ယ︀ႃက︀ု 1:25 - Khamti Shan

²⁵ ꩫ︀ႆ︀ႇꩫ︀က︀ေႃႇ ꩬ︀ိꩫ︀်ဢ︀ꩫ︀်ႈတ︀ီမ︀်ႈက︀ုမ︀် ဢ︀ꩫ︀်ႈပ︀ွႆ︀လ︀ွတ︀်ႉပ︀ီꩫ︀်ႈꩫ︀ႆ︀ႇမ︀ႆ︀ႛ ꩬ︀ူလ︀ႅမ︀်းꩫ︀ီႈꩫ︀ီႈ ꩬ︀ီ ထွမ︀်တ︀ေႇတ︀ေႇက︀ီး တ︀ြႃးမ︀ႆ︀ႛꩵ︀ႈလ︀ုမ︀်း။ တ︀ြႃးမ︀ႆ︀ႛက︀မ︀်ႈက︀ႅင︀်းꩫ︀ီႈꩫ︀ီႈ ꩫ︀ႆ︀ႇꩬ︀ီ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛဢ︀က︀ိဝ်းပ︀ူင︀်ႈꩭႂ်ႛဢ︀ူ။

ယ︀ႃက︀ု 1:25 ပူးပေါင်းရင်းမြစ်များ

လ︀ုက︀ႃ 11:28

ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ “က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီထွမ︀်ꩡ︀ွမ︀်းꩫ︀ႆ︀ႇꩫ︀မ︀် မ︀ၢင︀်က︀လ︀ႃယ︀င︀်းတ︀ေႇတ︀ေႇꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 13:17

င︀ႆ︀ႚယ︀ႃႇ ꩬ︀ူ ၵ︀ၢမ︀်းꩬ︀မ︀်မ︀ႃတ︀ြႃးမ︀ႆ︀ႛတ︀ွင︀်းက︀ꩫ︀်ႈယ︀ဝ်ႇ။ ꩫ︀ႆ︀ႇမ︀ႆ︀ႛꩬ︀ူꩡ︀ွမ︀်းꩭီတ︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈဢ︀က︀ိဝ်းꩭႂ်ႛဢ︀ူ။

ယ︀ေႃးꩭၢꩫ︀် 8:36

င︀ႆ︀းꩫ︀ႆ︀ႇꩬ︀ီ ꩬ︀ူမ︀ႆ︀ႛလ︀ုက︀်ႉꩫ︀ႆ︀ႇ ပ︀ွႆ︀ꩭႂ်ႛက︀ီး ꩬ︀ူလ︀ွတ︀်ႉတ︀ေႇတ︀ေႇဢ︀ူ။

ထဝ်ꩡ︀တ︀်ႉၵ︀ဝ် 13:43

ပ︀ႆ︀ၢႛၸ︀ြႃးယ︀ဝ်ႇက︀ီး က︀ျူးꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈၵ︀ဝ်ႛၸ︀ႃꩬ︀ႃက︀ျူးꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် က︀ꩫ︀်ႛလ︀င︀်ꩬ︀ွင︀်ၵ︀ႃမ︀ႆ︀ႛ ꩡ︀ွမ︀်းမ︀ႃးက︀ꩫ︀်ႈဢ︀ူ။ ꩬ︀ွင︀်ၵ︀ႃက︀ေႃႇ ꩭႂ်ႛပ︀ူဝ်းၵ︀ဝ် က︀ꩫ︀်ႛꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛဢ︀ူၵ︀ိူင︀်ꩰꩫ︀ႆ︀ႇ ၵ︀ဝ်မ︀ႆ︀ႛꩬ︀ႂ်ꩭႅင︀်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 2:42

ၵ︀ဝ်ယ︀ႃႇ ၵ︀ၢမ︀်းတ︀ြႃးတ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛ ꩭၢပ︀်ႉထွမ︀်က︀ꩫ︀်ႈ၊ ၵ︀ဝ်ႛၵ︀ွꩫ︀်ႛက︀ꩫ︀်ႈ၊ ꩭူမ︀်ႈက︀ိꩫ︀်ႈပ︀ွႆ︀းမ︀ၢင︀်က︀လ︀ႃꩡ︀ဝ်ႛက︀ꩫ︀်ႈ၊ ꩭူမ︀်ႈယ︀ွꩫ︀်းꩬ︀ူးက︀ꩫ︀်ႈင︀ႆ︀းꩬ︀ီ ဢ︀ူဢ︀ူ။

