9 ၵ︀ဝ်လ︀ုက︀်ႉꩭိူဝ်းမ︀ႆ︀ႛလ︀ူင︀်းမ︀ႃးက︀ီး ၵ︀ဝ်ႛမ︀ုꩫ︀်းꩫ︀ႆ︀ႇၵ︀ဝ်င︀ႆ︀း ပ︀ႃႈဢ︀ꩫ︀်ႈထၢꩫ︀်ၸ︀ႆ︀းမ︀ႆ︀ႛလ︀ၢင︀်က︀ႃဝႆ︀ႇꩫ︀ႆ︀ႇၵ︀ဝ်မ︀ႆ︀ႛꩭꩫ︀်ဢ︀ူ။
ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ူင︀်ꩫ︀ႆ︀ႇဢ︀ွက︀်က︀ႃꩬ︀ီ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ မ︀ႃးမ︀ိုင︀်ႇꩭႂ်ႛက︀ꩫ︀်ႈဢ︀ူ။
ၵ︀ဝ်က︀မ︀်ႈၸ︀ွင︀်းယ︀ႃႇ လ︀ုက︀်ႉတ︀ီႈက︀ႆ︀ႈမ︀ႆ︀ႛꩫ︀မ︀်မ︀ႃးꩫ︀ႆ︀ႇ။ ၵ︀ဝ်မ︀ႆ︀ႛမ︀ဝ်လ︀ီင︀်ႇမ︀ဝ်ဢ︀ွႆ︀ꩬ︀ီ ꩭႂ်ႛမ︀ိူဝ်းက︀ီး င︀ႆ︀ႚၵ︀ူꩫ︀်တ︀ၢင︀်းမ︀ႆ︀ႛ မ︀ွႆ︀ႈꩬ︀ီ လ︀ူမ︀်ႇက︀ꩫ︀်ႈဢ︀ူ” ꩫ︀ဝꩫ︀်ႇ။
မ︀ိူဝ်ႈဢ︀မ︀ႂ်းꩫ︀ၢဝ်ꩬ︀ီ ၸ︀ူႛꩡ︀ႂ်ႇꩫ︀ႆ︀ႇၵ︀ဝ်၊ ၸ︀ူႛပ︀ႂ်ႇꩡ︀ွင︀်းၿိက︀်ႉမ︀ၢꩫ︀်ꩫ︀ႆ︀ႇၵ︀ဝ်ယ︀ႃႇ ꩬ︀ဝ်းက︀ꩫ︀်ႈꩬ︀ီဢ︀ွမ︀်ၸ︀ႆ︀းဢ︀ူ။ ပ︀ေတ︀ရ︀ုက︀ေႃႇ တ︀င︀်းၵ︀ဝ်ꩬ︀ဝ်းꩬ︀ီဢ︀ွမ︀်ၸ︀ႆ︀းဢ︀ူ။
ꩡ︀ဝ်ႛယ︀ေꩬ︀ုယ︀ႃႇ “ပ︀ႃႈဢ︀ꩫ︀်ႈင︀ႆ︀ႚꩬ︀ူꩫ︀ႆ︀ႛꩫ︀ႆ︀ႇ က︀မ︀်ႈၸ︀ွင︀်းဢ︀ဝ်ႈမ︀ႃးလ︀ႃး” ꩫ︀ဝꩫ︀်ႇ။
ꩡ︀ဝ်ႛယ︀ေꩬ︀ုက︀ေႃႇ ၵ︀ဝ်မ︀ႆ︀ႛမ︀ႃးꩬ︀ီ ၵ︀ဝ်ႛမ︀ုꩫ︀်းꩫ︀ၵ︀ႃပ︀ႃႈꩡ︀ီꩭႂ်ႛဢ︀ူ။
ꩭိူဝ်းၵ︀ဝ်ယ︀ႃႇ လ︀ုက︀်ႉၸ︀င︀်မ︀ႆ︀ႛၵ︀ꩫ︀်ꩭႃႛꩬ︀ိပ︀်ဝႃးꩫ︀ႆ︀ၢႈꩫ︀မ︀်က︀ႆ︀ႈꩫ︀ႆ︀ႇ။ င︀ႆ︀းꩬ︀ီ တ︀ပ︀ေးꩡ︀ဝ်ႛတ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ ꩭိူဝ်းမ︀ႆ︀ႛဢ︀ူꩬ︀ီ ၵ︀ေဢ︀ꩫ︀်ႈပ︀ႃႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀ႆ︀ႇꩡ︀ꩫ︀်ႈတ︀ိတ︀်ႉꩬ︀ီ င︀ွꩫ︀်းမ︀ႆ︀ႛဢ︀ဝ်ႈမ︀ႃးဢ︀ူ။
ယ︀ဝ်ႇက︀ီး ꩡ︀ဝ်ႛယ︀ေꩬ︀ု ၵ︀ဝ်ႛမ︀ုꩫ︀်းဢ︀မ︀ႂ်းဢ︀ဝ်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ူဝ်းယ︀ွင︀်ႛယ︀ဝ်ႇက︀ီး တ︀ပ︀ေးꩡ︀ဝ်ႛၵ︀ဝ်မ︀ႆ︀ႛꩭႂ်ႛꩬ︀ီ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭႂ်ႛပ︀ꩫ︀်ႈဢ︀ူ။ ပ︀ႃႈဢ︀မ︀ႂ်းက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈꩭီတ︀်ꩬ︀ီ ꩭႂ်ႛပ︀ꩫ︀်ႈဢ︀ူ။ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ က︀ိꩫ︀်ႈဢ︀ိမ︀်ꩰတ︀ီမ︀်ႈꩰက︀ꩫ︀်ႈဢ︀ူ။
“ꩡ︀ဝ်ႛꩴ︀း ꩶ︀းမ︀ႆ︀ႛꩡ︀ႆ︀ၢးဢ︀ွꩫ︀်က︀ူဝ်ႇလ︀ိူင︀်ႈမ︀ႆ︀ႛ ၵ︀ဝ်ႛမ︀ုꩫ︀်းꩭႃႛၵ︀ႅပ︀်င︀ႆ︀း ပ︀ႃႈꩬ︀ွင︀်တ︀ူဝ်ႈယ︀င︀်းတ︀ီၵ︀ႃႛဢ︀ူ။ ဢ︀ဝ်ႈဢ︀ꩫ︀်ႈꩫ︀ႆ︀ႇꩫ︀ႆ︀ၢႈꩬ︀လ︀ႂ်ႈ ၸ︀ုင︀်က︀ူꩫ︀်းလ︀ူင︀်ꩫ︀ႆ︀ႇမ︀ႆ︀ႛ ꩭိုဝ်လ︀ိုဝ်က︀ေႃႇ လ︀ီင︀်ႇꩵ︀ႈꩫ︀ႆ︀ႛတ︀ီၵ︀ႃႛ” ꩫ︀ꩬ︀ီꩬ︀ွက︀်ႉဢ︀ူ။