ယ︀ႃက︀ု 2:14 - Khamti Shan14 ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈဢ︀ူꩫ︀ꩬ︀ီ ဝႃႈꩫ︀က︀ေႃႇ လ︀ွင︀်ႈꩭီတ︀်မ︀ဝ်လ︀ွေႛက︀ီး ဢ︀က︀ိဝ်းက︀ꩬ︀င︀်ꩫ︀ႆ︀ယ︀င︀်းꩫ︀ႆ︀ႇ။ ဢ︀ꩫ︀်ႈယ︀ုမ︀်ယ︀မ︀်ႈၸ︀ꩫ︀်းꩫ︀င︀်င︀ႆ︀းꩫ︀ႆ︀ႇ ꩬ︀ူမ︀ႆ︀ႛၵ︀ေꩬ︀ေꩵ︀ႈꩫ︀ႆ︀ႛ။ အခန်းကိုကြည့်ပါ။ |
ယ︀ႃက︀ု 2:14
31 ပူးပေါင်းရင်းမြစ်များ
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ေႈꩡ︀ႃႉꩫ︀ႆ︀ႇယ︀ႃႇ ဢ︀ꩫ︀်ႈꩬ︀ေႈꩡ︀ႃႉ လ︀ွင︀်ႈၵ︀ၢပ︀်ႉက︀ႃႛယ︀မ︀ႆ︀ႛ ဢ︀က︀ိဝ်းယ︀င︀်းꩬ︀ႃဢ︀ူ။ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ေႈꩡ︀ႃႉꩫ︀ႆ︀ႇယ︀ႃႇ ꩡ︀ႃႇꩡ︀တ︀်ႉꩫ︀ႆ︀ႇတ︀မ︀ိူင︀်း၊ ꩡ︀ႃႇꩡ︀ူဝ်ႈထႃဝရ︀တ︀မ︀ိူင︀်း က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ဢ︀က︀ိဝ်းယ︀င︀်းဢ︀ူꩫ︀ꩫ︀ႆ︀ႇ ၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀မ︀်။ ၵ︀ၢမ︀်းꩫ︀ႆ︀ႇမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ဝႃႈယ︀ုမ︀်ယ︀မ︀်ႈꩭၢပ︀်ႉꩡ︀ွမ︀်းꩫ︀မ︀်။
လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ဢ︀ႃပ︀ြႃꩭၢမ︀်ယ︀ႃႇ မ︀ိူဝ်ႈမ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩡ︀ၢမ︀်းꩫ︀ႆ︀ႇ လ︀ုက︀်ႉမ︀ꩫ︀်းဢ︀ေꩬ︀က︀်မ︀ႆ︀ႛ တ︀ၢင︀်ၵ︀ႅက︀်မ︀ႃးဢ︀ူ။ “လ︀ုက︀်ႉဢ︀ေꩬ︀က︀်မ︀ႆ︀ႛꩫ︀မ︀် ၵ︀ိူဝ်းမ︀ႂ်းတ︀ီပ︀ႃးမ︀ႃးꩫ︀ႆ︀ႇ” ꩫ︀ꩬ︀ီ မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛဝႆ︀ႇမ︀ႃးꩫ︀က︀ေႃႇ မ︀ꩫ︀်းယ︀ႃႇ လ︀ုက︀်ႉꩡ︀ႆ︀ၢးမ︀ꩫ︀်း ဢ︀ꩫ︀်ႈက︀ူဝ်ႇလ︀ိူင︀်ႈꩫ︀ႆ︀ၢႈယ︀င︀်းဢ︀မ︀ႂ်းမ︀ႆ︀ႛ တ︀ၢင︀်ၵ︀ႅက︀်မ︀ႃးဢ︀ူ။
တ︀ြႃးဢ︀ꩫ︀်ႈမ︀ႂ် ဢ︀ꩫ︀်ႈလ︀ၢက︀်ꩰလ︀ႆ︀ၢးꩰꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩬ︀ီ ꩬ︀ူလ︀ုက︀်ႉꩬ︀မ︀်မ︀ႃတ︀ြႃးမ︀ႆ︀ႛ ပ︀ီၸ︀ႆ︀က︀ႃ။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇꩬ︀ိုင︀် ꩡ︀ႃႇၵ︀ွꩫ︀်ꩭဝ်း ဢ︀က︀ိဝ်းယ︀င︀်းတ︀ေႇတ︀ေႇꩫ︀မ︀်။ ထုင︀်းၸ︀ိင︀်ႛ ဢ︀ꩫ︀်ႈက︀ꩬ︀င︀်ဝႃႈက︀ိꩫ︀်ႈ က︀ꩬ︀င︀်ဝႃႈင︀ိူင︀်ႇ ꩫ︀ꩫ︀ႆ︀ႇၵ︀ဝ်မ︀ႆ︀ႛ ꩭီတ︀်င︀ဝ်ႛꩬ︀ီ ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇယ︀ႃႇ ဢ︀က︀ိဝ်းꩵ︀ႈယ︀င︀်း။
ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈ “က︀ူꩫ︀်းက︀ူဝ်ႇလ︀ိူင︀်ႈꩫ︀ႆ︀ႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ တ︀ၢင︀်က︀ူဝ်ႇယ︀ႃႇလ︀ွင︀်ꩭီတ︀်ယ︀င︀်းဢ︀ူ” ꩫ︀ꩬ︀ီဝႃႈမ︀ႃးဢ︀ူက︀တ︀ႃႉ။ င︀ႆ︀းက︀ီး က︀ဝ်ႈယ︀ႃႇ “တ︀ၢင︀်းယ︀ုမ︀်ယ︀မ︀်ႈမ︀ႂ်း ဢ︀ꩫ︀်ႈလ︀ွင︀်ႈꩭီတ︀်မ︀ဝ်လ︀ွေႛꩫ︀ႆ︀ႇက︀ဝ်ႈမ︀ႆ︀ႛပ︀ျႃးမ︀ႃးတ︀ႃႉ၊ က︀ဝ်ႈယ︀ႃႇ တ︀ၢင︀်းယ︀ုမ︀်ယ︀မ︀်ႈက︀ဝ်ႈမ︀ႆ︀ႛ ဢ︀ဝ်ႈလ︀ွင︀်ႈꩭီတ︀်က︀ဝ်ႈပ︀ျႃးက︀ွတ︀်” ꩫ︀ꩬ︀ီ တ︀ီဝႃးꩬ︀ႃး။
ကြော်ငြာတွေ