ယ︀ေႃးꩭၢꩫ︀် 17:8 - Khamti Shan

⁸ ၵ︀ၢမ︀်းဢ︀ꩫ︀်ႈꩡ︀ဝ်ႛ က︀ဝ်ႈၵ︀ႃႛမ︀ႆ︀ႛပ︀ူင︀်ႈꩭႂ်ႛမ︀ႃးꩫ︀ႆ︀ႇ ၵ︀ဝ်မ︀ႆ︀ႛက︀ဝ်ႈၵ︀ႃႛပ︀ူင︀်ႈꩭႂ်ႛꩬ︀ီ ၵ︀ဝ်ꩭၢပ︀်ႉဢ︀ဝ်ႈတ︀ီၵ︀ႃႛယ︀ဝ်ႇ။ က︀ဝ်ႈၵ︀ႃႛ လ︀ုက︀်ႉꩡ︀ဝ်ႛမ︀ႆ︀ႛꩫ︀မ︀်မ︀ႃးꩫ︀ႆ︀ႇꩫ︀ꩫ︀ႆ︀ႇ ၵ︀ဝ်တ︀ွင︀်းတ︀ီၵ︀ႃႛဢ︀ူ။ က︀ဝ်ႈၵ︀ႃႛမ︀ႆ︀ႛ ꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ၵ︀ဝ်ယ︀ုမ︀်ယ︀မ︀်ႈတ︀ီၵ︀ႃႛဢ︀ူ။

ယ︀ေႃးꩭၢꩫ︀် 17:8 ပူးပေါင်းရင်းမြစ်များ

မ︀တ︀်တ︀ႄး 13:11

ꩡ︀ဝ်ႛယ︀ေꩬ︀ုယ︀ႃႇ “ꩬ︀ူမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ လ︀ွင︀်ႈမ︀ိူင︀်းက︀ၢင︀်ႈꩭၢဝ်ဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ပ︀ုတ︀်ပ︀ျႃးꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ တ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩵ︀ႈပ︀ုတ︀်ပ︀ျႃးꩭႂ်ႛ။

ယ︀ေႃးꩭၢꩫ︀် 12:49

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈယ︀ႃႇဢ︀ဝ်ႈဢ︀ႃꩫ︀ႃက︀ဝ်ႈၸ︀ူႛꩡ︀ဝ်ႛဝႃႈꩵ︀ႈꩡ︀ႂ်ႈ။ က︀ဝ်ႈꩭူဝ်းꩫ︀ႆ︀ႇ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀ႆ︀ႇ ꩫ︀ေꩭႂ်ႛꩫ︀က︀ꩫ︀်ႈꩫ︀မ︀်။

ယ︀ေႃးꩭၢꩫ︀် 14:10

ၸ︀ိလ︀ိပ︀်ꩴ︀း က︀ꩫ︀်ႛꩫ︀ႂ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ဝ်ႈယ︀င︀်းꩫ︀က︀ꩫ︀်ႈ က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းဢ︀ူ။ မ︀ႂ်းမ︀ဝ်ယ︀ုမ︀်က︀ျႃး။ ၵ︀ၢမ︀်းဢ︀ꩫ︀်ႈက︀ဝ်ႈဝႃႈꩫ︀ႆ︀ႇ လ︀ုက︀်ႉက︀ဝ်ႈမ︀ႆ︀ႛဢ︀ွက︀်မ︀ႃးꩵ︀ႈꩡ︀ႂ်ႈ၊ လ︀ုက︀်ႉပ︀ူဝ်က︀ဝ်ႈ ဢ︀ꩫ︀်ႈတ︀င︀်းက︀ဝ်ႈၵ︀ိင︀်းꩬ︀ီဢ︀ူမ︀ႆ︀ႛꩫ︀မ︀်မ︀ႃးꩫ︀ႆ︀ႇ။

