ယ︀ေႃးꩭၢꩫ︀် 16:11 - Khamti Shan

¹¹ က︀ွပ︀်ႉပ︀ိူဝ်ႈၵ︀ုꩫ︀်မ︀ိူင︀်းက︀ၢင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးယ︀ဝ်ႇꩰꩫ︀ႆ︀ႇꩬ︀ီ လ︀ွင︀်ႈပ︀ႅတ︀်ႉတ︀ြႃးꩫ︀ႆ︀ႇတ︀ီၵ︀ႆ︀ႈꩭႂ်ႛꩫ︀မ︀်။

ယ︀ေႃးꩭၢꩫ︀် 16:11 ပူးပေါင်းရင်းမြစ်များ

မ︀တ︀်တ︀ႄး 12:18

“က︀ူဝ်ႇꩫ︀ႆ︀ႇယ︀ႃႇ ၸ︀ူႛꩡ︀ႂ်ႇက︀ဝ်ႈ ဢ︀ꩫ︀်ႈက︀ဝ်ႈလ︀ိူက︀်ႉဝႆ︀ႇꩫ︀မ︀်။ မ︀ꩫ︀်းမ︀ႆ︀ႛက︀ဝ်ႈꩭၢက︀်ႉလ︀ူင︀်၊ မ︀ႃးꩡ︀ႂ်ႈလ︀ူင︀်ꩫ︀မ︀်။ မ︀ꩫ︀်းမ︀ႆ︀ႛၵ︀ွꩫ︀်က︀ဝ်ႈပ︀ူင︀်ႈꩭႂ်ႛꩬ︀ီ မ︀ꩫ︀်းယ︀ႃႇ လ︀ွင︀်ႈဢ︀ꩫ︀်ႈက︀ဝ်ႈ က︀ူꩫ︀်းက︀ူႈၸ︀ꩫ︀်းမ︀ႆ︀ႛ ပ︀ႅတ︀်ႉတ︀ြႃးꩫ︀ႆ︀ႇတ︀ီတ︀ႅဝ်ꩭႂ်ႛꩫ︀မ︀်။

မ︀တ︀်တ︀ႄး 12:36

ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ က︀ူဝ်ႇဢ︀ꩫ︀်ႈၵ︀ၢမ︀်းဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းတ︀ၢꩫ︀်ႛမ︀ႃးက︀ူႈက︀ူဝ်ႇမ︀ႆ︀ႛ မ︀ꩫ︀်းꩡ︀ဝ်ႛတ︀ီပ︀ူင︀်ႈတ︀ၢမ︀်ဢ︀ပ︀ႅတ︀်ႉမ︀ဝ်ပ︀ိတ︀်ႉꩫ︀မ︀်။

လ︀ုက︀ႃ 10:18

မ︀ꩫ︀်းꩡ︀ဝ်ႛယ︀ႃႇ ၵ︀ဝ်မ︀ႆ︀ႛ “ၵ︀ုꩫ︀်ꩬ︀ူင︀်ꩫ︀ႆ︀ႇ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩫ︀င︀်ၸ︀ႃႇမ︀ႅပ︀်ႉꩫ︀က︀ꩫ︀်ႈ တ︀ူက︀်မ︀ႃးꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။

ယ︀ေႃးꩭၢꩫ︀် 12:31

မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ႅတ︀်ႉတ︀ြႃးယ︀ဝ်ႇ။ ၵ︀ုꩫ︀်မ︀ိူင︀်းက︀ၢင︀်ႈမ︀ႆ︀ႛ တ︀ီပ︀ိုဝ်တ︀ူက︀်ၵ︀ွတ︀်ယ︀ဝ်ႇ။

ယ︀ေႃးꩭၢꩫ︀် 14:30

က︀ဝ်ႈတ︀င︀်းꩬ︀ူ ဢ︀ၢꩫ︀်တ︀ၢꩫ︀်တ︀ၢꩫ︀်ႛဢ︀ိက︀်ꩵ︀ႈꩫ︀ႆ︀ႛယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ုꩫ︀်မ︀ိူင︀်းက︀ၢင︀်ႈꩫ︀ႆ︀ႇ တ︀ီထိုင︀်မ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ မ︀ꩫ︀်းက︀ဝ်ႈမ︀ႆ︀ႛꩭီတ︀်က︀ꩬ︀င︀်က︀ေႃႇꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 16:12

က︀ဝ်ႈꩬ︀ူမ︀ႆ︀ႛ ဢ︀ꩫ︀်ႈဝႃႈဝႃႈဢ︀ၢꩫ︀်တ︀ၢꩫ︀်ယ︀င︀်းဢ︀ိက︀်ꩫ︀က︀ေႃႇ င︀ႆ︀ႚယ︀ႃႇ ꩬ︀ူꩭၢပ︀်ႉထွမ︀်ꩵ︀ႈပ︀ီꩫ︀်ႈ။

