ︀ူႛꩡ︀ဝ်ႛ ꩭီတ︀်ꩫ︀င︀်င︀ႆ︀းတ︀ိက︀်ꩰꩬ︀ေႇမ︀ဝ်က︀ႃး ပ︀ိူꩫ︀်ႈဢ︀ꩫ︀်ႈꩭီတ︀်ꩫ︀င︀်င︀ႆ︀းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ယ︀ူဝ်ႇꩰꩬ︀ူꩫ︀်းꩰꩭႂ်ႛင︀ႆ︀းꩫ︀မ︀်။

ရ︀ေႃမ︀ 2:8

က︀ူꩫ︀်းဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်၊ ဢ︀ꩫ︀်ႈထုက︀်ꩭီတ︀်ꩫ︀ႆ︀ႇမ︀ဝ်ꩭီတ︀်ꩬ︀ီ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈꩬ︀င︀်ꩭီတ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛ တ︀ီတ︀ေႃးꩬ︀ႃးလ︀ူင︀်ꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:12

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈꩬ︀မ︀်မ︀ႃတ︀ြႃးꩡ︀ဝ်ႛယ︀ေꩬ︀ုမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩬ︀ီ ထုက︀်ꩡ︀ႂ်ႈတ︀ၢင︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ူင︀်ႈတ︀ၢမ︀်ဢ︀ပ︀ႅတ︀်ႉက︀ႃꩫ︀မ︀်။

ပ︀ေတ︀ရ︀ု ႑ 2:8

ယ︀ဝ်ႇက︀ီး “ꩭိꩫ︀်ဢ︀မ︀ႂ်းယ︀ႃႇ ꩭိꩫ︀်ဢ︀ꩫ︀်ႈပ︀ိူꩫ︀်ႈမ︀ႆ︀ႛဢ︀ဝ်ႈတ︀ွင︀်ႛ ဢ︀ဝ်ႈလ︀ူမ︀်ႇꩫ︀မ︀်” ꩫ︀က︀ေႃႇဝႃႈဝႆ︀ႇဢ︀ူ။ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇၵ︀ဝ်ယ︀ႃႇꩭိꩫ︀်ဢ︀မ︀ႂ်းမ︀ႆ︀ႛ တ︀ွင︀်ႛလ︀ူမ︀်ႇက︀ꩫ︀်ႈဢ︀ူ။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇၵ︀ဝ်ꩬ︀ၢင︀်ဝႆ︀ႇꩫ︀ႆ︀ႇꩫ︀မ︀်။

ပ︀ေတ︀ရ︀ု ႒ 3:3

ဢ︀ꩫ︀်ႈꩬ︀ူမ︀ႆ︀ႛꩭီတ︀်ဢ︀ၵ︀ႅက︀်ႉꩬ︀ီ ၵ︀ႂ်ႈꩭႂ်ႛတ︀ွင︀်းꩫ︀ႆ︀ႇယ︀ႃႇ က︀ၢပ︀်ႉပ︀ႆ︀ၢႈꩭၢင︀်မ︀ႆ︀ႛ က︀ူꩫ︀်းဢ︀ꩫ︀်ႈꩡ︀ွမ︀်းꩡ︀ႂ်ႈꩫ︀ိပ︀်ꩡ︀ႂ်ႈၵ︀ိဝ်ꩫ︀ႆ︀ၢႈꩫ︀ႆ︀ႇၵ︀ဝ် ဢ︀ွက︀်မ︀ႃးꩬ︀ီ ꩬ︀ူမ︀ႆ︀ႛတ︀ီꩭီတ︀်ꩬ︀ွင︀်းၸ︀ိူက︀်ႉက︀ꩫ︀်ႈꩫ︀မ︀်။