ယ︀ေႃးꩭၢꩫ︀် 12:23 - Khamti Shan

²³ ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း မ︀ူꩫ︀်ႈၸ︀ုင︀်းလ︀ူင︀် တ︀ီꩫ︀ႆ︀ႛꩭၢပ︀်ႉယ︀ဝ်ႇ။

ယ︀ေႃးꩭၢꩫ︀် 12:23 ပူးပေါင်းရင်းမြစ်များ

မ︀တ︀်တ︀ႄး 25:31

ꩡ︀ဝ်ႛယ︀ေꩬ︀ုက︀ၢပ︀်ꩬ︀ီဝႃႈꩫ︀ႆ︀ႇ “မ︀ိူဝ်ႈက︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း ꩭီတ︀်ꩡ︀ဝ်ႛꩭူဝ်ၵ︀မ︀်းꩬ︀ီ တ︀င︀်းၵ︀ုꩫ︀်ꩬ︀ၢင︀်က︀ဝ်ႈၵ︀ဝ်တ︀င︀်းမ︀ိူင︀်း လ︀ွမ︀်ႇလ︀ၢမ︀်က︀ꩫ︀်ႈꩬ︀ီက︀ျွႃးမ︀ႃးꩫ︀ႆ︀ႇ ပ︀လ︀ၢင︀်ဢ︀ꩫ︀်ႈမ︀ူꩫ︀်ႈယ︀ႂ်မ︀ႆ︀ႛတ︀ီꩫ︀င︀်ႈꩫ︀မ︀်။

မ︀တ︀်တ︀ႄး 26:45

ယ︀ဝ်ႇက︀ီးတ︀ပ︀ေးꩡ︀ဝ်ႛၵ︀ဝ်မ︀ႆ︀ႛပ︀ွက︀်ႉမ︀ႃးꩬ︀ီ “ꩬ︀ူင︀ႆ︀ႚက︀ေႃႇ ၵ︀ိူဝ်က︀ꩫ︀်ႈꩫ︀ွꩫ︀်းက︀ꩫ︀်ႈꩬ︀ီဢ︀ူက︀ျႃး။ ယ︀ၢမ︀်းဢ︀ꩫ︀်ႈက︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းမ︀ႆ︀ႛ ပ︀ိူꩫ︀်ႈတ︀ီဢ︀ၢပ︀်ႉꩫ︀ႂ်းမ︀ိုဝ်းက︀ူꩫ︀်းꩭင︀်ႛꩫ︀ႆ︀ႇၵ︀ဝ်ꩫ︀ႆ︀ႇ ထိုင︀်မ︀ႃးယ︀ဝ်ႇ။

မ︀ႃက︀ု 14:35

ယ︀ဝ်ႇက︀ီးမ︀ꩫ︀်းꩡ︀ဝ်ႛ က︀ꩫ︀်ႛꩫ︀ႃႛမ︀ႆ︀ႛ ꩡ︀ွꩫ︀်လ︀ိူင︀်ႈက︀ႃဢ︀ိက︀်င︀ႆ︀း လ︀င︀်ꩫ︀ိꩫ︀်ႈမ︀ႆ︀ႛပ︀ႅပ︀်ႉၵ︀ုပ︀်ႉꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛ တ︀ီꩫ︀ႆ︀ႛၵ︀ၢမ︀်ဝေၻꩫ︀ႃꩫ︀ႆ︀ႇ ပ︀ီꩫ︀်ႈꩫ︀ႆ︀ႛက︀ီးꩭႂ်ႛပ︀ူဝ်း လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈၸ︀ႆ︀ꩭႂ်ႛꩫ︀ႆ︀ႇ ယ︀ွꩫ︀်းꩬ︀ူးꩫ︀ႆ︀ႇ

မ︀ႃက︀ု 14:41

မ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩭႃတ︀တ︀ိယ︀ပ︀ွက︀်ႉမ︀ႃးꩬ︀ီ “ꩬ︀ူတ︀ူက︀်ꩡ︀ိူမ︀်ႈင︀ႆ︀ႚက︀ေႃႇ ꩫ︀ွꩫ︀်းꩫ︀က︀်ꩬ︀ီꩭွမ︀်ꩫ︀ွေꩬ︀ီဢ︀ူက︀ျႃး။ ပ︀ူဝ်းယ︀ဝ်ႇ။ ယ︀ၢမ︀်းဢ︀ꩫ︀်ႈလ︀ုက︀်ႉက︀ူꩫ︀်းမ︀ႆ︀ႛ တ︀ီဢ︀ၢပ︀်ႉꩫ︀ႂ်းမ︀ိုဝ်းက︀ူꩫ︀်းꩭၢႆ︀ႇꩫ︀ႆ︀ႇၵ︀ဝ်ꩫ︀ႆ︀ႇထိုင︀်မ︀ႃးယ︀ဝ်ႇ။

