ယ︀ေႃးꩭၢꩫ︀် 13:3 - Khamti Shan

³ ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ တ︀ꩫ︀်းၵ︀ူဝ်းတ︀င︀်းမ︀ိူင︀်းပ︀ူင︀်ႈꩭႂ်ႛယ︀ဝ်ႇꩫ︀ꩫ︀ႆ︀ႇလ︀ိူင︀်ႈ၊ မ︀ꩫ︀်းꩡ︀ဝ်ႛယ︀ႃႇ လ︀ုက︀်ႉပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ျွႃးမ︀ႃးꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီပ︀ွက︀်ႉက︀ႃꩫ︀မ︀်ꩫ︀ꩫ︀ႆ︀ႇလ︀ိူင︀်ႈတ︀ွင︀်းဢ︀ူ။

ယ︀ေႃးꩭၢꩫ︀် 13:3 ပူးပေါင်းရင်းမြစ်များ

မ︀တ︀်တ︀ႄး 11:27

မ︀ꩫ︀်းꩡ︀ဝ်ႛယ︀ွꩫ︀်းꩬ︀ူးယ︀ဝ်ႇက︀ီး က︀ၢပ︀်ꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛတ︀င︀်းမ︀ိူင︀်းဢ︀ၢပ︀်ႉꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛလ︀ိူဝ်ꩬ︀ီ လ︀ုက︀်ႉမ︀ꩫ︀်းꩡ︀ဝ်ႛတ︀ေႇတ︀ေႇမ︀ႆ︀ႛ ၸ︀ႂ်က︀ေႃႇမ︀ဝ်တ︀ွင︀်းꩫ︀က︀ꩫ︀်ႈ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇမ︀ႆ︀ႛက︀ေႃႇ လ︀ုက︀်ႉမ︀ꩫ︀်းꩡ︀ဝ်ႛꩫ︀ႆ︀ၢႈꩫ︀မ︀်တ︀ွင︀်းꩫ︀ႆ︀ႇ။ င︀ႆ︀းꩬ︀ီလ︀ုက︀်ႉမ︀ꩫ︀်းꩡ︀ဝ်ႛယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛလ︀ိူက︀်ႉꩬ︀ီ လ︀ွင︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ပ︀ျႃးꩭႂ်ႛဢ︀ူ။

မ︀တ︀်တ︀ႄး 28:18

ꩡ︀ဝ်ႛယ︀ေꩬ︀ုယ︀ႃႇ တ︀ႆ︀ၢႛၵ︀ဝ်မ︀ႆ︀ႛမ︀ႃးꩬ︀ီ “တ︀ꩫ︀်းၵ︀ူဝ်းဢ︀ႃꩫ︀ႃဢ︀ꩫ︀်ႈက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛယ︀င︀်း၊ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းတ︀င︀်းမ︀ိူင︀်း က︀ဝ်ႈꩭၢပ︀်ႉဢ︀ဝ်ႈယ︀ဝ်ႇ။

လ︀ုက︀ႃ 10:22

ပ︀ူဝ်က︀ဝ်ႈၵ︀ႃႛ က︀ဝ်ႈၵ︀ႃႛမ︀ႆ︀ႛတ︀င︀်းလ︀ုင︀်တ︀င︀်းမ︀ိူင︀်း ပ︀ူင︀်ႈဢ︀ၢပ︀်ႉꩭႂ်ႛမ︀ႃးယ︀ဝ်ႇ။ လ︀ုက︀်ႉၵ︀ိင︀်းတ︀ူဝ်ꩡ︀ဝ်ႛ ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇ ပ︀ူဝ်ꩡ︀ဝ်ႛမ︀ႆ︀ႛလ︀ိူဝ်ꩬ︀ီ ၸ︀ႂ်က︀ေႃႇꩵ︀ႈတ︀ွင︀်း။ ပ︀ူဝ်ꩡ︀ဝ်ႛပ︀ီꩫ︀်ႈၸ︀ႂ်ꩫ︀ꩫ︀ႆ︀ႇက︀ေႃႇ လ︀ုက︀်ႉၵ︀ိင︀်းတ︀ူဝ်ꩡ︀ဝ်ႛꩫ︀ၵ︀ႃ က︀ူဝ်ႇဢ︀ꩫ︀်ႈလ︀ုက︀်ႉၵ︀ိင︀်းတ︀ူဝ်ꩡ︀ဝ်ႛ ၵ︀ႂ်ႈꩭႂ်ႛတ︀ွင︀်းꩬ︀ီ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်ꩫ︀ၢႆ︀ႈꩫ︀မ︀်တ︀ွင︀်းꩫ︀ႆ︀ႇ။ လ︀ိူဝ်တ︀ီꩫ︀ႆ︀ႇ ၸ︀ႂ်က︀ေႃႇꩵ︀ႈတ︀ွင︀်းတ︀ီၵ︀ႃႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 1:18

