ယ︀ေႃးꩭၢꩫ︀် 1:6 - Khamti Shan

⁶ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ꩬ︀ြႃယ︀ေႃးꩭၢꩫ︀်ꩫ︀ꩫ︀ႆ︀ႇမ︀ႆ︀ႛ ပ︀ွႆ︀ꩡ︀ႂ်ႇမ︀ႃးဢ︀ူ။

ယ︀ေႃးꩭၢꩫ︀် 1:6 ပူးပေါင်းရင်းမြစ်များ

မ︀တ︀်တ︀ႄး 11:10

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ြႃယ︀ေႃးꩭၢꩫ︀်ယ︀ႃႇ က︀ူဝ်ႇဢ︀ꩫ︀်ႈ “ထွမ︀်တ︀ႃႉ။ ၸ︀ူႛꩡ︀ႂ်ႇက︀ဝ်ႈမ︀ႆ︀ႛ က︀ꩫ︀်ႛꩫ︀ႃႛမ︀ႂ်းမ︀ႆ︀ႛ က︀ဝ်ႈတ︀ီပ︀ွႆ︀ꩡ︀ႂ်ႇꩫ︀မ︀်။ မ︀ꩫ︀်းယ︀ႃႇ တ︀ၢင︀်းꩡ︀ႃႇမ︀ႂ်း တ︀ီꩭႅမ︀်းဝႆ︀ႇꩫ︀မ︀်” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇꩫ︀မ︀်။

မ︀တ︀်တ︀ႄး 21:25

ꩬ︀ြႃယ︀ေႃးꩭၢꩫ︀် ꩭႂ်ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇ ဢ︀ဝ်ႈဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛက︀ျႃး ဢ︀ဝ်ႈဢ︀ႃꩫ︀ႃက︀ူꩫ︀်းက︀ျႃး” ꩫ︀ဢ︀ူ။ ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ ꩭဝ်းတ︀ီဝႃႈꩭိုဝ်ꩫ︀ႆ︀။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀မ︀်ꩫ︀က︀ျႃး။ င︀ႆ︀းက︀ီး ꩭီတ︀်က︀ꩬ︀င︀်ꩫ︀ႆ︀ꩬ︀ူ ꩬ︀ြႃယ︀ေႃးꩭၢꩫ︀်မ︀ႆ︀ႛမ︀ဝ်ယ︀ုမ︀်ꩫ︀ႆ︀ႇꩫ︀ꩬ︀ီ မ︀ꩫ︀်းတ︀ီဝႃႈမ︀ႃးꩬ︀ႃး။

လ︀ုက︀ႃ 1:13

ၵ︀ုꩫ︀်ꩬ︀ၢင︀်ယ︀ႃႇ “ꩡ︀ႃၵ︀ရ︀ိꩴ︀း မ︀ႂ်းပ︀ီက︀ူဝ်ႈ။ ဢ︀ꩫ︀်ႈမ︀ႂ်းယ︀ွꩫ︀်းꩬ︀ူးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛထွမ︀်ꩭႂ်ႛယ︀ဝ်ႇ။ မ︀ေးမ︀ႂ်းဢ︀ေလ︀ိꩡ︀ပ︀ႅတ︀် လ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈ တ︀ီယ︀င︀်းမ︀ႃးꩫ︀မ︀်။ လ︀ုက︀်ႉꩡ︀ႆ︀ၢးဢ︀မ︀ႂ်းမ︀ႆ︀ႛ ယ︀ေႃးꩭၢꩫ︀်ꩫ︀ꩬ︀ီ ꩡ︀ိုဝ်ႈꩬ︀ႂ်ꩭႂ်ႛတ︀ႃႉ။