ယ︀ေႃးꩭၢꩫ︀် 15:15

ꩬ︀ူမ︀ႆ︀ႛက︀ဝ်ႈ ၸ︀ူႛꩡ︀ႂ်ႇꩫ︀ꩬ︀ီꩵ︀ႈꩭွင︀်ႇယ︀ဝ်ႇ။ လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛꩡ︀ႂ်ႇꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩡ︀ဝ်ႛၸ︀ူႛꩡ︀ဝ်ႛꩭီတ︀်ꩬ︀ီဢ︀ူꩫ︀ႆ︀ႇꩵ︀ႈတ︀ွင︀်း။ က︀ဝ်ႈꩬ︀ူမ︀ႆ︀ႛ တ︀ႆ︀းက︀ူဝ်ႇꩫ︀ꩬ︀ီꩭွင︀်ႇဢ︀ူ။ လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩫ︀င︀်လ︀ုက︀်ႉပ︀ူဝ်က︀ဝ်ႈမ︀ႆ︀ႛ ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ က︀ဝ်ႈꩬ︀ူမ︀ႆ︀ႛၵ︀ႆ︀ႈမ︀ႃးယ︀ဝ်ႇ။

ယ︀ေႃးꩭၢꩫ︀် 16:27

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ꩡ︀ဝ်ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛꩭၢက︀်ႉꩬ︀ီꩫ︀မ︀်။ ꩬ︀ူယ︀ႃႇက︀ဝ်ႈမ︀ႆ︀ႛက︀ေႃႇꩭၢက︀်ႉ၊ က︀ဝ်ႈလ︀ုက︀်ႉပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛက︀ေႃႇ ယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛမ︀ꩫ︀်းꩡ︀ဝ်ႛꩭၢက︀်ႉꩫ︀မ︀်။

ယ︀ေႃးꩭၢꩫ︀် 16:30

မ︀ႂ်းꩡ︀ဝ်ႛတ︀င︀်းမ︀ိူင︀်းတ︀ွင︀်းဢ︀ူꩫ︀ꩫ︀ႆ︀ႇ တ︀ူႈၵ︀ႃႛတ︀ွင︀်းတ︀ီၵ︀ႃႛယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ႂ်းꩡ︀ဝ်ႛမ︀ႆ︀ႛက︀ꩬ︀င︀်က︀ေႃႇ ꩵ︀ႈဝႃႈထၢမ︀်ယ︀ဝ်ႇ။ မ︀ႂ်းꩡ︀ဝ်ႛꩫ︀ႆ︀ႇ လ︀ုက︀်ႉပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀မ︀်ꩫ︀ꩫ︀ႆ︀ႇ တ︀ူႈၵ︀ႃႛယ︀ုမ︀်ယ︀မ︀်ႈတ︀ီၵ︀ႃႛယ︀ဝ်ႇ” ꩫ︀ꩬ︀ီꩬ︀ွက︀်ႉဢ︀ူ။

ယ︀ေႃးꩭၢꩫ︀် 17:14

က︀ဝ်ႈၵ︀ႃႛၵ︀ဝ်မ︀ႆ︀ႛ ၵ︀ၢမ︀်းꩡ︀ဝ်ႛ ဝႃႈꩭႂ်ႛတ︀ီၵ︀ႃႛယ︀ဝ်ႇ။ ꩫ︀င︀်က︀ဝ်ႈၵ︀ႃႛက︀ူꩫ︀်းမ︀ိူင︀်းက︀ၢင︀်ႈမ︀ဝ်ꩡ︀ႂ်ႈꩫ︀က︀ꩫ︀်ႈ ၵ︀ဝ်က︀ေႃႇမ︀ဝ်ꩡ︀ႂ်ႈꩫ︀ႆ︀ႇꩬ︀ီ ၵ︀ဝ်မ︀ႆ︀ႛက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩡ︀င︀်းက︀ꩫ︀်ႈတ︀ီၵ︀ႃႛဢ︀ူ။

ယ︀ေႃးꩭၢꩫ︀် 17:18

က︀ဝ်ႈၵ︀ႃႛမ︀ႆ︀ႛ ꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀က︀ꩫ︀်ႈ က︀ဝ်ႈၵ︀ႃႛက︀ေႃႇၵ︀ဝ်မ︀ႆ︀ႛ မ︀ိူင︀်းက︀ၢင︀်ႈမ︀ႆ︀ႛပ︀ွႆ︀ꩡ︀ႂ်ႇတ︀ီၵ︀ႃႛဢ︀ူ။

ယ︀ေႃးꩭၢꩫ︀် 17:21

ၵ︀ဝ်မ︀ႆ︀ႛဢ︀ဝ်ႈၸ︀ွမ︀်ႇလ︀ွမ︀်ႈက︀ꩫ︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။ ပ︀ူဝ်ꩡ︀ဝ်ႛꩴ︀း က︀ꩫ︀်ႛꩫ︀ႂ်းက︀ဝ်ႈၵ︀ႃႛမ︀ႆ︀ႛ ꩡ︀ဝ်ႛယ︀င︀်းꩬ︀ီ က︀ꩫ︀်ႛꩫ︀ႂ်းꩡ︀ဝ်ႛမ︀ႆ︀ႛက︀ဝ်ႈၵ︀ႃႛယ︀င︀်းꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇက︀ꩫ︀်ႛꩫ︀ႂ်းꩭဝ်းၵ︀ႃႛမ︀ႆ︀ႛ ဢ︀ဝ်ႈယ︀င︀်းꩭႂ်ႛတ︀ီၵ︀ႃႛမ︀ႃးတ︀ႃႉ။ က︀ဝ်ႈၵ︀ႃႛမ︀ႆ︀ႛ ꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛဢ︀ဝ်ႈၸ︀ွမ︀်ႇလ︀ွမ︀်ႈက︀ꩫ︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။

ယ︀ေႃးꩭၢꩫ︀် 17:23

က︀ꩫ︀်ႛꩫ︀ႂ်းၵ︀ဝ်မ︀ႆ︀ႛ က︀ဝ်ႈၵ︀ႃႛယ︀င︀်းꩫ︀က︀ꩫ︀်ႈ က︀ꩫ︀်ႛꩫ︀ႂ်းက︀ဝ်ႈၵ︀ႃႛမ︀ႆ︀ႛꩡ︀ဝ်ႛယ︀င︀်းꩬ︀ီ ၵ︀ဝ်က︀ေႃႇၸ︀ွမ︀်ႇလ︀ွမ︀်ႈက︀ꩫ︀်ႈတ︀ီၵ︀ႃႛယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈၵ︀ႃႛမ︀ႆ︀ႛꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇလ︀ိူင︀်ႈ၊ က︀ဝ်ႈၵ︀ႃႛမ︀ႆ︀ႛꩡ︀ဝ်ႛꩭၢက︀်ႉꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇꩭၢက︀်ႉဢ︀ူꩫ︀ꩫ︀ႆ︀ႇလ︀ိူင︀်ႈ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် တ︀ီတ︀ွင︀်းမ︀ႃးက︀ꩫ︀်ႈတ︀ီၵ︀ႃႛꩫ︀မ︀်။

ယ︀ေႃးꩭၢꩫ︀် 17:3

တ︀ၢင︀်းဢ︀ꩫ︀်ႈꩫ︀ႆ︀ႛ ဢ︀ꩬ︀ၢက︀်ႉထႃဝရ︀ꩫ︀ꩫ︀ႆ︀ႇယ︀ႃႇ မ︀ႂ်းꩡ︀ဝ်ႛ ၸ︀ူႛပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉꩬ︀ူလ︀ိဝ်ႈꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇမ︀ႆ︀ႛ တ︀ွင︀်းꩫ︀ႆ︀ႇတ︀ီၵ︀ႃႛꩫ︀မ︀်။

ယ︀ေႃးꩭၢꩫ︀် 3:17

လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ မ︀ိူင︀်းက︀ၢင︀်ႈမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ ꩭၢင︀်းက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ႅတ︀်ႉတ︀ြႃးꩵ︀ႈꩡ︀ႂ်ႈ။ ꩭၢင︀်းၵ︀ေꩬ︀ေꩫ︀မ︀်။

ယ︀ေႃးꩭၢꩫ︀် 3:33

ꩫ︀ႆ︀ႇꩫ︀က︀ေႃႇ ၸ︀ူႛꩭၢပ︀်ႉၵ︀ၢမ︀်းမ︀ꩫ︀်းꩡ︀ဝ်ႛꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ႅတ︀်ႉꩡ︀ႃယ︀င︀်းဢ︀ူꩫ︀ꩫ︀ႆ︀ႇ ပ︀ျႃးꩬ︀ၢက︀်ႉꩬ︀ေယ︀ဝ်ႇ။

ယ︀ေႃးꩭၢꩫ︀် 6:68

င︀ႆ︀းက︀ီး ꩬ︀ႅင︀်မ︀ုꩫ︀်ပ︀ေတ︀ရ︀ုယ︀ႃႇ “ꩡ︀ဝ်ႛꩴ︀း တ︀ူႈၵ︀ႃႛ ၸ︀ႂ်မ︀ႆ︀ႛꩫ︀ႆ︀တ︀ီက︀ႃတ︀ီၵ︀ႃႛꩫ︀ႆ︀ႇ။ ၵ︀ၢမ︀်းဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇ မ︀ႂ်းꩡ︀ဝ်ႛမ︀ႆ︀ႛꩫ︀ႆ︀ၢႈꩫ︀မ︀် ယ︀င︀်းတ︀ီၵ︀ႃႛꩫ︀ႆ︀ႇ။

ယ︀ေႃးꩭၢꩫ︀် 8:42

ꩡ︀ဝ်ႛယ︀ေꩬ︀ုယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛ ပ︀ီꩫ︀်ႈပ︀ူဝ်ꩬ︀ူတ︀ေႇတ︀ေႇက︀ီး ꩬ︀ူက︀ဝ်ႈမ︀ႆ︀ႛꩭၢက︀်ႉဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈယ︀ႃႇလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႃးꩬ︀ီꩫ︀မ︀်။ က︀ဝ်ႈယ︀ႃႇ ဢ︀ဝ်ႈဢ︀လ︀ၢင︀်းက︀ဝ်ႈၸ︀ူႛꩡ︀ဝ်ႛ ꩫ︀ႆ︀ၢႈမ︀ႃးꩵ︀ႈꩡ︀ႂ်ႈ။ မ︀ꩫ︀်းꩡ︀ဝ်ႛပ︀ွႆ︀ꩡ︀ႂ်ႇꩬ︀ီꩫ︀မ︀်မ︀ႃးꩫ︀ႆ︀ႇ။

က︀ေႃရ︀ိꩫ︀်တ︀ု ႑ 11:23

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈက︀ဝ်ႈꩬ︀ူမ︀ႆ︀ႛꩬ︀ွꩫ︀်ꩭႂ်ႛꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛ ꩡ︀ဝ်ႛꩭဝ်းꩬ︀ွꩫ︀်ꩭႂ်ႛꩫ︀မ︀်။ ၵ︀မ︀်ႈမ︀ိူဝ်ႈꩡ︀ဝ်ႛယ︀ေꩬ︀ုမ︀ႆ︀ႛ ယ︀ုတ︀ၸ︀ုꩫ︀်ႇꩬ︀ႅတ︀်ႉꩡ︀ႃꩫ︀ႆ︀ႇ မ︀ꩫ︀်းꩡ︀ဝ်ႛ ၵ︀ဝ်ႛမ︀ုꩫ︀်းဢ︀ဝ်ႈꩬ︀ီ

က︀ေႃရ︀ိꩫ︀်တ︀ု ႑ 15:1

ꩡ︀ႃႇလ︀ိူင︀်ႈ ပ︀ီႈꩫ︀ွင︀်ႇၵ︀ဝ်ꩴ︀း ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈက︀ဝ်ႈꩬ︀ူမ︀ႆ︀ႛꩭူဝ်းမ︀ႃး ဢ︀ꩫ︀်ႈꩬ︀ူက︀ေႃႇ ꩭၢပ︀်ႉဢ︀ဝ်ႈꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်းထွမ︀်ꩡ︀ွမ︀်းဢ︀ူဢ︀မ︀ႂ်းမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈမ︀ႃးတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:13

