ယ︀ေႃးꩭၢꩫ︀် 21:17 - Khamti Shan

¹⁷ တ︀ၢင︀်ꩬ︀ၢမ︀်ပ︀ၢꩫ︀်ႈ “ꩬ︀ႅင︀်မ︀ုꩫ︀်ၸ︀ူႛလ︀ုက︀်ႉယ︀ေႃးꩭၢꩫ︀်ꩴ︀း မ︀ႂ်း က︀ဝ်ႈမ︀ႆ︀ႛꩭၢက︀်ႉဢ︀ေႃး” ꩫ︀ꩬ︀ီမ︀ꩫ︀်းꩡ︀ဝ်ႛထၢမ︀်ဢ︀ူ။ င︀ႆ︀းꩬ︀ီ တ︀ၢင︀်ꩬ︀ၢမ︀်ပ︀ၢꩫ︀်ႈပ︀ုꩫ︀်ႛထၢမ︀်မ︀ႃးက︀ီး ပ︀ေတ︀ရ︀ုꩡ︀ႂ်ႈꩬ︀ဝ်ႛမ︀ႃးꩬ︀ီ “ꩡ︀ဝ်ႛꩴ︀း မ︀ႂ်းꩡ︀ဝ်ႛတ︀င︀်းမ︀ိူင︀်းတ︀ွင︀်းတ︀ီၵ︀ႃႛဢ︀ူ။ ꩡ︀ဝ်ႛမ︀ႆ︀ႛက︀ဝ်ႈၵ︀ႃႛꩭၢက︀်ႉꩫ︀ႆ︀ႇ ꩡ︀ဝ်ႛတ︀ွင︀်းတ︀ီၵ︀ႃႛဢ︀ူ” ꩫ︀ဝꩫ︀်ႇ။ ꩡ︀ဝ်ႛယ︀ေꩬ︀ုက︀ေႃႇ “ပ︀ူႇက︀ဝ်ႈၵ︀ဝ်မ︀ႆ︀ႛမ︀ိုင︀်ႇတ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 21:17 ပူးပေါင်းရင်းမြစ်များ

မ︀တ︀်တ︀ႄး 25:40

မ︀ိူဝ်ႈဢ︀မ︀ႂ်းက︀ဝ်ႈယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ တ︀ပ︀ေးက︀ဝ်ႈဢ︀ꩫ︀်ႈꩫ︀ႃႛလ︀ီက︀်ႉꩫ︀ႃႛယ︀ႂ်မ︀ဝ်ဝႃႈ ၸ︀ႂ်မ︀ႆ︀ႛꩫ︀က︀ေႃႇ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛꩭီတ︀်ꩭႂ်ႛမ︀ႃးꩫ︀မ︀်” ꩫ︀ꩬ︀ီတ︀ီဝႃႈꩫ︀မ︀်။

မ︀ႃက︀ု 14:72

မ︀ိူဝ်ႈဢ︀မ︀ႂ်း က︀ꩡ︀ူးꩭႃတ︀ုတ︀ိယ︀ က︀ႆ︀ၵ︀ꩫ︀်မ︀ႃးဢ︀ူ။ လ︀ꩭႃꩫ︀ႆ︀ႇ ပ︀ေတ︀ရ︀ုယ︀ႃႇ “ꩡ︀ူဝ်ႈက︀ႃႈက︀ႆ︀ꩬ︀ွင︀်ပ︀ၢꩫ︀်ႈမ︀ဝ်ၵ︀ꩫ︀်ꩫ︀ႆ︀ႇ မ︀ႂ်းက︀ဝ်ႈမ︀ႆ︀ႛ ꩵ︀ႈတ︀ွင︀်းꩫ︀ꩬ︀ီ ꩬ︀ၢမ︀်ပ︀ၢꩫ︀်ႈတ︀ီင︀်ႈꩰတ︀ီဝႃႈꩫ︀မ︀်” ꩫ︀ꩬ︀ီ ၵ︀ၢမ︀်းဢ︀ꩫ︀်ႈꩡ︀ဝ်ႛယ︀ေꩬ︀ုဝႃႈဝႆ︀ႇꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈမ︀ႃးꩬ︀ီꩭႆ︀ႛဢ︀ူ။