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႂ်က︀ေႃႇꩵ︀ႈꩭွꩫ︀်ꩭꩫ︀်။ ꩫ︀ႆ︀ႇꩫ︀က︀ေႃႇ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈယ︀ႃႇ ꩭႂ်ႛပ︀ူဝ်းက︀ူꩫ︀်းꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ွင︀်းꩫ︀ႆ︀ႇ ပ︀ျႃးꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛက︀ေႃႇ ပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ီ တ︀င︀်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭူမ︀်ႈၵ︀ိင︀်းꩬ︀ီဢ︀ူꩫ︀မ︀်။

ယ︀ေႃးꩭၢꩫ︀် 13:1

ꩫ︀င︀်မ︀ိူဝ်ႈꩭုက︀်ႉက︀ီး ပ︀ွႆ︀းပ︀ူꩫ︀်ႇလ︀ွတ︀်ႉတ︀ီက︀ူဝ်ယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ လ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛဢ︀ွက︀်ꩬ︀ီ တ︀ီက︀ႃပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩡ︀မ︀်ႈယ︀ဝ်ႇꩫ︀ꩫ︀ႆ︀ႇ ꩡ︀ဝ်ႛယ︀ေꩬ︀ုတ︀ွင︀်းဢ︀ူ။ က︀ူꩫ︀်းဢ︀ꩫ︀်ႈယ︀ုမ︀်ယ︀မ︀်ႈမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇꩭၢက︀်ႉမ︀ႃးဢ︀ူ။ ꩭၢက︀်ႉမ︀ူတ︀်တ︀ိက︀်ဢ︀ဝ်ႈꩫ︀မ︀်။

ယ︀ေႃးꩭၢꩫ︀် 17:2

မ︀ႂ်းꩡ︀ဝ်ႛ က︀ဝ်ႈၵ︀ႃမ︀ႆ︀ႛက︀ꩫ︀်ႛꩫ︀ိူဝ်တ︀င︀်းမ︀ိူင︀်းမ︀ႆ︀ႛ ဢ︀ႃꩫ︀ႃပ︀ူင︀်ႈꩭႂ်ႛတ︀ီၵ︀ႃႛမ︀ႃးယ︀ဝ်ႇ။ င︀ႆ︀းꩬ︀ီ က︀ူꩫ︀်းဢ︀ꩫ︀်ႈမ︀ႂ်းꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ ဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈၵ︀ႃႛဢ︀ꩬ︀ၢက︀်ႉထႃဝရ︀ꩭႂ်ႛတ︀ီၵ︀ႃႛဢ︀ူ။

ယ︀ေႃးꩭၢꩫ︀် 3:13

က︀ဝ်ႈ ၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း ဢ︀ꩫ︀်ႈလ︀ုက︀်ႉမ︀ိူင︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ူမ︀ႆ︀ႛ က︀ျွႃးလ︀ူင︀်းမ︀ႃးꩫ︀ႆ︀ႇမ︀ႆ︀ႛလ︀ိူဝ်ꩬ︀ီ ၸ︀ႂ်က︀ေႃႇ မ︀ိူင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ူမ︀ႆ︀ႛ ꩵ︀ႈꩭွꩫ︀်ၵ︀ိုꩫ︀်ႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 3:35

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩭၢက︀်ႉꩫ︀ႆ︀ႇꩬ︀ီ တ︀ꩫ︀်းၵ︀ူဝ်းဢ︀ႃꩫ︀ႃတ︀င︀်းမ︀ိူင︀်း ပ︀ူင︀်ႈꩭႂ်ႛယ︀ဝ်ႇ။

ယ︀ေႃးꩭၢꩫ︀် 7:29

ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇမ︀ꩫ︀်းꩡ︀ဝ်ႛမ︀ႆ︀ႛတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈမ︀ႆ︀ႛမ︀ꩫ︀်းꩡ︀ဝ်ႛ ပ︀ွႆ︀ꩡ︀ႂ်ႇꩬ︀ီ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛꩫ︀မ︀်က︀ဝ်ႈမ︀ႃးꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 7:33

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈတ︀င︀်းꩬ︀ူက︀ိုမ︀်ႇဢ︀ွꩫ︀်လ︀ိူင︀်ႈꩫ︀ႆ︀ၢႈဢ︀ူꩬ︀ီ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႃးမ︀ႆ︀ႛ တ︀ီပ︀ွက︀်ႉက︀ႃꩫ︀မ︀်။

