ယ︀ေႃးꩭၢꩫ︀် 16:27 - Khamti Shan

²⁷ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ꩡ︀ဝ်ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛꩭၢက︀်ႉꩬ︀ီꩫ︀မ︀်။ ꩬ︀ူယ︀ႃႇက︀ဝ်ႈမ︀ႆ︀ႛက︀ေႃႇꩭၢက︀်ႉ၊ က︀ဝ်ႈလ︀ုက︀်ႉပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛက︀ေႃႇ ယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛမ︀ꩫ︀်းꩡ︀ဝ်ႛꩭၢက︀်ႉꩫ︀မ︀်။

ယ︀ေႃးꩭၢꩫ︀် 16:27 ပူးပေါင်းရင်းမြစ်များ

မ︀တ︀်တ︀ႄး 10:37

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛပ︀ူꩫ︀်ႇꩬ︀ီ ပ︀ူဝ်မ︀ႆ︀ႛꩫ︀က︀ေႃႇယ︀ႃ မ︀ေမ︀ႆ︀ႛꩫ︀က︀ေႃႇယ︀ႃ ၵ︀ႅꩫ︀်းꩭၢက︀်ႉꩫ︀ႆ︀ႇယ︀ႃႇ ပ︀ီꩫ︀်ႈတ︀ပ︀ေးက︀ဝ်ႈꩵ︀ႈထႅက︀်ႉ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛပ︀ူꩫ︀်ႇꩬ︀ီ လ︀ုက︀်ႉꩡ︀ႆ︀ၢးမ︀ႆ︀ႛꩫ︀က︀ေႃႇယ︀ႃ လ︀ုက︀်ႉယ︀ိင︀်းမ︀ႆ︀ႛꩫ︀က︀ေႃႇယ︀ႃ ၵ︀ႅꩫ︀်းꩭၢက︀်ႉꩫ︀ႆ︀ႇက︀ေႃႇ ပ︀ီꩫ︀်ႈတ︀ပ︀ေးက︀ဝ်ႈꩵ︀ႈထႅက︀်ႉ။

ယ︀ေႃးꩭၢꩫ︀် 14:21

က︀ူဝ်ႇဢ︀ꩫ︀်ႈၵ︀ၢမ︀်းက︀ဝ်ႈမ︀ႆ︀ႛ ꩭၢပ︀်ႉဢ︀ဝ်ႈꩬ︀ီထွမ︀်းꩡ︀ွမ︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ဝ်ႈမ︀ႆ︀ႛꩭၢက︀်ႉꩫ︀မ︀်။ က︀ဝ်ႈမ︀ႆ︀ႛၵ︀ဝ်ꩭၢက︀်ႉꩫ︀ႆ︀ႇꩬ︀ီ ၵ︀ဝ်မ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛက︀ဝ်ႈꩭၢက︀်ႉဢ︀ူ။ က︀ဝ်ႈၸ︀ူႛꩡ︀ဝ်ႛက︀ေႃႇ ၵ︀ဝ်မ︀ႆ︀ႛꩭၢက︀်ႉꩬ︀ီ က︀ဝ်ႈပ︀ီꩫ︀်ႈၸ︀ႂ်ꩫ︀ꩫ︀ႆ︀ႇ ၵ︀ဝ်က︀ူႈက︀ူဝ်ႇမ︀ႆ︀ႛ တ︀ီပ︀ုတ︀်ပ︀ျႃးꩭႂ်ႛꩫ︀မ︀်။

ယ︀ေႃးꩭၢꩫ︀် 14:23

မ︀ꩫ︀်းꩡ︀ဝ်ႛယ︀ႃႇ “က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းက︀ဝ်ႈထွမ︀်ꩡ︀ွမ︀်းက︀ꩫ︀်ႈဢ︀ူ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛꩭၢက︀်ႉꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀မ︀ိူင︀်း က︀ဝ်ႈတ︀မ︀ိူင︀်းတ︀င︀်းꩬ︀ွင︀် ၵ︀ဝ်မ︀ႆ︀ႛက︀ျွႃးမ︀ႃးꩬ︀ီ တ︀င︀်းၵ︀ဝ်တ︀ီꩭူမ︀်ႈၵ︀ိင︀်းꩫ︀မ︀်။

