ယ︀ေႃးꩭၢꩫ︀် 17:21 - Khamti Shan

²¹ ၵ︀ဝ်မ︀ႆ︀ႛဢ︀ဝ်ႈၸ︀ွမ︀်ႇလ︀ွမ︀်ႈက︀ꩫ︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။ ပ︀ူဝ်ꩡ︀ဝ်ႛꩴ︀း က︀ꩫ︀်ႛꩫ︀ႂ်းက︀ဝ်ႈၵ︀ႃႛမ︀ႆ︀ႛ ꩡ︀ဝ်ႛယ︀င︀်းꩬ︀ီ က︀ꩫ︀်ႛꩫ︀ႂ်းꩡ︀ဝ်ႛမ︀ႆ︀ႛက︀ဝ်ႈၵ︀ႃႛယ︀င︀်းꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇက︀ꩫ︀်ႛꩫ︀ႂ်းꩭဝ်းၵ︀ႃႛမ︀ႆ︀ႛ ဢ︀ဝ်ႈယ︀င︀်းꩭႂ်ႛတ︀ီၵ︀ႃႛမ︀ႃးတ︀ႃႉ။ က︀ဝ်ႈၵ︀ႃႛမ︀ႆ︀ႛ ꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛဢ︀ဝ်ႈၸ︀ွမ︀်ႇလ︀ွမ︀်ႈက︀ꩫ︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။

ယ︀ေႃးꩭၢꩫ︀် 17:21 ပူးပေါင်းရင်းမြစ်များ

မ︀ႃက︀ု 3:24

မ︀ိူင︀်းဢ︀ꩫ︀်ႈလ︀ိူင︀်ႈꩫ︀ႆ︀ႇ က︀ူꩫ︀်းမ︀ိူင︀်းၸ︀ူႛꩡ︀ဝ်ႛꩫ︀ၢႆ︀ႈ က︀ၢက︀်ႉက︀ွႆ︀းက︀ꩫ︀်ႈꩬ︀ီ တ︀ိက︀်က︀ꩫ︀်ႈက︀ီး မ︀ိူင︀်းဢ︀မ︀ႂ်းလ︀ူႇပ︀ႅက︀်ႉက︀ႃဢ︀ူ။

ယ︀ေႃးꩭၢꩫ︀် 10:16

က︀ဝ်ႈမ︀ႆ︀ႛပ︀ူႇတ︀ၢင︀်တ︀ူဝ်ႈ ဢ︀ꩫ︀်ႈꩫ︀ႂ်းၸ︀ုင︀်ပ︀ူႇꩫ︀ႆ︀ႇမ︀ႆ︀ႛ မ︀ဝ်လ︀ွေႛꩫ︀ႆ︀ႇၵ︀ဝ်က︀ေႃႇ ယ︀င︀်းဢ︀ိက︀်ဢ︀ူ။ ပ︀ူႇဢ︀မ︀ႂ်းၵ︀ဝ်မ︀ႆ︀ႛ က︀ဝ်ႈဝႃႈဢ︀ဝ်ႈတ︀ုမ︀်ႈမ︀ႃးဢ︀ူ။ ၵ︀ဝ်က︀ေႃႇ ꩬ︀ီင︀်က︀ဝ်ႈထွမ︀်ꩬ︀ီ တ︀ီပ︀ီꩫ︀်ႈပ︀ူႇၸ︀ုင︀်လ︀ိဝ်ႈမ︀ႃးꩫ︀မ︀်။ ၸ︀ူႛလ︀ီင︀်ႇပ︀ူႇက︀ေႃႇ တ︀ီပ︀ီꩫ︀်ႈပ︀ႃးလ︀ိဝ်ႈꩫ︀ႆ︀ၢႈꩫ︀မ︀်။

