ယ︀ႃက︀ု 1:1 - Khamti Shan1 က︀ဝ်ႈယ︀ႃက︀ု ၸ︀ူႛပ︀ီꩫ︀်ႈၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ီႈꩫ︀ွင︀်ႇၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈတ︀င︀်းက︀မ︀်ၸ︀ႃမ︀ႆ︀ႛ ၸ︀ေꩬ︀ီဢ︀ူꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩬ︀င︀်ၵ︀ၢမ︀်းဢ︀ူ။ အခန်းကိုကြည့်ပါ။ |
ယ︀ႃက︀ု 1:1
41 ပူးပေါင်းရင်းမြစ်များ
ꩡ︀ဝ်ႛယ︀ေꩬ︀ုယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ မ︀ိူဝ်ႈတ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈဢ︀ꩫ︀်ႈမ︀ႂ်ꩫ︀ႆ︀ႇ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း ပ︀လ︀ၢင︀်မ︀ႆ︀ႛတ︀ီꩫ︀င︀်ႈꩫ︀မ︀်။ မ︀ိူဝ်ႈဢ︀မ︀ႂ်း ꩬ︀ူၸ︀ူႛပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇၵ︀ဝ်က︀ေႃႇ ပ︀လ︀ၢင︀်ꩬ︀ိပ︀်ꩬ︀ွင︀်ဢ︀ꩫ︀်ႈမ︀ႆ︀ႛꩫ︀င︀်ႈꩬ︀ီ ဢ︀ီတ︀်ꩬ︀ြေးꩬ︀ိပ︀်ꩬ︀ွင︀်ၸ︀ꩫ︀်းမ︀ႆ︀ႛ တ︀ီဢ︀ုပ︀်ႉပ︀ိုင︀်ꩫ︀မ︀်။
မ︀ိုဝ်းꩬ︀ွင︀်ၵ︀ႃမ︀ႆ︀ႛ လ︀ိက︀်ႉၸ︀ၢက︀်ꩭႂ်ႛဢ︀ူ။ လ︀ိက︀်ႉဢ︀မ︀ႂ်းမ︀ႆ︀ႛ “ပ︀ီႈꩫ︀ွင︀်ႇဢ︀ꩫ︀်ႈက︀ျူးမ︀ဝ်ꩡ︀ႂ်ႈ ဢ︀ꩫ︀်ႈဢ︀ူဝီင︀်းဢ︀ꩫ︀်တ︀ိဢ︀ုက︀်၊ မ︀ိူင︀်းꩬ︀ီရ︀ီယ︀ႃး၊ မ︀ိူင︀်းက︀ိလ︀ိက︀ိꩫ︀ႆ︀ႇၵ︀ဝ်ꩴ︀း ꩬ︀ူꩡ︀ဝ်ႛမ︀ႆ︀ႛ တ︀ူႈတ︀မ︀ၢꩫ︀်ꩡ︀ဝ်ႛၵ︀ဝ်၊ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ် ၸ︀ူႛပ︀ီꩫ︀်ႈပ︀ီႈꩫ︀ွင︀်ႇꩬ︀ူꩡ︀ဝ်ႛၵ︀ဝ် ꩬ︀င︀်ၵ︀ၢမ︀်းမ︀ႂ်ꩬ︀ုင︀်တ︀ီၵ︀ႃႛဢ︀ူ။
လ︀ွင︀်ႈဢ︀ဝ်ႈတ︀ႆ︀ၢႈက︀ူꩫ︀်းဢ︀မ︀ႂ်းမ︀ႆ︀ႛ ꩬ︀ေႃလ︀ု က︀ေႃႇၸ︀ွမ︀်ႇလ︀ွေႛဢ︀ူ။ လ︀ုက︀်ႉမ︀ိူဝ်ႈဢ︀မ︀ႂ်းက︀ူဝ်ꩬ︀ီ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ိူꩫ︀်ႈꩫ︀ီင︀်ၵ︀ႅပ︀်ႉꩰဢ︀ူ။ င︀ႆ︀းꩬ︀ီၵ︀ဝ်ယ︀ႃႇ တ︀ိူင︀်းယ︀ုတ︀၊ တ︀ိူင︀်းꩬ︀မ︀ႃရ︀ိꩫ︀ႆ︀ႇၵ︀ဝ်မ︀ႆ︀ႛၸ︀ူင︀်ႇပ︀ႆ︀ၢႈက︀ႃမ︀ူတ︀်ꩬ︀ီ တ︀မ︀ၢꩫ︀်ꩡ︀ဝ်ႛၵ︀ဝ်ꩫ︀ႆ︀ၢႈꩬ︀ိုင︀်က︀ိူတ︀်ဢ︀ူ။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ေတ︀ရ︀ုယ︀ႃႇမ︀ိူဝ်ႈက︀ူꩫ︀်းဢ︀ꩫ︀်ႈ ယ︀ႃက︀ုꩡ︀ႂ်ႇꩫ︀ႆ︀ႇၵ︀ဝ် မ︀ဝ်ပ︀ႆ︀ထိုင︀်မ︀ႃးꩫ︀ႆ︀ႇ တ︀င︀်းၵ︀ရ︀ီတ︀်ယ︀ၢꩫ︀်ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ꩭူမ︀်ႈက︀ိꩫ︀်ႈမ︀ႃးဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်ထိုင︀်မ︀ႃးက︀ီး ꩫ︀ႂ်းၵ︀ဝ်မ︀ႆ︀ႛ က︀ူꩫ︀်းဢ︀ꩫ︀်ႈꩬ︀ိꩫ︀်ပ︀တ︀်ပ︀တ︀်ပ︀ႆ︀ၢႈꩫ︀င︀်မ︀ႆ︀ႛ ပ︀ꩫ︀်ႛက︀ႅတ︀်ႉꩰꩬ︀ီဢ︀ူꩫ︀ႆ︀ႇၵ︀ဝ် လ︀ွေႛမ︀ႃးꩫ︀ႆ︀ႇꩬ︀ီ က︀ူဝ်ႈမ︀ꩫ︀်းမ︀ႆ︀ႛၵ︀ဝ်ꩫ︀ေးဢ︀ူ။ င︀ႆ︀းꩬ︀ီပ︀ေတ︀ရ︀ုယ︀ႃႇ တ︀င︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ꩵ︀ႈလ︀ွေႛက︀ꩫ︀်ႈယ︀ဝ်ႇ။
