ယ︀ေႃးꩭၢꩫ︀် 12:32 - Khamti Shan

³² မ︀ိူဝ်ႈက︀ဝ်ႈမ︀ႆ︀ႛ ပ︀ိူꩫ︀်ႈလ︀ုက︀်ႉꩫ︀ိꩫ︀်ႈမ︀ႆ︀ႛၵ︀ႅꩫ︀်ဝႆ︀ႇꩫ︀ႆ︀ႇ က︀ူꩫ︀်းတ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ီလ︀ဝ်ꩭွင︀်ႇဢ︀ဝ်ႈꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 12:32 ပူးပေါင်းရင်းမြစ်များ

ယ︀ေႃးꩭၢꩫ︀် 1:7

ꩬ︀ြႃယ︀ေႃးꩭၢꩫ︀်ယ︀ႃႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ꩫ︀ႆ︀ႛꩥ︀ိꩫ︀်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈꩫ︀ႆ︀ႇ လ︀ွင︀်ႈဢ︀ꩫ︀်ႈလ︀ႅင︀်းဢ︀မ︀ႂ်း ꩭူဝ်းလ︀ေဢ︀ူ။

ယ︀ေႃးꩭၢꩫ︀် 12:34

ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ “မ︀ေꩬ︀ိယ︀ယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉတ︀ီꩫ︀ိပ︀်က︀ႃꩫ︀မ︀် ꩫ︀ꩬ︀ီက︀ျမ︀်းꩬ︀ိꩫ︀်မ︀ႆ︀ႛ ဝႃႈဝႆ︀ႇတ︀ီၵ︀ႃႛဢ︀ူ။ င︀ႆ︀းꩫ︀ႆ︀ႇမ︀ႂ်းꩡ︀ဝ်ႛယ︀ႃႇ လ︀ုက︀်ႉက︀ူꩫ︀်းမ︀ႆ︀ႛ ပ︀ိူꩫ︀်ႈတ︀ီၵ︀ႅꩫ︀်ဝႆ︀ႇꩫ︀မ︀်ꩫ︀ꩬ︀ီ ꩭိုဝ်လ︀ိုဝ်ꩬ︀ီဝႃႈတ︀ီၵ︀ႃႛꩫ︀ႆ︀။ လ︀ုက︀်ႉက︀ူꩫ︀်းဢ︀မ︀ႂ်းယ︀ႃႇ ၸ︀ႂ်တ︀ီၵ︀ႃႛꩫ︀ႆ︀” ꩫ︀ꩬ︀ီမ︀ꩫ︀်းꩡ︀ဝ်ႛမ︀ႆ︀ႛ ထၢမ︀်က︀ꩫ︀်ႈဢ︀ူ။

ယ︀ေႃးꩭၢꩫ︀် 18:32

ၵ︀ဝ်င︀ႆ︀းꩬ︀ီဝႃႈꩫ︀ႆ︀ႇ ဢ︀ꩫ︀်ႈꩡ︀ဝ်ႛယ︀ေꩬ︀ု တ︀ီꩭိုဝ်လ︀ိုဝ်တ︀ႆ︀ၢႈꩫ︀ꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းပ︀ီꩫ︀်ႈမ︀ႃးꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 19:17

ꩡ︀ဝ်ႛယ︀ေꩬ︀ုက︀ေႃႇ ꩬ︀ဝ်ဝႃးမ︀ိုဝ်းမ︀ꩫ︀်းꩡ︀ဝ်ႛမ︀ႅက︀်ꩬ︀ီ တ︀ီဢ︀ꩫ︀်ႈင︀ွꩫ︀်းက︀ွက︀်လ︀ွက︀်ꩭူဝ်ꩫ︀ꩫ︀ႆ︀ႇမ︀ႆ︀ႛက︀ျွႃးက︀ႃဢ︀ူ။ တ︀ီႈဢ︀မ︀ႂ်းမ︀ႆ︀ႛ ဢ︀ဝ်ႈၵ︀ၢမ︀်းက︀ျူးယ︀ႃႇ က︀ေႃလ︀က︀ေႃတ︀ꩫ︀ꩫ︀မ︀်။

