ယ︀ႃက︀ု 1:11 - Khamti Shan

¹¹ ꩫ︀ႅတ︀်ꩫ︀ိူတ︀်မ︀ႃးက︀ီး တ︀ူꩫ︀်ႛ ꩭိဝ်က︀ႃꩬ︀ီ မ︀ွက︀်ꩭူင︀်ႈင︀ႆ︀း ဢ︀ꩫ︀်ႈꩬ︀ႅꩫ︀်ႛꩫ︀ႆ︀ႇၵ︀ဝ်က︀ေႃႇ ꩭၢႆ︀ꩫ︀ႆ︀ၢႈက︀ႃဢ︀ူ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ူႛမ︀ီးꩫ︀ႆ︀ႇၵ︀ဝ်က︀ေႃႇ မ︀ိူဝ်ႈၵ︀ဝ်ၵ︀ႃင︀ိူꩫ︀်းꩬ︀ေႈꩡ︀ႃႉꩬ︀ီဢ︀ူꩫ︀ႆ︀ႇ ꩡ︀ၢင︀်ႈလ︀ူႇတ︀ၢႆ︀ႈꩭၢႆ︀ꩬ︀ုမ︀်းက︀ႃဢ︀ူ။

ယ︀ႃက︀ု 1:11 ပူးပေါင်းရင်းမြစ်များ

မ︀တ︀်တ︀ႄး 13:6

ꩫ︀ႆ︀ႇꩫ︀က︀ေႃႇ ꩫ︀ိꩫ︀်ႈမ︀ဝ်လ︀ိူက︀်ႉꩫ︀ႆ︀ႇꩬ︀ီ ꩭၢက︀်ႉယ︀င︀်ꩵ︀ႈလ︀ိူက︀်ႉ။ င︀ႆ︀းꩬ︀ီ ꩫ︀ႅတ︀်ဢ︀ွက︀်မ︀ႃးက︀ီး တ︀ူꩫ︀်ႛဢ︀ွꩫ︀်ꩫ︀ႆ︀ႇၵ︀ဝ်ꩭိဝ်ꩬ︀ီ တ︀ႆ︀ၢႈက︀ႃမ︀ူတ︀်ဢ︀ူ။

မ︀တ︀်တ︀ႄး 6:30

မ︀ွက︀်ယ︀ႃႛထိူꩫ︀် ဢ︀ꩫ︀်ႈမ︀ိူဝ်ႈꩫ︀ႆ︀ႇယ︀င︀်းꩬ︀ီ မ︀ိူဝ်ႈꩭုက︀်ႉတ︀ီꩬ︀ုမ︀်ၸ︀ႆ︀းၵ︀ွတ︀်ꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈက︀ေႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူ ၵ︀ႆ︀ႇလ︀ိူင︀်ႈ ဢ︀ဝ်ႈꩬ︀ႅꩫ︀်ႛꩬ︀ႅꩫ︀်ႛၸ︀ၢꩫ︀်ꩬ︀ၢင︀်းꩭႂ်ႛꩫ︀ႆ︀ႇ။ ꩬ︀ူမ︀ႆ︀ႛꩫ︀က︀ီး ၵ︀ႆ︀ႇမ︀ဝ်က︀ႃးꩭၢင︀်ႛꩭႂ်ႛဢ︀ူ။ ꩭီတ︀်က︀ꩬ︀င︀်ꩫ︀ႆ︀ꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ီႈꩫ︀ီႈꩫ︀ႆ︀ႇ။

က︀ေႃရ︀ိꩫ︀်တ︀ု ႑ 7:31

က︀ူဝ်ႇဢ︀ꩫ︀်ႈၵ︀ူဝ်းလ︀ိင︀်းမ︀ိူင︀်းက︀ၢင︀်ႈ ꩫ︀ႆ︀ႛတ︀ိုဝ်းꩫ︀ီႈꩫ︀ီႈꩫ︀ႆ︀ႇက︀ေႃႇ ꩫ︀င︀်တ︀င︀်းၵ︀ူဝ်းလ︀ိင︀်းဢ︀မ︀ႂ်းၵ︀ဝ် မ︀ဝ်ꩡ︀ၢပ︀်ႉလ︀ႅင︀်က︀ꩫ︀်ႈꩫ︀က︀ꩫ︀်ႈ ဝႃႈဢ︀ူꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀မ︀်ၸ︀ႃဢ︀ꩫ︀်ႈင︀ႆ︀ႚယ︀င︀်းꩫ︀ႆ︀ႇယ︀ႃႇ မ︀ဝ်ꩭိုင︀်က︀ꩬ︀င︀် တ︀ီလ︀ူႇပ︀ႅက︀်ႉက︀ႃꩫ︀မ︀်။

ပ︀ေတ︀ရ︀ု ႑ 1:4

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းဢ︀ꩫ︀်ႈၸ︀ူႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛက︀ွတ︀်ꩫ︀ꩬ︀ီ က︀ၢင︀်ႈꩭၢဝ်မ︀ႆ︀ႛ ဢ︀မ︀ွေဢ︀ꩫ︀်ႈမ︀ဝ်ꩫ︀ွက︀်မ︀ဝ်ꩫ︀ဝ်ႈꩡ︀ၢင︀်ႈ ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈ မ︀ဝ်လ︀ူႇꩡ︀ၢင︀်ႈꩫ︀ႆ︀ႇ ꩭႅမ︀်းဝႆ︀ႇယ︀ဝ်ႇꩰ။ ꩭဝ်းတ︀ႂ်းထႃႛꩬ︀ီဢ︀ူꩫ︀ႆ︀ႇ ဢ︀မ︀ွေဢ︀မ︀ႂ်းꩫ︀မ︀်။

ပ︀ေတ︀ရ︀ု ႑ 5:4

င︀ႆ︀းက︀ီး မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛၸ︀ူႛလ︀ီင︀်ႇပ︀ူႇလ︀ူင︀် က︀ျွႃးပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛ ပ︀ွင︀်းမ︀ူꩫ︀်ႈၸ︀ုင︀်းဢ︀ꩫ︀်ႈမ︀ဝ်ꩭိဝ်ꩭႆ︀ၢꩡ︀ၢင︀်ႈꩫ︀ႆ︀ႇတ︀ီꩭႂ်ႛꩫ︀မ︀်။