ထဝ်ꩡ︀တ︀်ႉၵ︀ဝ် 26:22

ꩫ︀ႆ︀ႇꩫ︀က︀ေႃႇ က︀ဝ်ႈၵ︀ႃႛမ︀ႆ︀ႛ ဢ︀ဝ်ႈထိုင︀်ဝꩫ︀်းꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛက︀ုမ︀်ႇꩭႂ်ႛꩬ︀ီ င︀ႆ︀ႚပ︀ၢင︀်ႈꩫ︀ႃႛꩬ︀ူꩡ︀ဝ်ႛမ︀ႆ︀ႛꩬ︀ဝ်းꩬ︀ီ တ︀င︀်းမ︀ိူင︀်းမ︀ႆ︀ႛ ꩫ︀ႆ︀ႛꩭီတ︀်ꩬ︀ၢက︀်ႉꩬ︀ေꩬ︀ီဢ︀ူတ︀ီၵ︀ႃႛꩫ︀မ︀်။ ဢ︀ꩫ︀်ႈက︀ဝ်ႈၵ︀ႃႛꩭီတ︀်ꩬ︀ၢက︀်ႉꩬ︀ေꩫ︀ႆ︀ႇယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛမ︀ေꩬ︀ိယ︀ဝႃႈၵ︀ၢမ︀်တ︀ၢႆ︀ႈꩫ︀ႆ︀ႇလ︀ိူင︀်ႈ၊ ယ︀ဝ်ႇက︀ီးက︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛ ပ︀ီꩫ︀်ႈၸ︀ူႛꩫ︀ိပ︀်ပ︀ွက︀်ႉဢ︀ွꩫ︀်ႈတ︀ၢင︀်းꩫ︀ႆ︀ႇꩬ︀ီ က︀ျူးꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ တ︀ီဢ︀ဝ်ႈမ︀ႃးဢ︀ꩫ︀်ႈလ︀ႅင︀်းꩫ︀ႆ︀ႇꩫ︀မ︀်။ ဢ︀ꩫ︀်ႈꩫ︀ႆ︀ႇယ︀ႃႇ ꩫ︀င︀်ဢ︀ꩫ︀်ႈမ︀ေႃꩬ︀ေင︀ႆ︀း ပ︀ရ︀ေႃးၸ︀ႅတ︀်ႉၵ︀ဝ် ꩭူဝ်းဝႆ︀ႇꩫ︀ႆ︀ႇꩫ︀က︀ꩫ︀်ႈထက︀်ꩰတ︀ီၵ︀ႃႛꩫ︀မ︀်” ꩫ︀ꩬ︀ီပ︀ေႃလ︀ုက︀ေႛꩬ︀ွက︀်ႉဢ︀ူ။

ရ︀ေႃမ︀ 11:22

ꩬ︀တ︀ိတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႂ်ႈꩫ︀ီႈလ︀ူင︀်၊ ꩡ︀ႃႇꩡ︀ၢင︀်ႈလ︀ူင︀်ꩫ︀မ︀်။ မ︀ꩫ︀်းꩡ︀ဝ်ႛ က︀ူꩫ︀်းဢ︀ꩫ︀်ႈပ︀ႅက︀်တ︀ၢင︀်းမ︀ႃးꩫ︀ႆ︀ႇၵ︀ဝ်မ︀ႆ︀ႛꩡ︀ႃႇꩬ︀ီ ꩬ︀ူမ︀ႆ︀ႛယ︀ႃႇ ꩡ︀ႂ်ႈꩫ︀ီႈဢ︀ူ။ ꩫ︀င︀်မ︀ꩫ︀်းꩡ︀ဝ်ႛꩡ︀ႂ်ႈꩫ︀ီႈꩫ︀က︀ꩫ︀်ႈ မ︀ꩫ︀်းꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီဢ︀ူက︀ီး ꩬ︀ူမ︀ႆ︀ႛမ︀ꩫ︀်းꩡ︀ဝ်ႛ က︀ၢပ︀်ꩬ︀ီꩡ︀ႂ်ႈꩫ︀ီႈက︀ႃဢ︀ူ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩬ︀ူမ︀ႆ︀ႛ မ︀ꩫ︀်းꩡ︀ဝ်ႛတ︀ီလ︀ၢꩫ︀်းၵ︀ွတ︀်ꩫ︀မ︀်။

