ယ︀ႃက︀ု 1:26 - Khamti Shan

²⁶ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩬ︀ထႃဢ︀ူꩫ︀ꩬ︀ီ ဝႃႈၵ︀ႂ်ႈလ︀ႂ်ႈꩫ︀က︀ေႃႇ လ︀ိꩫ︀်ႇၸ︀ူႛꩡ︀ဝ်ႛမ︀ႆ︀ႛ ထိꩫ︀်မ︀ဝ်ပ︀ီꩫ︀်ႈက︀ီး ဢ︀က︀ိဝ်းꩵ︀ႈယ︀င︀်း။ ꩭီတ︀်င︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၸ︀ႅတ︀်ႉꩫ︀ႆ︀ၢႈꩫ︀မ︀်။

ယ︀ႃက︀ု 1:26 ပူးပေါင်းရင်းမြစ်များ

မ︀တ︀်တ︀ႄး 15:9

ၵ︀ဝ်က︀ဝ်ႈမ︀ႆ︀ႛ ပ︀ႆ︀ၢႛဝႆ︀ႈꩫ︀ႆ︀ႇ ဢ︀က︀ိဝ်း က︀ꩬ︀င︀်က︀ေႃႇꩵ︀ႈယ︀င︀်း။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ထုင︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ꩭီတ︀်တ︀ြႃးက︀ဝ်ႈꩬ︀ီ ပ︀ိူꩫ︀်ႈမ︀ႆ︀ႛꩬ︀ွꩫ︀်ꩭႂ်ႛꩫ︀မ︀်” ꩫ︀ဝꩫ︀်ႇ။

မ︀ႃက︀ု 7:7

ၵ︀ဝ်ယ︀ႃႇ တ︀ြႃးဢ︀ꩫ︀်ႈက︀ူꩫ︀်းꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်တ︀ြႃးၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩬ︀ွꩫ︀်ꩭႂ်ႛဢ︀ူ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ၵ︀ဝ်ယ︀ႃႇ က︀ဝ်ႈမ︀ႆ︀ႛပ︀ၢႆ︀ႛဝႆ︀ႈꩫ︀က︀ေႃႇ ဢ︀က︀ိဝ်းက︀ꩬ︀င︀်က︀ေႃႇꩵ︀ႈယ︀င︀်း” ꩫ︀ꩬ︀ီဝႃႈဢ︀ူ။

လ︀ုက︀ႃ 8:18

င︀ႆ︀းꩫ︀ႆ︀ႇꩬ︀ီ ꩬ︀ူꩭလ︀ိုဝ်ထွမ︀်ꩫ︀ꩫ︀ႆ︀ႇ ꩬ︀တ︀ိတ︀ႃႉ။ က︀ူဝ်ႇဢ︀ꩫ︀်ႈထွမ︀်ꩫ︀ီႈꩫ︀ီႈ မ︀ႆ︀ႛ တ︀ီဢ︀ဝ်ႈပ︀ွင︀်ꩡ︀ႂ်ႈဢ︀ိက︀်ꩭႂ်ႛꩫ︀မ︀်။ က︀ူဝ်ႇဢ︀ꩫ︀်ႈမ︀ဝ်ထွမ︀်ꩫ︀ီႈꩫ︀ီႈ မ︀ႆ︀ႛယ︀ႃႇ ဢ︀ꩫ︀်ႈမ︀ꩫ︀်းၵ︀ꩫ︀်တ︀ႂ်းပ︀ွင︀်ꩡ︀ႂ်ႈꩫ︀ႆ︀ႇꩫ︀ႆ︀ၢႈက︀ေႃႇ တ︀ီၸ︀ိဝ်ႛဢ︀ဝ်ႈၵ︀ွတ︀်ꩫ︀မ︀်” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႑ 15:15