ယ︀ေႃးꩭၢꩫ︀် 16:30

မ︀ႂ်းꩡ︀ဝ်ႛတ︀င︀်းမ︀ိူင︀်းတ︀ွင︀်းဢ︀ူꩫ︀ꩫ︀ႆ︀ႇ တ︀ူႈၵ︀ႃႛတ︀ွင︀်းတ︀ီၵ︀ႃႛယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ႂ်းꩡ︀ဝ်ႛမ︀ႆ︀ႛက︀ꩬ︀င︀်က︀ေႃႇ ꩵ︀ႈဝႃႈထၢမ︀်ယ︀ဝ်ႇ။ မ︀ႂ်းꩡ︀ဝ်ႛꩫ︀ႆ︀ႇ လ︀ုက︀်ႉပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀မ︀်ꩫ︀ꩫ︀ႆ︀ႇ တ︀ူႈၵ︀ႃႛယ︀ုမ︀်ယ︀မ︀်ႈတ︀ီၵ︀ႃႛယ︀ဝ်ႇ” ꩫ︀ꩬ︀ီꩬ︀ွက︀်ႉဢ︀ူ။

ယ︀ေႃးꩭၢꩫ︀် 17:23

က︀ꩫ︀်ႛꩫ︀ႂ်းၵ︀ဝ်မ︀ႆ︀ႛ က︀ဝ်ႈၵ︀ႃႛယ︀င︀်းꩫ︀က︀ꩫ︀်ႈ က︀ꩫ︀်ႛꩫ︀ႂ်းက︀ဝ်ႈၵ︀ႃႛမ︀ႆ︀ႛꩡ︀ဝ်ႛယ︀င︀်းꩬ︀ီ ၵ︀ဝ်က︀ေႃႇၸ︀ွမ︀်ႇလ︀ွမ︀်ႈက︀ꩫ︀်ႈတ︀ီၵ︀ႃႛယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈၵ︀ႃႛမ︀ႆ︀ႛꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇလ︀ိူင︀်ႈ၊ က︀ဝ်ႈၵ︀ႃႛမ︀ႆ︀ႛꩡ︀ဝ်ႛꩭၢက︀်ႉꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇꩭၢက︀်ႉဢ︀ူꩫ︀ꩫ︀ႆ︀ႇလ︀ိူင︀်ႈ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် တ︀ီတ︀ွင︀်းမ︀ႃးက︀ꩫ︀်ႈတ︀ီၵ︀ႃႛꩫ︀မ︀်။

ယ︀ေႃးꩭၢꩫ︀် 2:11

ဢ︀ꩫ︀်ႈꩫ︀ႆ︀ႇယ︀ႃႇ လ︀ႆ︀ၢးꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈꩡ︀ဝ်ႛယ︀ေꩬ︀ု ဢ︀ွꩫ︀်ႈတ︀ၢင︀်းလ︀ေႚလ︀ေႚꩭီတ︀် ꩬ︀ီ ပ︀ျႃးမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။ လ︀ွင︀်ႈꩫ︀ႆ︀ႇ တ︀ိူင︀်းက︀ႃလ︀ိလ︀ႄ၊ ဝီင︀်းက︀ႃꩫ︀မ︀ႆ︀ႛꩫ︀မ︀် မ︀ꩫ︀်းꩡ︀ဝ်ႛꩭီတ︀်ပ︀ျႃးမ︀ႃးꩫ︀ႆ︀ႇ။ င︀ႆ︀းꩫ︀ႆ︀ႇꩬ︀ီ တ︀ပ︀ေးꩡ︀ဝ်ႛၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။

ယ︀ေႃးꩭၢꩫ︀် 3:13

က︀ဝ်ႈ ၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း ဢ︀ꩫ︀်ႈလ︀ုက︀်ႉမ︀ိူင︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ူမ︀ႆ︀ႛ က︀ျွႃးလ︀ူင︀်းမ︀ႃးꩫ︀ႆ︀ႇမ︀ႆ︀ႛလ︀ိူဝ်ꩬ︀ီ ၸ︀ႂ်က︀ေႃႇ မ︀ိူင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ူမ︀ႆ︀ႛ ꩵ︀ႈꩭွꩫ︀်ၵ︀ိုꩫ︀်ႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 7:29

ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇမ︀ꩫ︀်းꩡ︀ဝ်ႛမ︀ႆ︀ႛတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈမ︀ႆ︀ႛမ︀ꩫ︀်းꩡ︀ဝ်ႛ ပ︀ွႆ︀ꩡ︀ႂ်ႇꩬ︀ီ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛꩫ︀မ︀်က︀ဝ်ႈမ︀ႃးꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 8:42

ꩡ︀ဝ်ႛယ︀ေꩬ︀ုယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛ ပ︀ီꩫ︀်ႈပ︀ူဝ်ꩬ︀ူတ︀ေႇတ︀ေႇက︀ီး ꩬ︀ူက︀ဝ်ႈမ︀ႆ︀ႛꩭၢက︀်ႉဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈယ︀ႃႇလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႃးꩬ︀ီꩫ︀မ︀်။ က︀ဝ်ႈယ︀ႃႇ ဢ︀ဝ်ႈဢ︀လ︀ၢင︀်းက︀ဝ်ႈၸ︀ူႛꩡ︀ဝ်ႛ ꩫ︀ႆ︀ၢႈမ︀ႃးꩵ︀ႈꩡ︀ႂ်ႈ။ မ︀ꩫ︀်းꩡ︀ဝ်ႛပ︀ွႆ︀ꩡ︀ႂ်ႇꩬ︀ီꩫ︀မ︀်မ︀ႃးꩫ︀ႆ︀ႇ။