ယ︀ေႃးꩭၢꩫ︀် 12:16

မ︀ိူဝ်ႈဢ︀မ︀ႂ်း တ︀ပ︀ေးꩡ︀ဝ်ႛၵ︀ဝ်ယ︀ႃႇ ၵ︀ူဝ်ႛက︀ျမ︀်းလ︀ိက︀်ႉဢ︀မ︀ႂ်း ꩵ︀ႈပ︀ွင︀်ꩡ︀ႂ်ႈမ︀ႃး။ ꩡ︀ဝ်ႛယ︀ေꩬ︀ု လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးက︀ႃꩫ︀ႆ︀ႇꩬ︀င︀် ၵ︀ူဝ်ႛက︀ျမ︀်းလ︀ိက︀်ႉဢ︀မ︀ႂ်း ဢ︀ꩫ︀်ႈၿျႃၻိက︀်ႉလ︀ွင︀်ႈꩡ︀ဝ်ႛယ︀ေꩬ︀ုꩫ︀မ︀်ꩫ︀ꩫ︀ႆ︀ႇလ︀ိူင︀်ႈ၊ ꩫ︀င︀်ၿျႃၻိက︀်ႉဢ︀မ︀ႂ်းꩫ︀က︀ꩫ︀်ႈ ပ︀ၢင︀်ႈꩫ︀ႃႛၵ︀ဝ်ၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးတ︀ေႇတ︀ေႇယ︀ဝ်ႇꩫ︀ꩫ︀ႆ︀ႇလ︀ိူင︀်ႈ ဢ︀ွက︀်ꩡ︀ႂ်ႈမ︀ႃးက︀ꩫ︀်ႈဢ︀ူ။

ယ︀ေႃးꩭၢꩫ︀် 12:27

ꩡ︀ဝ်ႛယ︀ေꩬ︀ုက︀ၢပ︀်ꩬ︀ီဝႃႈꩫ︀ႆ︀ႇ က︀ဝ်ႈယ︀ၢက︀်ႉꩡ︀ႂ်ႈလ︀ူင︀်ꩫ︀မ︀်။ တ︀ီꩭိုဝ်လ︀ိုဝ်က︀လ︀ူꩵ︀ႈတ︀ွင︀်း။ ꩫ︀ႆ︀ႇꩫ︀က︀ေႃႇ ꩭႂ်ႛပ︀ူဝ်းလ︀ွတ︀်ႉတ︀ၢင︀်းၵ︀ၢမ︀်ꩡ︀ီပ︀်ၵ︀ၢမ︀်ယ︀ၢက︀်ႉယ︀ႃႇ ပ︀ူဝ်က︀ဝ်ႈမ︀ႆ︀ႛꩵ︀ႈဝႃႈယ︀ွꩫ︀်းꩬ︀ူး။ က︀ဝ်ႈမ︀ိူင︀်းက︀ၢင︀်ႈမ︀ႆ︀ႛမ︀ႃးꩫ︀ႆ︀ႇ ꩭၢင︀်းၵ︀ၢမ︀်ꩡ︀ီပ︀်ၵ︀ၢမ︀်ယ︀ၢက︀်ႉꩫ︀မ︀်။

ယ︀ေႃးꩭၢꩫ︀် 13:1

ꩫ︀င︀်မ︀ိူဝ်ႈꩭုက︀်ႉက︀ီး ပ︀ွႆ︀းပ︀ူꩫ︀်ႇလ︀ွတ︀်ႉတ︀ီက︀ူဝ်ယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ လ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛဢ︀ွက︀်ꩬ︀ီ တ︀ီက︀ႃပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩡ︀မ︀်ႈယ︀ဝ်ႇꩫ︀ꩫ︀ႆ︀ႇ ꩡ︀ဝ်ႛယ︀ေꩬ︀ုတ︀ွင︀်းဢ︀ူ။ က︀ူꩫ︀်းဢ︀ꩫ︀်ႈယ︀ုမ︀်ယ︀မ︀်ႈမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇꩭၢက︀်ႉမ︀ႃးဢ︀ူ။ ꩭၢက︀်ႉမ︀ူတ︀်တ︀ိက︀်ဢ︀ဝ်ႈꩫ︀မ︀်။

ယ︀ေႃးꩭၢꩫ︀် 7:39

ꩡ︀ဝ်ႛယ︀ေꩬ︀ုဝႃႈင︀ႆ︀းꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် တ︀ီꩫ︀ႆ︀ႛꩭၢပ︀်ႉꩫ︀ႆ︀ႇမ︀ႆ︀ႛ ꩡ︀ိုဝ်ꩬ︀ီဝႃႈꩫ︀မ︀်။ မ︀ိူဝ်ႈဢ︀မ︀ႂ်း မ︀ꩫ︀်းꩡ︀ဝ်ႛမ︀ူꩫ︀်ႈၸ︀ုင︀်းမ︀ဝ်ပ︀ႆ︀ꩭၢပ︀်ႉဢ︀ဝ်ႈꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈပ︀ႆ︀ဢ︀ၢပ︀်ႉꩭႂ်ႛ။