ယ︀ေႃးꩭၢꩫ︀် 20:19 - Khamti Shan

¹⁹ တ︀ꩫ︀ီꩫ︀်းက︀ꩫ︀ွေပ︀ၢင︀်ႛၵ︀မ︀်ႈဢ︀မ︀ႂ်းမ︀ႆ︀ႛ တ︀ပ︀ေးꩡ︀ဝ်ႛၵ︀ဝ်ယ︀ႃႇ ꩭူဝ်က︀ေက︀ျူးꩫ︀ႆ︀ႇၵ︀ဝ်မ︀ႆ︀ႛက︀ူဝ်ႈꩬ︀ီ ပ︀တ︀ူႈꩭၢပ︀်င︀ႆ︀း တ︀ုမ︀်ႈက︀ꩫ︀်ႈဢ︀ူ။ မ︀ိူဝ်ႈဢ︀မ︀ႂ်း ꩡ︀ဝ်ႛယ︀ေꩬ︀ုက︀ျွႃးမ︀ႃးꩬ︀ီ ၵ︀ိူင︀်းက︀ၢင︀်ႈၵ︀ဝ်မ︀ႆ︀ႛꩬ︀ဝ်းင︀ႆ︀း “မ︀ႂ်ꩬ︀ုင︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 20:19 ပူးပေါင်းရင်းမြစ်များ

မ︀တ︀်တ︀ႄး 10:13

ꩭိူꩫ︀်းဢ︀မ︀ႂ်း ꩬ︀ူမ︀ႆ︀ႛꩭၢပ︀်ႉက︀ီး ဢ︀ꩫ︀်ႈꩬ︀ူယ︀ွꩫ︀်းꩬ︀ူးꩭႂ်ႛꩫ︀ႆ︀ႇ ꩭိူꩫ︀်းဢ︀မ︀ႂ်းမ︀ႆ︀ႛ ꩭႂ်ႛထိုင︀်က︀ႃတ︀ႃႉ။ ꩬ︀င︀်ဝႃႈꩬ︀ူမ︀ႆ︀ႛ မ︀ဝ်ꩭၢပ︀်ႉက︀ီး ၵ︀ၢမ︀်းဢ︀ꩫ︀်ႈꩬ︀ူယ︀ွꩫ︀်းꩬ︀ူးꩭႂ်ႛဝႆ︀ႇꩫ︀ႆ︀ႇ ꩬ︀ူမ︀ႆ︀ႛꩭႂ်ႛပ︀ွက︀်ႉမ︀ႃးက︀ႃတ︀ႃႉ။

မ︀တ︀်တ︀ႄး 18:20

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႆ︀ႚꩫ︀က︀ေႃႇ ꩬ︀ူꩡ︀ိုဝ်ႈက︀ဝ်ႈမ︀ႆ︀ႛꩭီတ︀်င︀ဝ်ႛꩬ︀ီ ꩬ︀ွင︀်ꩬ︀ၢမ︀်က︀ူဝ်ႇ တ︀ုမ︀်ႈက︀ꩫ︀်ႈက︀ီး တ︀ီႈဢ︀မ︀ႂ်းမ︀ႆ︀ႛ က︀ဝ်ႈတ︀င︀်းၵ︀ဝ်ယ︀င︀်းꩬ︀ီꩫ︀မ︀်” ꩫ︀ဝꩫ︀်ႇ။