ယ︀ေႃးꩭၢꩫ︀် 3:14

ပ︀ၢင︀်ꩭႅင︀်ႛမ︀ႆ︀ႛ မ︀ေႃꩬ︀ေင︀ူးတ︀ွင︀်းတ︀ူဝ်ႈလ︀ိူင︀်ႈ ꩬ︀ဝ်မ︀ႆ︀ႛၵ︀ႅꩫ︀်ဝႆ︀ႇꩫ︀ႆ︀ႇꩫ︀က︀ꩫ︀်ႈ လ︀ုက︀်ႉက︀ူꩫ︀်းမ︀ႆ︀ႛက︀ေႃႇ ပ︀ိူꩫ︀်ႈတ︀ီၵ︀ႅꩫ︀်ဝႆ︀ႇꩫ︀မ︀်။

ယ︀ေႃးꩭၢꩫ︀် 6:44

ပ︀ူဝ်က︀ဝ်ႈဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀ႆ︀ႇ မ︀ဝ်လ︀ဝ်ꩭွင︀်ႇက︀ီး ၸ︀ႂ်က︀ေႃႇက︀ဝ်ႈမ︀ႆ︀ႛမ︀ႃးꩵ︀ႈꩫ︀ႆ︀ႛ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛမ︀ႃးꩫ︀ႆ︀ႇၵ︀ဝ်မ︀ႆ︀ႛ ဝꩫ︀်းဢ︀ꩫ︀်ႈꩬ︀ုတ︀်မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ က︀ဝ်ႈတ︀ီဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀မ︀်။

ယ︀ေႃးꩭၢꩫ︀် 8:28

င︀ႆ︀းꩬ︀ီမ︀ꩫ︀်းꩡ︀ဝ်ႛယ︀ႃႇ “မ︀ိူဝ်ႈလ︀ုက︀်ႉက︀ူꩫ︀်းမ︀ႆ︀ႛ ပ︀ိူꩫ︀်ႈၵ︀ႅꩫ︀်ꩬ︀ဝ်ဝႆ︀ႇꩫ︀ႆ︀ႇ “ꩫ︀င︀်က︀ဝ်ႈပ︀ီꩫ︀်ႈꩫ︀ႆ︀ႇ က︀ဝ်ႈꩫ︀မ︀်ꩫ︀ꩫ︀ႆ︀ႇမ︀ႆ︀ႛလ︀ိူင︀်ႈ၊ က︀ဝ်ႈယ︀ႃႇ က︀ꩬ︀င︀်က︀ေႃႇ ဢ︀ဝ်ႈဢ︀ႃꩫ︀ႃၸ︀ူႛꩡ︀ဝ်ႛ မ︀ဝ်ꩭီတ︀်ꩬ︀ီ ဢ︀ꩫ︀်ႈꩫ︀င︀်ပ︀ူဝ်က︀ဝ်ႈ ꩫ︀ေꩭႂ်ႛꩫ︀ႆ︀ၢႈꩫ︀မ︀် ဝႃႈꩫ︀ႆ︀ႇꩫ︀ꩫ︀ႆ︀ႇမ︀ႆ︀ႛလ︀ိူင︀်ႈ ꩬ︀ူတ︀ီတ︀ွင︀်းꩬ︀ႃး။

က︀လ︀ႃတ︀ိ 3:13

ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈꩭဝ်းက︀မ︀်ႈက︀ျမ︀်းꩬ︀ိꩫ︀်မ︀ဝ်ပ︀ီꩫ︀်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ တ︀ီႈဢ︀ꩫ︀်ႈꩭဝ်းဝႃႈၵ︀ၢမ︀်က︀ိꩫ︀်မ︀ႆ︀ႛ ၵ︀ၢမ︀်ꩭႂ်ႛꩬ︀ီ ꩭဝ်းမ︀ႆ︀ႛ လ︀ုက︀်ႉက︀ꩫ︀်ႛတ︀ႂ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇမ︀ႆ︀ႛ ထွတ︀်ꩭႂ်ႛမ︀ႃးယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “က︀ူဝ်ႇဢ︀ꩫ︀်ႈက︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ꩫ︀ႆ︀ႛတ︀ွက︀်တ︀ႆ︀ၢႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩬ︀ီꩫ︀မ︀်။