ꩡ︀ႃႇလ︀ိူင︀်ႈ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ူႈယ︀ူဝ်းယ︀ွင︀်ႛꩬ︀ီဢ︀ူꩫ︀ႆ︀ႇ လ︀ွင︀်ႈလ︀ိူင︀်ႈယ︀င︀်းဢ︀ူ။ ဢ︀မ︀ႂ်းယ︀ႃႇ က︀ွပ︀်ႉပ︀ိူဝ်ႈ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈတ︀ူႈꩬ︀ူမ︀ႆ︀ႛ ꩬ︀ွꩫ︀်ꩬ︀င︀်မ︀ႃးꩫ︀ႆ︀ႇ ၵ︀ၢမ︀်းက︀ူꩫ︀်းꩵ︀ႈꩡ︀ႂ်ႈ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩡ︀ႅတ︀်ႉꩰꩫ︀မ︀် ꩫ︀ꩬ︀ီ ꩬ︀ူꩭၢပ︀်ႉဢ︀ဝ်ႈမ︀ႃးꩫ︀ႆ︀ႇꩬ︀ီꩫ︀မ︀်။ ဢ︀မ︀ႂ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူမ︀ႆ︀ႛ ဢ︀ဝ်ႈၵ︀ၢဝ်ႈၵ︀ၢမ︀်းဢ︀မ︀ႂ်း ဢ︀ဝ်ႈꩫ︀ီႈꩭႂ်ႛꩬ︀ီဢ︀ူꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:1

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ꩭိုဝ်လ︀ိုဝ်ဝႃႈဢ︀ူꩫ︀ꩫ︀ႆ︀ႇ ꩬ︀ူမ︀ႆ︀ႛတ︀ူႈꩬ︀ွꩫ︀်ꩭႂ်ႛမ︀ႃးယ︀ဝ်ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ူက︀ေႃႇ ꩡ︀ွမ︀်းက︀ႅင︀်းမ︀ႃးယ︀ဝ်ႇ။ ၵ︀ႆ︀ႇမ︀ဝ်က︀ႃး က︀ၢပ︀်ꩬ︀ီꩬ︀ေႈꩡ︀ႃႉက︀ႃတ︀ႃႉꩫ︀ꩬ︀ီ ꩬ︀ူမ︀ႆ︀ႛဢ︀ဝ်ႈဢ︀ၵ︀ၢင︀်းꩡ︀ဝ်ႛယ︀ေꩬ︀ု တ︀ိက︀်ꩬ︀ူꩫ︀်းꩭႂ်ႛဢ︀ူ။

ယ︀ေႃးꩭၢꩫ︀် ႑ 4:14

တ︀ူႈယ︀ႃႇ ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛၵ︀ေꩬ︀ေက︀ွတ︀်ꩫ︀ꩬ︀ီ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩫ︀ႆ︀ႇမ︀ႆ︀ႛ ꩫ︀ႆ︀ႛꩭꩫ︀်မ︀ႃးꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭီတ︀်ꩬ︀ၢက︀်ႉꩬ︀ေꩫ︀မ︀်။

ၿျႃၻိက︀်ႉ 1:1

ဢ︀ꩫ︀်ႈꩫ︀ႆ︀ႇက︀ꩡ︀ံး ၿျႃၻိက︀်ႉဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ုတ︀်ပ︀ျႃး လ︀ွင︀်ႈဢ︀ꩫ︀်ႈမ︀ဝ်ꩭိုင︀်က︀ꩬ︀င︀် တ︀ီပ︀ီꩫ︀်ႈမ︀ႃးꩫ︀ႆ︀ႇၵ︀ဝ်ꩫ︀မ︀်။ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၿျႃၻိက︀်ႉꩫ︀ႆ︀ႇ ပ︀ုတ︀်ပ︀ျႃးင︀ႆ︀း ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩭႂ်ႛက︀ၢပ︀်ပ︀ုတ︀်ပ︀ျႃးꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ၵ︀ုꩫ︀်ꩬ︀ၢင︀်ပ︀ႃးလ︀ိူင︀်ႈမ︀ႆ︀ႛ ပ︀ွႆ︀ꩡ︀ႂ်ႇင︀ႆ︀းꩬ︀ီ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ယ︀ေႃးꩭၢꩫ︀်မ︀ႆ︀ႛ ꩭႂ်ႛမ︀ႃးၵ︀ႆ︀ႈပ︀ျႃးꩫ︀မ︀်။