မ︀ႃက︀ု 16:14

ဝၢႆ︀းဢ︀မ︀ႂ်း မ︀ိူဝ်ႈတ︀ပ︀ေးꩡ︀ဝ်ႛꩬ︀ိပ︀်ဢ︀ီတ︀်က︀ူဝ်ႇ ၸ︀ိူꩫ︀်မ︀ႆ︀ႛက︀ိꩫ︀်ႈၵ︀ဝ်ႛက︀ꩫ︀်ႈꩬ︀ီဢ︀ူꩫ︀ႆ︀ႇ ၵ︀ဝ်မ︀ႆ︀ႛꩡ︀ဝ်ႛယ︀ေꩬ︀ုပ︀ျႃးတ︀ူဝ်ႈဢ︀ူ။ မ︀ꩫ︀်းꩡ︀ဝ်ႛယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်မ︀ဝ်ယ︀ုမ︀်ယ︀မ︀်ႈꩫ︀ႆ︀ႇလ︀ိူင︀်ႈ။ ဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇမ︀ႆ︀ႛ ၸ︀ူႛꩭꩫ︀်ꩫ︀ႆ︀ႇၵ︀ဝ် ၵ︀ႆ︀ႈꩫ︀က︀ေႃႇ ဝႃႈယ︀ပ︀်ၸ︀ႅဝ်ꩬ︀ီ ၵ︀ဝ်မ︀ဝ်ယ︀ုမ︀်ꩫ︀ႆ︀ႇလ︀ိူင︀်ႈ ၵ︀ဝ်မ︀ႆ︀ႛꩬ︀ုင︀်းမ︀ႃးဢ︀ူ။

ယ︀ေႃးꩭၢꩫ︀် 14:27

ꩫ︀င︀်က︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀က︀ꩫ︀်ႈ ꩬ︀ူမ︀ႆ︀ႛ က︀ဝ်ႈဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛမ︀ႃးယ︀ဝ်ႇ။ လ︀ွင︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃ ဢ︀ꩫ︀်ႈက︀ဝ်ႈꩭီတ︀်ꩭႂ်ႛꩫ︀ႆ︀ႇယ︀ႃႇ ꩫ︀င︀်ၸ︀ꩫ︀်းဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းꩫ︀ႆ︀ႇꩵ︀ႈꩡ︀ႂ်ႈ။ င︀ႆ︀းꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈတ︀ီပ︀ီꩫ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩬ︀ူပ︀ီက︀ူဝ်ႈ။ ပ︀ီက︀ပ︀်ႉꩡ︀ႂ်ႈက︀ꩫ︀်ႈ။

ယ︀ေႃးꩭၢꩫ︀် 16:22

ꩫ︀င︀်ꩫ︀ႆ︀ႇꩫ︀က︀ꩫ︀်ႈ မ︀ဝ်ꩭိုင︀်က︀ꩬ︀င︀် မ︀ိူဝ်ႈက︀ဝ်ႈꩬ︀ူမ︀ႆ︀ႛမ︀ႃးꩭꩫ︀်ꩫ︀ႆ︀ႇ ဢ︀ꩫ︀်ႈင︀ႆ︀ႚꩬ︀ူꩡ︀ႂ်ႈꩬ︀ဝ်ႛꩫ︀ႆ︀ႇက︀ေႃႇ တ︀ီလ︀ႆ︀ၢႈပ︀ီꩫ︀်ႈဢ︀ꩫ︀်ႈꩡ︀ူမ︀်းꩭုမ︀်က︀ုမ︀်တ︀ီမ︀်ႈက︀ႃက︀ꩫ︀်ႈꩫ︀မ︀်။ ဢ︀ꩫ︀်ႈꩬ︀ူꩡ︀ူမ︀်းꩭုမ︀်မ︀ႆ︀ႛ ၸ︀ႂ်က︀ေႃႇ ယ︀ႃႇꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 16:33