လ︀ုက︀ႃ 1:76

ꩡ︀ႃႇလ︀ိူင︀်ႈ လ︀ုက︀်ႉက︀ဝ်ႈꩴ︀း မ︀ႂ်းယ︀ႂ်မ︀ႃးက︀ီး မ︀ႂ်းမ︀ႆ︀ႛ ပ︀ရ︀ေႃးၸ︀ႅတ︀်ႉ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၵ︀ႅꩫ︀်းꩬ︀ုင︀်မ︀ႅတ︀်ႉ ꩫ︀ꩬ︀ီတ︀ီꩭွင︀်ႇꩫ︀မ︀်။ မ︀ႂ်းယ︀ႃႇ က︀ꩫ︀်ႛꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ႈက︀ႃꩬ︀ီ ဝႃႈꩭႅမ︀်းတ︀ၢင︀်းꩡ︀ႃႇမ︀ꩫ︀်းꩡ︀ဝ်ႛꩫ︀မ︀်။ ꩭႂ်ႛပ︀ူဝ်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉပ︀ွႆ︀ꩭႂ်ႛꩬ︀ီ ၵ︀ေꩬ︀ေꩭႂ်ႛꩫ︀ႆ︀ႇ ၵ︀ဝ်မ︀ႆ︀ႛ မ︀ႂ်းဝႃႈက︀ႃဝႃႈꩫ︀မ︀်။

ယ︀ေႃးꩭၢꩫ︀် 1:33

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛက︀ဝ်ႈꩵ︀ႈတ︀ွင︀်းမ︀ႃး။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈက︀ဝ်ႈမ︀ႆ︀ႛ ꩭႂ်ႛꩭီတ︀်ဢ︀မ︀ူးမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇ “ၵ︀ွꩫ︀်က︀ဝ်ႈ လ︀ူင︀်းမ︀ႃးꩬ︀ီ က︀ꩫ︀်ႛꩫ︀ိူဝ်က︀ူꩫ︀်းက︀ူဝ်ႇလ︀ိူင︀်ႈမ︀ႆ︀ႛ မ︀ႃးꩡ︀ပ︀်ꩫ︀ႆ︀ႇမ︀ႆ︀ႛ မ︀ႂ်းတ︀ီꩭꩫ︀်ꩫ︀မ︀်။ က︀ူဝ်ႇဢ︀မ︀ႂ်းယ︀ႃႇ က︀ူဝ်ႇဢ︀ꩫ︀်ႈဢ︀ဝ်ႈၵ︀ွꩫ︀်က︀ဝ်ႈ တ︀ီꩭႂ်ႛမ︀ၢင︀်က︀လ︀ႃꩡ︀ူမ︀်ႈၵ︀ွꩫ︀်ꩫ︀မ︀်” ꩫ︀ꩬ︀ီဝႃႈမ︀ႃးဢ︀ူ။

ယ︀ေႃးꩭၢꩫ︀် 3:28

ဢ︀ꩫ︀်ႈက︀ဝ်ႈဝႃႈ “က︀ဝ်ႈယ︀ႃႇ ꩡ︀ဝ်ႛမ︀ေꩬ︀ိယ︀ꩵ︀ႈꩡ︀ႂ်ႈ၊ က︀ဝ်ႈမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ႂ်ႇ ꩭႂ်ႛမ︀ႃးꩭႅမ︀်းတ︀ၢင︀်း ꩡ︀ႃႇမ︀ꩫ︀်းꩡ︀ဝ်ႛꩫ︀ႆ︀ၢႈꩫ︀မ︀်” ꩫ︀ꩫ︀ႆ︀ႇမ︀ႆ︀ႛ ꩬ︀ူၸ︀ူႛꩡ︀ဝ်ႛက︀ေႃႇꩫ︀ႆ︀ႛꩥ︀ိꩫ︀်းမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 13:24

မ︀ိူဝ်ႈꩡ︀ဝ်ႛယ︀ေꩬ︀ု ꩵ︀ႈပ︀ႆ︀က︀ူဝ်ꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩬ︀ြႃယ︀ေႃးꩭၢꩫ︀်ယ︀ႃႇ က︀ူꩫ︀်းꩫ︀ႆ︀ႇၵ︀ဝ် ꩭႂ်ႛပ︀ူဝ်းလ︀ုက︀်ႉဢ︀ပ︀ႅတ︀်ႉမ︀ႆ︀ႛꩬ︀ၢင︀်ဝွေꩬ︀ီ ꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇ ဢ︀ီတ︀်ꩬ︀ြေး တ︀င︀်းမ︀ိူင︀်းမ︀ႆ︀ႛꩭူဝ်းမ︀ႃးဢ︀ူ။