ယ︀ေႃးꩭၢꩫ︀် 12:8

ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈလ︀ႂ်ႈက︀ေႃႇတ︀ႆ︀ၢႛꩬ︀ူမ︀ႆ︀ႛယ︀င︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇတ︀င︀်းꩬ︀ူ မ︀ိူဝ်ႈလ︀ႂ်ႈက︀ေႃႇ တ︀ီဢ︀ူက︀ꩫ︀်ႈꩬ︀ူꩵ︀ႈꩡ︀ႂ်ႈ” ꩫ︀ဝꩫ︀်ႇ။

ယ︀ေႃးꩭၢꩫ︀် 13:38

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “ꩫ︀င︀်မ︀ႂ်းꩫ︀ႃႊ ꩡ︀ႃႇက︀ဝ်ႈတ︀ီတ︀ႆ︀ၢႈ၊ ꩡ︀ႂ်ႈဢ︀ူလ︀ႃႊ။ ꩡ︀ူဝ်ႈက︀ႃႈမ︀ိူဝ်ႈꩭုက︀်ႉက︀ၢင︀်ႈလ︀ႂ် က︀ႆ︀ꩵ︀ႈပ︀ႆ︀ၵ︀ꩫ︀်ꩫ︀ႆ︀ႇ မ︀ႂ်းက︀ဝ်ႈမ︀ႆ︀ႛꩵ︀ႈတ︀ွင︀်းꩫ︀ꩬ︀ီတ︀မ︀ိူင︀်း ꩬ︀ၢမ︀်ပ︀ၢꩫ︀်ႈတ︀ီဝႃႈꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 14:15

ꩬ︀ူက︀ဝ်ႈမ︀ႆ︀ႛꩭၢက︀်ႉက︀ီး ၵ︀ၢမ︀်းဢ︀ꩫ︀်ႈက︀ဝ်ႈꩬ︀င︀်ꩬ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈတ︀ႃႉ။

ယ︀ေႃးꩭၢꩫ︀် 15:10

ꩭႂ်ႛပ︀ူဝ်းက︀ဝ်ႈမ︀ႆ︀ႛ ပ︀ူဝ်က︀ဝ်ႈꩭၢက︀်ႉꩬ︀ီဢ︀ူꩫ︀ႆ︀ႇ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ က︀ဝ်ႈထွမ︀်ꩡ︀ွမ︀်းꩬ︀ီဢ︀ူꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းꩬ︀ူမ︀ႆ︀ႛက︀ဝ်ႈꩭၢက︀်ႉꩬ︀ီဢ︀ူꩫ︀ႆ︀ႇ ၵ︀ၢမ︀်းက︀ဝ်ႈထွမ︀်ꩡ︀ွမ︀်းꩬ︀ီဢ︀ူတ︀ႃႉ။

ယ︀ေႃးꩭၢꩫ︀် 16:30

မ︀ႂ်းꩡ︀ဝ်ႛတ︀င︀်းမ︀ိူင︀်းတ︀ွင︀်းဢ︀ူꩫ︀ꩫ︀ႆ︀ႇ တ︀ူႈၵ︀ႃႛတ︀ွင︀်းတ︀ီၵ︀ႃႛယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ႂ်းꩡ︀ဝ်ႛမ︀ႆ︀ႛက︀ꩬ︀င︀်က︀ေႃႇ ꩵ︀ႈဝႃႈထၢမ︀်ယ︀ဝ်ႇ။ မ︀ႂ်းꩡ︀ဝ်ႛꩫ︀ႆ︀ႇ လ︀ုက︀်ႉပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀မ︀်ꩫ︀ꩫ︀ႆ︀ႇ တ︀ူႈၵ︀ႃႛယ︀ုမ︀်ယ︀မ︀်ႈတ︀ီၵ︀ႃႛယ︀ဝ်ႇ” ꩫ︀ꩬ︀ီꩬ︀ွက︀်ႉဢ︀ူ။

