ꩭေပ︀ရ︀ူး 9:9 - Khamti Shan

⁹ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းယ︀ႃႇ ပ︀ီꩫ︀်ႈပ︀ုင︀်ꩭၢင︀်ႈꩡ︀ူဝ်ႈင︀ႆ︀ႚꩫ︀မ︀်။ ၵ︀ိူင︀်ႈလ︀ူꩫ︀ၵ︀ႃၵ︀ႅက︀်ꩫ︀ႆ︀ႇၵ︀ဝ်ယ︀ႃႇ ꩡ︀ႂ်ႈၵ︀ွꩫ︀်ၸ︀ူႛဝႆ︀ႈၸ︀ြႃးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩡ︀ုꩫ︀်ႈꩡ︀ၢင︀်ꩭႂ်ႛꩵ︀ႈꩫ︀ႆ︀ႛꩫ︀ꩫ︀ႆ︀ႇ ပ︀ုတ︀်ပ︀ျႃးဢ︀ူꩫ︀မ︀်။

ꩭေပ︀ရ︀ူး 9:9 ပူးပေါင်းရင်းမြစ်များ

ရ︀ေႃမ︀ 5:14

ꩫ︀ႆ︀ႇꩫ︀က︀ေႃႇ လ︀ုက︀်ႉꩡ︀ူဝ်ႈပ︀ၢꩫ︀်ႈဢ︀ႃတ︀ၢမ︀်မ︀ႆ︀ႛက︀ူဝ်ꩬ︀ီ ဢ︀ဝ်ႈထိုင︀်ꩡ︀ူဝ်ႈပ︀ၢꩫ︀်ႈမ︀ေႃꩬ︀ေꩫ︀ႆ︀ႇ က︀ူꩫ︀်းတ︀င︀်းလ︀ုင︀်တ︀ႆ︀ၢႈမ︀ႃးဢ︀ူ။ က︀ူꩫ︀်းဢ︀ꩫ︀်ႈꩫ︀င︀်ဢ︀ႃတ︀ၢမ︀် ပ︀ေႇၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ မ︀ဝ်ꩭီတ︀်မ︀ႃးꩫ︀ႆ︀ႇၵ︀ဝ်တ︀မ︀ိူင︀်းက︀ေႃႇ ꩫ︀ႆ︀ႛတ︀ၢႆ︀ႈမ︀ႃးဢ︀ူ။ ဢ︀ႃတ︀ၢမ︀်ယ︀ႃႇ ပ︀ီꩫ︀်ႈဢ︀ꩫ︀်ႈတ︀ႅက︀်ႉꩭၢင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈက︀ꩫ︀်ႛလ︀င︀်မ︀ႆ︀ႛတ︀ီက︀ျွႃးမ︀ႃးꩫ︀ႆ︀ႇꩫ︀မ︀်။

က︀လ︀ႃတ︀ိ 3:21

ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ဢ︀ꩫ︀်ႈက︀ျမ︀်းꩬ︀ိꩫ︀်ꩫ︀ၵ︀ႃက︀တ︀ိမ︀ꩫ︀်းꩡ︀ဝ်ႛ မ︀ဝ်ꩥ︀ႃးက︀ꩫ︀်ႈꩵ︀ႈꩡ︀ႂ်ႈပ︀ိူင︀်ႈလ︀ူင︀်။ ꩬ︀င︀်ဝႃႈက︀ျမ︀်းꩬ︀ိꩫ︀်ꩫ︀ႆ︀ႇ ဢ︀ꩬ︀ၢက︀်ႉမ︀ႂ်ꩭႂ်ႛꩫ︀ႆ︀ႛꩫ︀မ︀်ꩫ︀က︀ီး က︀ူꩫ︀်းꩭဝ်းက︀မ︀်ႈက︀ျမ︀်းꩬ︀ိꩫ︀်ꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛထုက︀်က︀ꩫ︀်ႈပ︀ွက︀်ႉဢ︀ူ။

ꩭေပ︀ရ︀ူး 10:11

က︀ꩫ︀်ႛတ︀ႂ်ႛၵ︀ၢမ︀်းၵ︀တ︀်ႉက︀ဝ်မ︀ႆ︀ႛယ︀ႃႇ ယ︀ီတ︀်ႉပ︀ရ︀ေႃးꩭိက︀်ႉꩫ︀ႆ︀ႇၵ︀ဝ် က︀ူႈမ︀ိုဝ်ႇက︀ူႈဝꩫ︀်း ပ︀ၢင︀်ႈꩫ︀ႃႛၵ︀ီင︀်ၵ︀ႅက︀်မ︀ႆ︀ႛꩬ︀ဝ်းꩬ︀ီ ၵ︀ႅက︀်ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈ ဢ︀ꩫ︀်ႈဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩭႆ︀ၢမ︀ဝ်ပ︀ီꩫ︀်ႈꩫ︀ႆ︀ႇ က︀ီလ︀ႆ︀ၢပ︀ၢꩫ︀်ႈ ꩫ︀ႆ︀ႛပ︀ုက︀်ႉꩡ︀ူဝ်ဢ︀ူꩫ︀မ︀်။

ꩭေပ︀ရ︀ူး 11:19

မ︀ိူဝ်ႈင︀ႆ︀းꩬ︀ီ မ︀ꩫ︀်းတ︀ၢင︀်ၵ︀ႅက︀်ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ တ︀ီဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛ ၵ︀ႂ်ႈꩡ︀ႂ်ႈꩬ︀ီ တ︀ၢင︀်ၵ︀ႅက︀်မ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းယ︀ႃႇ လ︀ုက︀်ႉမ︀ꩫ︀်းမ︀ႆ︀ႛ ꩫ︀င︀်ꩭၢင︀်ႈလ︀ုက︀်ႉဢ︀ꩫ︀်ႈတ︀ႆ︀ၢႈက︀ႃမ︀ႆ︀ႛ ꩫ︀ႆ︀ႛပ︀ွက︀်ႉမ︀ႃးတ︀ေႇတ︀ေႇꩫ︀က︀ꩫ︀်ႈꩫ︀မ︀်။