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ူႛတ︀ႆ︀ၢႈꩫ︀ႆ︀ႇၵ︀ဝ် ꩵ︀ႈꩫ︀ိပ︀်ပ︀ွက︀်ႉꩫ︀ꩫ︀ႆ︀ႇꩡ︀ႂ်ႈတ︀ေႇတ︀ေႇက︀ီး တ︀ူႈယ︀ႃႇ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ႅတ︀်ႉꩬ︀ီꩭူဝ်းလ︀ေꩫ︀က︀ꩫ︀်ႈပ︀ီꩫ︀်ႈက︀ႃယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ꩫ︀ိပ︀်ပ︀ွက︀်ႉမ︀ႃးတ︀ေႇတ︀ေႇꩬ︀ီက︀ေႃႇ မ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩬ︀ီ ဝႃႈꩫ︀က︀ꩫ︀်ႈပ︀ီꩫ︀်ႈက︀ႃယ︀ဝ်ႇ။

က︀ေႃရ︀ိꩫ︀်တ︀ု ႑ 15:2

ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀ူယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ီႈꩫ︀ီႈက︀ႃက︀ီး ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛဢ︀ူ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ဢ︀ꩫ︀်ႈꩬ︀ူယ︀ုမ︀်ယ︀မ︀်ႈꩫ︀ႆ︀ႇ ၵ︀ွတ︀်ꩫ︀ႆ︀ၢႈက︀ႃဢ︀ူ။

က︀ေႃရ︀ိꩫ︀်တ︀ု ႑ 3:18

ꩬ︀ူၸ︀ႂ်က︀ေႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ပ︀ီၸ︀ၢမ︀်း။ ꩬ︀ူလ︀ႆ︀ၢးပ︀ိူဝ်ႈꩡ︀ၢင︀်ႈပ︀ိင︀်ꩥ︀ႃမ︀ိူင︀်းက︀ၢင︀်ႈꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛမ︀တ︀်ႉၸ︀ူႛꩭူႇတ︀ွင︀်းက︀ီး ꩭႂ်ႛပ︀ူဝ်းပ︀ီꩫ︀်ႈၸ︀ူႛꩭူႇတ︀ွင︀်းတ︀ေႇတ︀ေႇꩫ︀ႆ︀ႇ ꩫ︀င︀်ပ︀ိင︀်ꩥ︀ႃမ︀ိူင︀်းက︀ၢင︀်ႈမ︀ဝ်ꩡ︀ၢင︀်ႈꩫ︀က︀ꩫ︀်ႈဝႃႈဢ︀ူꩫ︀မ︀်။

က︀လ︀ႃတ︀ိ 2:6

ဢ︀ꩫ︀်ႈဢ︀မ︀ႂ်းမ︀ႆ︀ႛ ပ︀ီꩫ︀်ႈꩭူဝ်က︀ေꩫ︀က︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ဝ်ႈꩭူဝ်းမ︀ႃးꩫ︀ႆ︀ႇၵ︀ဝ်မ︀ႆ︀ႛ က︀ꩬ︀င︀်က︀ေႃႇ ꩵ︀ႈမ︀ေး၊ ꩵ︀ႈꩫ︀ေꩭႂ်ႛမ︀ႃး။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀ႃႛလ︀ီက︀်ႉꩫ︀ႃႛယ︀ႂ် ၸ︀ႂ်မ︀ႆ︀ႛက︀ေႃႇမ︀ဝ်ႈꩡ︀ွႆ︀ႈပ︀ွင︀်ႇꩫ︀ႆ︀ႇꩬ︀ီ ၵ︀ဝ်ပ︀ီꩫ︀်ႈꩭူဝ်က︀ေလ︀ူင︀်ၵ︀ႂ်ႈလ︀ႂ်ႈꩫ︀က︀ေႃႇ ꩡ︀ႃႇက︀ဝ်ႈယ︀ႃႇက︀ꩬ︀င︀်က︀ေႃႇ ꩵ︀ႈလ︀ၢက︀်။