ထဝ်ꩡ︀တ︀်ႉၵ︀ဝ် 10:42

ꩡ︀ဝ်ႛယ︀ေꩬ︀ုယ︀ႃႇ တ︀ူႈမ︀ႆ︀ႛဢ︀မ︀ိင︀်းꩭႂ်ႛꩬ︀ီ ꩭႂ်ႛတ︀ႅဝ်ၵ︀ၢဝ်ႈၵ︀ၢမ︀်းꩫ︀ီႈင︀ႆ︀း ꩭႂ်ႛꩭီတ︀်ꩬ︀ၢက︀်ႉꩬ︀ေ လ︀ွင︀်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈꩡ︀ဝ်ႛတ︀ြႃးၸ︀ူႛတ︀ႆ︀ၢႈ၊ ၸ︀ူႛꩫ︀ိပ︀်မ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 24:25

ꩫ︀ႆ︀ႇꩫ︀က︀ေႃႇ ပ︀ေႃလ︀ုယ︀ႃႇ လ︀ွင︀်ႈꩬ︀ိုဝ်ႈတ︀ူဝ်၊ လ︀ွင︀်ႈက︀ꩫ︀်ႛက︀ႃမ︀က︀ုင︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ႅတ︀်ႉတ︀ြႃးꩫ︀ႆ︀ႇၵ︀ဝ်ꩭူဝ်းက︀ီး ꩡ︀ဝ်ႛက︀ႅမ︀်ႈဝွင︀်ႇꩫ︀ႆ︀ႇက︀ူဝ်ႈꩬ︀ီ “တ︀ေႃႉ င︀ႆ︀ႚမ︀ႂ်းက︀ႃꩫ︀ႆ︀ႛယ︀ဝ်ႇ၊ က︀ꩫ︀်ႛလ︀င︀်မ︀ႆ︀ႛ မ︀ိူဝ်ႈတ︀ၢင︀်းတ︀ူဝ်ꩫ︀ႆ︀ႇပ︀ၢꩫ︀်ႈလ︀ိူင︀်ႈꩭွင︀်ႇပ︀ွက︀်ႉက︀ွတ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 26:18

မ︀ႂ်းယ︀ႃႇ ꩭွေႛတ︀ႃႈက︀ူꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ဝႃႈက︀ႃပ︀ုတ︀်ꩭႂ်ႛဢ︀ူ။ ၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ဢ︀ဝ်ႈထိုင︀်ဢ︀ꩫ︀်ႈလ︀ႅင︀်းꩬ︀ီ လ︀ုက︀်ႉက︀ꩫ︀်ႛတ︀ႂ်ႛဢ︀ႃꩫ︀ႃၵ︀ုꩫ︀်ꩬ︀ူင︀်မ︀ႆ︀ႛ ဝႃႈဢ︀ဝ်ႈထိုင︀် က︀ꩫ︀်ႛတ︀ႂ်ႛဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ူ။ ꩭႂ်ႛပ︀ူဝ်းၵ︀ဝ် က︀ဝ်ႈမ︀ႆ︀ႛယ︀ုမ︀်ယ︀မ︀်ႈꩬ︀ီ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛဢ︀ပ︀ႅတ︀်ႉပ︀ွႆ︀ꩭႂ်ႛင︀ႆ︀း က︀ုမ︀်ႛက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇ မ︀ႂ်းဝႃႈꩭီတ︀်ဢ︀ူ” ꩫ︀ꩬ︀ီဝႃႈဢ︀ူ။

ရ︀ေႃမ︀ 16:20

ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀ႆ︀ႇ ၵ︀ုꩫ︀်ꩬ︀ူင︀်မ︀ႆ︀ႛ မ︀ဝ်ꩭိုင︀်က︀ꩬ︀င︀် က︀ꩫ︀်ႛတ︀ႂ်ႛတ︀ိꩫ︀်ႈꩬ︀ူမ︀ႆ︀ႛ တ︀ီꩫ︀ူꩫ︀်ႇၵ︀ွတ︀်ꩫ︀မ︀်။ ꩬ︀ူမ︀ႆ︀ႛꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀တ︀ႃႉ။

ရ︀ေႃမ︀ 2:16

င︀ႆ︀းꩫ︀ႆ︀ႇꩬ︀ီ ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ႅတ︀်ႉတ︀ြႃးꩫ︀ႆ︀ႇ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈꩫ︀ႂ်းꩡ︀ႂ်ႈက︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇꩫ︀က︀ꩫ︀်ႈ တ︀ီပ︀ႅတ︀်ႉတ︀ြႃးꩫ︀မ︀်။

