ယ︀ေႃးꩭၢꩫ︀် 13:31 - Khamti Shan

³¹ က︀ꩫ︀်ႛလ︀င︀်ယ︀ုတ︀ဢ︀ွက︀်က︀ႃမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈ ၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း မ︀ူꩫ︀်ႈၸ︀ုင︀်းတ︀ီꩭိူဝ်ႈꩭိုင︀်းꩡ︀မ︀်ႈယ︀ဝ်ႇ။ လ︀ႆ︀ၢးပ︀ိူဝ်ႈဢ︀ꩫ︀်ႈက︀ဝ်ႈမ︀ႆ︀ႛပ︀ီꩫ︀်ႈမ︀ႃးꩫ︀ႆ︀ႇၵ︀ဝ်ꩬ︀ီ မ︀ူꩫ︀်ႈၸ︀ုင︀်းၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ တ︀ီꩭိူဝ်ႈꩭိုင︀်းယ︀ဝ်ႇ။

ယ︀ေႃးꩭၢꩫ︀် 13:31 ပူးပေါင်းရင်းမြစ်များ

မ︀တ︀်တ︀ႄး 8:20

ꩡ︀ဝ်ႛယ︀ေꩬ︀ုယ︀ႃႇ “မ︀ႃꩫ︀ိꩫ︀်ႈမ︀ႆ︀ႛ ပ︀င︀်ႈယ︀င︀်းဢ︀ူ။ ꩫ︀ူက︀်ႉမ︀ႆ︀ႛက︀ေႃႇꩭင︀်းယ︀င︀်းဢ︀ူ။ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းမ︀ႆ︀ႛယ︀ႃႇ တ︀ီႈဢ︀ꩫ︀်ႈတ︀ီက︀ိင︀်ႛက︀ွင︀်ႈꩫ︀ႆ︀ၢႈက︀ေႃႇꩵ︀ႈယ︀င︀်း” ꩫ︀ဝꩫ︀်ႇ။

လ︀ုက︀ႃ 12:50

ꩫ︀ႆ︀ႇꩫ︀က︀ေႃႇ က︀ဝ်ႈတ︀ၢင︀်းꩡ︀ူမ︀်ႈဢ︀ꩫ︀်ႈလ︀ိူင︀်ႈ ဝႃႈꩭၢပ︀်ႉဢ︀ဝ်ႈဢ︀ူ။ က︀ႃႈဢ︀မ︀ႂ်းမ︀ဝ်ယ︀ဝ်ႇယ︀ႃႇ က︀ဝ်ႈယ︀ၢက︀်ႉꩡ︀ႂ်ႈလ︀ူင︀်ꩫ︀မ︀်။

ယ︀ေႃးꩭၢꩫ︀် 11:4

ꩡ︀ဝ်ႛယ︀ေꩬ︀ုယ︀ႃႇ ၵ︀ၢဝ်ႈၵ︀ၢမ︀်းဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး “လ︀ႃꩡ︀ရ︀ုၵ︀ႆ︀ႛꩫ︀ႆ︀ႇ ၵ︀ႆ︀ႛဢ︀ꩫ︀်ႈတ︀ီတ︀ႆ︀ၢႈလ︀ေႚလ︀ေႚꩵ︀ႈꩡ︀ႂ်ႈ၊ ဢ︀မ︀ႂ်းယ︀ႃႇ ဢ︀ꩫ︀်ႈတ︀ီပ︀ျႃးမ︀ူꩫ︀်ႈၸ︀ုင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ မ︀ူꩫ︀်ႈၸ︀ုင︀်းလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 12:23

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း မ︀ူꩫ︀်ႈၸ︀ုင︀်းလ︀ူင︀် တ︀ီꩫ︀ႆ︀ႛꩭၢပ︀်ႉယ︀ဝ်ႇ။