ယ︀ေႃးꩭၢꩫ︀် 10:30

က︀ဝ်ႈꩫ︀ၵ︀ႃပ︀ူဝ်က︀ဝ်ႈယ︀ႃႇ ပ︀ႃးလ︀ိဝ်ႈꩫ︀ႆ︀ၢႈꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 10:38

ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈꩭီတ︀်က︀ီး က︀ဝ်ႈမ︀ႆ︀ႛမ︀ဝ်ယ︀ုမ︀်ꩫ︀က︀ေႃႇ ဢ︀ꩫ︀်ႈက︀ဝ်ႈꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ယ︀ုမ︀်တ︀ႃႉ။ င︀ႆ︀းက︀ီးꩬ︀ိုင︀် ပ︀ူဝ်က︀ဝ်ႈယ︀ႃႇ က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ꩭူမ︀်ႈၵ︀ိင︀်းꩬ︀ီဢ︀ူꩫ︀က︀ꩫ︀်ႈ က︀ဝ်ႈက︀ေႃႇ က︀ꩫ︀်ႛꩫ︀ႂ်းပ︀ူဝ်က︀ဝ်ႈမ︀ႆ︀ႛ ꩭူမ︀်ႈဢ︀ူꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩬ︀ူတ︀ီတ︀ွင︀်းမ︀ႃးꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 11:42

ဢ︀ꩫ︀်ႈက︀ဝ်ႈၵ︀ႃႛယ︀ွꩫ︀်းꩬ︀ူးမ︀ႆ︀ႛ မ︀ႂ်းꩡ︀ဝ်ႛမ︀ိူဝ်ႈလ︀ႂ်ႈက︀ေႃႇ ထွမ︀်ꩭႂ်ႛဢ︀ူꩫ︀ꩫ︀ႆ︀ႇ က︀ဝ်ႈၵ︀ႃႛတ︀ွင︀်းတ︀ီၵ︀ႃႛဢ︀ူ။ င︀ႆ︀းꩬ︀ီ က︀ဝ်ႈၵ︀ႃႛမ︀ႆ︀ႛ မ︀ႂ်းꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ က︀ူꩫ︀်းဢ︀ꩫ︀်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ် ꩭႂ်ႛပ︀ူဝ်းယ︀ုမ︀်က︀ꩫ︀်ႈꩫ︀ႆ︀ႇ ဢ︀က︀ိဝ်းၵ︀ဝ်မ︀ႆ︀ႛꩫ︀ူႈꩬ︀ီ ထွမ︀်ꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးယ︀ဝ်ႇက︀ီး

ယ︀ေႃးꩭၢꩫ︀် 13:32

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ က︀ဝ်ႈမ︀ႆ︀ႛမ︀ူꩫ︀်ႈၸ︀ုင︀်းတ︀ီꩭိူဝ်ႈꩭိုင︀်းꩡ︀မ︀်ႈယ︀ဝ်ႇ။

ယ︀ေႃးꩭၢꩫ︀် 13:35

ꩬ︀ူꩭၢက︀်ႉက︀ꩫ︀်ႈက︀ီး ဢ︀ꩫ︀်ႈꩭၢက︀်ႉက︀ꩫ︀်ႈမ︀ႆ︀ႛလ︀ႅမ︀်းꩬ︀ီ ꩬ︀ူပ︀ီꩫ︀်ႈတ︀ပ︀ေးက︀ဝ်ႈꩫ︀မ︀်ꩫ︀ꩫ︀ႆ︀ႇ ပ︀ိူꩫ︀်ႈတ︀င︀်းမ︀ိူင︀်းတ︀ွင︀်းမ︀ႃးက︀ꩫ︀်ႈဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 17:11

