ယ︀ေႃးꩭၢꩫ︀် 1:18 - Khamti Shan

¹⁸ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႂ်က︀ေႃႇꩵ︀ႈꩭွꩫ︀်ꩭꩫ︀်။ ꩫ︀ႆ︀ႇꩫ︀က︀ေႃႇ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈယ︀ႃႇ ꩭႂ်ႛပ︀ူဝ်းက︀ူꩫ︀်းꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ွင︀်းꩫ︀ႆ︀ႇ ပ︀ျႃးꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛက︀ေႃႇ ပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ီ တ︀င︀်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭူမ︀်ႈၵ︀ိင︀်းꩬ︀ီဢ︀ူꩫ︀မ︀်။

ယ︀ေႃးꩭၢꩫ︀် 1:18 ပူးပေါင်းရင်းမြစ်များ

မ︀တ︀်တ︀ႄး 11:27

မ︀ꩫ︀်းꩡ︀ဝ်ႛယ︀ွꩫ︀်းꩬ︀ူးယ︀ဝ်ႇက︀ီး က︀ၢပ︀်ꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛတ︀င︀်းမ︀ိူင︀်းဢ︀ၢပ︀်ႉꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛလ︀ိူဝ်ꩬ︀ီ လ︀ုက︀်ႉမ︀ꩫ︀်းꩡ︀ဝ်ႛတ︀ေႇတ︀ေႇမ︀ႆ︀ႛ ၸ︀ႂ်က︀ေႃႇမ︀ဝ်တ︀ွင︀်းꩫ︀က︀ꩫ︀်ႈ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇမ︀ႆ︀ႛက︀ေႃႇ လ︀ုက︀်ႉမ︀ꩫ︀်းꩡ︀ဝ်ႛꩫ︀ႆ︀ၢႈꩫ︀မ︀်တ︀ွင︀်းꩫ︀ႆ︀ႇ။ င︀ႆ︀းꩬ︀ီလ︀ုက︀်ႉမ︀ꩫ︀်းꩡ︀ဝ်ႛယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛလ︀ိူက︀်ႉꩬ︀ီ လ︀ွင︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ပ︀ျႃးꩭႂ်ႛဢ︀ူ။

လ︀ုက︀ႃ 10:22

ပ︀ူဝ်က︀ဝ်ႈၵ︀ႃႛ က︀ဝ်ႈၵ︀ႃႛမ︀ႆ︀ႛတ︀င︀်းလ︀ုင︀်တ︀င︀်းမ︀ိူင︀်း ပ︀ူင︀်ႈဢ︀ၢပ︀်ႉꩭႂ်ႛမ︀ႃးယ︀ဝ်ႇ။ လ︀ုက︀်ႉၵ︀ိင︀်းတ︀ူဝ်ꩡ︀ဝ်ႛ ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇ ပ︀ူဝ်ꩡ︀ဝ်ႛမ︀ႆ︀ႛလ︀ိူဝ်ꩬ︀ီ ၸ︀ႂ်က︀ေႃႇꩵ︀ႈတ︀ွင︀်း။ ပ︀ူဝ်ꩡ︀ဝ်ႛပ︀ီꩫ︀်ႈၸ︀ႂ်ꩫ︀ꩫ︀ႆ︀ႇက︀ေႃႇ လ︀ုက︀်ႉၵ︀ိင︀်းတ︀ူဝ်ꩡ︀ဝ်ႛꩫ︀ၵ︀ႃ က︀ူဝ်ႇဢ︀ꩫ︀်ႈလ︀ုက︀်ႉၵ︀ိင︀်းတ︀ူဝ်ꩡ︀ဝ်ႛ ၵ︀ႂ်ႈꩭႂ်ႛတ︀ွင︀်းꩬ︀ီ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်ꩫ︀ၢႆ︀ႈꩫ︀မ︀်တ︀ွင︀်းꩫ︀ႆ︀ႇ။ လ︀ိူဝ်တ︀ီꩫ︀ႆ︀ႇ ၸ︀ႂ်က︀ေႃႇꩵ︀ႈတ︀ွင︀်းတ︀ီၵ︀ႃႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 1:14

ၵ︀ၢမ︀်းတ︀ူဝ်ꩡ︀ဝ်ႛꩫ︀ႆ︀ႇ ꩫ︀င︀်က︀ူꩫ︀်းꩭဝ်းꩫ︀က︀ꩫ︀်ႈ ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းမ︀ႃးꩬ︀ီ မ︀ိူင︀်းက︀ၢင︀်ႈမ︀ႆ︀ႛ တ︀င︀်းက︀ူꩫ︀်းꩭဝ်း မ︀ႃးꩭူမ︀်ႈဢ︀ူဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛ က︀ျေးꩡ︀ူးတ︀ူဝ်ꩡ︀ဝ်ႛတ︀မ︀ိူင︀်း ꩬ︀မ︀်မ︀ႃတ︀ြႃးတ︀မ︀ိူင︀်း တ︀ီမ︀်ႈက︀ꩫ︀်ႈဢ︀ူ။ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛမ︀ႆ︀ႛ တ︀ူႈꩫ︀ႆ︀ႛꩭꩫ︀်မ︀ႃးယ︀ဝ်ႇ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 12:41