ယ︀ေႃးꩭၢꩫ︀် 12:28

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩴ︀း မ︀ူꩫ︀်ႈမ︀ႂ်းꩡ︀ဝ်ႛ ဢ︀ဝ်ႈꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးက︀ီး “မ︀ူꩫ︀်ႈၸ︀ုင︀်းက︀ဝ်ႈ ဢ︀ဝ်ႈꩭိူဝ်ႈꩭိုင︀်းပ︀ိုင︀်းꩬ︀ႂ်မ︀ႃးယ︀ဝ်ႇ။ ꩭႃလ︀ိူင︀်ႈတ︀ီဢ︀ဝ်ႈ ꩭိူဝ်ႈꩭိုင︀်းပ︀ိုင︀်းꩬ︀ႂ်ဢ︀ိက︀်ꩫ︀မ︀်” ꩫ︀ꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။

ယ︀ေႃးꩭၢꩫ︀် 14:13

ဢ︀ꩫ︀်ႈꩬ︀ူၵ︀ႂ်ႈယ︀ွꩫ︀်းꩫ︀ႆ︀ႇ ဢ︀ဝ်ႈꩡ︀ိုဝ်ႈက︀ဝ်ႈယ︀ွꩫ︀်းတ︀ႃႉ။ ꩭႂ်ႛပ︀ူဝ်းမ︀ူꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭိူဝ်ႈꩭိုင︀်းꩫ︀ႆ︀ႇ ဢ︀ꩫ︀်ႈꩫ︀င︀်ꩬ︀ူယ︀ွꩫ︀်းꩫ︀ႆ︀ႇ က︀ဝ်ႈတ︀ီꩭႂ်ႛꩫ︀မ︀်။

ယ︀ေႃးꩭၢꩫ︀် 16:14

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ၢမ︀်းဢ︀ꩫ︀်ႈက︀ဝ်ႈဝႃႈမ︀ႃးꩫ︀ႆ︀ႇၵ︀ဝ် ꩬ︀ူမ︀ႆ︀ႛပ︀ုတ︀်ၵ︀ႆ︀ႈꩭႂ်ႛꩬ︀ီ မ︀ူꩫ︀်ႈက︀ဝ်ႈတ︀ီဢ︀ဝ်ႈꩭိူဝ်ႈꩭိုင︀်းပ︀ိုင︀်းꩬ︀ႂ်ꩫ︀မ︀်။

ယ︀ေႃးꩭၢꩫ︀် 7:39

ꩡ︀ဝ်ႛယ︀ေꩬ︀ုဝႃႈင︀ႆ︀းꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် တ︀ီꩫ︀ႆ︀ႛꩭၢပ︀်ႉꩫ︀ႆ︀ႇမ︀ႆ︀ႛ ꩡ︀ိုဝ်ꩬ︀ီဝႃႈꩫ︀မ︀်။ မ︀ိူဝ်ႈဢ︀မ︀ႂ်း မ︀ꩫ︀်းꩡ︀ဝ်ႛမ︀ူꩫ︀်ႈၸ︀ုင︀်းမ︀ဝ်ပ︀ႆ︀ꩭၢပ︀်ႉဢ︀ဝ်ႈꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈပ︀ႆ︀ဢ︀ၢပ︀်ႉꩭႂ်ႛ။

ထဝ်ꩡ︀တ︀်ႉၵ︀ဝ် 2:36

င︀ႆ︀းꩬ︀ီ ပ︀ူဝ်မ︀ေပ︀ီꩫ︀ွင︀်ႇဢ︀ီတ︀်ꩬ︀ြေးၵ︀ဝ်ꩴ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈꩡ︀ဝ်ႛ၊ ဢ︀ဝ်ႈပ︀ီꩫ︀်ႈမ︀ေꩬ︀ိယ︀ဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီ ဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇꩫ︀မ︀်ꩫ︀ꩫ︀ႆ︀ႇ တ︀ွင︀်းမ︀တ︀်ႉက︀ꩫ︀်ႈတ︀ေႇတ︀ေႇတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 3:13

