12 ၵ︀ုꩫ︀်ꩬ︀ၢင︀်ꩬ︀ွင︀်ပ︀ႃးယ︀ႃႇ တ︀ီႈဢ︀ꩫ︀်ႈဝႆ︀ႇꩭၢင︀်ႈꩡ︀ဝ်ႛယ︀ေꩬ︀ုမ︀ႆ︀ႛ ပ︀ႃႛꩫ︀ိူဝ်ꩭူဝ်မ︀ႆ︀ႛပ︀ႃးလ︀ိူင︀်ႈ၊ ပ︀ႃႛတ︀ႆ︀ၢႛတ︀ိꩫ︀်ႈမ︀ႆ︀ႛပ︀ႃးလ︀ိူင︀်ႈ ꩫ︀င︀်ႈꩬ︀ီဢ︀ူꩫ︀ႆ︀ႇမ︀ႆ︀ႛꩭꩫ︀်ဢ︀ူ။
မ︀ိူဝ်ႈတ︀ပ︀ေးꩡ︀ဝ်ႛၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ လ︀ႅမ︀်းꩬ︀ီဢ︀ူꩫ︀ႆ︀ႇ င︀ဝ်းမ︀ꩫ︀်းꩡ︀ဝ်ႛလ︀ႆ︀ၢႈမ︀ႃးဢ︀ူ။ ꩫ︀ႃႛမ︀ꩫ︀်းꩡ︀ဝ်ႛယ︀ႃႇ ꩫ︀င︀်က︀ၢင︀်ႈဝꩫ︀်းꩫ︀က︀ꩫ︀်ႈတ︀ွင︀်လ︀ႅင︀်းꩬ︀ီ ၵ︀ိူင︀်ႈမ︀ꩫ︀်းꩡ︀ဝ်ႛက︀ေႃႇ ၵ︀ၢဝ်ပ︀ၢꩫ︀်းꩰ၊ ꩭုင︀်ႈပ︀လ︀ွင︀်ပ︀လ︀ွင︀်ဢ︀ူ။
ꩡ︀ဝ်ႛယ︀ေꩬ︀ုၵ︀ိုꩫ︀်ႛက︀ႃꩫ︀ႆ︀ႇမ︀ႆ︀ႛ မ︀ိူဝ်ႈၵ︀ဝ်လ︀ႅမ︀်းက︀ꩫ︀်ႈꩬ︀ီဢ︀ူꩫ︀ႆ︀ႇ က︀ꩡ︀ူးၵ︀ုꩫ︀်ꩬ︀ၢင︀်ꩬ︀ွင︀်ပ︀ႃး တ︀ႆ︀ၢႛၵ︀ၢင︀်ႛၵ︀ဝ်မ︀ႆ︀ႛမ︀ႃးꩬ︀ဝ်းဢ︀ူ။
ꩫ︀ႆ︀ႇꩫ︀က︀ေႃႇ ꩫ︀ႂ်းꩬ︀ူꩡ︀ိူဝ်းꩬ︀ႃတ︀ိမ︀ႆ︀ႛ က︀ူဝ်ႇဢ︀ꩫ︀်ႈၵ︀ိူင︀်ႈၸ︀ူႛꩡ︀ဝ်ႛမ︀ႆ︀ႛ တ︀င︀်းဢ︀ပ︀ႅတ︀်ႉ မ︀ဝ်ဢ︀ဝ်ႈꩭင︀်ႛꩫ︀ႆ︀ႇ ꩡ︀ွꩫ︀်လ︀ိူင︀်ႈယ︀င︀်းဢ︀ူ။ က︀ူဝ်ႇဢ︀မ︀ႂ်းၵ︀ဝ်ယ︀ႃႇ ထႅက︀်ႉꩫ︀ႆ︀ႇꩬ︀ီ ꩫ︀ုင︀်ႈၵ︀ိူင︀်ႈၵ︀ၢဝ်င︀ႆ︀း တ︀င︀်းက︀ဝ်ႈတ︀ီꩫ︀ႆ︀ႛꩭူမ︀်ႈက︀ႃꩭူမ︀်ႈမ︀ႃးꩫ︀မ︀်။
ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ “ꩡ︀ဝ်ႛꩴ︀း မ︀ႂ်းꩡ︀ဝ်ႛတ︀ွင︀်းတ︀ီၵ︀ႃႛဢ︀ူ” ꩫ︀က︀ီး မ︀ꩫ︀်းယ︀ႃႇ “ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈလ︀ုက︀်ႉၸ︀ေးဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉလ︀ူင︀်မ︀ႆ︀ႛ လ︀ွတ︀်ႉမ︀ႃးꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်ယ︀ႃႇ ၵ︀ိူင︀်ႈၵ︀ဝ်မ︀ႆ︀ႛ ဢ︀ဝ်ႈꩫ︀ိူတ︀်ႉပ︀ူႇဢ︀ွꩫ︀်ꩬ︀ၢက︀်ႉၵ︀ၢဝ်ꩰယ︀ဝ်ႇ။