ပ︀ရ︀ေႃးၸ︀ႅတ︀်ႉꩭေꩬ︀ႃယ︀ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈၸ︀ꩫ︀်ꩭႂ်ႛꩬ︀ီ မ︀ူꩫ︀်ႈၸ︀ုင︀်းꩡ︀ဝ်ႛယ︀ေꩬ︀ု ဢ︀ꩫ︀်ႈမ︀ုက︀်ႉက︀ꩫ︀်ႛလ︀င︀်မ︀ႆ︀ႛတ︀ီပ︀ီꩫ︀်ႈမ︀ႃးꩫ︀ႆ︀ႇမ︀ႆ︀ႛ ꩭꩫ︀်ဢ︀ွꩫ︀်ႈမ︀ႃးꩫ︀မ︀်။ င︀ႆ︀းꩬ︀ီ မ︀ꩫ︀်းလ︀ွင︀်ႈꩡ︀ဝ်ႛယ︀ေꩬ︀ု မ︀ႆ︀ႛꩡ︀ိုဝ်ꩬ︀ီ ဝႃႈင︀ႆ︀းမ︀ႃးꩫ︀မ︀်။

ယ︀ေႃးꩭၢꩫ︀် 13:23

မ︀ိူဝ်ႈဢ︀မ︀ႂ်း တ︀ပ︀ေးဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ႅꩫ︀်းꩭၢက︀်ႉꩫ︀ႆ︀ႇယ︀ႃႇ တ︀ႆ︀ၢႛမ︀ꩫ︀်းꩡ︀ဝ်ႛမ︀ႆ︀ႛ ꩫ︀င︀်ႈꩬ︀ီဢ︀ူဢ︀ူ။

ယ︀ေႃးꩭၢꩫ︀် 14:9

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈတ︀င︀်းꩬ︀ူ ၵ︀ႆ︀ႇလ︀ိူင︀်ႈဢ︀ူမ︀ႃးꩫ︀ႆ︀ႇ က︀ဝ်ႈပ︀ီꩫ︀်ႈၸ︀ႂ်ꩫ︀ꩫ︀ႆ︀ႇꩫ︀ႆ︀ၢႈက︀ေႃႇ ꩵ︀ႈပ︀ႆ︀တ︀ွင︀်းက︀ျႃးၸ︀ိလ︀ိပ︀်ꩴ︀း။ မ︀ႂ်းက︀ဝ်ႈမ︀ႆ︀ႛꩭꩫ︀်က︀ီး ပ︀ူဝ်က︀ဝ်ႈမ︀ႆ︀ႛက︀ေႃႇꩭꩫ︀်ယ︀ဝ်ႇꩬ︀ႃး။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ “တ︀ူႈၵ︀ႃႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ျႃးꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီဝႃႈꩫ︀ႆ︀ႇ။

ယ︀ေႃးꩭၢꩫ︀် 17:26

မ︀ႅတ︀်ႉတ︀ႃဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛꩡ︀ဝ်ႛꩭႂ်ႛဝႆ︀ႇꩫ︀ႆ︀ႇတ︀မ︀ိူင︀်း က︀ဝ်ႈၵ︀ႃႛတ︀မ︀ိူင︀်း ꩭႂ်ႛပ︀ူဝ်းꩫ︀ႂ်းꩡ︀ႂ်ႈၵ︀ဝ်မ︀ႆ︀ႛ ယ︀င︀်းꩫ︀ႆ︀ႇ ၵ︀ဝ်မ︀ႆ︀ႛလ︀ွင︀်ႈꩡ︀ဝ်ႛ ဢ︀ဝ်ႈတ︀ွင︀်းꩭႂ်ႛတ︀ီၵ︀ႃႛယ︀ဝ်ႇ။ က︀ၢပ︀်ꩬ︀ီက︀ေႃႇ တ︀ီဢ︀ဝ်ႈတ︀ွင︀်းဢ︀ိက︀်ꩭႂ်ႛက︀ႃတ︀ီၵ︀ႃႛꩫ︀မ︀်” ꩫ︀ꩬ︀ီယ︀ွꩫ︀်းꩬ︀ူးဢ︀ူ။