က︀ေႃရ︀ိꩫ︀်တ︀ု ႑ 4:5

င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇ ꩡ︀ူဝ်ႈက︀ႃႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ပ︀ွက︀်ႉမ︀ႃးꩫ︀ႆ︀ႇ ၸ︀ႂ်မ︀ႆ︀ႛက︀ေႃႇ ပ︀ီပ︀ႅတ︀်ႉတ︀ြႃး။ ယ︀ၢမ︀်းထိုင︀်က︀ီး မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ႃႈꩡ︀ိုဝ်ႈဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇၵ︀ဝ်၊ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ႂ်ႈက︀ူꩫ︀်းꩭဝ်းမ︀ႆ︀ႛ က︀ႅမ︀်က︀တ︀်ႉꩰဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီဢ︀ဝ်ႈဢ︀ွက︀်မ︀ႃးꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းထႅက︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ူဝ်းယ︀ွင︀်ႛꩫ︀မ︀်။

က︀ေႃရ︀ိꩫ︀်တ︀ု ႒ 4:4

က︀ူꩫ︀်းဢ︀ꩫ︀်ႈလ︀ူႇꩬ︀ုမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်ၸ︀ူႛဢ︀ꩫ︀်ႈင︀ႆ︀ႚ မ︀ိူင︀်းက︀ၢင︀်ႈမ︀ႆ︀ႛဢ︀ုပ︀်ပ︀ိုင︀်ꩫ︀ႆ︀ႇလ︀ၢပ︀်ႉတ︀ႃႈဢ︀ဝ်ႈꩫ︀မ︀်ႈꩬ︀ိင︀်ၵ︀ွꩫ︀်ဝႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ ꩡ︀ဝ်ႛယ︀ေꩬ︀ုယ︀ႃႇ ပ︀ီꩫ︀်ႈမ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭꩫ︀်က︀ီးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀က︀ꩫ︀်ႈꩫ︀မ︀်။

ဢ︀ေၸ︀ႅတ︀် 2:2

မ︀ိူဝ်ႈဢ︀မ︀ႂ်း ꩬ︀ူ ꩫ︀င︀်က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈဢ︀ူꩬ︀ီ ၵ︀ၢမ︀်းၵ︀ုꩫ︀်ꩬ︀ူင︀် ဢ︀ꩫ︀်ႈꩭူမ︀်းက︀ၢင︀်ႈၸ︀ႃႇမ︀ႆ︀ႛ ထွမ︀်ꩡ︀ွမ︀်းမ︀ႃးဢ︀ူ။ ၵ︀ုꩫ︀်ꩬ︀ူင︀်ဢ︀ꩫ︀်ႈင︀မ︀်းၵ︀ွꩫ︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭူမ︀်းဢ︀ူꩫ︀မ︀်။

က︀ေႃလ︀ေႃတ︀ႄ 2:15

ꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ိူဝ်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈꩫ︀ႆ︀ႇ တ︀ꩫ︀်းၵ︀ူဝ်းၵ︀ွꩫ︀်င︀ႆ︀း ၸ︀ူႛက︀မ︀်ႈဢ︀ႃꩫ︀ႃဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛပ︀ေႇယ︀ဝ်ႇ။ ယ︀ဝ်ႇက︀ီး မ︀ိူဝ်ႈမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛပ︀ေႇဢ︀ွင︀်ꩬ︀ီꩬ︀ႅဝ်ႛက︀ႃꩫ︀ႆ︀ႇမ︀ႆ︀ႛꩭႂ်ႛပ︀ူဝ်းတ︀င︀်းက︀မ︀်ၸ︀ႃꩭꩫ︀်ꩫ︀ႆ︀ႇ ယ︀ႃးꩬ︀ီ ၵ︀ဝ်မ︀ႆ︀ႛဢ︀ဝ်ႈဢ︀ၢႆ︀ႈမ︀ႃးဢ︀ူ။

ꩭေပ︀ရ︀ူး 2:14

ꩭဝ်းၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုက︀ေႃႇ မ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ၵ︀ုꩫ︀်ꩬ︀ူင︀်ဢ︀ꩫ︀်ႈတ︀ꩫ︀်းၵ︀ူဝ်းတ︀ၢင︀်းတ︀ႆ︀ၢႈယ︀င︀်းမ︀ႆ︀ႛ ယ︀ႃႇၵ︀ွတ︀်င︀ႆ︀း က︀ူꩫ︀်းꩭဝ်းဢ︀ꩫ︀်ႈက︀ူႈမ︀ိုဝ်ႇ တ︀ၢင︀်းတ︀ႆ︀ၢႈမ︀ႆ︀ႛ ꩫ︀င︀်ၵ︀ႃႛꩫ︀က︀ꩫ︀်ႈ ꩫ︀ႆ︀ႛက︀ူဝ်ႈꩬ︀ီဢ︀ူꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛက︀ွတ︀်ꩫ︀ꩬ︀ီ ꩫ︀င︀်ꩭဝ်းꩫ︀က︀ꩫ︀်ႈ ပ︀ီꩫ︀်ႈꩫ︀ိူဝ်ႇꩫ︀ိူတ︀်ႉမ︀ႃးꩫ︀မ︀်။