ယ︀ေႃးꩭၢꩫ︀် 8:14

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ၸ︀ူႛꩡ︀ဝ်ႛꩫ︀ႆ︀ၢႈၸ︀ူႛꩡ︀ဝ်ႛ ꩭီတ︀်ꩬ︀ၢက︀်ႉꩬ︀ေꩫ︀က︀ေႃႇ ꩬ︀ၢက︀်ႉꩬ︀ေက︀ဝ်ႈၵ︀ိူင︀်ဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈလ︀ုက︀်ႉဢ︀မ︀ႆ︀ႚမ︀ႃးꩬ︀ီ ဢ︀မ︀ႆ︀ႚတ︀ီက︀ႃꩫ︀ꩫ︀ႆ︀ႇ က︀ဝ်ႈၸ︀ူႛꩡ︀ဝ်ႛတ︀ွင︀်းꩬ︀ီꩫ︀မ︀်။ ꩬ︀ူယ︀ႃႇ က︀ဝ်ႈလ︀ုက︀်ႉဢ︀မ︀ႆ︀ႚမ︀ႃးꩬ︀ီဢ︀မ︀ႆ︀ႚတ︀ီက︀ႃꩫ︀ꩫ︀ႆ︀ႇꩵ︀ႈတ︀ွင︀်း။

ယ︀ေႃးꩭၢꩫ︀် 8:42

ꩡ︀ဝ်ႛယ︀ေꩬ︀ုယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛ ပ︀ီꩫ︀်ႈပ︀ူဝ်ꩬ︀ူတ︀ေႇတ︀ေႇက︀ီး ꩬ︀ူက︀ဝ်ႈမ︀ႆ︀ႛꩭၢက︀်ႉဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈယ︀ႃႇလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႃးꩬ︀ီꩫ︀မ︀်။ က︀ဝ်ႈယ︀ႃႇ ဢ︀ဝ်ႈဢ︀လ︀ၢင︀်းက︀ဝ်ႈၸ︀ူႛꩡ︀ဝ်ႛ ꩫ︀ႆ︀ၢႈမ︀ႃးꩵ︀ႈꩡ︀ႂ်ႈ။ မ︀ꩫ︀်းꩡ︀ဝ်ႛပ︀ွႆ︀ꩡ︀ႂ်ႇꩬ︀ီꩫ︀မ︀်မ︀ႃးꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 2:36

င︀ႆ︀းꩬ︀ီ ပ︀ူဝ်မ︀ေပ︀ီꩫ︀ွင︀်ႇဢ︀ီတ︀်ꩬ︀ြေးၵ︀ဝ်ꩴ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈꩡ︀ဝ်ႛ၊ ဢ︀ဝ်ႈပ︀ီꩫ︀်ႈမ︀ေꩬ︀ိယ︀ဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီ ဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇꩫ︀မ︀်ꩫ︀ꩫ︀ႆ︀ႇ တ︀ွင︀်းမ︀တ︀်ႉက︀ꩫ︀်ႈတ︀ေႇတ︀ေႇတ︀ႃႉ” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႑ 15:27

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျမ︀်းလ︀ိက︀်ႉမ︀ႆ︀ႛ “ၸ︀ြႃးပ︀ီꩫ︀်ႈꩡ︀ဝ်ႛ က︀ꩫ︀်ႛတ︀ႂ်ႛတ︀ိꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀င︀်းမ︀ိူင︀်းတ︀မ︀်းဝႆ︀ႇဢ︀ူ” ꩫ︀ꩬ︀ီဝႃႈꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၸ︀ူႛꩡ︀ဝ်ႛယ︀ႃႇ ꩵ︀ႈတ︀မ︀်းလ︀ွေႛ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈတ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛ က︀ꩫ︀်ႛတ︀ႂ်ႛတ︀ꩫ︀်းၵ︀ူဝ်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀မ︀်းꩭႂ်ႛꩫ︀မ︀်။

ꩭေပ︀ရ︀ူး 1:2

င︀ႆ︀ႚ ꩡ︀ူဝ်ႈပ︀ႆ︀ၢႈꩭၢင︀်မ︀ႆ︀ႛယ︀ႃႇ ꩭဝ်းမ︀ႆ︀ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛပ︀ွႆ︀ꩡ︀ႂ်ႇꩬ︀ီ ဝႃႈမ︀ႃးဢ︀ူ။ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ဢ︀မ︀ွေမ︀ꩫ︀်းꩡ︀ဝ်ႛတ︀င︀်းမ︀ိူင︀်းဢ︀ၢပ︀်ႉꩭႂ်ႛꩬ︀ီ တ︀မ︀်တ︀ိူင︀်းတ︀င︀်းလ︀ုက︀်ႉမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းလ︀ုက︀်ႉမ︀ꩫ︀်းꩡ︀ဝ်ႛ ၸ︀ၢꩫ︀်ꩬ︀ၢင︀်းမ︀ႃးယ︀ဝ်ႇ။