ꩭေပ︀ရ︀ူး 9:26 - Khamti Shan26 ꩬ︀င︀်ဝႃႈ င︀ႆ︀းဝႃႈပ︀ုက︀်ႉꩡ︀ူဝ်ꩫ︀မ︀်ꩫ︀က︀ီး လ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ က︀ီလ︀ႆ︀ၢပ︀ၢꩫ︀်ႈဝႃႈၵ︀ၢမ︀်တ︀ႆ︀ၢႈယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩭႂ်ႛပ︀ူဝ်းဢ︀ပ︀ႅတ︀်ႉမ︀ႆ︀ႛဢ︀ဝ်ႈၵ︀ွတ︀်ꩫ︀ႆ︀ႇ တ︀ူဝ်ႈမ︀ꩫ︀်းꩡ︀ဝ်ႛ ပ︀ုက︀်ႉꩡ︀ူဝ်က︀ွတ︀်ꩫ︀ꩬ︀ီ က︀ၢပ︀်ႉပ︀ႆ︀ၢႈꩭၢင︀်မ︀ႆ︀ႛꩬ︀ိုင︀် ꩡ︀ႃႇက︀ူႈꩡ︀ူဝ်ႈလ︀ႆ︀ၢၵ︀ႃး ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈ က︀ျွႃးမ︀ႃးꩫ︀မ︀်။ အခန်းကိုကြည့်ပါ။ |
ꩭေပ︀ရ︀ူး 9:26
36 ပူးပေါင်းရင်းမြစ်များ
ပ︀ူဝ်ꩡ︀ဝ်ႛꩴ︀း က︀ူꩫ︀်းဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛ ꩡ︀ဝ်ႛꩭႂ်ႛဝႆ︀ႇꩫ︀ႆ︀ႇၵ︀ဝ် တ︀ီႈဢ︀ꩫ︀်ႈက︀ဝ်ႈၵ︀ႃႛတ︀ီဢ︀ူမ︀ႆ︀ႛ ၵ︀ဝ်မ︀ႆ︀ႛက︀ေႃႇၵ︀ႂ်ႈꩭႂ်ႛဢ︀ူတ︀ီၵ︀ႃႛဢ︀ူ။ င︀ႆ︀းက︀ီး မ︀ူꩫ︀်ႈၸ︀ုင︀်းဢ︀ꩫ︀်ႈꩡ︀ဝ်ႛက︀ဝ်ႈၵ︀ႃႛမ︀ႆ︀ႛ ꩭႂ်ႛဝႆ︀ႇဢ︀မ︀ႂ်းမ︀ႆ︀ႛ ၵ︀ဝ်ꩭꩫ︀်တ︀ီၵ︀ႃႛဢ︀ူ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ မ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ ဢ︀ꩫ︀်ႈꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ ꩭၢက︀်ႉꩬ︀ီꩭႂ်ႛမ︀ႃးꩫ︀ႆ︀ႇꩫ︀မ︀်။
ꩫ︀ႆ︀ႇꩫ︀က︀ေႃႇ ꩭဝ်းၸ︀ူႛဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ တ︀ီႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛၵ︀ဝ်ႛယ︀ဝ်ႇ။ ပ︀ီꩫ︀်ႈင︀ႆ︀းꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉမ︀ိူဝ်ႈ ၸ︀ၢꩫ︀်ꩬ︀ၢင︀်းက︀မ︀်ၸ︀ႃပ︀ုꩫ︀်ႛ ဢ︀မ︀ူးမ︀ꩫ︀်းꩡ︀ဝ်ႛ ယ︀ဝ်ႇက︀ႃꩫ︀က︀ေႃႇ “က︀ဝ်ႈတ︀ေႃးꩬ︀ႃးꩬ︀ီ က︀ိꩫ︀်ဝႆ︀ႇဢ︀ူ။ ၵ︀ဝ်ယ︀ႃႇတ︀ီႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ဝ်ႈမ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛၵ︀ဝ်ႛ” ꩫ︀ꩬ︀ီ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈꩫ︀မ︀်။
