ယ︀ေႃးꩭၢꩫ︀် 15:24 - Khamti Shan

²⁴ ꩬ︀င︀်ဝႃႈ ဝူင︀်ႈက︀ၢင︀်ႈၵ︀ဝ်မ︀ႆ︀ႛ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းဢ︀ꩫ︀်ႈၸ︀ႂ်က︀ေႃႇ ꩭီတ︀်မ︀ဝ်ပ︀ီꩫ︀်ႈꩫ︀ႆ︀ႇၵ︀ဝ် က︀ဝ်ႈမ︀ဝ်ꩭီတ︀်မ︀ႃးက︀ီး ၵ︀ဝ်မ︀ႆ︀ႛဢ︀ပ︀ႅတ︀်ႉꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ဢ︀ꩫ︀်ႈက︀ဝ်ႈꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ၵ︀ဝ်ꩭꩫ︀်ꩬ︀ီက︀ဝ်ႈမ︀ႆ︀ႛတ︀မ︀ိူင︀်း ပ︀ူဝ်က︀ဝ်ႈမ︀ႆ︀ႛတ︀မ︀ိူင︀်းꩡ︀င︀်းဢ︀ူ။

ယ︀ေႃးꩭၢꩫ︀် 15:24 ပူးပေါင်းရင်းမြစ်များ

မ︀တ︀်တ︀ႄး 11:5

ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ် တ︀ႃႈꩭꩫ︀်က︀ꩫ︀်ႈယ︀ဝ်ႇ။ က︀ူꩫ︀်းဢ︀ꩫ︀်ႈတ︀ိꩫ︀်ႈတ︀ႆ︀ၢႈꩫ︀ႆ︀ႇၵ︀ဝ်က︀ေႃႇ ၸ︀ႆ︀ၢႛက︀ꩫ︀်ႈယ︀ဝ်ႇ။ ၸ︀ူႛပ︀ီꩫ︀်ႈတ︀ုတ︀်ႉꩫ︀ႆ︀ႇၵ︀ဝ်က︀ေႃႇ ꩫ︀ီႈꩬ︀ူဝ်းꩰက︀ꩫ︀်ႈယ︀ဝ်ႇ။ ၸ︀ူႛꩭူꩫ︀ႂ်ꩫ︀ႆ︀ႇၵ︀ဝ်က︀ေႃႇ ꩭူꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။ ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်က︀ေႃႇ ꩫ︀ိပ︀်မ︀ႃးက︀ꩫ︀်ႈယ︀ဝ်ႇ။ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်က︀ေႃႇ ၵ︀ၢဝ်ႈၵ︀ၢမ︀်းꩫ︀ီႈ ꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။

မ︀တ︀်တ︀ႄး 21:32

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ြႃယ︀ေႃးꩭၢꩫ︀်မ︀ႃးꩬ︀ီ ꩬ︀ူမ︀ႆ︀ႛတ︀ၢင︀်းဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈပ︀ျႃးꩭႂ်ႛꩫ︀က︀ေႃႇ မ︀ꩫ︀်းမ︀ႆ︀ႛꩬ︀ူꩵ︀ႈယ︀ုမ︀်ယ︀မ︀်ႈမ︀ႃး။ ꩫ︀ႆ︀ႇꩫ︀က︀ေႃႇ ၸ︀ူႛက︀ီပ︀်ၵ︀ွꩫ︀်ꩫ︀ႆ︀ႇၵ︀ဝ်င︀ႆ︀း မ︀ေႈမ︀ွက︀်ယ︀ႃႛꩫ︀ႆ︀ႇၵ︀ဝ်ယ︀ႃႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ ꩫ︀ႆ︀ႇမ︀ႆ︀ႛ ꩬ︀ူꩭꩫ︀်မ︀ႃးꩬ︀ီက︀ေႃႇ ꩬ︀ူယ︀ႃႇမ︀ဝ်လ︀ွက︀်ႉမ︀ဝ်လ︀ႆ︀ၢႈ မ︀ꩫ︀်းမ︀ႆ︀ႛမ︀ဝ်ယ︀ုမ︀်ယ︀မ︀်ႈꩬ︀ီဢ︀ူꩫ︀ႆ︀ႇ” ꩫ︀ဝꩫ︀်ႇ။