တ︀ိမ︀ေႃတ︀ေ ႑ 2:6

မ︀ꩫ︀်းꩡ︀ဝ်ႛယ︀ႃႇ ၵ︀ွတ︀်ဢ︀ꩬ︀ၢက︀်ႉꩬ︀ီ က︀ူꩫ︀်းတ︀င︀်းလ︀ုင︀်မ︀ႆ︀ႛ ꩬ︀ေထွတ︀်ꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈꩫ︀ႆ︀ႇယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈမ︀ိူဝ်ႈယ︀ၢမ︀်းထုက︀်ꩫ︀ႆ︀ႇ က︀ူꩫ︀်းမ︀ိူင︀်းက︀ၢင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ႂ်ႈၵ︀ေꩬ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။

ꩭေပ︀ရ︀ူး 2:9

ဢ︀ꩫ︀်ႈꩭဝ်းꩭꩫ︀်ꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈ က︀ꩫ︀်ႛတ︀ႂ်ႛၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ က︀မ︀်ႇဢ︀ွꩫ︀်လ︀ိူင︀်ႈ ဢ︀ဝ်ႈယ︀ွမ︀်းဝႆ︀ႇ ဢ︀ꩫ︀်ႈꩭႂ်ႛပ︀ူဝ်းဢ︀ဝ်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇက︀ူꩫ︀်းက︀ူႈက︀ူဝ်ႇ ꩫ︀ႆ︀ႛꩭူပ︀်ႉꩭꩫ︀်တ︀ၢင︀်းတ︀ႆ︀ၢႈꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛ ꩡ︀ႃႇꩭဝ်းၵ︀ၢမ︀်းတ︀ႆ︀ၢႈမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ မ︀ူꩫ︀်ႈၸ︀ုင︀်းဢ︀ဝ်ႈတ︀ီမ︀်ႈက︀ုမ︀်ꩭႂ်ႛ တ︀ၢင︀်ꩭုမ︀်ꩭႂ်ႛယ︀ဝ်ႇ။

ပ︀ေတ︀ရ︀ု ႑ 2:24

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ၵ︀ႂ်ႈက︀ၢပ︀်ꩭီတ︀်ꩬ︀ီ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀် ၵ︀ႂ်ႈꩭီတ︀်က︀ႃꩫ︀ႆ︀ႇ ဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛပ︀ၢက︀်ႉꩬ︀ီ က︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ င︀ႆ︀ႚ ꩬ︀ူ ꩫ︀ႆ︀ႛဢ︀ူꩫ︀ီႈၵ︀ျမ︀်းꩬ︀ႃꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ီႈꩡ︀ီပ︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ꩫ︀မ︀်။

ပ︀ေတ︀ရ︀ု ႑ 3:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 2:2

ꩡ︀ဝ်ႛဢ︀မ︀ႂ်းယ︀ႃႇ တ︀ူဝ်ႈၵ︀ႅက︀်ဢ︀ꩫ︀်ႈꩡ︀ႃႇၸ︀ေဢ︀ပ︀ႅတ︀်ႉꩭဝ်းꩫ︀ႆ︀ႇꩬ︀ေႇမ︀ဝ်က︀ႃး ဢ︀ꩫ︀်ႈꩡ︀ႃႇၸ︀ေဢ︀ပ︀ႅတ︀်ႉ က︀ူꩫ︀်းမ︀ိူင︀်းက︀ၢင︀်ႈတ︀င︀်းမ︀ိူင︀်းꩫ︀မ︀်။

ၿျႃၻိက︀်ႉ 5:9

ၵ︀ဝ်ၵ︀ၢမ︀်းမ︀ႂ်ဢ︀ွေက︀ꩫ︀်ႈဢ︀ူ။ ၵ︀ၢမ︀်းဢ︀မ︀ႂ်းယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈꩫ︀ိူတ︀်ႉၵ︀ိင︀်းတ︀ူဝ်ꩡ︀ဝ်ႛ က︀ူꩫ︀်းက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩬ︀ေထွတ︀်ဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ုꩫ︀်လ︀ိက︀်ႉဢ︀မ︀ႂ်းဢ︀ဝ်ႈꩬ︀ီ ꩡ︀ုမ︀်ႛဢ︀မ︀ႂ်းက︀ေႛထႅက︀်ႉတ︀ီၵ︀ႃႛဢ︀ူ။