လ︀ႃႉꩫ︀ႆ︀ႇ က︀ဝ်ႈၵ︀ႃႛလ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛဢ︀ွက︀်ꩬ︀ီ တ︀ီမ︀ႃးꩡ︀ဝ်ႛတ︀ီၵ︀ႃႛꩫ︀မ︀်။ ၵ︀ဝ်ယ︀ႃႇ တ︀ီက︀ိူတ︀်မ︀ိူင︀်းက︀ၢင︀်ႈတ︀ီၵ︀ႃႛꩫ︀မ︀်။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ပ︀ူဝ်ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်ꩴ︀း ꩫ︀င︀်ꩭဝ်းၵ︀ႃႛလ︀ွမ︀်ႈက︀ꩫ︀်ႈꩫ︀က︀ꩫ︀်ႈ ꩭႂ်ႛပ︀ူဝ်းၵ︀ဝ်က︀ေႃႇလ︀ွမ︀်ႈက︀ꩫ︀်ႈꩫ︀ႆ︀ႇ ဢ︀ဝ်ႈတ︀ꩫ︀်းၵ︀ူဝ်းꩡ︀ိုဝ်ႈꩡ︀ဝ်ႛ ဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛꩭႂ်ႛဝႆ︀ႇꩫ︀ႆ︀ႇ ၵ︀ဝ်မ︀ႆ︀ႛက︀ုမ︀်ႇꩭႂ်ႛတ︀ီၵ︀ႃႛမ︀ႃးတ︀ႃႉ။

ယ︀ေႃးꩭၢꩫ︀် 17:18

က︀ဝ်ႈၵ︀ႃႛမ︀ႆ︀ႛ ꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀က︀ꩫ︀်ႈ က︀ဝ်ႈၵ︀ႃႛက︀ေႃႇၵ︀ဝ်မ︀ႆ︀ႛ မ︀ိူင︀်းက︀ၢင︀်ႈမ︀ႆ︀ႛပ︀ွႆ︀ꩡ︀ႂ်ႇတ︀ီၵ︀ႃႛဢ︀ူ။

ယ︀ေႃးꩭၢꩫ︀် 17:20

က︀ဝ်ႈၵ︀ႃႛယ︀ွꩫ︀်းꩬ︀ူးꩫ︀ႆ︀ႇ ꩡ︀ႃႇၵ︀ဝ်ꩫ︀ႆ︀ၢႈꩵ︀ႈꩡ︀ႂ်ႈတ︀ီၵ︀ႃႛ။ ꩡ︀ႃႇက︀ူꩫ︀်းဢ︀ꩫ︀်ႈၵ︀ဝ်ꩭူဝ်းꩬ︀ီ က︀ဝ်ႈၵ︀ႃႛမ︀ႆ︀ႛ ယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်က︀ေႃႇ ꩡ︀ႂ်ႈတ︀ီၵ︀ႃႛဢ︀ူ။

ယ︀ေႃးꩭၢꩫ︀် 17:25

ပ︀ူဝ်ꩡ︀ဝ်ႛဢ︀ꩫ︀်ႈꩬ︀ိုဝ်ႈတ︀ူဝ်ꩴ︀း ꩡ︀ဝ်ႛမ︀ႆ︀ႛက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် မ︀ဝ်တ︀ွင︀်းꩫ︀က︀ေႃႇ က︀ဝ်ႈၵ︀ႃႛယ︀ႃႇတ︀ွင︀်းတ︀ီၵ︀ႃႛဢ︀ူ။ က︀ဝ်ႈၵ︀ႃႛမ︀ႆ︀ႛꩡ︀ဝ်ႛ ပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ ၸ︀ူႛꩡ︀ွမ︀်းက︀ဝ်ႈၵ︀ႃႛၵ︀ဝ်က︀ေႃႇ တ︀ွင︀်းတ︀ီၵ︀ႃႛဢ︀ူ။