က︀ဝ်ႈꩬ︀ူမ︀ႆ︀ႛ ဢ︀ꩫ︀်ႈꩫ︀ႆ︀ႇၵ︀ဝ်ဝႃႈꩫ︀ႆ︀ႇ ꩭႂ်ႛပ︀ူဝ်းꩬ︀ူက︀ဝ်ႈမ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩫ︀ႆ︀ႛယ︀ီꩫ︀်ႈꩡ︀ႂ်ႈယ︀ီꩫ︀်ႈၵ︀ူဝ်းꩫ︀ႆ︀ႇꩫ︀မ︀်။ မ︀ိူင︀်းက︀ၢင︀်ႈꩫ︀ႆ︀ႇ ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ꩭတ︀်ꩭၢꩫ︀်က︀ꩫ︀်ႈတ︀ႃႉ။ က︀ဝ်ႈတ︀ꩫ︀်းၵ︀ူဝ်းမ︀ိူင︀်းက︀ၢင︀်ႈမ︀ႆ︀ႛပ︀ေႇယ︀ဝ်ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 20:21

ꩭႃလ︀ိူင︀်ႈ ꩡ︀ဝ်ႛယ︀ေꩬ︀ုယ︀ႃႇ “ꩬ︀ူ ꩭႂ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ႃတ︀ႃႉ။ ꩫ︀င︀်က︀ဝ်ႈမ︀ႆ︀ႛပ︀ူဝ်က︀ဝ်ႈပ︀ွႆ︀ꩡ︀ႂ်ႇꩫ︀က︀ꩫ︀်ႈ ꩬ︀ူမ︀ႆ︀ႛက︀ဝ်ႈပ︀ွႆ︀ꩡ︀ႂ်ႇဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 20:26

ဝႆ︀ၢးဢ︀မ︀ႂ်း ပ︀ၢတ︀်ႉလ︀ိူင︀်ႈꩭိုင︀်က︀ီး တ︀ပ︀ေးꩡ︀ဝ်ႛၵ︀ဝ် က︀ꩫ︀်ႛꩫ︀ႂ်းꩭိူꩫ︀်းမ︀ႆ︀ႛတ︀ုမ︀်ႈက︀ꩫ︀်ႈဢ︀ူ။ တ︀ေႃမ︀က︀ေႃႇ တ︀င︀်းၵ︀ဝ်လ︀ွေႛဢ︀ူ။ တ︀ၢင︀်းပ︀တ︀ူႈꩫ︀ႆ︀ႇၵ︀ဝ်က︀ေႃႇၵ︀တ︀်ႉဝႆ︀ႇက︀ꩫ︀်ႈဢ︀ူ။ မ︀ိူဝ်ႈဢ︀မ︀ႂ်း ꩡ︀ဝ်ႛယ︀ေꩬ︀ုက︀ျွႃးမ︀ႃးꩬ︀ီ ၵ︀ိူင︀်းက︀ၢင︀်ႈၵ︀ဝ်မ︀ႆ︀ႛꩬ︀ဝ်းင︀ႆ︀း “မ︀ႂ်ꩬ︀ုင︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 21:1

ꩭႃလ︀ိူင︀်ႈ ꩡ︀ဝ်ႛယ︀ေꩬ︀ု တ︀ႆ︀ၢႛꩫ︀ွင︀်တ︀ိၿေရ︀ိမ︀ႆ︀ႛ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ပ︀ျႃးတ︀ူဝ်ႈပ︀ွက︀်ႉဢ︀ူ။ လ︀ွင︀်ႈꩫ︀ႆ︀ႇယ︀ႃႇ င︀ႆ︀းꩫ︀မ︀်။

ယ︀ေႃးꩭၢꩫ︀် 21:14

ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈꩡ︀ဝ်ႛယ︀ေꩬ︀ု လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ လ︀ုက︀်ႉꩫ︀ိပ︀်မ︀ႃးꩬ︀ီ တ︀ၢင︀်ꩬ︀ၢမ︀်ပ︀ၢꩫ︀်ႈတ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ပ︀ျႃးတ︀ူဝ်ႈꩭႂ်ႛꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 7:13