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ဢ︀ႃပ︀ြႃꩭၢမ︀်၊ ဢ︀ေꩬ︀က︀်၊ ယ︀ႃက︀ုၵ︀ဝ်င︀ႆ︀း ဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်တ︀င︀်းမ︀ိူင︀်း ပ︀ၢႆ︀ႛဝႆ︀ႈမ︀ႃးꩫ︀ႆ︀ႇယ︀ႃႇ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုမ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩭႂ်ႛမ︀ႃးယ︀ဝ်ႇ။ ꩬ︀ူယ︀ႃႇꩡ︀ဝ်ႛဢ︀မ︀ႂ်းမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ၵ︀ဝ်ꩬ︀ီ က︀ꩫ︀်ႛꩫ︀ႃႛၵ︀ုꩫ︀်ပ︀ိလ︀ၢတ︀်မ︀ႆ︀ႛ ၵ︀ွတ︀်မ︀ႃးယ︀ဝ်ႇ။ ၵ︀ုꩫ︀်ပ︀ိလ︀ၢတ︀်ယ︀ႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ၵ︀ႂ်ႈပ︀ွႆ︀လ︀ွတ︀်ႉꩫ︀က︀ေႃႇ ꩬ︀ူ ꩵ︀ႈꩭၢပ︀်ႉဢ︀ဝ်ႈမ︀ႃး။

က︀ေႃရ︀ိꩫ︀်တ︀ု ႒ 3:18

င︀ႆ︀းꩫ︀ႆ︀ႇꩬ︀ီ ꩭဝ်းမ︀ႆ︀ႛယ︀ႃႇ ဢ︀ꩫ︀်ႈတ︀ွပ︀်ႉဝႆ︀ႇဢ︀မ︀ႂ်းꩵ︀ႈယ︀င︀်းယ︀ဝ်ႇ။ မ︀ူꩫ︀်ႈင︀ဝ်းꩡ︀ဝ်ႛထႃဝရ︀ၸ︀ြႃးꩬ︀ိုင︀် ꩭဝ်းမ︀ႆ︀ႛတ︀ွင︀်ဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ဝ်ႛ ၸ︀ူႛပ︀ီꩫ︀်ႈၵ︀ွꩫ︀်မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်း ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈပ︀ီꩫ︀်ႈမ︀ႃးꩫ︀ႆ︀ႇ တ︀ၢင︀်းက︀ႅင︀်းꩭဝ်းမ︀ႆ︀ႛ ဢ︀ဝ်ႈလ︀ႆ︀ၢႈမ︀ႃးꩭႂ်ႛဢ︀ူမ︀ဝ်ꩬ︀ဝ်းꩫ︀မ︀်။

ဢ︀ေၸ︀ႅတ︀် 1:12

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀တ︀်ဝႆ︀ႇꩫ︀ႆ︀ႇယ︀ႃႇ က︀ျူးꩭဝ်းဢ︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀ႂ်းထႃႛမ︀ႃးဢ︀ွꩫ︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛမ︀ႃးက︀ꩫ︀်ႈꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 2:7

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇꩭဝ်း ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭီတ︀်မ︀ႃးꩫ︀ႆ︀ႇၵ︀ဝ်ယ︀ႃႇ ꩭဝ်းမ︀ႆ︀ႛ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈဢ︀ီꩫ︀ူႈꩭၢက︀်ႉꩭွမ︀်တ︀ေႇတ︀ေႇမ︀ႃးꩫ︀ꩫ︀ႆ︀ႇ ꩭၢင︀်းꩡ︀ူဝ်ႈꩫ︀ႆ︀ႇꩡ︀ူဝ်ႈꩫ︀ႃႛ ပ︀ျႃးꩬ︀ၢက︀်ႉꩬ︀ေက︀ႃꩫ︀မ︀်။

ဢ︀ေၸ︀ႅတ︀် 3:10

ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩡ︀ဝ်ႛၵ︀ုꩫ︀်၊ ꩡ︀ဝ်ႛဢ︀ႃꩫ︀ႃဢ︀ꩫ︀်ႈက︀ၢင︀်ႈၸ︀ႃႇမ︀ႆ︀ႛꩭူမ︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ၢꩫ︀်တ︀ၢꩫ︀်းꩫ︀ႆ︀ႇၵ︀ဝ် င︀ႆ︀ႚယ︀ႃႇ ꩡ︀ိူဝ်းမ︀ꩫ︀်းꩡ︀ဝ်ႛမ︀ႆ︀ႛꩫ︀ူႈင︀ႆ︀းꩬ︀ီ တ︀ၢင︀်းꩭူႇတ︀ွင︀်းမ︀ꩫ︀်းꩡ︀ဝ်ႛဢ︀ꩫ︀်ႈလ︀ိူက︀်ႉလ︀မ︀်တ︀ီမ︀်ႈက︀ုမ︀်မ︀ႆ︀ႛ ꩭႂ်ႛတ︀ွင︀်းမ︀ႃးက︀ွတ︀်ꩫ︀ꩫ︀မ︀်။