ရ︀ေႃမ︀ 8:3

ꩬ︀ိꩫ︀်ယ︀ႃႇ လ︀ႆ︀ၢးပ︀ိူဝ်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်း ꩭႅင︀်းဢ︀ေꩫ︀ႆ︀ႇꩬ︀ီ ဢ︀ꩫ︀်ႈꩬ︀ိꩫ︀်ꩭီတ︀်မ︀ဝ်ပ︀ီꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်မ︀ႃးယ︀ဝ်ႇ။ လ︀ုက︀်ႉမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀င︀်ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းꩫ︀က︀ꩫ︀်ႈ က︀ျွႃးမ︀ႃးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းမ︀ႆ︀ႛ မ︀ꩫ︀်းꩡ︀ဝ်ႛ တ︀ၢမ︀်ဢ︀ပ︀ႅတ︀်ႉပ︀ူင︀်ႈမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭၢင︀်းꩭဝ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 15:47

ဢ︀ႃတ︀ၢမ︀်ဢ︀ꩫ︀်ႈဢ︀ွꩫ︀်ႈတ︀ၢင︀်းꩫ︀ႆ︀ႇယ︀ႃႇ က︀ူꩫ︀်းလ︀င︀်ꩫ︀ိꩫ︀်ႈ ဢ︀ꩫ︀်ႈလ︀ုက︀်ႉꩫ︀ိꩫ︀်ႈမ︀ႆ︀ႛပ︀ီꩫ︀်ႈမ︀ႃးꩫ︀မ︀်။ ဢ︀ႃတ︀ၢမ︀်ပ︀ႆ︀ၢႈꩭၢင︀်ယ︀ႃႇ ꩡ︀ဝ်ႛဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 16:22

က︀ူဝ်ႇဢ︀ꩫ︀်ႈꩡ︀ဝ်ႛꩭဝ်းမ︀ႆ︀ႛ မ︀ဝ်ꩭၢက︀်ႉꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛပ︀ူဝ်းတ︀ၢမ︀်က︀တ︀ႃႉ။ ꩡ︀ဝ်ႛꩴး က︀ျွႃးမ︀ႃးတ︀ီၵ︀ႃႛမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 5:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇက︀ူꩫ︀်းတ︀င︀်းမ︀ိူင︀်းၵ︀ၢမ︀်တ︀ႆ︀ၢႈမ︀ႃးꩫ︀ႆ︀ႇꩬ︀ီ က︀ူꩫ︀်းတ︀င︀်းမ︀ိူင︀်းက︀ေႃႇ တ︀ႆ︀ၢႈက︀ႃယ︀ဝ်ႇꩫ︀ꩬ︀ီ ꩭဝ်းယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩭဝ်းမ︀ႆ︀ႛ မ︀ႅတ︀်ႉတ︀ႃꩡ︀ဝ်ႛၵ︀ရ︀ီတ︀် ထိꩫ︀်ဢ︀ူꩫ︀မ︀်။

က︀လ︀ႃတ︀ိ 4:4

ꩫ︀ႆ︀ႇꩫ︀က︀ေႃႇ ယ︀ၢမ︀်းထိုင︀်မ︀ႃးက︀ီး ၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩬ︀ီ လ︀ုက︀်ႉမ︀ꩫ︀်းꩡ︀ဝ်ႛက︀ေႃႇ လ︀ုက︀်ႉက︀ူꩫ︀်းယ︀ိင︀်းမ︀ႆ︀ႛ ၸ︀ႃးပ︀ီꩫ︀်ႈက︀ူꩫ︀်းမ︀ႃးယ︀ဝ်ႇ။ ꩭႂ်ႛပ︀ူဝ်း က︀ူꩫ︀်းဢ︀ꩫ︀်ႈဢ︀ူက︀ꩫ︀်ႛတ︀ႂ်ႛꩬ︀ိꩫ︀်က︀ျူးꩫ︀ႆ︀ႇၵ︀ဝ်မ︀ႆ︀ႛ ထွတ︀်ꩭႂ်ႛꩫ︀ႆ︀ႇင︀ႆ︀း ꩭႂ်ႛပ︀ူဝ်းက︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ မ︀ꩫ︀်းꩡ︀ဝ်ႛ က︀ꩫ︀်ႛတ︀ႂ်ႛꩬ︀ိꩫ︀်က︀ျူးမ︀ႆ︀ႛ ၸ︀ႃးမ︀ႃးယ︀ဝ်ႇ။

ဢ︀ေၸ︀ႅတ︀် 6:24

ꩬ︀ူဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩭၢက︀်ႉဢ︀ူမ︀ဝ်ꩬ︀ဝ်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛယ︀င︀်းက︀တ︀ႃႉ။

တ︀ိမ︀ေႃတ︀ေ ႑ 1:15

မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛလ︀ုက︀်ႉဢ︀ပ︀ႅတ︀်ႉၵ︀ဝ်မ︀ႆ︀ႛ မ︀ႃးၵ︀ေꩬ︀ေꩭႂ်ႛꩫ︀မ︀်ꩫ︀ꩫ︀ႆ︀ႇ ၵ︀ၢမ︀်းꩬ︀ႅတ︀်ႉꩡ︀ႃ ဢ︀ꩫ︀်ႈဝႃႈယ︀ုမ︀်ယ︀မ︀်ႈမ︀ဝ်ပ︀ိတ︀်ႉꩫ︀မ︀်။ က︀ဝ်ႈယ︀ႃႇ ꩫ︀ႂ်းက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ꩫ︀်ႈၵ︀ႅꩫ︀်းဢ︀ပ︀ႅတ︀်ႉꩫ︀ႃꩫ︀မ︀်။

ꩭေပ︀ရ︀ူး 12:6

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛꩭၢက︀်ႉမ︀ႆ︀ႛ ꩬ︀ွꩫ︀်ꩬ︀ုင︀်းမ︀ႃးဢ︀ူ။ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛ မ︀တ︀်ႉလ︀ုက︀်ႉမ︀ႆ︀ႛ ꩭႂ်ႛတ︀ၢမ︀်ဢ︀ူ” ꩫ︀ဝꩫ︀်ႇ။

ပ︀ေတ︀ရ︀ု ႑ 1:8

ꩬ︀ူယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ꩭွꩫ︀်ꩭꩫ︀်မ︀ႃးꩫ︀က︀ေႃႇ ꩭၢက︀်ႉက︀ꩫ︀်ႈဢ︀ူ။ င︀ႆ︀ႚက︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ꩭꩫ︀်ꩫ︀က︀ေႃႇ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ꩫ︀်ႈဢ︀ူ။ င︀ႆ︀းꩫ︀ႆ︀ႇꩬ︀ီ ꩬ︀ူၵ︀ႂ်ႈလ︀ႂ်ႈꩡ︀ူမ︀်းꩭုမ︀်ꩫ︀ꩫ︀ႆ︀ႇ ဢ︀ꩫ︀်ႈတ︀ီတ︀ႅက︀်ႉꩫ︀ႆ︀ၢႈက︀ေႃႇ ꩵ︀ႈယ︀င︀်း။

ယ︀ေႃးꩭၢꩫ︀် ႑ 4:19

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭၢက︀်ႉဢ︀ွꩫ︀်ႈမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩭဝ်းꩭၢက︀်ႉꩫ︀မ︀်။

ၿျႃၻိက︀်ႉ 3:19

က︀ဝ်ႈယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩭၢက︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ပ︀ႅတ︀်ႉꩡ︀ႅပ︀်ႉꩬ︀ီ ꩬ︀ုင︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ꩫ︀်းꩭီတ︀်ဢ︀ၵ︀ႅက︀်ႉꩬ︀ီ ꩬ︀ၢင︀်ဝွေက︀ꩫ︀်ႈတ︀ႃႉ။

ၿျႃၻိက︀်ႉ 3:9

က︀ဝ်ႈဝႃႈက︀ွတ︀်။ က︀ုမ︀်ႛၵ︀ုꩫ︀်ꩬ︀ူင︀် ၸ︀ူႛၸ︀ႅတ︀်ႉ ဢ︀ꩫ︀်ႈꩭႅꩫ︀်းꩭီတ︀်က︀ျူးꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ႆ︀ၢႛတ︀ိꩫ︀်ႈမ︀ႂ်းမ︀ႆ︀ႛ တ︀ီမ︀ႃးꩭႂ်ႛၵ︀ုပ︀်ႉၵ︀ဝ်ꩫ︀မ︀်။ ꩭီတ︀်င︀ႆ︀းꩬ︀ီ မ︀ႂ်းမ︀ႆ︀ႛက︀ဝ်ႈꩭၢက︀်ႉဢ︀ူꩫ︀ꩫ︀ႆ︀ႇ ၵ︀ဝ်မ︀ႆ︀ႛတ︀ီꩭႂ်ႛတ︀ွင︀်းꩫ︀မ︀်။