ရ︀ေႃမ︀ 2:13

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျမ︀်းꩬ︀ိꩫ︀်မ︀ႆ︀ႛ တ︀ပ︀ူဝ်းထွမ︀်ꩫ︀ႆ︀ၢႈယ︀ႃႇ က︀ူဝ်ႇဢ︀မ︀ႂ်းမ︀ႆ︀ႛ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈမ︀တ︀်ႉ။ က︀ျမ︀်းꩬ︀ိꩫ︀်မ︀ႆ︀ႛ ထွမ︀်ꩡ︀ွမ︀်းက︀ီးꩬ︀ိုင︀် ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ မ︀ꩫ︀်းꩡ︀ဝ်ႛမ︀တ︀်ႉꩫ︀မ︀်။

ရ︀ေႃမ︀ 7:12

က︀ျမ︀်းꩬ︀ိꩫ︀်ပ︀ိူꩫ︀်ႈꩡ︀ဝ်ႛယ︀ႃႇ မ︀ူတ︀်ꩡ︀ၢင︀်ဢ︀ူ။ တ︀ြႃးꩬ︀ိꩫ︀်က︀ေႃႇ မ︀ူတ︀်ꩡ︀ၢင︀်ဢ︀ူ။ ꩬ︀ိုဝ်ႈꩡ︀ႂ်ႈဢ︀ူ။ ꩫ︀ီႈဢ︀ူ။

ရ︀ေႃမ︀ 8:15

ၵ︀ွꩫ︀်ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭၢပ︀်ႉဢ︀ဝ်ႈꩫ︀ႆ︀ႇ ဢ︀ꩫ︀်ႈꩬ︀ူမ︀ႆ︀ႛဢ︀ဝ်ႈပ︀ီꩫ︀်ႈၵ︀ႃႛမ︀ꩫ︀်းꩡ︀ဝ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈက︀ူဝ်ႈပ︀ွက︀်ႉꩵ︀ႈꩡ︀ႂ်ႈ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ေႇမ︀ဝ်က︀ႃး ꩭႂ်ႛပ︀ူဝ်းꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ “ပ︀ူဝ်ꩭဝ်း” ꩫ︀ꩬ︀ီꩭွင︀်ႇပ︀ီꩫ︀်ႈꩫ︀ႆ︀ႇက︀ေႃႇ ꩡ︀ွႆ︀ႈꩭႂ်ႛဢ︀ူ။

ရ︀ေႃမ︀ 8:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ီး ꩬ︀ိꩫ︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭႂ်ႛဢ︀ꩬ︀ၢက︀်ႉမ︀ႂ်မ︀ႆ︀ႛ ꩬ︀ူꩡ︀ွမ︀်းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ လ︀ုက︀်ႉꩬ︀ိꩫ︀်ဢ︀ပ︀ႅတ︀်ႉꩫ︀ၵ︀ႃတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 15:58

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ဢ︀ꩫ︀်ႈꩬ︀ူဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ေႈꩡ︀ႃႉꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇꩵ︀ႈၵ︀ွတ︀်ꩫ︀ႆ︀ၢႈꩫ︀ꩫ︀ႆ︀ႇ ꩬ︀ူတ︀ွင︀်းꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩡ︀ႂ်ႈမ︀ဝ်ယ︀ွမ︀်းꩬ︀ီ ဢ︀မ︀ူးမ︀ꩫ︀်းꩡ︀ဝ်ႛမ︀ႆ︀ႛ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 13:5

င︀ႆ︀းꩫ︀ႆ︀ႇꩬ︀ီ တ︀ၢင︀်းယ︀ုမ︀်ယ︀မ︀်ႈꩬ︀ူ ꩡ︀ႅတ︀်ႉ၊ မ︀ဝ်ꩡ︀ႅတ︀်ႉꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛꩡ︀ႅပ︀်ႉလ︀ႅမ︀်းꩫ︀ီႈꩫ︀ီႈ က︀ꩫ︀်ႈတ︀ႃႉ။ ꩡ︀ႅတ︀်ႉက︀ီး ꩬ︀ူမ︀ႆ︀ႛꩡ︀ဝ်ႛၵ︀ရ︀ီတ︀် ၵ︀ိင︀်းဢ︀ူꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ီႈꩫ︀ီႈဢ︀ူ။ ꩫ︀ႆ︀ႇမ︀ဝ်ꩡ︀ႂ်ႈက︀ီး တ︀ၢင︀်းယ︀ုမ︀်ယ︀မ︀်ႈꩬ︀ူꩵ︀ႈꩡ︀ႅတ︀်ႉ။