ၸ︀ိလ︀ိပ︀်ပ︀ၢႆ︀ 2:11

ꩡ︀ဝ်ယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ဝ်ႛꩫ︀မ︀်ꩫ︀ꩬ︀ီ က︀ူꩫ︀်းက︀ူႈက︀ူဝ်ႇꩭၢပ︀်ႉက︀ွမ︀်းက︀ꩫ︀်ႈင︀ႆ︀း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

ပ︀ေတ︀ရ︀ု ႑ 1:21

ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ လ︀ုက︀်ႉတ︀ၢင︀်းတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩬ︀ီ ꩭႂ်ႛမ︀ူꩫ︀်ႈၸ︀ုင︀်းလ︀ူင︀်မ︀ႃးမ︀ႆ︀ႛ ဢ︀ဝ်ႈယ︀ုမ︀်ႈယ︀မ︀်ႈပ︀ိုင︀်ႈဢ︀ိင︀်ႈမ︀ႃးယ︀ဝ်ႇ။ င︀ႆ︀းꩬ︀ီ ꩬ︀ူက︀ေႃႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈတ︀ႂ်းထႃႛက︀ꩫ︀်ႈꩫ︀မ︀်။

ပ︀ေတ︀ရ︀ု ႑ 2:12

ꩬ︀ူဝူင︀်ႈက︀ၢင︀်ႈက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိꩬ︀ီဢ︀ူꩫ︀ီႈꩫ︀ီႈ တ︀ႃႉ။ င︀ႆ︀းက︀ီး ꩬ︀ူမ︀ႆ︀ႛ ၵ︀ဝ်ꩡ︀ိုဝ်တ︀ၢင︀်းၸ︀ိတ︀်မ︀ႃးꩫ︀က︀ေႃႇ တ︀ၢင︀်းက︀ႅင︀်းꩬ︀ူꩫ︀ီႈꩫ︀ႆ︀ႇမ︀ႆ︀ႛ ၵ︀ဝ်ဢ︀ွက︀်ꩡ︀ႂ်ႈမ︀ႃးꩬ︀ီ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛ မ︀ႃးပ︀ႅတ︀်ႉတ︀ြႃးꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛၵ︀ဝ် တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

ပ︀ေတ︀ရ︀ု ႑ 4:11

က︀ူဝ်ႇဢ︀ꩫ︀်ႈꩬ︀ူးက︀ျေးꩡ︀ူး ဢ︀ꩫ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈယ︀င︀်းꩫ︀ႆ︀ႇ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ႂ်ꩭႅင︀်းꩭႂ်ႛꩫ︀က︀ꩫ︀်ႈ ꩭူဝ်းတ︀ႃႉ။ က︀ူဝ်ႇဢ︀ꩫ︀်ႈꩬ︀ူးက︀ျေးꩡ︀ူးဢ︀ꩫ︀်ႈꩡ︀ွႆ︀ႈပ︀ိူꩫ︀်ႈယ︀င︀်းꩫ︀ႆ︀ႇ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ႂ်ꩭႅင︀်းꩭႂ်ႛꩫ︀က︀ꩫ︀်ႈ ပ︀ိူꩫ︀်ႈမ︀ႆ︀ႛꩡ︀ွႆ︀ႈတ︀ႃႉ။ င︀ႆ︀းက︀ီး ဢ︀ꩫ︀်ႈꩫ︀င︀်ꩬ︀ူꩭီတ︀်ꩫ︀ႆ︀ႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭူဝ်ႈꩭိုင︀်းပ︀ိုင︀်းꩬ︀ႂ်မ︀ႃးဢ︀ူ။ မ︀ူꩫ︀်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ က︀ူႈꩡ︀ူဝ်ႈꩭႂ်ႛꩭူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃႈထု။