ယ︀ေႃးꩭၢꩫ︀် 18:28 - Khamti Shan

²⁸ က︀ၢင︀်ႈလ︀ႂ်ꩡ︀ဝ်ႇꩰ ꩭူဝ်က︀ေက︀ျူးꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ လ︀ုက︀်ႉꩭိူꩫ︀်းက︀ႃယ︀ၸ︀မ︀ႆ︀ႛ ꩭွင︀်ႇက︀ႃꩭိူꩫ︀်းꩡ︀ဝ်ႛက︀ႅမ︀်ႈမ︀ိူင︀်းဢ︀ူ။ ၵ︀ဝ်ၸ︀ူႛꩡ︀ဝ်ႛယ︀ႃႇ ꩭိူꩫ︀်းꩡ︀ဝ်ႛက︀ႅမ︀်ႈမ︀ိူင︀်းမ︀ႆ︀ႛꩵ︀ႈၵ︀ဝ်ႛ။ ꩬ︀င︀်ဝႃႈၵ︀ဝ်ႛက︀ီး မ︀ဝ်မ︀ူတ︀်ꩡ︀ၢင︀်ꩬ︀ီက︀ူဝ်ႈ ပ︀ွႆ︀းပ︀ူꩫ︀်ႇလ︀ွတ︀်ႉမ︀ႆ︀ႛ လ︀ွေႛမ︀ဝ်ထႅက︀်ႉꩬ︀ီꩫ︀မ︀်။

ယ︀ေႃးꩭၢꩫ︀် 18:28 ပူးပေါင်းရင်းမြစ်များ

မ︀တ︀်တ︀ႄး 27:27

လ︀ုက︀်ႉꩬ︀ိူက︀်ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ ꩭိူꩫ︀်းꩡ︀ဝ်ႛက︀ႅမ︀်ႈမ︀ိူင︀်းမ︀ႆ︀ႛ ꩭွင︀်ႇက︀ႃꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ လ︀ုက︀်ႉꩬ︀ိူက︀်က︀ုမ︀်ႛလ︀ူင︀်တ︀င︀်းက︀ုမ︀်ႛ ၵ︀ုမ︀်ႇဝႆ︀ႇဢ︀ူ။

မ︀ႃက︀ု 15:16

လ︀ႃႉꩫ︀ႆ︀ႇ လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛꩭွင︀်ႇက︀ႃဝၢင︀်းꩭိူꩫ︀်းꩡ︀ဝ်ႛၵ︀ုꩫ︀်ꩬ︀ီ လ︀ုက︀်ႉꩬ︀ိူက︀်တ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ ꩭွင︀်ႇတ︀ုမ︀်ႈဢ︀ူ။

လ︀ုက︀ႃ 22:66

ၸ︀ႃႇလ︀ႅင︀်းက︀ီး ꩭူဝ်က︀ေၸ︀ႃꩬ︀ႃက︀ျူးꩫ︀ႆ︀ႇၵ︀ဝ်၊ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်၊ ꩬ︀ြႃတ︀ြႃးꩫ︀ႆ︀ႇၵ︀ဝ် တ︀ုမ︀်ႈက︀ꩫ︀်ႈင︀ႆ︀းꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭႂ်ႛဢ︀ဝ်ႈမ︀ႃးပ︀ၢင︀်ႈတ︀ြႃးၵ︀ဝ်ဢ︀ူ။

ယ︀ေႃးꩭၢꩫ︀် 11:55

ပ︀ွႆ︀းပ︀ူꩫ︀်ႇလ︀ွတ︀်ႉက︀ႂ်ႛမ︀ႃးꩫ︀ႆ︀ႇꩬ︀ီ ꩡ︀ူဝ်ႈက︀ႃႈပ︀ွႆ︀းꩵ︀ႈပ︀ႆ︀က︀ူဝ်ꩫ︀ႆ︀ႇ ꩭီတ︀်ထုင︀်းမ︀ူတ︀်ꩡ︀ၢင︀်က︀ွတ︀်ꩫ︀ꩬ︀ီ က︀ူꩫ︀်းꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် လ︀ုက︀်ႉက︀ူႈပ︀ႃႛက︀ူႈꩫ︀ႃႛမ︀ႆ︀ႛ ထိုင︀်မ︀ႃးဝီင︀်းယ︀ေရ︀ုꩬ︀လ︀ိမ︀်က︀ꩫ︀်ႈဢ︀ူ။

ယ︀ေႃးꩭၢꩫ︀် 18:15

ꩬ︀ႅင︀်မ︀ုꩫ︀်ပ︀ေတ︀ရ︀ုꩫ︀ၵ︀ႃတ︀ပ︀ေးꩡ︀ဝ်ႛတ︀ၢင︀်က︀ူဝ်ႇယ︀ႃႇ က︀ꩫ︀်ႛလ︀င︀်ꩡ︀ဝ်ႛယ︀ေꩬ︀ုမ︀ႆ︀ႛ ꩡ︀ွမ︀်းက︀ႃဢ︀ူ။ တ︀ပ︀ေးꩡ︀ဝ်ႛတ︀ၢင︀်က︀ူဝ်ႇဢ︀မ︀ႂ်းယ︀ႃႇ တ︀င︀်းၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉတ︀ွင︀်းက︀ꩫ︀်ႈꩫ︀ႆ︀ႇꩬ︀ီ တ︀င︀်းꩡ︀ဝ်ႛယ︀ေꩬ︀ု ၵ︀ူင︀်ႇ ꩭိူꩫ︀်းၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉမ︀ႆ︀ႛ ꩫ︀ႆ︀ႛၵ︀ဝ်ႛက︀ႃဢ︀ူ။

ယ︀ေႃးꩭၢꩫ︀် 18:33

ꩫ︀ႆ︀ႇမ︀ႆ︀ႛ ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ က︀ꩫ︀်ႛꩫ︀ႂ်းꩭိူꩫ︀်းမ︀ႆ︀ႛၵ︀ဝ်ႛပ︀ွက︀်ႉꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛꩭွင︀်ႇယ︀ဝ်ႇက︀ီး “မ︀ႂ်း ꩡ︀ဝ်ႛꩭူဝ်ၵ︀မ︀်းက︀ျူးꩡ︀ႂ်ႈဢ︀ေႃး” ꩫ︀ꩬ︀ီထၢမ︀်ဢ︀ူ။

ယ︀ေႃးꩭၢꩫ︀် 18:39

ထုင︀်းꩬ︀ူမ︀ႆ︀ႛ က︀ူႈပ︀ီႈမ︀ိူဝ်ႈပ︀ွႆ︀းပ︀ူꩫ︀်ႇလ︀ွတ︀်ႉꩫ︀ႆ︀ႇ က︀ူꩫ︀်းထွင︀်က︀ူဝ်ႇလ︀ိူင︀်ႈမ︀ႆ︀ႛ ပ︀ွႆ︀ꩭႂ်ႛꩫ︀က︀ꩫ︀်ႈ က︀ဝ်ႈပ︀ွႆ︀ပ︀ွႆ︀ꩭႂ်ႛဢ︀ူ။ င︀ႆ︀းꩫ︀ႆ︀ႇꩬ︀ီ ꩡ︀ဝ်ႛꩭူဝ်ၵ︀မ︀်းက︀ျူးမ︀ႆ︀ႛ ဝႃႈပ︀ွႆ︀ꩭႂ်ႛဢ︀ေႃး” ꩫ︀ꩬ︀ီၵ︀ဝ်မ︀ႆ︀ႛထၢမ︀်ဢ︀ူ။

