ယ︀ေႃးꩭၢꩫ︀် 17:15 - Khamti Shan

¹⁵ ꩡ︀ဝ်ႛမ︀ႆ︀ႛ က︀ဝ်ႈၵ︀ႃႛယ︀ွꩫ︀်းꩬ︀ူးꩫ︀ႆ︀ႇ ၵ︀ဝ်မ︀ႆ︀ႛလ︀ုက︀်ႉꩫ︀ႂ်းမ︀ိူင︀်းက︀ၢင︀်ႈမ︀ႆ︀ႛ ꩭႂ်ႛယ︀ုတ︀်ဢ︀ွက︀်ꩵ︀ႈꩡ︀ႂ်ႈတ︀ီၵ︀ႃႛ။ ꩭႂ်ႛပ︀ူဝ်းၵ︀ဝ်မ︀ႆ︀ႛ ꩡ︀ဝ်ႛ လ︀ုက︀်ႉၸ︀ေးၵ︀ုꩫ︀်ꩬ︀ူင︀်မ︀ႆ︀ႛ က︀ုမ︀်ႇꩭႂ်ႛꩫ︀ႆ︀ႇတ︀ီၵ︀ႃႛꩫ︀မ︀်။

ယ︀ေႃးꩭၢꩫ︀် 17:15 ပူးပေါင်းရင်းမြစ်များ

မ︀တ︀်တ︀ႄး 5:37

ꩡ︀ႂ်ႈက︀ီးꩡ︀ႂ်ႈဢ︀ူ။ မ︀ဝ်ꩡ︀ႂ်ႈက︀ီးꩵ︀ႈꩡ︀ႂ်ႈꩫ︀ꩫ︀ႆ︀ၢႈဝႃႈတ︀ႃႉ။ ဢ︀မ︀ႂ်းမ︀ႆ︀ႛလ︀ိူဝ်ꩬ︀ီဝႃႈက︀ီး ၵ︀ၢမ︀်းဢ︀မ︀ႂ်းယ︀ႃႇ ဢ︀ꩫ︀်ႈလ︀ုက︀်ႉၵ︀ုꩫ︀်ꩬ︀ူင︀်မ︀ႆ︀ႛမ︀ႃးꩫ︀မ︀်။

မ︀တ︀်တ︀ႄး 6:13

ဢ︀ꩫ︀်ႈၵ︀ုꩫ︀်ꩬ︀ူင︀်က︀ဝ်းမ︀ႆ︀ႛ ꩭႂ်ႛပ︀ူဝ်းတ︀ူႈၵ︀ႃႛမ︀ဝ်လ︀ွေႛက︀ႃꩫ︀ႆ︀ႇ ဢ︀ွꩫ︀်ႈတ︀ၢင︀်းꩭႂ်ႛꩬ︀ီ လ︀ုက︀်ႉၸ︀ေးၵ︀ုꩫ︀်ꩬ︀ူင︀်မ︀ႆ︀ႛက︀ေႃႇ တ︀ူႈၵ︀ႃႛမ︀ႆ︀ႛက︀ုမ︀်ႇꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးတ︀ႃႉ။

လ︀ုက︀ႃ 11:4

ဢ︀ꩫ︀်ႈပ︀ိူꩫ︀်ႈၸ︀ိတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ တ︀ူႈၵ︀ႃႛပ︀ွႆ︀လ︀ွတ︀်ႉꩭႂ်ႛꩫ︀ႆ︀ႇꩬ︀ီ ဢ︀ပ︀ႅတ︀်ႉတ︀ူႈၵ︀ႃႛမ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛတ︀ီၵ︀ႃႛမ︀ႃးတ︀ႃႉ။ မ︀ိူဝ်ႈတ︀ူႈၵ︀ႃႛမ︀ႆ︀ႛ ဢ︀ꩫ︀်ႈယ︀ႃႇဢ︀ꩫ︀်ႈက︀ဝ်းထိုင︀်မ︀ႃးꩫ︀ႆ︀ႇ ꩭႂ်ႛပ︀ူဝ်းတ︀ူႈၵ︀ႃႛပ︀ေႇဢ︀ွင︀်ꩫ︀ႆ︀ႇ ꩡ︀ွႆ︀ႈꩭႂ်ႛတ︀ီၵ︀ႃႛမ︀ႃးတ︀ႃႉ ꩫ︀ꩬ︀ီယ︀ွꩫ︀်းꩬ︀ူးတ︀ႃႉ” ꩫ︀ဝꩫ︀်ႇ။