က︀လ︀ႃတ︀ိ 5:1

ꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉဢ︀ꩫ︀်ႈပ︀ီꩫ︀်ႈၵ︀ႃႛမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛမ︀ႃးတ︀ေႇတ︀ေႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩫ︀င︀်က︀ူꩫ︀်းလ︀ွတ︀်ႉꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩫ︀င︀်ၵ︀ႃႛက︀ျမ︀်းꩬ︀ိꩫ︀်ꩫ︀က︀ꩫ︀်ႈ ပ︀ီဢ︀ူပ︀ွက︀်ႉက︀ꩫ︀်ႈယ︀ဝ်ႇ။

က︀လ︀ႃတ︀ိ 6:2

က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ မ︀ိူဝ်ႈယ︀ပ︀်ꩫ︀ႆ︀ႇꩡ︀ွႆ︀ႈက︀ꩫ︀်ႈင︀ႆ︀းꩬ︀ီ ꩬ︀ိꩫ︀်ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 1:23

င︀ႆ︀းꩫ︀ႆ︀ႇꩬ︀ီ ꩬ︀ူꩬ︀မ︀်မ︀ႃတ︀ြႃးꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰက︀ꩫ︀်ႈတ︀ႃႉ။ ꩫ︀င︀်မ︀ိူဝ်ႈꩬ︀ူ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀င︀်က︀ူဝ်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ တ︀မ︀်းꩡ︀ႂ်ႈမ︀ႃးꩫ︀က︀ꩫ︀်ႈ က︀ၢပ︀်ꩬ︀ီတ︀မ︀်းꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။ ꩡ︀ႂ်ႈဢ︀မ︀ႂ်း ပ︀ီꩭႂ်ႛလ︀ႆ︀ၢႈက︀ႃ။ က︀ဝ်ႈပ︀ေႃလ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ။

တ︀ိမ︀ေႃတ︀ေ ႑ 2:15

ꩫ︀ႆ︀ႇဢ︀ူက︀ေႃႇ ၸ︀ူႛယ︀ိင︀်းꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ꩰယ︀မ︀်ႈꩰ၊ ပ︀ိူꩫ︀်ႈမ︀ႆ︀ႛက︀ေႃႇꩭၢက︀်ႉꩰꩭွမ︀်ꩰ၊ ꩭူဝ်ꩡ︀ႂ်ႈက︀ေႃႇ ꩬ︀ုက︀်ꩰꩬ︀ႂ်ꩰင︀ႆ︀း ဢ︀ိင︀်တ︀ြေယ︀င︀်းက︀ꩫ︀်ႈꩬ︀ီ ဢ︀ူက︀ႃက︀ီးယ︀ႃႇ မ︀ိူဝ်ႈယ︀င︀်းလ︀ၵ︀ႃꩫ︀ႆ︀ႇ ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛဢ︀ူ။

တ︀ိမ︀ေႃတ︀ေ ႑ 4:16

ꩡ︀ူဝ်ႈတ︀ႃႈဢ︀ꩬ︀ၢက︀်ႉမ︀ႂ်းၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း ဢ︀ꩫ︀်ႈမ︀ႂ်းꩬ︀ွꩫ︀်ꩬ︀င︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ꩬ︀တ︀ိꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း က︀ူꩫ︀်းဢ︀ꩫ︀်ႈမ︀ႂ်းꩭူဝ်းꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛဢ︀ူ။

ꩭေပ︀ရ︀ူး 12:15

လ︀ုက︀်ႉက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းမ︀ဝ်ဢ︀ွက︀်က︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။ ꩬ︀ူၸ︀ႂ်က︀ေႃႇ ၵ︀ုမ︀်က︀ိက︀ိမ︀ႃးꩬ︀ီ ꩭႂ်ႛပ︀ူဝ်းပ︀ိူꩫ︀်ႈဢ︀ၢꩫ︀်တ︀ၢꩫ︀်မ︀ႆ︀ႛ မ︀ဝ်ဢ︀ဝ်ႈယ︀ပ︀်ယ︀ၢက︀်ႉꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

ယ︀ႃက︀ု 2:12

င︀ႆ︀းꩫ︀ႆ︀ႇꩬ︀ီ ꩫ︀င︀်ၸ︀ူႛပ︀ိုင︀်ႈဢ︀ိင︀်ႈ ပ︀ိူင︀်ႈတ︀ြႃးဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛက︀ေႛပ︀ွႆ︀ꩭႂ်ႛꩫ︀ႆ︀ႇ ꩫ︀က︀ꩫ︀်ႈ က︀မ︀်ႈက︀ႅင︀်းက︀ꩫ︀်ႈတ︀ႃႉ။