ယ︀ေႃးꩭၢꩫ︀် 19:11

ꩡ︀ဝ်ႛယ︀ေꩬ︀ုယ︀ႃႇ “မ︀ႂ်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ၵ︀ၢင︀်းမ︀ဝ်ꩭႂ်ႛက︀ီး မ︀ႂ်းꩡ︀ဝ်ႛမ︀ႆ︀ႛဢ︀ႃꩫ︀ႃက︀ꩬ︀င︀်က︀ေႃႇꩵ︀ႈယ︀င︀်း။ က︀ဝ်ႈမ︀ႆ︀ႛက︀ꩬ︀င︀်က︀ေႃႇ ꩭီတ︀်ꩵ︀ႈꩫ︀ႆ︀ႛ။ င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းမ︀ႂ်းꩡ︀ဝ်ႛꩫ︀ႆ︀ႇ ၵ︀ႅꩫ︀်းဢ︀ပ︀ႅတ︀်ႉယ︀ႂ်ဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 19:14

မ︀ိူဝ်ႈဢ︀မ︀ႂ်းယ︀ႃႇ ဝꩫ︀်းက︀ꩫ︀်ႛꩫ︀ႃႛပ︀ွႆ︀းပ︀ူꩫ︀်ႇလ︀ွတ︀်ႉ ယ︀ၢꩫ︀်ႈက︀ၢင︀်ႈဝꩫ︀်းတ︀ီတ︀ီင︀်ႈꩫ︀မ︀်။ ၵ︀ုꩫ︀်ပ︀ိလ︀ၢတ︀်ယ︀ႃႇ က︀ျူးꩫ︀ႆ︀ႇၵ︀ဝ်မ︀ႆ︀ႛ “ꩶ︀းမ︀ႆ︀ႛ ꩡ︀ဝ်ႛꩭူဝ်ၵ︀မ︀်းꩬ︀ူမ︀ႆ︀ႛလ︀ႅမ︀်းလ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 19:9

က︀ꩫ︀်ႛꩫ︀ႂ်းꩭိူꩫ︀်းမ︀ႆ︀ႛ ၵ︀ဝ်ႛပ︀ွက︀်ႉက︀ႃင︀ႆ︀း ꩡ︀ဝ်ႛယ︀ေꩬ︀ုမ︀ႆ︀ႛ “မ︀ႂ်းလ︀ုက︀်ႉပ︀ႃႛလ︀ႂ်ႈꩫ︀ႆ︀မ︀ႃးꩫ︀ႆ︀ႇ” ꩫ︀ဝꩫ︀်ႇ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ ꩵ︀ႈတ︀ွပ︀်။

ထဝ်ꩡ︀တ︀်ႉၵ︀ဝ် 10:28

ꩫ︀ႆ︀ႇမ︀ႆ︀ႛပ︀ေတ︀ရ︀ုယ︀ႃႇ ၵ︀ဝ်မ︀ႆ︀ႛ “က︀ျူးꩫ︀ႆ︀ႇၵ︀ဝ်ယ︀ႃႇ တ︀င︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ꩵ︀ႈꩫ︀ႆ︀ႛလ︀ွေႛက︀ꩫ︀်ႈ၊ ၵ︀ဝ်မ︀ႆ︀ႛလ︀ေက︀ေႃႇꩵ︀ႈꩫ︀ႆ︀ႛက︀ႃလ︀ေꩫ︀ꩬ︀ီ ၸ︀ႃꩬ︀ႃတ︀ူႈမ︀ႆ︀ႛ ꩭၢမ︀်ႛဝႆ︀ႇꩫ︀ႆ︀ႇꩬ︀ူတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ ꩡ︀ွမ︀်းထုင︀်းၸ︀ႃꩬ︀ႃꩬ︀ီ ၸ︀ႂ်မ︀ႆ︀ႛက︀ေႃႇ ဢ︀ꩫ︀်ႈꩭင︀်ႛ၊ ဢ︀ꩫ︀်ႈမ︀ဝ်မ︀ူတ︀်ꩡ︀ၢင︀်ꩫ︀ꩬ︀ီ ꩵ︀ႈဝႃႈမ︀တ︀်ႉꩫ︀ꩫ︀ႆ︀ႇ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ပ︀ျႃးမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 10:32