ယ︀ေႃးꩭၢꩫ︀် 17:3

တ︀ၢင︀်းဢ︀ꩫ︀်ႈꩫ︀ႆ︀ႛ ဢ︀ꩬ︀ၢက︀်ႉထႃဝရ︀ꩫ︀ꩫ︀ႆ︀ႇယ︀ႃႇ မ︀ႂ်းꩡ︀ဝ်ႛ ၸ︀ူႛပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉꩬ︀ူလ︀ိဝ်ႈꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇမ︀ႆ︀ႛ တ︀ွင︀်းꩫ︀ႆ︀ႇတ︀ီၵ︀ႃႛꩫ︀မ︀်။

ယ︀ေႃးꩭၢꩫ︀် 17:8

ၵ︀ၢမ︀်းဢ︀ꩫ︀်ႈꩡ︀ဝ်ႛ က︀ဝ်ႈၵ︀ႃႛမ︀ႆ︀ႛပ︀ူင︀်ႈꩭႂ်ႛမ︀ႃးꩫ︀ႆ︀ႇ ၵ︀ဝ်မ︀ႆ︀ႛက︀ဝ်ႈၵ︀ႃႛပ︀ူင︀်ႈꩭႂ်ႛꩬ︀ီ ၵ︀ဝ်ꩭၢပ︀်ႉဢ︀ဝ်ႈတ︀ီၵ︀ႃႛယ︀ဝ်ႇ။ က︀ဝ်ႈၵ︀ႃႛ လ︀ုက︀်ႉꩡ︀ဝ်ႛမ︀ႆ︀ႛꩫ︀မ︀်မ︀ႃးꩫ︀ႆ︀ႇꩫ︀ꩫ︀ႆ︀ႇ ၵ︀ဝ်တ︀ွင︀်းတ︀ီၵ︀ႃႛဢ︀ူ။ က︀ဝ်ႈၵ︀ႃႛမ︀ႆ︀ႛ ꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ၵ︀ဝ်ယ︀ုမ︀်ယ︀မ︀်ႈတ︀ီၵ︀ႃႛဢ︀ူ။

ယ︀ေႃးꩭၢꩫ︀် 3:17

လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ မ︀ိူင︀်းက︀ၢင︀်ႈမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ ꩭၢင︀်းက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ႅတ︀်ႉတ︀ြႃးꩵ︀ႈꩡ︀ႂ်ႈ။ ꩭၢင︀်းၵ︀ေꩬ︀ေꩫ︀မ︀်။

ယ︀ေႃးꩭၢꩫ︀် 5:23

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ် ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ၢပ︀်ႉယ︀မ︀်ႈꩫ︀က︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ဝႃႈꩫ︀ၢပ︀်ႉယ︀မ︀်ႈက︀ꩫ︀်ႈꩫ︀မ︀်။ က︀ူဝ်ႇဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ꩫ︀ၢပ︀်ႉယ︀မ︀်ႈꩫ︀ႆ︀ႇယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ွႆ︀ꩡ︀ႂ်ႇလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩵ︀ႈꩫ︀ၢပ︀်ႉယ︀မ︀်ႈ။

ထဝ်ꩡ︀တ︀်ႉၵ︀ဝ် 2:46

က︀ူႈဝꩫ︀်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛင︀ႆ︀း ꩭိူꩫ︀်းၵ︀ဝ်ꩫ︀ႆ︀ႇၵ︀ဝ်မ︀ႆ︀ႛ တ︀ုမ︀်ႈက︀ꩫ︀်ႈꩬ︀ီ ပ︀ိဝ်ꩰမ︀ူꩫ︀်းꩰꩭူမ︀်ႈက︀ိꩫ︀်ႈက︀ꩫ︀်ႈ၊ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ွမ︀်းꩫ︀ွမ︀်းက︀ꩫ︀်ႈင︀ႆ︀း