မ︀တ︀်တ︀ႄး 9:33

မ︀ွင︀်းမ︀ꩫ︀်းꩡ︀ဝ်ႛ ၸ︀ီꩭၢႆ︀ႇဢ︀မ︀ႂ်းမ︀ႆ︀ႛ ꩭူဝ်ႛဢ︀ွက︀်ၵ︀ွတ︀်ယ︀ႃႇ က︀ူꩫ︀်းဢ︀မ︀ႂ်း ၵ︀ၢမ︀်းတ︀ၢꩫ︀်ႛမ︀ႃးဢ︀ူ။ ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ၢမ︀်းတ︀ႆ︀ၢႈꩰက︀ꩫ︀်ႈꩬ︀ီ “ꩫ︀င︀်ၸ︀ꩫ︀်းꩫ︀ႆ︀ႇ ꩫ︀ႂ်းဢ︀ီတ︀်ꩬ︀ြေးမ︀ႆ︀ႛ ꩬ︀မ︀တ︀်က︀ေႃႇ ꩵ︀ႈꩭွꩫ︀်ꩭꩫ︀်မ︀ႃး” ꩫ︀ဝꩫ︀်ႇ။

မ︀ႃက︀ု 2:12

မ︀ꩫ︀်းက︀ေႃႇ ပ︀ၢင︀်ႈꩫ︀ႃႛပ︀ူက︀်ႉက︀ူꩫ︀်းမ︀ႆ︀ႛ လ︀ုက︀်ႉꩡ︀ၢတ︀်ꩫ︀ယ︀ဝ်ႇက︀ီး ၸ︀ုက︀်ႉၸ︀ႃႛမ︀ꩫ︀်းꩭွပ︀်ꩬ︀ီ က︀ꩡ︀ူး ဢ︀ွက︀်က︀ႃဢ︀ူ။ ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ဢ︀ၢမ︀်းတ︀ႆ︀ၢႈꩰက︀ꩫ︀်ႈꩬ︀ီ “က︀ႃႊ ꩡ︀ႂ်ႈတ︀ီၵ︀ႃႛယ︀ဝ်ႇ။ ꩫ︀င︀်ၸ︀ꩫ︀်းꩫ︀ႆ︀ႇ တ︀ူႈꩬ︀မ︀တ︀်က︀ေႃႇ ꩵ︀ႈꩭွꩫ︀်ꩭꩫ︀်” ꩫ︀ꩬ︀ီ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။

လ︀ုက︀ႃ 24:19

မ︀ꩫ︀်းꩡ︀ဝ်ႛယ︀ႃႇ “လ︀ွင︀်ႈက︀ꩬ︀င︀်က︀ꩬ︀င︀်ꩫ︀ႆ︀” ꩫ︀က︀ီး ꩬ︀ွင︀်ၵ︀ႃက︀ေႃႇ “လ︀ွင︀်ႈꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်ꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ပ︀ရ︀ေႃးၸ︀ႅတ︀်ႉ ဢ︀ꩫ︀်ႈလ︀ွင︀်ႈတ︀ၢꩫ︀်ႛလ︀ွင︀်ႈꩭီတ︀်က︀ူႈလ︀ွင︀်ႈမ︀ႆ︀ႛ တ︀ꩫ︀်းၵ︀ူဝ်းယ︀ႂ်လ︀ူင︀်၊ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛ မ︀ႆ︀ႛတ︀မ︀ိူင︀်း ပ︀ၢင︀်ႈꩫ︀ႃႛက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ꩫ︀ႆ︀ႛꩫ︀ႃႛလ︀ူင︀်ꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 10:32

ꩡ︀ဝ်ႛယ︀ေꩬ︀ုယ︀ႃႇ “ပ︀ူဝ်က︀ဝ်ႈꩡ︀ႂ်ႇꩬ︀ီ လ︀ွင︀်ႈꩫ︀ီႈꩫ︀ႆ︀ႇၵ︀ဝ် က︀ဝ်ႈꩭီတ︀်မ︀ႃးယ︀ဝ်ႇ။ ꩫ︀ႂ်းဢ︀မ︀ႂ်းၵ︀ဝ်မ︀ႆ︀ႛ လ︀ႆ︀ၢးပ︀ိူဝ်ႈလ︀ွင︀်ႈဢ︀လ︀ႂ်ႈꩫ︀ႆ︀ ꩬ︀ူက︀ဝ်ႈမ︀ႆ︀ႛ ꩭိꩫ︀်ၵ︀ႂ်ႈꩬ︀ိင︀်းꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 10:37