က︀လ︀ႃတ︀ိ 2:9

ယ︀ႃက︀ု၊ ပ︀ေတ︀ရ︀ုင︀ႆ︀း ယ︀ေႃးꩭၢꩫ︀် ၸ︀ူႛဢ︀ꩫ︀်ႈ ꩭီတ︀်ꩭူဝ်ꩫ︀ႆ︀ႇၵ︀ဝ်ယ︀ႃႇ က︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀မ︀ူးလ︀ူင︀်ꩫ︀ႆ︀ႇပ︀ူင︀်ႈꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇꩭၢပ︀်ႉၵ︀ၢမ︀်င︀ႆ︀းꩬ︀ီ ꩭၢင︀်းၵ︀ိူဝ်ၿႃꩫ︀ၿမ︀ႆ︀ႛ က︀တ︀ွက︀်ႉမ︀ိုဝ်းꩬ︀ီ ꩫ︀င︀်ၸ︀ူႛꩭူမ︀်ႈထၢမ︀်းဢ︀မ︀ူးꩫ︀က︀ꩫ︀်ႈ ꩭၢပ︀်ႉတ︀ွꩫ︀်ႛက︀ꩫ︀်ႈဢ︀ူ။ ꩫ︀ႆ︀ႇယ︀ႃႇ ꩫ︀င︀်ၵ︀ဝ်ꩫ︀ႂ်းက︀ျူးမ︀ႆ︀ႛ ꩭီတ︀်ဢ︀မ︀ူးꩫ︀က︀ꩫ︀်ႈ တ︀ူႈက︀ေႃႇꩫ︀ႂ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ꩭီတ︀်က︀ွတ︀်ꩫ︀ꩬ︀ီ ꩡ︀ႂ်ႈၵ︀ူမ︀်က︀ꩫ︀်ႈꩫ︀ႆ︀ႇꩫ︀မ︀်။

က︀လ︀ႃတ︀ိ 3:4

ဢ︀ꩫ︀်ႈꩬ︀ူ ၵ︀ႆ︀ႇလ︀ိူင︀်ႈပ︀ုꩫ︀်ႛꩭူပ︀်ႉꩭꩫ︀်မ︀ႃးꩫ︀ႆ︀ႇၵ︀ဝ် ꩭၢင︀်းၵ︀ွတ︀်ꩫ︀ႆ︀ၢႈက︀ျႃး။ ꩭလ︀ိုဝ်က︀ေႃႇ ꩵ︀ႈထုက︀်ၵ︀ွတ︀်ꩫ︀ႆ︀ၢႈ။

က︀လ︀ႃတ︀ိ 6:3

ꩬ︀င︀်ဝႃႈꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ၵ︀ꩫ︀်တ︀ႂ်းဢ︀မ︀်ꩬ︀ႃပ︀ိူꩫ︀်ႈက︀ီး က︀ူဝ်ႇဢ︀မ︀ႂ်းယ︀ႃႇဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ၸ︀ၢမ︀်းꩫ︀ႆ︀ၢႈꩫ︀မ︀်။ တ︀ေႇတ︀ေႇက︀ီး က︀ူဝ်ႇဢ︀မ︀ႂ်းယ︀ႃႇက︀ꩬ︀င︀်က︀ေႃႇꩵ︀ႈꩡ︀ႂ်ႈ။

ဢ︀ေၸ︀ႅတ︀် 4:29

ၵ︀ၢမ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛ တ︀ီပ︀ီꩫ︀်ႈၸ︀ေးꩫ︀ႆ︀ႇၵ︀ဝ် ပ︀ီတ︀ၢꩫ︀်ႛပ︀ိူင︀်ႈလ︀ူင︀်။ ၵ︀ၢမ︀်းဢ︀ꩫ︀်ႈꩡ︀ႃႇပ︀ိူꩫ︀်ႈတ︀ီꩫ︀ီႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀င︀် ꩭႂ်ႛပ︀ူဝ်းပ︀ိူꩫ︀်ႈꩭႅင︀်းၵ︀ိုꩫ︀်ႛꩫ︀ႆ︀ႇတ︀ၢꩫ︀်ႛတ︀ႃႉ။ င︀ႆ︀းက︀ီး ꩡ︀ႃႇၸ︀ူႛထွမ︀်ꩫ︀ႆ︀ႇၵ︀ဝ် ဢ︀က︀ိဝ်းယ︀င︀်းဢ︀ူ။