င︀ႆ︀းꩫ︀ႆ︀ႇ ဝီင︀်းယ︀ုက︀်ပ︀ေမ︀ႆ︀ႛက︀ူꩫ︀်းꩡ︀ႂ်ႇꩬ︀ီ ꩬ︀ႅင︀်မ︀ုꩫ︀်ပ︀ေတ︀ရ︀ုꩫ︀ꩫ︀ႆ︀ႇမ︀ႆ︀ႛ ꩭႂ်ႛက︀ႃပ︀ၢင︀်းတ︀ႃႉ။ မ︀ꩫ︀်းယ︀ႃႇ ꩭိူꩫ︀်းꩬ︀ႅင︀်မ︀ုꩫ︀်ၸ︀ူႛꩫ︀ူတ︀်ႉꩫ︀င︀်ဢ︀ꩫ︀်ႈဢ︀ူꩭိမ︀်းꩫ︀မ︀်ႇပ︀ၢင︀်လ︀ႆ︀ၢမ︀ႆ︀ႛꩬ︀ဝ်းဢ︀ူ” ꩫ︀ꩬ︀ီဝႃႈမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 11:3

ၵ︀ဝ်ယ︀ႃႇ မ︀ꩫ︀်းမ︀ႆ︀ႛ “မ︀ႂ်းꩭိုဝ်လ︀ိုဝ်ꩫ︀ႆ︀ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ႃꩬ︀ီ တ︀င︀်းၵ︀ဝ်ꩬ︀လ︀ႂ်ႈ ꩭူမ︀်ႈက︀ိꩫ︀်ႈꩫ︀ႆ︀ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 3:13

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ဢ︀ႃပ︀ြႃꩭၢမ︀်၊ ဢ︀ေꩬ︀က︀်၊ ယ︀ႃက︀ုၵ︀ဝ်င︀ႆ︀း ဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်တ︀င︀်းမ︀ိူင︀်း ပ︀ၢႆ︀ႛဝႆ︀ႈမ︀ႃးꩫ︀ႆ︀ႇယ︀ႃႇ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုမ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩭႂ်ႛမ︀ႃးယ︀ဝ်ႇ။ ꩬ︀ူယ︀ႃႇꩡ︀ဝ်ႛဢ︀မ︀ႂ်းမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ၵ︀ဝ်ꩬ︀ီ က︀ꩫ︀်ႛꩫ︀ႃႛၵ︀ုꩫ︀်ပ︀ိလ︀ၢတ︀်မ︀ႆ︀ႛ ၵ︀ွတ︀်မ︀ႃးယ︀ဝ်ႇ။ ၵ︀ုꩫ︀်ပ︀ိလ︀ၢတ︀်ယ︀ႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ၵ︀ႂ်ႈပ︀ွႆ︀လ︀ွတ︀်ႉꩫ︀က︀ေႃႇ ꩬ︀ူ ꩵ︀ႈꩭၢပ︀်ႉဢ︀ဝ်ႈမ︀ႃး။

ထဝ်ꩡ︀တ︀်ႉၵ︀ဝ် 4:27

ꩫ︀င︀်ဢ︀ꩫ︀်ႈꩭူဝ်းဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛꩭူဝ်ၵ︀မ︀်းꩭေရ︀ုတ︀်ꩫ︀ၵ︀ႃ ၵ︀ုꩫ︀်ပ︀ုင︀်တ︀ိပ︀ိလ︀ၢတ︀်ယ︀ႃႇ တ︀င︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်င︀ႆ︀း တ︀င︀်းက︀ျူးꩫ︀ႆ︀ႇၵ︀ဝ် က︀ꩫ︀်ႛꩫ︀ႂ်းဝီင︀်းမ︀ႆ︀ႛ တ︀ုမ︀်ႈက︀ꩫ︀်ႈမ︀ႃးဢ︀ူ။ ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ု ၸ︀ူႛꩡ︀ႂ်ႇၵ︀ိင︀်းတ︀ူဝ်ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛဢ︀ဝ်ႈပ︀ီꩫ︀်ႈမ︀ေꩬ︀ိယ︀ဝႆ︀ႇꩫ︀ႆ︀ႇမ︀ႆ︀ႛ ꩬ︀ၢင︀်ꩬ︀ၢꩫ︀်းတ︀ၢꩫ︀်းက︀ꩫ︀်ႈဢ︀ူ။