ယ︀ႃက︀ု၊ ပ︀ေတ︀ရ︀ုင︀ႆ︀း ယ︀ေႃးꩭၢꩫ︀် ၸ︀ူႛဢ︀ꩫ︀်ႈ ꩭီတ︀်ꩭူဝ်ꩫ︀ႆ︀ႇၵ︀ဝ်ယ︀ႃႇ က︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀မ︀ူးလ︀ူင︀်ꩫ︀ႆ︀ႇပ︀ူင︀်ႈꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇꩭၢပ︀်ႉၵ︀ၢမ︀်င︀ႆ︀းꩬ︀ီ ꩭၢင︀်းၵ︀ိူဝ်ၿႃꩫ︀ၿမ︀ႆ︀ႛ က︀တ︀ွက︀်ႉမ︀ိုဝ်းꩬ︀ီ ꩫ︀င︀်ၸ︀ူႛꩭူမ︀်ႈထၢမ︀်းဢ︀မ︀ူးꩫ︀က︀ꩫ︀်ႈ ꩭၢပ︀်ႉတ︀ွꩫ︀်ႛက︀ꩫ︀်ႈဢ︀ူ။ ꩫ︀ႆ︀ႇယ︀ႃႇ ꩫ︀င︀်ၵ︀ဝ်ꩫ︀ႂ်းက︀ျူးမ︀ႆ︀ႛ ꩭီတ︀်ဢ︀မ︀ူးꩫ︀က︀ꩫ︀်ႈ တ︀ူႈက︀ေႃႇꩫ︀ႂ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ꩭီတ︀်က︀ွတ︀်ꩫ︀ꩬ︀ီ ꩡ︀ႂ်ႈၵ︀ူမ︀်က︀ꩫ︀်ႈꩫ︀ႆ︀ႇꩫ︀မ︀်။
က︀ဝ်ႈပ︀ေႃလ︀ု ၸ︀ူႛပ︀ီꩫ︀်ႈၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ၊ တ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ် ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃး၊ ꩬ︀မ︀်မ︀ႃတ︀ြႃးဢ︀ꩫ︀်ႈꩡ︀ဝ်ႛယ︀ေꩬ︀ုꩬ︀ွꩫ︀်ꩬ︀င︀်မ︀ႃးꩫ︀ႆ︀ႇမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰတ︀ွင︀်းမ︀ႃးꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ထုက︀်ꩡ︀ႂ်ႈꩫ︀က︀ꩫ︀်ႈ ဢ︀ူက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩭႂ်ႛꩬ︀ွꩫ︀်က︀ွတ︀်ꩫ︀ꩬ︀ီ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ꩡ︀ႂ်ႇမ︀ႃးꩫ︀မ︀်။
ꩬ︀ူꩡ︀ဝ်ႛ ပ︀ီႈꩫ︀ွင︀်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ ဢ︀ꩫ︀်ႈတ︀ိူင︀်းပ︀ုꩫ︀်တ︀ု၊ တ︀ိူင︀်းက︀လ︀ႃတ︀ိ၊ တ︀ိူင︀်းက︀ပ︀်ပ︀တ︀ေႃက︀ိ၊ တ︀ိူင︀်းဢ︀ႃꩬ︀ျင︀ႆ︀း တ︀ိူင︀်းပ︀ိတ︀ုꩫ︀ိꩫ︀ႆ︀ႇၵ︀ဝ်မ︀ႆ︀ႛ ၸ︀ူင︀်ႇၸ︀ေꩬ︀ီ ꩬ︀ွꩫ︀်ႈဢ︀ူက︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈပ︀ေတ︀ရ︀ု ၸ︀ူႛပ︀ီꩫ︀်ႈတ︀မ︀ၢꩫ︀်ꩡ︀ဝ်ႛꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။
ꩬ︀ူꩡ︀ဝ်ႛ ဢ︀ꩫ︀်ႈꩫ︀င︀်တ︀ူႈꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈꩬ︀ႅင︀်မ︀ုꩫ︀်ပ︀ေတ︀ရ︀ု ၸ︀ူႛပ︀ီꩫ︀်ႈၸ︀ူႛꩡ︀ႂ်ႇꩫ︀ၵ︀ႃ တ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛၵ︀ေꩬ︀ေꩭဝ်းယ︀ႃႇ ꩬ︀ိုဝ်ႈꩫ︀ꩫ︀်ႈꩫ︀ႆ︀ႇꩬ︀ီ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ꩭီတ︀်ꩭႂ်ႛမ︀ႃးယ︀ဝ်ႇ။
ကြော်ငြာတွေ