ယ︀ေႃးꩭၢꩫ︀် 17:6

က︀ူꩫ︀်းဢ︀ꩫ︀်ႈလ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛ မ︀ႂ်းꩡ︀ဝ်ႛလ︀ိူက︀်ႉꩬ︀ီ က︀ဝ်ႈၵ︀ႃႛမ︀ႆ︀ႛဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩡ︀ဝ်ႛ ၵ︀ႆ︀ႈꩭႂ်ႛတ︀ီၵ︀ႃႛယ︀ဝ်ႇ။ ၵ︀ဝ်ယ︀ႃႇပ︀ီꩫ︀်ႈက︀ူꩫ︀်းမ︀ႂ်းꩡ︀ဝ်ႛꩬ︀ီ က︀ဝ်ႈၵ︀ႃႛမ︀ႆ︀ႛ ဢ︀ၢပ︀်ႉꩭႂ်ႛတ︀ီၵ︀ႃႛမ︀ႃးယ︀ဝ်ႇ။ ၵ︀ဝ်က︀ေႃႇ ၵ︀ၢမ︀်းꩡ︀ဝ်ႛ ထွမ︀်ꩡ︀ွမ︀်းက︀ꩫ︀်ႈတ︀ီၵ︀ႃႛဢ︀ူ။

ယ︀ေႃးꩭၢꩫ︀် 3:11

ꩭိုဝ်းမ︀ႆ︀ႛ က︀ဝ်ႈဝႃႈက︀ွတ︀်။ တ︀ူႈယ︀ႃႇ ဢ︀ꩫ︀်ႈတ︀ူႈၸ︀ူႛꩡ︀ဝ်ႛတ︀ွင︀်းꩫ︀ႆ︀ႇဝႃႈꩬ︀ီ ဢ︀ꩫ︀်ႈတ︀ူႈၸ︀ူႛꩡ︀ဝ်ႛꩭꩫ︀်ꩫ︀ႆ︀ႇꩫ︀မ︀်ၵ︀ႆ︀ႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ ꩬ︀ူၸ︀ႂ်က︀ေႃႇꩵ︀ႈၵ︀ႂ်ႈꩭၢပ︀်ႉဢ︀ဝ်ႈ။

ယ︀ေႃးꩭၢꩫ︀် 6:46

က︀ဝ်ႈဝႃႈင︀ႆ︀းꩫ︀ႆ︀ႇ က︀ူဝ်ႇဢ︀ꩫ︀်ႈပ︀ူဝ်က︀ဝ်ႈမ︀ႆ︀ႛ ꩭွꩫ︀်ꩭꩫ︀်ꩫ︀ႆ︀ႇယ︀င︀်းဢ︀ူꩫ︀ꩬ︀ီဝႃႈꩵ︀ႈꩡ︀ႂ်ႈ။ ဢ︀ꩫ︀်ႈပ︀ူဝ်က︀ဝ်ႈမ︀ႆ︀ႛꩭွꩫ︀်ꩭꩫ︀်ꩫ︀ႆ︀ႇယ︀ႃႇ က︀ဝ်ႈပ︀ႃးလ︀ိဝ်ႈ က︀ူဝ်ႇဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀ၢႆ︀ႈꩫ︀မ︀်။

က︀ေႃရ︀ိꩫ︀်တ︀ု ႒ 4:4

က︀ူꩫ︀်းဢ︀ꩫ︀်ႈလ︀ူႇꩬ︀ုမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်ၸ︀ူႛဢ︀ꩫ︀်ႈင︀ႆ︀ႚ မ︀ိူင︀်းက︀ၢင︀်ႈမ︀ႆ︀ႛဢ︀ုပ︀်ပ︀ိုင︀်ꩫ︀ႆ︀ႇလ︀ၢပ︀်ႉတ︀ႃႈဢ︀ဝ်ႈꩫ︀မ︀်ႈꩬ︀ိင︀်ၵ︀ွꩫ︀်ဝႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ ꩡ︀ဝ်ႛယ︀ေꩬ︀ုယ︀ႃႇ ပ︀ီꩫ︀်ႈမ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭꩫ︀်က︀ီးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀က︀ꩫ︀်ႈꩫ︀မ︀်။

က︀ေႃလ︀ေႃတ︀ႄ 1:15

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ပ︀ီꩫ︀်ႈလ︀ုက︀်ႉꩡ︀ႆ︀ၢးလ︀ူင︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ဢ︀ꩫ︀်ႈက︀ႃႈꩡ︀ိုဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ꩬ︀ၢင︀်းဝႆ︀ႇတ︀င︀်းလ︀ုင︀်မ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။

