ယ︀ေႃးꩭၢꩫ︀် 1:9 - Khamti Shan

⁹ ဢ︀ꩫ︀်ႈလ︀ႅင︀်းတ︀ေႇတ︀ေႇယ︀ႃႇ ꩡ︀ဝ်ႛဢ︀ꩫ︀်ႈက︀ျွႃးလ︀ူင︀်းမ︀ႃးမ︀ိူင︀်းက︀ၢင︀်ႈꩬ︀ီ က︀ꩫ︀်ႛꩫ︀ိူဝ်က︀ူꩫ︀်းတ︀င︀်းမ︀ိူင︀်းမ︀ႆ︀ႛ ꩭုင︀်ႈလ︀ႅင︀်းꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 1:9 ပူးပေါင်းရင်းမြစ်များ

မ︀တ︀်တ︀ႄး 6:23

ꩫ︀ႆ︀ႇꩫ︀က︀ေႃႇ တ︀ႃႈꩬ︀ူမ︀ဝ်ꩬ︀ၢက︀်က︀ီး ꩭူဝ်ꩡ︀ႂ်ႈꩬ︀ူမ︀ႆ︀ႛ ꩫ︀မ︀်ႈꩬ︀ိင︀်တ︀ိက︀်ႉꩰꩫ︀က︀ꩫ︀်ႈꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩭူဝ်ꩡ︀ႂ်ႈꩬ︀ူမ︀ႆ︀ႛꩫ︀မ︀်ႈꩬ︀ိင︀်ဢ︀ူꩬ︀ီက︀ေႃႇ ၵ︀ꩫ︀်တ︀ႂ်းꩡ︀ုꩫ︀်ႈလ︀ႅင︀်းက︀ီး ဢ︀မ︀ႂ်းယ︀ႃႇ ဢ︀ꩫ︀်ႈꩫ︀မ︀်ႈꩬ︀ိင︀်တ︀ိက︀်ႉꩰတ︀ေႇတ︀ေႇꩫ︀မ︀်။

လ︀ုက︀ႃ 11:36

င︀ႆ︀းꩫ︀ႆ︀ႇꩬ︀ီ လ︀ုက︀်ႉꩬ︀ိက︀်ႉတ︀ူဝ်ႈꩬ︀ူဢ︀ꩫ︀်ႈလ︀ိူင︀်ႈမ︀ႆ︀ႛꩫ︀ႆ︀ၢႈက︀ေႃႇ င︀ဝ်းꩫ︀မ︀်ႈꩬ︀ိင︀်မ︀ဝ်လ︀ွေႛꩬ︀ီ လ︀ႅင︀်းဢ︀ူက︀ီး တ︀င︀်းတ︀ူဝ်ႈမ︀ႆ︀ႛ ꩫ︀င︀်င︀ဝ်းလ︀ႅင︀်းက︀ွက︀်ၸ︀ႆ︀း တ︀ွင︀်ꩫ︀က︀ꩫ︀်ႈ တ︀ူဝ်ႈꩬ︀ူတ︀င︀်းတ︀ူဝ်ႈ တ︀ီတ︀ွင︀်လ︀ႅင︀်းꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 1:4

ၵ︀ၢမ︀်းတ︀ူဝ်ꩡ︀ဝ်ႛဢ︀မ︀ႂ်းယ︀ႃႇ ꩡ︀ဝ်ႛဢ︀ꩬ︀ၢက︀်ႉꩫ︀မ︀်။ ဢ︀ꩬ︀ၢက︀်ႉဢ︀မ︀ႂ်းယ︀ႃႇ ဢ︀ꩫ︀်ႈလ︀ႅင︀်းꩡ︀ႃႇꩭၢင︀်းက︀ူꩫ︀်းꩭဝ်းꩫ︀မ︀်။

ယ︀ေႃးꩭၢꩫ︀် 1:7

ꩬ︀ြႃယ︀ေႃးꩭၢꩫ︀်ယ︀ႃႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ꩫ︀ႆ︀ႛꩥ︀ိꩫ︀်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈꩫ︀ႆ︀ႇ လ︀ွင︀်ႈဢ︀ꩫ︀်ႈလ︀ႅင︀်းဢ︀မ︀ႂ်း ꩭူဝ်းလ︀ေဢ︀ူ။

ယ︀ေႃးꩭၢꩫ︀် 12:46

ဢ︀ꩫ︀်ႈက︀ႃႈꩡ︀ိုဝ်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛမ︀ဝ်ဢ︀ူꩫ︀ႆ︀ႇ က︀ဝ်ႈယ︀ႃႇ ꩭီတ︀်ဢ︀ꩫ︀်ႈလ︀ႅင︀်းꩬ︀ီ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးမ︀ꩫ︀မ︀်။

ယ︀ေႃးꩭၢꩫ︀် 14:6

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩬ︀ီꩫ︀်ႛတ︀ၢင︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛဢ︀ꩬ︀ၢက︀်ႉꩫ︀မ︀်။ ၸ︀ႂ်ꩫ︀က︀ေႃႇက︀ဝ်ႈမ︀ႆ︀ႛမ︀ဝ်မ︀ႃးက︀ီး ပ︀ူဝ်က︀ဝ်ႈမ︀ႆ︀ႛဢ︀ဝ်ႈထိုင︀်ꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 15:1