ဢ︀ေၸ︀ႅတ︀် 5:4

ၵ︀ၢမ︀်းဢ︀ꩫ︀်မ︀ီꩫ︀်၊ ဢ︀ꩫ︀်ႈယ︀ုက︀်ႉင︀ႆ︀း ဢ︀ꩫ︀်ႈယ︀ဝ်ႇꩭင︀်ႛယ︀ဝ်ႇꩭိုက︀်ꩫ︀ႆ︀ႇၵ︀ဝ် ꩬ︀ူမ︀ဝ်ထုက︀်ဝႃႈꩫ︀ႆ︀ႇꩬ︀ီ ꩵ︀ႈဝႃႈဝႃႈပ︀ိူင︀်ႈလ︀ူင︀်။ ၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩬ︀င︀် ထုက︀်ဝႃႈꩬ︀ီဢ︀ူꩫ︀မ︀်။

က︀ေႃလ︀ေႃတ︀ႄ 4:6

မ︀ိူဝ်ႈလ︀ႂ်ႈꩫ︀က︀ေႃႇ ၵ︀ၢမ︀်းဢ︀ꩫ︀်ႈꩬ︀ူတ︀ၢꩫ︀်ႛꩫ︀ႆ︀ႇ ꩭႂ်ႛပ︀ူဝ်းပ︀ိူꩫ︀်ႈထွမ︀်ꩫ︀ီႈ၊ ꩭႂ်ႛပ︀ူဝ်းပ︀ိူꩫ︀်ႈၵ︀ႂ်ႈထွမ︀်ꩫ︀ႆ︀ႇတ︀ၢꩫ︀်ႛက︀ꩫ︀်ႈတ︀ႃႉ။ က︀ူꩫ︀်းဢ︀ꩫ︀်ႈꩬ︀ူမ︀ႆ︀ႛ ထၢမ︀်လ︀ွင︀်ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩭလ︀ိုဝ်ဝႃႈတ︀ွပ︀်ထုက︀်ꩰပ︀ွက︀်ႉꩫ︀ꩫ︀ႆ︀ႇက︀ေႃႇ ꩭႅမ︀်းဝႆ︀ႇက︀ꩫ︀်ႈတ︀ႃႉ။

ယ︀ႃက︀ု 1:19

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႃႛဢ︀ꩫ︀်ႈထွမ︀်မ︀ႆ︀ႛꩭူꩭႂ်ႛၸ︀ႆ︀ၢက︀ꩫ︀်ႈတ︀ႃႉ။ ပ︀ႃႛဢ︀ꩫ︀်ႈတ︀ၢꩫ︀်ႛမ︀ႆ︀ႛယ︀ႃႇ လ︀ဝ်ႈတ︀ူဝ်ႈꩬ︀ီပ︀ီတ︀ၢꩫ︀်ႛဝၢင︀်၊ ပ︀ီၵ︀ႂ်ႈꩡ︀ႃႇဝၢင︀်။

ယ︀ႃက︀ု 1:22

ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢင︀်းဢ︀မ︀ၢင︀်းꩫ︀ႆ︀ၢႈပ︀ီထွမ︀်၊ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၸ︀ၢမ︀်းꩫ︀က︀ꩫ︀်ႈပ︀ီꩭႂ်ႛပ︀ီꩫ︀်ႈ။ က︀မ︀်ႈက︀ႅင︀်းတ︀ေႇတ︀ေႇက︀ꩫ︀်ႈတ︀ႃႉ။

ယ︀ႃက︀ု 2:20

ၸ︀ူႛမ︀ိူက︀်ႉꩴ︀း လ︀ွင︀်ႈꩭီတ︀်မ︀ဝ်လ︀ွေႛꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇ ဢ︀က︀ိဝ်းꩵ︀ႈယ︀င︀်းꩫ︀ꩫ︀ႆ︀ႇ ၵ︀ႂ်ႈꩭႂ်ႛတ︀ွင︀်းဢ︀ူ။

ပ︀ေတ︀ရ︀ု ႑ 3:10

က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ “ꩡ︀ူဝ်ႈတ︀ႃႈဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛꩭုမ︀်ꩬ︀ီ ဝꩫ︀်းဢ︀ꩫ︀်ႈပ︀ိဝ်ဢ︀ၢꩫ︀်တ︀ၢꩫ︀်ၵ︀ႂ်ႈယ︀င︀်းက︀ီး ၵ︀ၢမ︀်းဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈၸ︀ႅတ︀်ႉꩫ︀ႆ︀ႇၵ︀ဝ်င︀ိူင︀်ႇတ︀ႃႉ။