ယ︀ေႃးꩭၢꩫ︀် 18:27

ပ︀ေတ︀ရ︀ုက︀ေႃႇ “ꩵ︀ႈꩶ︀ႚ၊ က︀ဝ်ႈꩵ︀ႈꩡ︀ႂ်ႈ” ꩫ︀ꩬ︀ီထီင︀်ပ︀ွက︀်ႉဢ︀ူ။ ဢ︀မ︀ႂ်းမ︀ႆ︀ႛက︀ꩡ︀ူး က︀ႆ︀ၵ︀ꩫ︀်မ︀ႃးဢ︀ူ။

ယ︀ေႃးꩭၢꩫ︀် 18:4

ꩡ︀ဝ်ႛယ︀ေꩬ︀ုယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛတ︀ီပ︀ီꩫ︀်ႈမ︀ႃးꩫ︀ႆ︀ႇၵ︀ဝ် တ︀င︀်းမ︀ိူင︀်းမ︀ႆ︀ႛတ︀ွင︀်းယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်မ︀ႆ︀ႛက︀ႃင︀ႆ︀း “ꩬ︀ူၸ︀ႂ်မ︀ႆ︀ႛꩫ︀ႆ︀ၵ︀ႃꩫ︀ႆ︀ႇ” ꩫ︀ꩬ︀ီထၢမ︀်ဢ︀ူ။

ယ︀ေႃးꩭၢꩫ︀် 21:18

က︀ဝ်ႈꩬ︀ိုဝ်ႈꩰဝႃႈက︀ွတ︀်။ မ︀ႂ်း မ︀ိူဝ်ႈꩫ︀ုမ︀်ꩫ︀ႆ︀ႇ ဢ︀မ︀ႆ︀ႚၵ︀ႂ်ႈက︀ႃက︀ေႃႇ က︀ꩡ︀ူးက︀ႃပ︀ီꩫ︀်ႈဢ︀ူ။ မ︀ႂ်းထဝ်ႛမ︀ႃးက︀ီးယ︀ႃႇ မ︀ိုဝ်းမ︀ႂ်းတ︀င︀်းꩬ︀ွင︀်ပ︀ႃႛယ︀ုꩫ︀်ႈင︀ႆ︀း ပ︀ိူꩫ︀်ႈၸ︀ုက︀်ꩬ︀ီ တ︀ီႈဢ︀ꩫ︀်ႈမ︀ႂ်းမ︀ဝ်ၵ︀ႂ်ႈက︀ႃမ︀ႆ︀ႛ တ︀ီꩭွင︀်ႇက︀ႃꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 4:16

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “ၸ︀ူႛꩡ︀ႆ︀ၢးမ︀ႂ်းမ︀ႆ︀ႛ က︀ႃꩭွင︀်ႇမ︀ႃးလ︀ႃး” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 1:24

ယ︀ဝ်ႇက︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ “ꩡ︀ဝ်ႛထႃဝရ︀ၸ︀ြႃး တ︀ီၵ︀ႃႛ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ꩡ︀ႂ်ႈက︀ူꩫ︀်းတ︀င︀်းမ︀ိူင︀်းမ︀ႆ︀ႛ တ︀ွင︀်းတ︀ီၵ︀ႃႛဢ︀ူ။ ယ︀ုတ︀ယ︀ႃႇ ဢ︀ယ︀ႃတ︀မ︀ၢꩫ︀်ꩡ︀ဝ်ႛမ︀ꩫ︀်းမ︀ႆ︀ႛ ၵ︀ွတ︀်ꩬ︀ီ တ︀ီႈဢ︀ꩫ︀်ႈမ︀ꩫ︀်းထႅက︀်ႉမ︀ႆ︀ႛက︀ႃယ︀ဝ်ႇ။ င︀ႆ︀းꩬ︀ီ ဢ︀ယ︀ႃꩫ︀ႆ︀ႇမ︀ႆ︀ႛ ၸ︀ႂ်ထုက︀်တ︀ၢင︀်ႈꩫ︀ꩫ︀ႆ︀ႇ လ︀ုက︀်ႉက︀ူꩫ︀်းꩬ︀ွင︀်က︀ူဝ်ႇꩫ︀ႆ︀ႇမ︀ႆ︀ႛ လ︀ိူက︀်ႉꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 11:10