ꩭေပ︀ရ︀ူး 5:1

ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉꩫ︀ꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉက︀ူꩫ︀်းမ︀ႆ︀ႛ လ︀ိူက︀်ႉင︀ႆ︀း တ︀ၢင︀်ႈတ︀ူဝ်ႈက︀ူꩫ︀်းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ုက︀်ႉꩡ︀ူဝ်ၵ︀ိူင︀်ႈလ︀ူင︀ႆ︀း တ︀ၢင︀်ၵ︀ႅက︀်ꩡ︀ႃႇဢ︀ပ︀ႅတ︀်ႉꩫ︀မ︀်။

ꩭေပ︀ရ︀ူး 7:11

ယ︀ီတ︀်ႉပ︀ရ︀ေႃးꩭိက︀်ႉꩫ︀ꩫ︀ႆ︀ႇ ဝႃႈပ︀ီꩫ︀်ႈၵ︀ိူဝ်းလ︀ေဝိꩫ︀မ︀်ꩫ︀ꩬ︀ီ က︀ျမ︀်းꩬ︀ိꩫ︀်မ︀ႆ︀ႛ ဝႃႈဝႆ︀ႇꩫ︀က︀ေႃႇ ယ︀ီတ︀်ႉပ︀ရ︀ေႃးꩭိက︀်ႉဢ︀မ︀ႂ်းၵ︀ဝ်ယ︀ႃႇ ၸ︀ႂ်မ︀ႆ︀ႛက︀ေႃႇ ဢ︀ဝ်ႈတ︀ီမ︀်ႈက︀ုမ︀်ꩭႂ်ႛꩵ︀ႈꩫ︀ႆ︀ႛ။ င︀ႆ︀းꩫ︀ႆ︀ႇꩬ︀ီ ယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈ ꩫ︀င︀်ဢ︀ႃရ︀ုꩫ︀်ꩫ︀က︀ꩫ︀်ႈ မ︀ဝ်ꩡ︀ႂ်ႈꩬ︀ီ ဢ︀ꩫ︀်ႈꩫ︀င︀်မ︀ေလ︀ၵ︀ိꩡ︀ေတ︀ိက︀်ꩫ︀က︀ꩫ︀်ႈꩫ︀ႆ︀ႇ ꩭၢင︀်ႇမ︀ႃးꩫ︀မ︀်။

ꩭေပ︀ရ︀ူး 8:4

ꩡ︀ႃႇလ︀ိူင︀်ႈ ꩬ︀င︀်ဝႃႈမ︀ꩫ︀်းꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛꩬ︀ိုင︀်ဢ︀ူမ︀ႃးက︀ီး က︀ွပ︀်ႉပ︀ိူဝ်ႈꩫ︀င︀်က︀ျမ︀်းꩬ︀ိꩫ︀်ꩫ︀က︀ꩫ︀်ႈ ယ︀ီတ︀်ႉပ︀ရ︀ေႃးꩭိက︀်ႉတ︀ၢင︀်က︀ူဝ်ႇ ဢ︀ꩫ︀်ႈတ︀ၢင︀်ၵ︀ႅက︀်ꩫ︀ႆ︀ႇၵ︀ဝ်ယ︀င︀်းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛပ︀ီꩫ︀်ႈ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉꩵ︀ႈꩫ︀ႆ︀ႛ။

ꩭေပ︀ရ︀ူး 9:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ယ︀ႃႇ ဝၢင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ူꩫ︀်းပ︀ူက︀်မ︀ႆ︀ႛꩵ︀ႈꩡ︀ႂ်ႈ ၵ︀ဝ်ႛက︀ႃꩫ︀ႆ︀ႇ။ တ︀ီႈဢ︀ꩫ︀်ႈတ︀ႅက︀်ႉပ︀ုင︀်ꩭၢင︀်ႈမ︀ႆ︀ႛမ︀ဝ်ꩡ︀ႂ်ႈꩬ︀ီ က︀ၢင︀်ႈꩭၢဝ်တ︀ေႇတ︀ေႇမ︀ႆ︀ႛꩬ︀ိုင︀် မ︀ꩫ︀်းꩡ︀ဝ်ႛၵ︀ဝ်ႛက︀ႃင︀ႆ︀း င︀ႆ︀ႚ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ၢင︀်ႈတ︀ူဝ်ႈꩭဝ်းꩬ︀ီဢ︀ူဢ︀ူꩫ︀မ︀်။

ပ︀ေတ︀ရ︀ု ႑ 3:21

ꩫ︀မ︀်ႇဢ︀မ︀ႂ်းယ︀ႃႇ ꩫ︀င︀်ꩫ︀မ︀်ႇဢ︀ꩫ︀်ႈင︀ႆ︀ႚꩬ︀ူ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩬ︀ီ ꩬ︀ူမ︀ႆ︀ႛၵ︀ေꩬ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩬ︀ုက︀်ႉၵ︀ႆ︀းတ︀ူဝ်ႈꩭၢင︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩫ︀ႂ်းꩡ︀ႂ်ႈၵ︀ွꩫ︀်ꩬ︀ူမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭႂ်ႛက︀တ︀ိꩫ︀ႆ︀ႇꩫ︀မ︀်။ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩭီတ︀်င︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇၵ︀ေꩬ︀ေꩭႂ်ႛꩫ︀မ︀်။