ꩭေပ︀ရ︀ူး 9:27

က︀ူꩫ︀်းꩫ︀ꩫ︀ႆ︀ႇ ပ︀ၢꩫ︀်ႈလ︀ိူင︀်ႈꩫ︀ၢႆ︀ႈꩫ︀မ︀်ဝႃႈတ︀ႆ︀ၢႈꩫ︀ႆ︀ႇ။ ယ︀ဝ်ႇက︀ီး ဝႃႈၵ︀ၢမ︀်ပ︀ႅတ︀်ႉတ︀ြႃးꩫ︀မ︀်။

ပ︀ေတ︀ရ︀ု ႒ 3:7

ꩫ︀ႆ︀ႇꩫ︀က︀ေႃႇ က︀ၢင︀်ႈꩭၢဝ်ꩫ︀ၵ︀ႃလ︀င︀်ꩫ︀ိꩫ︀်ႈဢ︀ꩫ︀်ႈင︀ႆ︀ႚမ︀ႆ︀ႛယ︀ႃႇ က︀ႃႈဝꩫ︀်းဢ︀ꩫ︀်ႈပ︀ႅတ︀်ႉတ︀ြႃးမ︀ဝ်ထိုင︀်ယ︀ႃႇ ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ဝ်ႈမ︀ꩫ︀်ႛတ︀ိူင︀်ႈဝႆ︀ႇဢ︀ူ။ ဝꩫ︀်းဢ︀မ︀ႂ်းထိုင︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛ က︀ၢင︀်ႈꩭၢဝ်ꩫ︀ၵ︀ႃလ︀င︀်ꩫ︀ိꩫ︀်ႈꩫ︀ႆ︀ႇမ︀ႆ︀ႛ ꩬ︀ုမ︀်ၸ︀ႆ︀းၵ︀ွတ︀်ꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛမ︀ဝ်တ︀ွင︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ပ︀ႅတ︀်ႉတ︀ြႃးꩬ︀ီ တ︀ီဢ︀ဝ်ႈလ︀ူႇပ︀ႅက︀်ႉက︀ႃꩫ︀မ︀်။

ယ︀ေႃးꩭၢꩫ︀် ႑ 3:8

က︀ူဝ်ႇဢ︀ꩫ︀်ႈက︀ၢပ︀်ꩭီတ︀်ဢ︀ပ︀ႅတ︀်ႉꩫ︀ႆ︀ႇယ︀ႃႇ က︀ူꩫ︀်းၵ︀ုꩫ︀်ꩬ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ုꩫ︀်ꩬ︀ူင︀်ယ︀ႃႇ ဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩭီတ︀်ဢ︀ပ︀ႅတ︀်ႉမ︀ႃးꩫ︀မ︀်။ လ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛ က︀ျွႃးမ︀ႃးꩫ︀ႆ︀ႇယ︀ႃႇ မ︀ႃးယ︀ႃႇဢ︀မ︀ူးၵ︀ုꩫ︀်ꩬ︀ူင︀်ꩫ︀မ︀်။

ၿျႃၻိက︀်ႉ 1:7

လ︀ႅမ︀်းတ︀ႃႉ။ မ︀ꩫ︀်းꩡ︀ဝ်ႛဢ︀ဝ်ႈမ︀ွက︀်ၸ︀ူꩫ︀် တ︀ီက︀ျွႃးမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛက︀ျွႃးမ︀ႃးꩫ︀ႆ︀ႇမ︀ႆ︀ႛ က︀ူꩫ︀်းက︀ူႈက︀ူဝ်ႇ ꩡ︀ိူမ︀်ႈက︀ႃႈက︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ႅင︀်းတ︀ႆ︀ၢႈꩫ︀ႆ︀ႇၵ︀ဝ်တ︀မ︀ိူင︀်း တ︀ီꩫ︀ႆ︀ႛꩭꩫ︀်က︀ꩫ︀်ႈꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းတ︀င︀်းက︀မ︀်ၸ︀ႃ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛꩬ︀ီ တ︀ီꩫ︀ႆ︀ႛꩭႆ︀ႛꩭႆ︀ႛမ︀ိုင︀်ႈꩰက︀ꩫ︀်ႈꩫ︀မ︀်။ တ︀ီပ︀ီꩫ︀်ႈင︀ႆ︀း တ︀ေႇတ︀ေႇꩫ︀မ︀်။ ꩭႂ်ႛပ︀ီꩫ︀်ႈက︀တ︀ႃႉ။