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇတ︀ူꩫ︀်ႛမ︀က︀်ꩡ︀ပ︀ႅတ︀်ႉꩫ︀က︀ꩫ︀်ႈꩫ︀မ︀်။ ပ︀ူဝ်က︀ဝ်ႈယ︀ႃႇ ၸ︀ူႛမ︀ိုင︀်ႇꩬ︀ူꩫ︀်ꩫ︀က︀ꩫ︀်ႈꩫ︀မ︀်။

ယ︀ေႃးꩭၢꩫ︀် 6:32

င︀ႆ︀းက︀ီးမ︀ꩫ︀်းꩡ︀ဝ်ႛယ︀ႃႇ “က︀ဝ်ႈꩬ︀ိုဝ်ႈꩰဝႃႈက︀ွတ︀်။ ꩬ︀ူမ︀ႆ︀ႛလ︀ုက︀်ႉက︀ၢင︀်ႈꩭၢဝ်မ︀ႆ︀ႛ ၵ︀ဝ်ႛပ︀ူင︀်ႈꩭႂ်ႛꩫ︀ႆ︀ႇ၊ မ︀ေႃꩬ︀ေꩵ︀ႈꩡ︀ႂ်ႈ။ ꩬ︀ူမ︀ႆ︀ႛလ︀ုက︀်ႉက︀ၢင︀်ꩭၢဝ်မ︀ႆ︀ႛ ၵ︀ဝ်ႛတ︀ေႇတ︀ေႇꩭႂ်ႛꩫ︀ႆ︀ႇ ပ︀ူဝ်က︀ဝ်ႈꩫ︀မ︀်။

ယ︀ေႃးꩭၢꩫ︀် 7:12

ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ယ︀ႃႇ လ︀ွင︀်ႈမ︀ꩫ︀်းꩡ︀ဝ်ႛꩫ︀ႆ︀ၢႈꩬ︀ိုင︀် လ︀ၢပ︀်ႉꩬ︀ၢပ︀်ႉက︀ꩫ︀်ႈဢ︀ူ။ က︀မ︀်ႈၸ︀ွင︀်းယ︀ႃႇ “က︀ူဝ်ႇꩫ︀ႆ︀ႇက︀ူꩫ︀်းꩫ︀ီႈꩫ︀မ︀်” ꩫ︀ဝꩫ︀်ႇ။ ၵ︀ိုꩫ︀်းꩫ︀က︀ဝ် က︀မ︀်ႈၸ︀ွင︀်းယ︀ႃႇ “က︀ူဝ်ႇꩫ︀ႆ︀ႇက︀ူꩫ︀်းꩫ︀ီႈꩵ︀ႈꩡ︀ႂ်ႈ။ ဢ︀ꩫ︀်ႈ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈပ︀ႅက︀်တ︀ၢင︀်းꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် ႑ 1:8

ꩬ︀င︀်ဝႃႈꩭဝ်းမ︀ႆ︀ႛ ဢ︀ပ︀ႅတ︀်ႉꩵ︀ႈယ︀င︀်းꩫ︀ꩬ︀ီ ꩭဝ်းဝႃႈက︀ီး ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈပ︀ႅက︀်တ︀ၢင︀်းꩫ︀မ︀်။ လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩭဝ်းဝႃႈꩫ︀ၵ︀ႃ ဢ︀ꩫ︀်ႈꩭဝ်းꩭီတ︀်ꩫ︀ႆ︀ႇꩵ︀ႈꩥ︀ႃးက︀ꩫ︀်ႈ။

ယ︀ေႃးꩭၢꩫ︀် ႑ 2:8

ꩫ︀ႆ︀ႇꩫ︀က︀ေႃႇ ꩬ︀ိꩫ︀်ꩫ︀ႆ︀ႇယ︀ႃႇ ဢ︀ꩫ︀်ႈမ︀ႂ်ꩫ︀မ︀်ꩫ︀က︀ေႃႇဝႃႈꩫ︀ႆ︀ႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩫ︀ႆ︀ႇꩬ︀ိꩫ︀်မ︀ႂ်ꩫ︀မ︀်ꩫ︀ꩫ︀ႆ︀ႇ ꩡ︀တ︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀မ︀ိူင︀်း ꩡ︀တ︀်ႉꩬ︀ူမ︀ႆ︀ႛတ︀မ︀ိူင︀်းꩫ︀ူႈက︀ီး ꩡ︀ုꩫ︀်ႈꩬ︀ၢက︀်ꩰဢ︀ူꩫ︀မ︀်။ ဢ︀ꩫ︀်ႈꩫ︀မ︀်ႈꩬ︀ိင︀်ꩭႆ︀ၢက︀ႃꩬ︀ီ ဢ︀ꩫ︀်ႈလ︀ႅင︀်းꩡ︀ႅတ︀်ႉꩰတ︀ွင︀်လ︀ႅင︀်းမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 5:20

ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩬ︀ီ ꩭဝ်းမ︀ႆ︀ႛ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀ꩫ︀်ႈမ︀ၢꩫ︀် ပ︀ျႃးꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩭဝ်းဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉယ︀ဝ်ႇ။ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ꩫ︀မ︀်။