ယ︀ႃက︀ု 4:8 - Khamti Shan

⁸ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ူးမ︀ႃးက︀ꩫ︀်ႈတ︀ႃႉ။ င︀ႆ︀းက︀ီးၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭဝ်းမ︀ႆ︀ႛꩡ︀ူးမ︀ႃးဢ︀ူ။ ၸ︀ူႛဢ︀ꩫ︀်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇၵ︀ဝ်ꩴ︀း လ︀ွင︀်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩫ︀ႂ်က︀ꩫ︀်ႈတ︀ႃႉ။ ၸ︀ူႛꩡ︀ႂ်ႈင︀ွက︀် ၵ︀ဝ်ꩴ︀း ꩭူဝ်ꩡ︀ႂ်ႈꩬ︀ူဢ︀ဝ်ႈမ︀ူတ︀်ꩡ︀ၢင︀်က︀ꩫ︀်ႈတ︀ႃႉ။

ယ︀ႃက︀ု 4:8 ပူးပေါင်းရင်းမြစ်များ

မ︀တ︀်တ︀ႄး 12:33

တ︀ူꩫ︀်ႛꩫ︀ီႈက︀ီး မ︀က︀်ꩫ︀ီႈဢ︀ူ။ တ︀ူꩫ︀်ႛမ︀ဝ်ꩫ︀ီႈက︀ီး မ︀က︀်က︀ေႃႇꩵ︀ႈꩫ︀ီႈ။ မ︀က︀်မ︀ႆ︀ႛꩫ︀ူႈꩬ︀ီ တ︀ူꩫ︀်ႛꩫ︀ီႈမ︀ဝ်ꩫ︀ီႈꩫ︀ꩫ︀ႆ︀ႇတ︀ွင︀်းဢ︀ူ။

မ︀တ︀်တ︀ႄး 15:2

“ꩭီတ︀်က︀ꩬ︀င︀်ꩫ︀ႆ︀ တ︀ပ︀ေးမ︀ႂ်းၵ︀ဝ်ယ︀ႃႇ ဢ︀ꩫ︀်ႈပ︀ူလ︀ီꩫ︀်ꩫ︀ႆ︀ႇၵ︀ဝ်ꩬ︀င︀်ꩬ︀ွꩫ︀်ဝႆ︀ႇမ︀ႆ︀ႛ မ︀ဝ်ꩡ︀ွမ︀်းꩫ︀ႆ︀ႇ။ ꩭီတ︀်က︀ꩬ︀င︀်ꩫ︀ႆ︀ၵ︀ဝ် ꩭႂ်ႛပ︀ူဝ်းမ︀ူတ︀်ꩡ︀ၢင︀်ꩫ︀ႆ︀ႇ ꩫ︀င︀်ထုင︀်းၸ︀ႃꩬ︀ႃꩭဝ်းꩬ︀ုက︀်ႉမ︀ိုဝ်းꩫ︀က︀ꩫ︀်ႈ မ︀ဝ်ꩬ︀ုက︀်ႉꩬ︀ီက︀ိꩫ︀်ႈၵ︀ဝ်ႛꩫ︀ႆ︀ႇ” ꩫ︀ဝꩫ︀်ႇ။

မ︀တ︀်တ︀ႄး 27:24

ဝႃႈꩭိုဝ်ꩫ︀က︀ေႃႇ တ︀ီမ︀ဝ်ꩫ︀ႆ︀ႛꩫ︀ႆ︀ႇမ︀ႆ︀ႛတ︀ွင︀်းက︀ီး ၵ︀ုꩫ︀်ပ︀ိလ︀ၢတ︀်ယ︀ႃႇ က︀ူဝ်ႈက︀ူꩫ︀်းꩫ︀ႆ︀ႇၵ︀ဝ်ဢ︀ုက︀်ꩰဢ︀ဝ်ꩰမ︀ႃးဢ︀ူ။ င︀ႆ︀းꩬ︀ီ ဢ︀ၢင︀်ꩫ︀မ︀်ႇဢ︀ဝ်ႈင︀ႆ︀း ပ︀ၢင︀်ႈꩫ︀ႃႛၵ︀ဝ်မ︀ႆ︀ႛ ꩬ︀ုက︀်ႉမ︀ိုဝ်းယ︀ဝ်ႇက︀ီး “လ︀ွင︀်ႈဢ︀ဝ်ႈတ︀ႆ︀ၢႈက︀ူဝ်ႇꩫ︀ႆ︀ႇမ︀ႆ︀ႛ က︀ဝ်ႈꩵ︀ႈလ︀ွေႛ။ ဢ︀မ︀ူးꩫ︀ႆ︀ႇဢ︀ꩫ︀်ႈꩬ︀ူꩡ︀ဝ်ႛꩫ︀ႆ︀ၢႈꩭီတ︀်ꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 15:9