ꩫ︀ႆ︀ႇꩫ︀က︀ေႃႇ ꩭူဝ်က︀ေက︀ျူးꩫ︀ႆ︀ႇၵ︀ဝ်မ︀ႆ︀ႛက︀ူဝ်ႈꩬ︀ီ ၸ︀ႂ်က︀ေႃႇလ︀ွင︀်ႈမ︀ꩫ︀်းꩡ︀ဝ်ႛ ဝႃႈꩡ︀ုꩫ︀်ႈꩰꩵ︀ႈပ︀ီꩫ︀်ႈ။

ထဝ်ꩡ︀တ︀်ႉၵ︀ဝ် 1:3

က︀ꩫ︀်ႛလ︀င︀်မ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈယ︀ဝ်ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ ꩬ︀ီꩬ︀ိပ︀်ဝꩫ︀်းတ︀ၢင︀်ႈꩰ လ︀ႆ︀ၢပ︀ၢꩫ︀်ႈလ︀ႆ︀ၢၸ︀ꩫ︀်း ပ︀ျႃးတ︀ူဝ်ႈꩬ︀ီ ꩬ︀ၢက︀်ႉꩬ︀ေပ︀ျႃးတ︀ေႇတ︀ေႇꩭႂ်ႛမ︀ႃးဢ︀ူ။ တ︀ပ︀ေးꩡ︀ဝ်ႛၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႆ︀ႛꩭꩫ︀်မ︀ႃးꩬ︀ီ မ︀ꩫ︀်းꩡ︀ဝ်ႛက︀ေႃႇ ၵ︀ဝ်မ︀ႆ︀ႛလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩭႂ်ႛမ︀ႃးဢ︀ူ။

ရ︀ေႃမ︀ 15:33

ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀ႆ︀ႇ တ︀င︀်းꩬ︀ူတ︀င︀်းမ︀ိူင︀်း ꩭႂ်ႛၵ︀ိင︀်းလ︀ွေႛက︀ႃတ︀ႃႉ။ ꩬ︀ႃႈထု။

က︀ေႃရ︀ိꩫ︀်တ︀ု ႑ 15:5

ယ︀ဝ်ႇက︀ီး ပ︀ေတ︀ရ︀ုမ︀ႆ︀ႛတ︀မ︀ိူင︀်း၊ ဝႆ︀ၢးဢ︀မ︀ႂ်း တ︀မ︀ၢꩫ︀်ꩡ︀ဝ်ႛတ︀င︀်းမ︀ိူင︀်းမ︀ႆ︀ႛ တ︀ူဝ်ႈမ︀ꩫ︀်းꩡ︀ဝ်ႛ ပ︀ျႃးꩭႂ်ႛမ︀ႃးꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 2:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛ က︀ျူးꩫ︀ၵ︀ႃဢ︀ꩫ︀်ႈက︀ျူးမ︀ဝ်ꩡ︀ႂ်ႈမ︀ႆ︀ႛ ဢ︀ဝ်ႈပ︀ီꩫ︀်ႈၸ︀ꩫ︀်းလ︀ိဝ်ႈꩬ︀ီ ꩭဝ်းဢ︀ꩫ︀်ႈပ︀ီꩫ︀်ႈလ︀ꩫ︀်ꩬ︀ူက︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ီႈက︀ꩫ︀်ႈယ︀ဝ်ႇ။ ꩡ︀ႂ်ႈဢ︀ꩫ︀်ႈꩡ︀င︀်းက︀ꩫ︀်ႈ ဢ︀ꩫ︀်ႈက︀ူꩫ︀်းꩬ︀ွင︀်ၸ︀ꩫ︀်းမ︀ႆ︀ႛ ဢ︀ဝ်ႈက︀ၢက︀်ႉက︀ꩫ︀်ႈꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈꩬ︀ီ ယ︀ႃႇၵ︀ွတ︀်ယ︀ဝ်ႇ။