လ︀ုက︀ႃ 22:32

င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းမ︀ႂ်း တ︀ၢင︀်းယ︀ုမ︀်ယ︀မ︀်ႈမ︀ဝ်လ︀ူႇꩫ︀ႆ︀ႇ က︀ဝ်ႈယ︀ွꩫ︀်းꩬ︀ူးယ︀ဝ်ႇ။ မ︀ိူဝ်ႈမ︀ႂ်း က︀ဝ်ႈမ︀ႆ︀ႛတ︀ၢဝ်ႈပ︀ွက︀်ႉမ︀ႃးꩫ︀ႆ︀ႇ ပ︀ီႈꩫ︀ွင︀်ႇမ︀ႂ်းၵ︀ဝ်မ︀ႆ︀ႛ ꩬ︀ႂ်ꩭႅင︀်းꩭႂ်ႛတ︀ႃႉ” ꩫ︀ဝꩫ︀်ႇ။

က︀လ︀ႃတ︀ိ 1:4

ꩡ︀ဝ်ႛယ︀ေꩬ︀ုယ︀ႃႇ ꩭႂ်ႛပ︀ူဝ်ꩭဝ်းꩫ︀င︀်က︀ူꩫ︀်းꩭၢႆ︀ႇပ︀ၢꩫ︀်ႈင︀ႆ︀ႚꩫ︀ႆ︀ႇၵ︀ဝ်ꩫ︀က︀ꩫ︀်ႈမ︀ဝ်လ︀ူႇမ︀ဝ်ꩬ︀ုမ︀်းꩫ︀ႆ︀ႇ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ၢင︀်ဝႆ︀ႇꩫ︀က︀ꩫ︀်ႈ ꩡ︀ႃႇဢ︀ပ︀ႅတ︀်ႉꩭဝ်း ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ွတ︀်ꩬ︀ီ ꩭဝ်းမ︀ႆ︀ႛၵ︀ေꩬ︀ေꩭႂ်ႛမ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:3

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ႅတ︀်ႉꩡ︀ႃယ︀င︀်းဢ︀ူ။ ꩫ︀င︀်မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ꩬ︀ူမ︀ႆ︀ႛဢ︀ဝ်ႈၵ︀ိူင︀်က︀ိုမ︀်းꩭႂ်ႛꩬ︀ီ လ︀ုက︀်ႉၸ︀ေးၵ︀ုꩫ︀်ꩬ︀ူင︀်မ︀ႆ︀ႛ တ︀ီက︀ုမ︀်ႇၵ︀ႅꩫ︀်ꩭႂ်ႛꩫ︀မ︀်။

တ︀ိမ︀ေႃတ︀ေ ႒ 4:8

င︀ႆ︀းꩫ︀ႆ︀ႇꩬ︀ီ ꩬ︀ူးပ︀ွင︀်းꩬ︀ႅင︀်ꩡ︀ႃႇက︀ဝ်ႈ ၸ︀ြႃးပ︀ီꩫ︀်ႈꩡ︀ဝ်ႛꩭႅမ︀်းဝႆ︀ႇယ︀ဝ်ႇꩰ။ ꩬ︀ူးဢ︀မ︀ႂ်းယ︀ႃႇ ꩡ︀ႃႇꩭၢင︀်းက︀ူꩫ︀်း ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈ ဢ︀ူမ︀ႃးꩫ︀ႆ︀ႇၵ︀ဝ်ꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ု၊ ꩡ︀ဝ်ႛတ︀ြႃးဢ︀ꩫ︀်ႈꩬ︀ိုဝ်ႈတ︀ူဝ်က︀ျွႃးမ︀ႃးꩫ︀ႆ︀ႇ က︀ဝ်ႈမ︀ႆ︀ႛ ꩬ︀ူးဢ︀မ︀ႂ်း တ︀ီꩭႂ်ႛꩫ︀မ︀်။ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ႂ်ႇထႃႛင︀ွက︀်ႉꩰꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛက︀ေႃႇ ꩬ︀ူးဢ︀မ︀ႂ်းတ︀ီꩭႂ်ႛꩫ︀မ︀်။

ယ︀ေႃးꩭၢꩫ︀် ႑ 5:18

က︀ူဝ်ႇဢ︀ꩫ︀်ႈပ︀ီꩫ︀်ႈ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် က︀ၢပ︀်ꩬ︀ီꩵ︀ႈꩭီတ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ က︀ုမ︀်ႇꩭႂ်ႛꩫ︀ႆ︀ႇꩬ︀ီ ၵ︀ုꩫ︀်ꩬ︀ူင︀်ယ︀ႃႇ ၵ︀ဝ်မ︀ႆ︀ႛꩭီတ︀်ၸ︀ေးꩵ︀ႈꩫ︀ႆ︀ႛ။

ယ︀ေႃးꩭၢꩫ︀် ႑ 5:19

ꩭဝ်းယ︀ႃႇ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇဢ︀ူက︀ꩫ︀်ႛတ︀ႂ်ႛတ︀ꩫ︀်းၵ︀ူဝ်း ၵ︀ုꩫ︀်ꩬ︀ူင︀်ꩫ︀မ︀် ꩫ︀ꩫ︀ႆ︀ႇꩭဝ်းတ︀ွင︀်းဢ︀ူ။