ꩬ︀င︀်ဝႃႈက︀ဝ်ႈ ဢ︀ꩫ︀်ႈပ︀ူဝ်က︀ဝ်ႈ ၵ︀ႂ်ႈꩭႂ်ႛꩭီတ︀်ꩫ︀ႆ︀ႇၵ︀ဝ် မ︀ဝ်ꩭီတ︀်ꩫ︀မ︀်ꩫ︀က︀ီး က︀ဝ်ႈမ︀ႆ︀ႛပ︀ီယ︀ုမ︀်။

ယ︀ေႃးꩭၢꩫ︀် 12:10

က︀ွပ︀်ႉပ︀ိူဝ်ႈလ︀ႃꩡ︀ရ︀ုꩬ︀ီ က︀ျူးꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်မ︀ႆ︀ႛပ︀ႆ︀ၵ︀ွတ︀်ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛꩬ︀ိုင︀် ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ င︀ႆ︀းꩬ︀ီ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်ယ︀ႃႇ လ︀ႃꩡ︀ရ︀ုမ︀ႆ︀ႛတ︀မ︀ိူင︀်းက︀ေႃႇ က︀ႅမ︀်တ︀ႆ︀ၢႈက︀ꩫ︀်ႈဢ︀ူ။

ယ︀ေႃးꩭၢꩫ︀် 12:45

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭꩫ︀်ꩫ︀ႆ︀ႇ က︀ဝ်ႈမ︀ႆ︀ႛꩫ︀ႆ︀ၢႈꩭꩫ︀်ꩵ︀ႈꩡ︀ႂ်ႈ။ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ꩭꩫ︀်ဢ︀ူ။

ယ︀ေႃးꩭၢꩫ︀် 14:9

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈတ︀င︀်းꩬ︀ူ ၵ︀ႆ︀ႇလ︀ိူင︀်ႈဢ︀ူမ︀ႃးꩫ︀ႆ︀ႇ က︀ဝ်ႈပ︀ီꩫ︀်ႈၸ︀ႂ်ꩫ︀ꩫ︀ႆ︀ႇꩫ︀ႆ︀ၢႈက︀ေႃႇ ꩵ︀ႈပ︀ႆ︀တ︀ွင︀်းက︀ျႃးၸ︀ိလ︀ိပ︀်ꩴ︀း။ မ︀ႂ်းက︀ဝ်ႈမ︀ႆ︀ႛꩭꩫ︀်က︀ီး ပ︀ူဝ်က︀ဝ်ႈမ︀ႆ︀ႛက︀ေႃႇꩭꩫ︀်ယ︀ဝ်ႇꩬ︀ႃး။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ “တ︀ူႈၵ︀ႃႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ျႃးꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီဝႃႈꩫ︀ႆ︀ႇ။

ယ︀ေႃးꩭၢꩫ︀် 15:21

က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇꩫ︀ႆ︀ႇမ︀ႆ︀ႛမ︀ဝ်တ︀ွင︀်းꩫ︀ႆ︀ႇꩬ︀ီ ꩬ︀ူက︀ဝ်ႈမ︀ႆ︀ႛယ︀ုမ︀်ယ︀မ︀်ႈက︀ီး ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉꩫ︀မ︀်။

ယ︀ေႃးꩭၢꩫ︀် 15:22

က︀ဝ်ႈက︀ျွႃးမ︀ႃးꩬ︀ီ လ︀ွင︀်ႈꩬ︀မ︀်မ︀ႃတ︀ြႃးပ︀ူဝ်းမ︀ဝ်ဝႃႈက︀ီး ၵ︀ဝ်မ︀ႆ︀ႛဢ︀ပ︀ႅတ︀်ႉꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၵ︀ဝ်မ︀ႆ︀ႛလ︀ွင︀်ႈꩬ︀မ︀်မ︀ႃတ︀ြႃးဝႃႈယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်ဢ︀ပ︀ႅတ︀်ႉꩵ︀ႈယ︀င︀်းꩫ︀ꩫ︀ႆ︀ႇ ꩭိုဝ်လ︀ိုဝ်က︀ေႃႇပ︀ိꩫ︀်ႇ ꩵ︀ႈꩫ︀ႆ︀ႛယ︀ဝ်ႇ။