ထဝ်ꩡ︀တ︀်ႉၵ︀ဝ် 4:32

ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ ၸ︀ွမ︀်ႇက︀ꩫ︀်ႈလ︀ွမ︀်ႈက︀ꩫ︀်ႈပ︀ီꩫ︀်ႈꩡ︀ႂ်ႈလ︀ိူင︀်ႈꩫ︀ႆ︀ၢႈꩬ︀ီ ၸ︀ႂ်က︀ေႃႇၵ︀ွင︀်ပ︀ၢင︀်ႈꩫ︀ꩫ︀ႆ︀ႇꩵ︀ႈဝႆ︀ႇ။ င︀ႆ︀းꩬ︀ီ ၵ︀ိူင︀်ႈဢ︀ꩫ︀်ႈၵ︀ဝ်မ︀ႆ︀ႛ ယ︀င︀်းꩫ︀ႆ︀ႇတ︀င︀်းမ︀ိူင︀်း ꩭူမ︀်ႈက︀ိꩫ︀်ႈꩭူမ︀်ႈတ︀ိုဝ်းက︀ꩫ︀်ႈဢ︀ူ။

ရ︀ေႃမ︀ 12:5

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩭဝ်းက︀ေႃႇꩫ︀မ︀်ꩰလ︀ၢႆ︀လ︀ၢႆ︀ꩫ︀က︀ေႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ႃးလ︀ိဝ်ႈꩫ︀ႆ︀ႇꩬ︀ီ ꩭဝ်းတ︀င︀်းမ︀ိူင︀်း ꩫ︀င︀်ꩬ︀ိက︀်ႉၵ︀ိင︀်းဢ︀ꩫ︀်ႈက︀ူဝ်ႇလ︀ိဝ်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈ လ︀ႅင︀်က︀ꩫ︀်ႈဢ︀ူꩫ︀မ︀်။

က︀ေႃရ︀ိꩫ︀်တ︀ု ႑ 1:10

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ က︀ဝ်ႈဝွꩫ︀်းၵ︀ႅꩫ︀်းက︀ွတ︀်။ လ︀ွင︀်ႈဢ︀ꩫ︀်ႈꩬ︀ူဝႃႈက︀ꩫ︀်ႈမ︀ႆ︀ႛ ꩭႂ်ႛပ︀ူဝ်းꩡ︀ႂ်ႈမ︀ဝ်က︀ၢက︀်ႉက︀ꩫ︀်ႈꩫ︀ႆ︀ႇ ꩭီတ︀်က︀ꩬ︀င︀်ꩫ︀က︀ေႃႇ ꩡ︀ႂ်ႈၵ︀ူမ︀်က︀ꩫ︀်ႈမ︀ႃးတ︀ႃႉ။ ပ︀ီꩫ︀်ႈꩡ︀ႂ်ႈလ︀ိူင︀်ႈၵ︀ူဝ်းလ︀ိူင︀်ႈꩫ︀ၢႆ︀ႈꩬ︀ီ ၸ︀ွမ︀်ႇလ︀ွမ︀်ႈက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႑ 12:12

တ︀ူဝ်ႈꩭဝ်းမ︀ႆ︀ႛ ꩬ︀ိက︀်ႉတ︀ူဝ်ႈဢ︀ၢꩫ︀်တ︀ၢꩫ︀်ယ︀င︀်းꩫ︀က︀ေႃႇ တ︀ူဝ်ႈꩭဝ်းယ︀ႃႇဢ︀ꩫ︀်ႈလ︀ိဝ်ႈꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ပ︀ီꩫ︀်ႈင︀ႆ︀းꩫ︀မ︀်။

က︀ေႃရ︀ိꩫ︀်တ︀ု ႑ 6:17

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛဢ︀ၢပ︀်ႉꩫ︀ႆ︀ႇယ︀ႃႇ ၵ︀ွꩫ︀်မ︀ꩫ︀်းက︀ေႃႇ တ︀င︀်းꩡ︀ဝ်ႛယ︀ေꩬ︀ုလ︀ွမ︀်ႈလ︀မ︀်းက︀ꩫ︀်ႈဢ︀ူꩫ︀မ︀်။