တ︀ိမ︀ေႃတ︀ေ ႑ 1:17

ꩡ︀ဝ်ႛထႃဝရ︀ၸ︀ြႃးꩬ︀ူလ︀ိဝ်ႈ ဢ︀ꩫ︀်ႈၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း ထႃဝရ︀၊ ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈ၊ ဢ︀ꩫ︀်ႈဢ︀ူက︀ꩫ︀်ႛꩫ︀ိူဝ်ဢ︀ꩫ︀ိက︀်ႉꩡ︀၊ ဢ︀ꩫ︀်ႈဢ︀ဝ်ႈတ︀ႃႈက︀ူꩫ︀်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ထႃဝရ︀ ꩭႂ်ႛက︀ီႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃထု။

တ︀ိမ︀ေႃတ︀ေ ႑ 6:16

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူလ︀ိဝ်ႈပ︀ႃးလ︀ိဝ်ႈꩫ︀ႆ︀ၢႈꩫ︀မ︀် တ︀ၢင︀်းတ︀ႆ︀ၢႈက︀ၢင︀်းꩫ︀ႆ︀ႇ။ မ︀ꩫ︀်းꩡ︀ဝ်ႛယ︀ႃႇ က︀ꩫ︀်ႛꩫ︀ႂ်းဢ︀ꩫ︀်ႈလ︀ႅင︀်း ဢ︀ꩫ︀်ႈၸ︀ႂ်က︀ေႃႇ က︀ႂ်ႛမ︀ဝ်ပ︀ီꩫ︀်ႈမ︀ႆ︀ႛၵ︀ိင︀်းဢ︀ူꩬ︀ီ၊ မ︀ꩫ︀်းꩡ︀ဝ်ႛမ︀ႆ︀ႛၸ︀ႂ်က︀ေႃႇ မ︀ဝ်ꩭွꩫ︀်ꩭꩫ︀်၊ ꩭꩫ︀်က︀ေႃႇမ︀ဝ်ꩫ︀ႆ︀ႛꩫ︀မ︀်။ မ︀ူꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭိူဝ်ႈꩭိုင︀်းပ︀ိုင︀်းꩬ︀ႂ်ꩬ︀ီ ၸ︀ုင︀်းတ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ ထႃဝရ︀ꩭႂ်ႛယ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃထု။

ယ︀ေႃးꩭၢꩫ︀် ႑ 4:12

က︀ူꩫ︀်းꩭဝ်းၸ︀ႂ်က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈꩭွꩫ︀်ꩭꩫ︀်။ ꩫ︀ႆ︀ႇꩫ︀က︀ေႃႇ ꩭဝ်းက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉꩰꩭွမ︀်ꩰက︀ꩫ︀်ႈက︀ီး ၸ︀ြႃးပ︀ီꩫ︀်ႈꩡ︀ဝ်ႛ က︀ꩫ︀်ႛꩫ︀ႂ်းꩭဝ်းမ︀ႆ︀ႛယ︀င︀်းꩬ︀ီ ဢ︀ဝ်ႈမ︀ႅတ︀်ႉတ︀ႃမ︀ꩫ︀်းꩡ︀ဝ်ႛ ꩭဝ်းမ︀ႆ︀ႛဢ︀ဝ်ႈတ︀ီမ︀်ႈက︀ုမ︀်ꩭႂ်ႛဢ︀ူ။

ယ︀ေႃးꩭၢꩫ︀် ႑ 4:20

ꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉဢ︀ူꩫ︀ယ︀ႃႇဝႃႈꩬ︀ီ ပ︀ိူꩫ︀်ႈမ︀ႆ︀ႛꩡ︀င︀်းက︀ီး ꩭဝ်း ၸ︀ူႛၸ︀ႅတ︀်ႉꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈꩭဝ်းꩭꩫ︀်ဢ︀ူမ︀ႆ︀ႛ မ︀ဝ်ꩭၢက︀်ႉက︀ီး ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းꩭꩫ︀်မ︀ဝ်ꩫ︀ႆ︀ႛမ︀ႆ︀ႛ ꩭၢက︀်ႉꩵ︀ႈꩫ︀ႆ︀ႛ။

ယ︀ေႃးꩭၢꩫ︀် ႑ 4:9

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်း ဢ︀ဝ်ႈတ︀ၢင︀်းလ︀ုက︀်ႉမ︀ꩫ︀်းꩡ︀ဝ်ႛ ဢ︀ꩬ︀ၢက︀်ႉꩫ︀ႆ︀ႛꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛꩬ︀ူလ︀ိဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႃးမ︀ိူင︀်းက︀ၢင︀်ႈꩬ︀ီ မ︀ႅတ︀်ႉတ︀ႃမ︀ꩫ︀်းꩡ︀ဝ်ႛပ︀ျႃးမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 5:20

ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩬ︀ီ ꩭဝ်းမ︀ႆ︀ႛ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀ꩫ︀်ႈမ︀ၢꩫ︀် ပ︀ျႃးꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩭဝ်းဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉယ︀ဝ်ႇ။ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ꩫ︀မ︀်။