ယ︀ေႃးꩭၢꩫ︀် 15:23

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩡ︀င︀်းꩫ︀ႆ︀ႇ ပ︀ူဝ်က︀ဝ်ႈမ︀ႆ︀ႛက︀ေႃႇꩡ︀င︀်းဢ︀ူ။

ယ︀ေႃးꩭၢꩫ︀် 16:9

က︀ွပ︀်ႉပ︀ိူဝ်ႈၵ︀ဝ် က︀ဝ်ႈမ︀ႆ︀ႛမ︀ဝ်ယ︀ုမ︀်ယ︀မ︀်ႈꩫ︀ႆ︀ႇꩬ︀ီ ဢ︀ပ︀ႅတ︀်ႉၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ႃးꩭႂ်ႛꩫ︀မ︀်။

ယ︀ေႃးꩭၢꩫ︀် 3:2

မ︀ꩫ︀်းယ︀ႃႇ ၵ︀မ︀်ႈလ︀ိူင︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ မ︀ႃးꩬ︀ီ “ꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ꩬ︀ြႃဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ တ︀ူႈၵ︀ႃႛတ︀င︀်းမ︀ိူင︀်းတ︀ွင︀်းတ︀ီၵ︀ႃႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးꩫ︀ိမ︀ိက︀်ႉ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈမ︀ႂ်းꩡ︀ဝ်ႛꩭီတ︀်ꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်လ︀ွေႛက︀ီး ၸ︀ႂ်က︀ေႃႇꩭီတ︀်ꩵ︀ႈꩫ︀ႆ︀ႛတ︀ီၵ︀ႃႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 5:36

ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈ ꩬ︀ြႃယ︀ေႃးꩭၢꩫ︀်ဝႃႈမ︀ႆ︀ႛယ︀ႂ်ꩬ︀ႃꩫ︀ႆ︀ႇ ယ︀င︀်းဢ︀ူ။ ဢ︀ꩫ︀်ႈင︀ႆ︀ႚက︀ဝ်ႈꩭီတ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ဝ်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉꩭႂ်ႛꩫ︀ႆ︀ႇၵ︀ဝ်ꩫ︀မ︀်။ ဢ︀မ︀ႂ်းၵ︀ဝ်ယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈ က︀ဝ်ႈမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 6:36

ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇက︀ဝ်ႈမ︀ႆ︀ႛꩭꩫ︀်ꩫ︀က︀ေႃႇ ꩵ︀ႈယ︀ုမ︀်။

ယ︀ေႃးꩭၢꩫ︀် 7:31

လ︀ုက︀်ႉၸ︀ုင︀်က︀ူꩫ︀်းမ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀် မ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ႃးက︀ꩫ︀်ႈꩬ︀ီ ၵ︀ဝ်ယ︀ႃႇ “မ︀ိူဝ်ႈꩡ︀ဝ်ႛမ︀ေꩬ︀ိယ︀က︀ျွႃးမ︀ႃးꩫ︀ႆ︀ႇꩫ︀က︀ေႃႇ က︀ူဝ်ႇꩫ︀ႆ︀ႇမ︀ႆ︀ႛဢ︀ဝ်ႈꩬ︀ႃꩬ︀ီ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း တ︀ီꩭီတ︀်ꩵ︀ႈꩡ︀ႂ်ႈ” ꩫ︀ꩬ︀ီဝႃႈက︀ꩫ︀်ႈဢ︀ူ။

ယ︀ေႃးꩭၢꩫ︀် 9:32

က︀ူꩫ︀်းဢ︀ꩫ︀်ႈလ︀ုက︀်ႉတ︀ွင︀်ႇမ︀ေပ︀ုꩫ︀်ႛ တ︀ႃႈမ︀ွတ︀်မ︀ႃးမ︀ႆ︀ႛ ဢ︀ဝ်ႈꩭꩫ︀်ꩭႂ်ႛꩫ︀ꩫ︀ႆ︀ႇ ꩬ︀မ︀တ︀်ꩬ︀မ︀ႃက︀ေႃႇ ꩵ︀ႈꩭွꩫ︀်ꩫ︀ႆ︀ႛꩥ︀ိꩫ︀်းမ︀ႃး။

