ယ︀ေႃးꩭၢꩫ︀် 10:5 - Khamti Shan

⁵ က︀ꩫ︀်ႛလ︀င︀်ပ︀ိူꩫ︀်ႈတ︀ၢင︀်က︀ူဝ်ႇမ︀ႆ︀ႛယ︀ႃႇ ပ︀ူႇꩫ︀ႆ︀ႇၵ︀ဝ် မ︀ဝ်ꩡ︀ွမ︀်းꩬ︀ေႇမ︀ဝ်က︀ႃး ꩬ︀ီင︀်မ︀ꩫ︀်းမ︀ႆ︀ႛက︀ေႃႇ မ︀ဝ်မ︀ွꩫ︀်ႛꩫ︀ႆ︀ႇꩬ︀ီ လ︀ုက︀်ႉမ︀ꩫ︀်းမ︀ႆ︀ႛ တ︀ီပ︀ႆ︀ၢႈဢ︀ွက︀်က︀ႃꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 10:5 ပူးပေါင်းရင်းမြစ်များ

မ︀ႃက︀ု 4:24

ယ︀ဝ်ႇက︀ီး “ဢ︀ꩫ︀်ႈꩫ︀င︀်ꩬ︀ူꩫ︀ႆ︀ႛꩥ︀ိꩫ︀်းꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ ဢ︀ꩫ︀်ႈꩫ︀င︀်ꩬ︀ူ ပ︀ိူꩫ︀်ႈမ︀ႆ︀ႛပ︀ႅတ︀်ႉတ︀ြႃးꩫ︀က︀ꩫ︀်ႈ ꩬ︀ူမ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးပ︀ွက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛၵ︀ႆ︀ႇမ︀ဝ်က︀ႃးတ︀ီꩡ︀ႅပ︀်ႉက︀တ︀်ႉꩰꩫ︀မ︀်။

လ︀ုက︀ႃ 8:18

င︀ႆ︀းꩫ︀ႆ︀ႇꩬ︀ီ ꩬ︀ူꩭလ︀ိုဝ်ထွမ︀်ꩫ︀ꩫ︀ႆ︀ႇ ꩬ︀တ︀ိတ︀ႃႉ။ က︀ူဝ်ႇဢ︀ꩫ︀်ႈထွမ︀်ꩫ︀ီႈꩫ︀ီႈ မ︀ႆ︀ႛ တ︀ီဢ︀ဝ်ႈပ︀ွင︀်ꩡ︀ႂ်ႈဢ︀ိက︀်ꩭႂ်ႛꩫ︀မ︀်။ က︀ူဝ်ႇဢ︀ꩫ︀်ႈမ︀ဝ်ထွမ︀်ꩫ︀ီႈꩫ︀ီႈ မ︀ႆ︀ႛယ︀ႃႇ ဢ︀ꩫ︀်ႈမ︀ꩫ︀်းၵ︀ꩫ︀်တ︀ႂ်းပ︀ွင︀်ꩡ︀ႂ်ႈꩫ︀ႆ︀ႇꩫ︀ႆ︀ၢႈက︀ေႃႇ တ︀ီၸ︀ိဝ်ႛဢ︀ဝ်ႈၵ︀ွတ︀်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 10:16

က︀ဝ်ႈမ︀ႆ︀ႛပ︀ူႇတ︀ၢင︀်တ︀ူဝ်ႈ ဢ︀ꩫ︀်ႈꩫ︀ႂ်းၸ︀ုင︀်ပ︀ူႇꩫ︀ႆ︀ႇမ︀ႆ︀ႛ မ︀ဝ်လ︀ွေႛꩫ︀ႆ︀ႇၵ︀ဝ်က︀ေႃႇ ယ︀င︀်းဢ︀ိက︀်ဢ︀ူ။ ပ︀ူႇဢ︀မ︀ႂ်းၵ︀ဝ်မ︀ႆ︀ႛ က︀ဝ်ႈဝႃႈဢ︀ဝ်ႈတ︀ုမ︀်ႈမ︀ႃးဢ︀ူ။ ၵ︀ဝ်က︀ေႃႇ ꩬ︀ီင︀်က︀ဝ်ႈထွမ︀်ꩬ︀ီ တ︀ီပ︀ီꩫ︀်ႈပ︀ူႇၸ︀ုင︀်လ︀ိဝ်ႈမ︀ႃးꩫ︀မ︀်။ ၸ︀ူႛလ︀ီင︀်ႇပ︀ူႇက︀ေႃႇ တ︀ီပ︀ီꩫ︀်ႈပ︀ႃးလ︀ိဝ်ႈꩫ︀ႆ︀ၢႈꩫ︀မ︀်။

ယ︀ေႃးꩭၢꩫ︀် 10:4

မ︀ိူဝ်ႈပ︀ူႇမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ဢ︀ွꩫ︀်ႈဢ︀ွက︀်ꩫ︀ႆ︀ႇ က︀ꩫ︀်ႛꩫ︀ႃႛပ︀ူႇꩫ︀ႆ︀ႇၵ︀ဝ်မ︀ႆ︀ႛ ဢ︀ွꩫ︀်ႈက︀ႃꩬ︀ီ ပ︀ူႇꩫ︀ႆ︀ႇၵ︀ဝ်က︀ေႃႇ က︀ꩫ︀်ႛလ︀င︀်မ︀ꩫ︀်းမ︀ႆ︀ႛ ꩡ︀ွမ︀်းက︀ꩫ︀်ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ီင︀်မ︀ꩫ︀်းမ︀ႆ︀ႛ ပ︀ူႇꩫ︀ႆ︀ႇၵ︀ဝ်တ︀ွင︀်းꩬ︀ီꩫ︀မ︀်။