ဢ︀ေၸ︀ႅတ︀် 6:23

ꩬ︀ူတ︀င︀်းလ︀ုင︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃင︀ႆ︀း မ︀ႅတ︀်ႉတ︀ႃပ︀ူင︀်ႈꩭႂ်ႛꩬ︀ီ တ︀ၢင︀်းယ︀ုမ︀်ယ︀မ︀်ႈꩬ︀ူ ꩭႂ်ႛဢ︀ဝ်ႈၵ︀ိူင︀်က︀တ︀ႃႉ။

ၸ︀ိလ︀ိပ︀်ပ︀ၢႆ︀ 1:2

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ူꩡ︀ဝ်ႛမ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:16

ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ လ︀ွင︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ူႈၸ︀ꩫ︀်း ꩭႂ်ႛပ︀ူင︀်ႈꩭႂ်ႛက︀ႃတ︀ႃႉ။ ꩬ︀ူꩡ︀ဝ်ႛက︀ူႈက︀ူဝ်ႇမ︀ႆ︀ႛ ꩡ︀ဝ်ႛꩭဝ်းꩭႂ်ႛၵ︀ိင︀်းလ︀ွေႛက︀ႃတ︀ႃႉ။

ꩭေပ︀ရ︀ူး 7:2

ဢ︀ႃပ︀ြႃꩭၢမ︀်က︀ေႃႇ မ︀ꩫ︀်းမ︀ႆ︀ႛၵ︀ိူင︀်ႈဢ︀ꩫ︀်ႈမ︀ꩫ︀်းပ︀ေႇꩬ︀ိူက︀်မ︀ႃးꩫ︀ႆ︀ႇ ꩬ︀ိပ︀်ꩡ︀ႃႇꩡ︀ႃႇလ︀ိူင︀်ႈ လ︀ူမ︀ႃးဢ︀ူ။ မ︀ေလ︀ၵ︀ိꩡ︀ေတ︀ိက︀်ꩫ︀ꩫ︀ႆ︀ႇယ︀ႃႇ ꩡ︀ဝ်ႛꩭူဝ်ၵ︀မ︀်းလ︀ွင︀်ႈꩬ︀ိုဝ်ႈတ︀ူဝ်၊ ꩡ︀ဝ်ႛꩭူဝ်ၵ︀မ︀်းꩬ︀ႃလ︀ိမ︀်ꩫ︀ꩫ︀ႆ︀ႇယ︀ႃႇ ꩡ︀ဝ်ႛꩭူဝ်ၵ︀မ︀်းတ︀ၢင︀်းက︀တ︀်ယ︀ီꩫ︀်ႈꩫ︀ꩫ︀မ︀်။

ယ︀ေႃးꩭၢꩫ︀် ႓ 1:14

မ︀ဝ်ꩭိုင︀်က︀ꩬ︀င︀်က︀ဝ်ႈꩬ︀ူမ︀ႆ︀ႛꩭꩫ︀်ꩬ︀ီ တ︀ူဝ်ꩫ︀ႃႛတ︀ၢꩫ︀်ႛက︀ꩫ︀်ႈက︀ွတ︀်ꩫ︀ꩬ︀ီ တ︀ႂ်းထႃႛဢ︀ူꩫ︀မ︀်။

ၿျႃၻိက︀်ႉ 1:4

က︀ဝ်ႈယ︀ေႃးꩭၢꩫ︀် ꩡ︀ိူဝ်းꩡ︀ဝ်ႛꩡ︀ေႈဝီင︀်းဢ︀ႃꩬ︀ျ ꩡ︀ီတ︀်ပ︀ႃးမ︀ႆ︀ႛ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛ မ︀ိူဝ်ႈလ︀ႂ်ႈက︀ေႃႇယ︀င︀်းꩬ︀ီဢ︀ူꩫ︀ႆ︀ႇင︀ႆ︀း ၵ︀ွꩫ︀်ꩡ︀ီတ︀်ပ︀ႃး ဢ︀ꩫ︀်ႈဢ︀ူပ︀ၢင︀်ႈꩫ︀ႃႛပ︀လ︀ၢင︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ် ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀တ︀ႃႉ။