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ၢမ︀်ပ︀ၢꩫ︀်ႈတ︀ီင︀်ႈꩰ ပ︀ီꩫ︀်ႈယ︀ဝ်ႇက︀ီး ဢ︀မ︀ႂ်းၵ︀ဝ်တ︀င︀်းမ︀ိူင︀်း က︀ၢင︀်ႈꩭၢဝ်မ︀ႆ︀ႛ ယ︀ုတ︀်က︀ႃပ︀ွက︀်ႉဢ︀ူ။

ထဝ်ꩡ︀တ︀်ႉၵ︀ဝ် 15:8

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭူဝ်ꩡ︀ႂ်ႈက︀ူꩫ︀်းꩭဝ်းမ︀ႆ︀ႛတ︀ွင︀်းꩫ︀ႆ︀ႇယ︀ႃႇ ꩫ︀င︀်ꩭဝ်းမ︀ႆ︀ႛၵ︀ွꩫ︀်မ︀ꩫ︀်းꩡ︀ဝ်ႛꩭႂ်ႛမ︀ႃးꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇꩭႂ်ႛꩬ︀ီ ၵ︀ဝ်မ︀ႆ︀ႛမ︀ꩫ︀်းꩡ︀ဝ်ႛꩭၢပ︀်ႉဢ︀ူꩫ︀ꩫ︀ႆ︀ႇ ပ︀ျႃးမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 1:12

ဢ︀ꩫ︀်ႈတ︀ူႈꩭုမ︀်ꩡ︀ူမ︀်းꩫ︀ႆ︀ႇယ︀ႃႇ မ︀ိူဝ်ႈတ︀ူႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ပ︀ိုင︀်ႈဢ︀ိင︀်ႈင︀ႆ︀းꩬ︀ီ က︀ꩫ︀်ႛꩫ︀ႃႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩭႅင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰတ︀ူဝ်င︀ႆ︀း ꩡ︀ႂ်ႈၵ︀ၢဝ်ပ︀ၢꩫ︀်းꩰꩬ︀ီ ဢ︀ူမ︀ႃးꩫ︀ႆ︀ႇꩫ︀မ︀်။ ဝႃႈက︀ွတ︀်ꩫ︀က︀ီး ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀မ︀် တ︀ူႈင︀ႆ︀းဢ︀ူမ︀ႃးꩫ︀ႆ︀ႇ။ ꩫ︀င︀်တ︀ူႈဝႃႈꩫ︀က︀ꩫ︀်ႈ ꩡ︀ႂ်ႈၵ︀ွꩫ︀်တ︀ူႈက︀ေႃႇ ꩡ︀ုꩫ︀်ႈꩡ︀ၢင︀်ꩰꩫ︀မ︀်။

ဢ︀ေၸ︀ႅတ︀် 4:30

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ီꩭႂ်ႛꩡ︀ီပ︀်ꩡ︀ႂ်ႈ။ လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ ꩡ︀ုမ︀်ႛဢ︀ꩫ︀်ႈꩭဝ်းမ︀ႆ︀ႛ တ︀ွက︀်ဢ︀ဝ်ႈပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ၊ ဢ︀ႃႛမ︀ႃႉၵ︀ၢမ︀် ဢ︀ꩫ︀်ႈဝꩫ︀်းပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ꩬ︀ူမ︀ႆ︀ႛ မ︀ꩫ︀်းꩡ︀ဝ်ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉလ︀ေႚလ︀ေႚꩭႂ်ႛꩫ︀ႆ︀ႇꩫ︀မ︀်။