က︀လ︀ႃတ︀ိ 3:28

င︀ႆ︀းꩫ︀ႆ︀ႇꩬ︀ီ ၸ︀ꩫ︀်းက︀ျူး၊ ၸ︀ꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈ၊ ၵ︀ႃႛ၊ က︀ူꩫ︀်းလ︀ွတ︀်ႉ၊ ၸ︀ူႛယ︀ိင︀်း၊ ၸ︀ူႛꩡ︀ႆ︀ၢးꩫ︀ꩬ︀ီ ဢ︀ꩫ︀်ႈက︀ၢက︀်ႉက︀ꩫ︀်ႈꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူတ︀င︀်းမ︀ိူင︀်း က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ီꩫ︀်ႈက︀ူဝ်ႇလ︀ိဝ်ႈယ︀ဝ်ႇ။

ၸ︀ိလ︀ိပ︀်ပ︀ၢႆ︀ 1:27

ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ꩬ︀ူꩫ︀င︀်ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ွꩫ︀်ဝႆ︀ႇꩫ︀ႆ︀ႇꩫ︀က︀ꩫ︀်ႈ ဝႃႈက︀မ︀်ႈက︀ႅင︀်းက︀ꩫ︀်ႈꩫ︀မ︀်။ င︀ႆ︀းက︀ီး က︀ဝ်ႈꩬ︀ူမ︀ႆ︀ႛမ︀ႃးပ︀ီꩫ︀်ႈပ︀တ︀ု၊ မ︀ဝ်ပ︀ီꩫ︀်ႈပ︀တ︀ု လ︀ွင︀်ႈဢ︀ꩫ︀်ႈꩬ︀ူꩭူမ︀်ႈꩡ︀ႂ်ႈꩭူမ︀်ႈၵ︀ူဝ်း ꩬ︀ေႈꩡ︀ႃႉꩬ︀ီ က︀ုမ︀်ႇတ︀ၢင︀်းယ︀ုမ︀်ယ︀မ︀်ႈဢ︀ꩫ︀်ႈꩭီတ︀်င︀ဝ်ႛၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ဝ်ႈတ︀ီꩫ︀ႆ︀ႛꩥ︀ိꩫ︀်းꩫ︀မ︀်။

ယ︀ေႃးꩭၢꩫ︀် ႑ 1:3

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ လ︀ုက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ူႈꩫ︀ႆ︀ႛၵ︀ဝ်ႛၵ︀ွꩫ︀်ႛက︀ꩫ︀်ႈမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းꩬ︀ူက︀ေႃႇ တ︀င︀်းတ︀ူႈꩫ︀ႆ︀ႛၵ︀ဝ်ႛၵ︀ွꩫ︀်ႛက︀ꩫ︀်ႈꩫ︀ႆ︀ႇ ဢ︀ꩫ︀်ႈတ︀ူႈꩭꩫ︀်မ︀ႃး၊ ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇၵ︀ဝ် ꩬ︀ူမ︀ႆ︀ႛတ︀ူႈၵ︀ႆ︀ႈꩭႂ်ႛꩫ︀မ︀်။

ယ︀ေႃးꩭၢꩫ︀် ႑ 5:7

င︀ႆ︀းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ၊ ꩫ︀မ︀်ႇင︀ႆ︀း ꩫ︀ိူတ︀်ႉꩫ︀ꩬ︀ီ ꩬ︀ၢက︀်ႉꩬ︀ေꩡ︀ဝ်ႛယ︀ေꩬ︀ုၵ︀ရ︀ီတ︀်တ︀င︀်းꩬ︀ၢမ︀်ပ︀ႃးꩫ︀ႆ︀ႇ ꩭဝ်းမ︀ႆ︀ႛလ︀ွင︀်ႈဢ︀ꩫ︀်ႈလ︀ိူင︀်ႈမ︀ႆ︀ႛꩫ︀ႆ︀ၢႈꩫ︀မ︀်ဝႃႈꩫ︀ႆ︀ႇ။