မ︀ꩫ︀်းꩡ︀ဝ်ႛယ︀ႃႇ ၵ︀ဝ်ꩫ︀ၵ︀ႃꩭဝ်းမ︀ႆ︀ႛꩵ︀ႈက︀ၢက︀်ႉက︀ꩫ︀်ႈ။ ၵ︀ဝ်ယ︀ုမ︀်ယ︀မ︀်ႈမ︀ႃးꩬ︀ီ ဢ︀ပ︀ႅတ︀်ႉၵ︀ဝ်မ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 7:1

ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀မ︀ႂ်းၵ︀ဝ်ယ︀ႃႇ ꩡ︀ႃႇꩭၢင︀်းꩭဝ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈတ︀ူဝ်ႈꩭဝ်း၊ ၵ︀ွꩫ︀်ꩭဝ်းမ︀ႆ︀ႛ ဢ︀ဝ်ႈꩭင︀်ႛꩫ︀ႆ︀ႇၵ︀ဝ်က︀ူႈဢ︀ꩫ︀်ႈမ︀ႆ︀ႛင︀ိူင︀်ႇင︀ႆ︀း လ︀ၢႆ︀းပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းက︀ူဝ်ႈယ︀မ︀်ႈꩫ︀ႆ︀ႇꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်လ︀ေႚလ︀ေႚက︀ꩫ︀်ႈꩫ︀မ︀်။

တ︀ိမ︀ေႃတ︀ေ ႑ 2:8

င︀ႆ︀းꩫ︀ႆ︀ႇꩬ︀ီ က︀ဝ်ႈဝႃႈက︀ွတ︀်။ မ︀ိူဝ်ႈꩬ︀ူꩭူမ︀်ႈပ︀ႆ︀ၢႛၸ︀ြႃးꩫ︀ႆ︀ႇ ၸ︀ူႛꩡ︀ႆ︀ၢးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ႂ်ႈꩡ︀ႃႇက︀ꩫ︀်ႈ၊ ꩫ︀ꩫ︀်းက︀ꩫ︀်ႈမ︀ဝ်ဢ︀ဝ်ႈယ︀င︀်းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်းဝႃႈယ︀ွꩫ︀်းꩬ︀ူးꩫ︀မ︀်။

ꩭေပ︀ရ︀ူး 10:22

ပ︀ႆ︀ႉꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ꩬ︀ိုဝ်ႈꩰတ︀ူဝ်ꩰꩡ︀ူးက︀ႂ်ႛက︀ꩫ︀်ႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭူဝ်ꩡ︀ႂ်ႈꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် ꩭႂ်ႛပ︀ူဝ်းက︀ၢင︀်းꩫ︀ႆ︀ႇ ဢ︀ဝ်ႈꩫ︀ိူတ︀်ႉꩡ︀ဝ်ႛၵ︀ရ︀ီတ︀်ၸ︀ွက︀်င︀ႆ︀း တ︀ူဝ်ႈꩭဝ်းမ︀ႆ︀ႛက︀ေႃႇ ဢ︀ဝ်ႈꩫ︀မ︀်ႇဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇ ꩬ︀ုက︀်ႉꩭႂ်ႛယ︀ဝ်ႇꩰ။