ယ︀ေႃးꩭၢꩫ︀် 9:41

ꩡ︀ဝ်ႛယ︀ေꩬ︀ုယ︀ႃႇ “ꩬ︀ူတ︀ႃႈမ︀ွတ︀်က︀ီး ဢ︀ပ︀ႅတ︀်ႉꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ ꩬ︀ူꩭီတ︀်ၸ︀ူႛတ︀ႃႈꩭꩫ︀်ꩫ︀ႆ︀ႇꩬ︀ီ ꩬ︀ူမ︀ႆ︀ႛ ဢ︀ပ︀ႅတ︀်ႉယ︀င︀်းဢ︀ူ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 10:38

ꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ွꩫ︀်မ︀ꩫ︀်းꩡ︀ဝ်ႛꩫ︀ၵ︀ႃ တ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛဢ︀ၢပ︀်ႉꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ိင︀်းလ︀ွေႛꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ူႈတ︀ီႈမ︀ႆ︀ႛပ︀ꩫ︀်လ︀ေင︀ႆ︀း က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭီတ︀်က︀ျေးꩡ︀ူးꩭႂ်ႛမ︀ႃးယ︀ဝ်ႇ။ က︀ူꩫ︀်းဢ︀ꩫ︀်ႈၵ︀ုꩫ︀်ꩬ︀ူင︀်ꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ꩫ︀်းꩡ︀ဝ်ႛဢ︀ဝ်ႈꩫ︀ီႈꩭႂ်ႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 2:22

ပ︀ူဝ်မ︀ေပ︀ီꩫ︀ွင︀်ႇ ဢ︀ီတ︀်ꩬ︀ြေးၵ︀ဝ်ꩴ︀း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭဝ်းမ︀ႆ︀ႛꩭီတ︀်ပ︀ျႃးꩭႂ်ႛမ︀ႃး ယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈꩫ︀ီႈꩫ︀ီႈ တ︀ီၵ︀ႃႛဢ︀ူ။ လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းꩫ︀ီႈꩫ︀ီႈ တ︀ီၵ︀ႃႛဢ︀ူ။

ရ︀ေႃမ︀ 1:30

တ︀ၢꩫ︀်ႛဢ︀ဝ်ႈꩬ︀ူဝ်ႇက︀ꩫ︀်ႈင︀ႆ︀းꩫ︀မ︀်။ ၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇꩡ︀င︀်း၊ မ︀ႃꩫ︀က︀ေႃႇယ︀ႂ်၊ က︀မ︀်ႇလ︀ွင︀်ႛက︀ေႃႇက︀မ︀်ႇလ︀ွင︀်ႛ၊ လ︀ွင︀်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ႅမ︀်တ︀ိက︀်ꩰ၊ ၵ︀ၢမ︀်းပ︀ူဝ်မ︀ေက︀ေႃႇမ︀ဝ်ထွမ︀်၊

တ︀ိမ︀ေႃတ︀ေ ႒ 3:4

ဢ︀ꩫ︀်ႈၸ︀ုꩫ︀်ႇꩬ︀ႅတ︀်ႉꩡ︀ႃက︀ꩫ︀်ႈ၊ ဢ︀ꩫ︀်ႈꩭီတ︀်ဝၢင︀်ꩭီတ︀်ဝူꩫ︀်း၊ မ︀ႃꩫ︀ထူမ︀်ႛတ︀ူဝ်ႈက︀ꩫ︀်ႈင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛပ︀ႆ︀ၵ︀ွတ︀်ꩬ︀ီ ၵ︀ႃတ︀ၢင︀်းပ︀ိဝ်က︀ꩫ︀်ႈꩫ︀ႆ︀ႇၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

ယ︀ႃက︀ု 4:4

ꩬ︀ူ ၸ︀ူႛဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်းၵ︀ဝ်ꩴ︀း လ︀ွင︀်ႈပ︀ိဝ် မ︀ိူင︀်းက︀ၢင︀်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛꩭွႆ︀ႛꩡ︀ႂ်ႈက︀ီး ဢ︀ꩫ︀်ႈꩬ︀ၢꩫ︀်တ︀ၢꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈꩬ︀ူၸ︀ူႛꩡ︀ဝ်ႛမ︀ႆ︀ႛꩬ︀ူၸ︀ူႛꩡ︀ဝ်ႛ ဢ︀ဝ်ႈပ︀ီꩫ︀်ႈလ︀ꩫ︀်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။