တ︀ိမ︀ေႃတ︀ေ ႒ 4:3

က︀ꩫ︀်ႛလ︀င︀်မ︀ႆ︀ႛယ︀ႃႇ က︀ူꩫ︀်းꩫ︀ႆ︀ႇၵ︀ဝ် ꩬ︀မ︀်မ︀ႃတ︀ြႃးမ︀ႆ︀ႛယ︀ႃႇ မ︀ဝ်ၵ︀ႂ်ႈထွမ︀်ꩬ︀ီ ဢ︀ꩫ︀်ႈၵ︀ဝ်ၵ︀ႂ်ႈꩫ︀ႆ︀ႛꩥ︀ိꩫ︀်းꩫ︀ႆ︀ၢႈꩬ︀င︀် တ︀ီထွမ︀်က︀ꩫ︀်ႈꩫ︀မ︀်။ ꩬ︀ြႃဢ︀ꩫ︀်ႈꩡ︀ွမ︀်းꩡ︀ႂ်ႈၵ︀ဝ်ꩬ︀ီ ꩭူဝ်းꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀ိုင︀် တ︀ီၵ︀ႃမ︀ႃးက︀ꩫ︀်ႈꩫ︀မ︀်။

ယ︀ေႃးꩭၢꩫ︀် ႑ 2:19

က︀ူဝ်ႇဢ︀မ︀ႂ်းၵ︀ဝ်ယ︀ႃႇ တ︀င︀်းꩭဝ်းမ︀ဝ်ꩡ︀ၢပ︀်ႉလ︀ႅင︀်က︀ꩫ︀်ႈတ︀ေႇတ︀ေႇꩫ︀ႆ︀ႇꩬ︀ီ လ︀ုက︀်ႉꩭဝ်းမ︀ႆ︀ႛဢ︀ွက︀်က︀ႃယ︀ဝ်ႇ။ ꩬ︀င︀်ဝႃႈၵ︀ဝ် တ︀င︀်းꩭဝ်း ꩡ︀ၢပ︀်ႉလ︀ႅင︀်က︀ꩫ︀်ႈက︀ီး တ︀င︀်းꩭဝ်းဢ︀ူဢ︀ူ။ ၵ︀ဝ်တ︀င︀်းꩭဝ်း ꩵ︀ႈꩡ︀ၢပ︀်ႉလ︀ႅင︀်က︀ꩫ︀်ႈꩫ︀ꩫ︀ႆ︀ႇ ꩭႂ်ႛပ︀ူဝ်းꩡ︀ုꩫ︀်ႈꩫ︀ႆ︀ႇ ၵ︀ဝ်ဢ︀ွက︀်က︀ႃꩫ︀မ︀်။

ယ︀ေႃးꩭၢꩫ︀် ႑ 2:21

ꩬ︀ူꩬ︀မ︀်မ︀ႃတ︀ြႃးမ︀ႆ︀ႛ မ︀ဝ်တ︀ွင︀်းꩬ︀ီꩵ︀ႈꩡ︀ႂ်ႈ က︀ဝ်ႈတ︀ႅမ︀်ႛမ︀ႃးꩫ︀ႆ︀ႇ။ ꩬ︀မ︀်မ︀ႃတ︀ြႃးမ︀ႆ︀ႛတ︀ွင︀်းꩬ︀ေႇမ︀ဝ်က︀ႃး ဢ︀ꩫ︀်ႈၸ︀ႅတ︀်ႉၸ︀ၢင︀်းꩫ︀ꩫ︀ႆ︀ႇၵ︀ဝ်ယ︀ႃႇ တ︀င︀်းꩬ︀မ︀်မ︀ႃတ︀ြႃး ꩵ︀ႈꩡ︀ၢပ︀်ႉလ︀ႅင︀်က︀ꩫ︀်ႈꩫ︀ꩫ︀ႆ︀ႇ ꩬ︀ူတ︀ွင︀်းꩬ︀ီတ︀ႅမ︀်ႛꩭႂ်ႛမ︀ႃးꩫ︀မ︀်။

ၿျႃၻိက︀်ႉ 2:2

ဢ︀ꩫ︀်ႈမ︀ႂ်းꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ွင︀်းဢ︀ူ။ မ︀ႂ်းဢ︀ၢꩫ︀်တ︀ၢꩫ︀်ꩬ︀ေႈꩡ︀ႃႉမ︀ႃး၊ က︀ꩫ︀်ႛမ︀ႃးယ︀ဝ်ႇ။ မ︀ႂ်းယ︀ႃႇ က︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩵ︀ႈꩭၢပ︀်ႉ။ က︀ူꩫ︀်းဢ︀ꩫ︀်ႈꩭႅꩫ︀်းꩭီတ︀်တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ႂ်းꩡ︀ႅပ︀်ႉꩬ︀ီ ၵ︀ဝ်ပ︀ီꩫ︀်ႈက︀ူꩫ︀်းၸ︀ႅတ︀်ႉꩫ︀မ︀်ꩫ︀ꩫ︀ႆ︀ႇ တ︀ွင︀်းဢ︀ူ။