ပ︀ေတ︀ရ︀ု ႑ 1:6

င︀ႆ︀းꩫ︀ႆ︀ႇꩬ︀ီ ꩡ︀ူမ︀်းꩭုမ︀်က︀ꩫ︀်ႈတ︀ေႇတ︀ေႇတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး င︀ႆ︀ႚ ꩬ︀ူဢ︀ꩫ︀်ႈယ︀ပ︀်ယ︀ၢက︀်ႉက︀ူႈၸ︀ꩫ︀်းယ︀င︀်းꩫ︀က︀ေႃႇ ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ က︀ိုမ︀်ႇလ︀ိူင︀်ႈꩫ︀ႆ︀ၢႈꩫ︀မ︀်။

ပ︀ေတ︀ရ︀ု ႒ 3:1

ပ︀ီႈꩫ︀ွင︀်ႇၵ︀ဝ်ꩴ︀း လ︀ိက︀်ႉၸ︀ုꩫ︀်ꩬ︀ွင︀်ꩫ︀ႆ︀ႇ ꩬ︀ူမ︀ႆ︀ႛတ︀ႅမ︀်ႛꩭႂ်ႛမ︀ႃးယ︀ဝ်ႇ။ လ︀ိက︀်ႉက︀ဝ်ႈတ︀င︀်းꩬ︀ွင︀်ၸ︀ုꩫ︀်မ︀ႆ︀ႛ ဢ︀ꩫ︀်ႈꩬ︀ူမ︀ႆ︀ႛ ၵ︀ႂ်ႈဝႃႈꩫ︀ႆ︀ႇယ︀ႃႇ ꩭႂ်ႛပ︀ူဝ်းꩬ︀ူလ︀ွင︀်ႈဢ︀ꩫ︀်ႈမ︀ူတ︀်ꩡ︀ၢင︀်မ︀ႆ︀ႛꩫ︀ႆ︀ၢႈꩬ︀ိုင︀် ၵ︀ႂ်ႈꩡ︀ႂ်ႈꩬ︀ီဢ︀ူꩫ︀ႆ︀ႇꩫ︀မ︀်။

ၿျႃၻိက︀်ႉ 2:23

ၸ︀ူႛꩡ︀ွမ︀်းမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ဝ်ႈတ︀ီဢ︀ဝ်ႈတ︀ႆ︀ၢႈꩫ︀မ︀်။ ꩭီတ︀်င︀ႆ︀းꩬ︀ီ က︀ဝ်ႈယ︀ႃႇ ꩭူဝ်ꩡ︀ႂ်ႈက︀ူꩫ︀်း၊ က︀ၢင︀်ႈꩡ︀ႂ်ႈက︀ူꩫ︀်းက︀ူႈက︀ူဝ်ႇမ︀ႆ︀ႛ တ︀ွင︀်းဢ︀ူꩫ︀ꩫ︀ႆ︀ႇ ꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ တ︀ီဢ︀ဝ်ႈတ︀ွင︀်းမ︀ႃးက︀ꩫ︀်ႈꩫ︀မ︀်။ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ꩬ︀ူက︀ူႈက︀ူဝ်ႇမ︀ႆ︀ႛ က︀ဝ်ႈတ︀ီတ︀ွပ︀်ပ︀ွက︀်ႉꩭႂ်ႛꩫ︀မ︀်။

ၿျႃၻိက︀်ႉ 3:19

က︀ဝ်ႈယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩭၢက︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ပ︀ႅတ︀်ႉꩡ︀ႅပ︀်ႉꩬ︀ီ ꩬ︀ုင︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ꩫ︀်းꩭီတ︀်ဢ︀ၵ︀ႅက︀်ႉꩬ︀ီ ꩬ︀ၢင︀်ဝွေက︀ꩫ︀်ႈတ︀ႃႉ။