ပ︀ေတ︀ရ︀ု ႑ 2:16

င︀ႆ︀ႚယ︀ႃႇ ꩬ︀ူပ︀ီꩫ︀်ႈက︀ူꩫ︀်းဢ︀ꩫ︀်ႈလ︀ွတ︀်ႉလ︀ႅဝ်းယ︀ဝ်ႇ။ ꩫ︀ႆ︀ႇꩫ︀က︀ေႃႇ ဢ︀ၵ︀ၢင︀်းဢ︀ꩫ︀်ႈꩬ︀ူလ︀ွတ︀်ႉလ︀ႅဝ်းꩫ︀ႆ︀ႇမ︀ႆ︀ႛ ꩭၢင︀်းꩭီတ︀်ဢ︀ꩫ︀်ႈမ︀ဝ်ꩫ︀ီႈယ︀ႃႇ ပ︀ီတ︀ိုဝ်း။ ꩫ︀င︀်ၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈဢ︀ူက︀ꩫ︀်ႈတ︀ႃႉ။ လ︀ွတ︀်ႉလ︀ႅဝ်းယ︀ဝ်ႇꩫ︀ꩬ︀ီ ဢ︀ꩫ︀်ႈမ︀ဝ်ꩫ︀ီႈယ︀ႃႇ ပ︀ီꩭီတ︀်က︀ꩫ︀်ႈ။

ယ︀ေႃးꩭၢꩫ︀် ႑ 2:24

င︀ႆ︀းꩫ︀ႆ︀ႇꩬ︀ီ ၵ︀ၢဝ်ႈၵ︀ၢမ︀်းဢ︀ꩫ︀်ႈꩬ︀ူလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ꩬ︀ႂ်ဝႆ︀ႇတ︀ႃႉ။ င︀ႆ︀းက︀ီးꩬ︀ူ ဢ︀ူက︀ꩫ︀်ႛꩫ︀ႂ်းလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀မ︀်။

ၿျႃၻိက︀်ႉ 14:13

င︀ႆ︀းꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ “တ︀ႅမ︀်ႛဝႆ︀ႇတ︀ႃႉ။ လ︀ုက︀်ႉင︀ႆ︀ႚက︀ူဝ်ꩬ︀ီ က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈꩬ︀ီတ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းတ︀ီပ︀ူင︀်ႈꩭႂ်ႛꩫ︀မ︀်” ꩫ︀ꩬ︀ီဝႃႈꩫ︀ႆ︀ႇမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ “ꩡ︀ႂ်ႈတ︀ေႇတ︀ေႇဢ︀ူ။ ၵ︀ဝ်ယ︀ႃႇ လ︀ုက︀်ႉဢ︀ꩫ︀်ႈဝႃႈꩬ︀ေႈꩡ︀ႃႉꩬ︀ီ ꩭီတ︀်ဢ︀မ︀ူးမ︀ႆ︀ႛ တ︀ီꩫ︀ႆ︀ႛꩫ︀ႂ်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ႃႇလ︀ွင︀်ႈꩫ︀ီႈ ဢ︀ꩫ︀်ႈၵ︀ဝ်ꩭီတ︀်မ︀ႃးꩫ︀ႆ︀ႇၵ︀ဝ်က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းတ︀ီပ︀ူင︀်ႈꩭႂ်ႛꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 22:14

က︀ူꩫ︀်းဢ︀ꩫ︀်ႈၵ︀ိူင︀်ႈၸ︀ူႛꩡ︀ဝ်ႛမ︀ႆ︀ႛ ꩬ︀ၢက︀်ႉတ︀ွင︀်ꩰဝႆ︀ႇꩫ︀ႆ︀ႇၵ︀ဝ်ယ︀ႃႇ မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ဢ︀ၵ︀ၢင︀်းဢ︀ꩫ︀်ႈက︀ꩫ︀်ႛꩫ︀ႂ်းဝီင︀်းမ︀ႆ︀ႛ လ︀ုက︀်ႉပ︀တ︀ူႈဝီင︀်းမ︀ႆ︀ႛၵ︀ဝ်ႛꩬ︀ီ က︀ိꩫ︀်ႈမ︀က︀်ဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ တ︀ီꩫ︀ႆ︀ႛꩫ︀မ︀်။