ꩭေပ︀ရ︀ူး 7:19

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျမ︀်းꩬ︀ိꩫ︀်မ︀ေႃꩬ︀ေꩫ︀ႆ︀ႇယ︀ႃႇ က︀ꩬ︀င︀်မ︀ႆ︀ႛက︀ေႃႇ ဢ︀ဝ်ႈတ︀ီမ︀်ႈက︀ုမ︀်ꩭႂ်ႛꩵ︀ႈꩫ︀ႆ︀ႛ။ င︀ႆ︀ႚယ︀ႃႇတ︀ၢင︀်းတ︀ႂ်းထႃႛဢ︀ꩫ︀်ႈꩫ︀ီႈꩬ︀ႃ ထိုင︀်မ︀ႃးꩫ︀ႆ︀ႇꩬ︀ီ ꩭဝ်းယ︀ႃႇ ဢ︀ဝ်ႈတ︀ၢင︀်းတ︀ႂ်းထႃႛဢ︀မ︀ႂ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ူးက︀ႂ်ႛက︀ꩫ︀်ႈဢ︀ူ။

ယ︀ႃက︀ု 3:17

ꩫ︀ႆ︀ႇꩫ︀က︀ေႃႇ တ︀ၢင︀်းꩡ︀ၢင︀်ႈဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ꩵ︀ႈလ︀ွေႛ။ က︀တ︀်ယ︀ီꩫ︀်ႈꩬ︀ီ ꩡ︀ႂ်ႈက︀ၢင︀်ႛꩡ︀ႂ်ႈꩫ︀ႃဢ︀ူ။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ထုက︀်က︀ꩫ︀်ႈꩭၢက︀်ႉက︀ꩫ︀်ႈ၊ ဢ︀ီꩫ︀ူႈက︀ꩫ︀်ႈꩬ︀ီ တ︀ၢင︀်းက︀ႅင︀်းဢ︀ꩫ︀်ႈꩫ︀ီႈꩫ︀ႆ︀ႇၵ︀ဝ် က︀ူႈၸ︀ꩫ︀်းဢ︀ဝ်ႈပ︀ီꩫ︀်ႈမ︀ႃးဢ︀ူ။ ဢ︀ꩫ︀်ႈꩫ︀ူႈꩫ︀ႃႛလ︀ီက︀်ႉꩫ︀ႃႛယ︀ႂ်၊ ဢ︀ꩫ︀်ႈက︀ႅမ︀်ႛꩫ︀ႃႛꩫ︀ꩫ︀ႆ︀ႇၵ︀ဝ်က︀ေႃႇꩵ︀ႈယ︀င︀်း။

ပ︀ေတ︀ရ︀ု ႑ 1:22

ꩬ︀ူ ꩬ︀မ︀်မ︀ႃတ︀ြႃးမ︀ႆ︀ႛ ထွမ︀်းꩡ︀ွမ︀်းꩫ︀ႆ︀ႇꩬ︀ီ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ လ︀ုက︀်ႉတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ေႇတ︀ေႇမ︀ႃးယ︀ဝ်ႇ။ က︀ၢပ︀်ꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉက︀ꩫ︀်ႈက︀ႃတ︀ႃႉ။

ပ︀ေတ︀ရ︀ု ႑ 3:21

ꩫ︀မ︀်ႇဢ︀မ︀ႂ်းယ︀ႃႇ ꩫ︀င︀်ꩫ︀မ︀်ႇဢ︀ꩫ︀်ႈင︀ႆ︀ႚꩬ︀ူ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩬ︀ီ ꩬ︀ူမ︀ႆ︀ႛၵ︀ေꩬ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩬ︀ုက︀်ႉၵ︀ႆ︀းတ︀ူဝ်ႈꩭၢင︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩫ︀ႂ်းꩡ︀ႂ်ႈၵ︀ွꩫ︀်ꩬ︀ူမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭႂ်ႛက︀တ︀ိꩫ︀ႆ︀ႇꩫ︀မ︀်။ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩭီတ︀်င︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇၵ︀ေꩬ︀ေꩭႂ်ႛꩫ︀မ︀်။

ယ︀ေႃးꩭၢꩫ︀် ႑ 3:3

က︀ူဝ်ႇဢ︀ꩫ︀်ႈꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ႂ်းထႃႛꩫ︀ႆ︀ႇယ︀ႃႇ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ပ︀ႅတ︀်ႉမ︀ဝ်ယ︀င︀်းꩫ︀က︀ꩫ︀်ႈ ꩭႂ်ႛပ︀ူဝ်းၸ︀ူႛꩡ︀ဝ်ႛမ︀ႆ︀ႛဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇဢ︀ူဢ︀ူ။