မ︀ꩫ︀်းꩡ︀ဝ်ႛယ︀ႃႇ ꩫ︀င︀်ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉ တ︀ၢင︀်ပ︀ႃးꩫ︀ႆ︀ႇၵ︀ဝ်ꩫ︀က︀ꩫ︀်ႈ ဢ︀ꩫ︀်ႈက︀ူႈမ︀ိုဝ်ႇ ꩡ︀ႃႇဢ︀ပ︀ႅတ︀်ႉၸ︀ူႛꩡ︀ဝ်ႛ တ︀ၢင︀်ၵ︀ႅက︀်ယ︀ဝ်ႇက︀ီး ꩡ︀ႃႇဢ︀ပ︀ႅတ︀်ႉက︀ူꩫ︀်းꩫ︀ႆ︀ႇၵ︀ဝ် တ︀ၢင︀်ၵ︀ႅက︀်ꩫ︀ႆ︀ႇ ꩵ︀ႈဝႃႈꩭီတ︀်။ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛꩬ︀ိုင︀် ꩡ︀ႃႇထႃဝရ︀ ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈတ︀ၢင︀်ၵ︀ႅက︀်ꩬ︀ီ ဢ︀မ︀ူးဢ︀ꩫ︀်ႈတ︀ၢင︀်ၵ︀ႅက︀်ဢ︀မ︀ႂ်း ဢ︀ဝ်ႈယ︀ဝ်ႇလ︀ေႚလ︀ေႚယ︀ဝ်ႇ။
ယ︀ဝ်ႇက︀ီးမ︀ꩫ︀်းꩡ︀ဝ်ႛ တ︀ီႈဢ︀ꩫ︀်ႈၵ︀ႅꩫ︀်းမ︀ူတ︀်ꩡ︀ၢင︀်မ︀ႆ︀ႛ ꩡ︀ႃႇက︀ူꩫ︀်းတ︀င︀်းလ︀ုင︀် ၵ︀ဝ်ႛက︀ႃꩬ︀ီꩭဝ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ꩡ︀ူဝ်ႈထႃဝရ︀က︀ေႛၵ︀ျွတ︀်ႉꩭႂ်ႛယ︀ဝ်ႇ။ မ︀ိူဝ်ႈဢ︀မ︀ႂ်း ဢ︀ဝ်ႈꩫ︀ိူတ︀်ႉင︀ူဝ်းဢ︀ွꩫ︀်၊ ꩫ︀ိူတ︀်ႉပ︀ေႇယ︀ႃႛꩫ︀ႆ︀ႇၵ︀ဝ်မ︀ဝ်ꩡ︀ႂ်ႈꩬ︀ီ ဢ︀ဝ်ႈꩫ︀ိူတ︀်ႉမ︀ꩫ︀်းၸ︀ူႛꩡ︀ဝ်ႛꩬ︀ိုင︀် ꩡ︀ႃႇထႃဝရ︀ ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈ ပ︀ုက︀်ႉꩡ︀ူဝ်မ︀ႃးꩫ︀မ︀်။
ꩫ︀ိူတ︀်ႉꩡ︀ဝ်ႛၵ︀ရ︀ီတ︀်ယ︀ႃႇ ၵ︀ႆ︀ႇမ︀ဝ်က︀ႃးပ︀ီꩫ︀်ႈပ︀ေႇဢ︀ူ။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းၸ︀ူႛꩡ︀ဝ်ႛ ꩭီတ︀်ၵ︀ႅက︀်ဢ︀ꩫ︀်ႈတ︀ီမ︀်ႈက︀ုမ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်ထႃဝရ︀ ပ︀ုက︀်ႉꩡ︀ူဝ်မ︀ႃးယ︀ဝ်ႇ။ ꩫ︀ိူတ︀်ႉမ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛ မ︀ိုင︀်ႇꩫ︀ႆ︀ႛꩫ︀ႆ︀ႇ ꩡ︀ႂ်ႈၵ︀ွꩫ︀်ꩭဝ်းမ︀ႆ︀ႛ တ︀ၢင︀်းက︀ႅင︀်း ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ꩬ︀ုက︀်ႉဢ︀ဝ်ႈတ︀ွင︀်ꩭႂ်ႛဢ︀ူ။
ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ၵ︀ႂ်ႈက︀ၢပ︀်ꩭီတ︀်ꩬ︀ီ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀် ၵ︀ႂ်ႈꩭီတ︀်က︀ႃꩫ︀ႆ︀ႇ ဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛပ︀ၢက︀်ႉꩬ︀ီ က︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ င︀ႆ︀ႚ ꩬ︀ူ ꩫ︀ႆ︀ႛဢ︀ူꩫ︀ီႈၵ︀ျမ︀်းꩬ︀ႃꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ီႈꩡ︀ီပ︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ꩫ︀မ︀်။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။
တ︀ူဝ်ႈꩭႆ︀ၢႇဢ︀မ︀ႂ်းယ︀ႃႇ ဢ︀ꩫ︀်ႈမ︀ိူဝ်ႈꩫ︀ꩫ︀်ႇယ︀င︀်းမ︀ႃးꩫ︀မ︀်။ င︀ႆ︀ႚယ︀ႃႇꩵ︀ႈယ︀င︀်းယ︀ဝ်ႇ။ ꩫ︀ႆ︀ႇꩫ︀က︀ေႃႇ တ︀ူဝ်ႈဢ︀မ︀ႂ်း မ︀ဝ်ꩭိုင︀်က︀ꩬ︀င︀် လ︀ုက︀်ႉထၢင︀်ၵ︀ူင︀်းတ︀ႆ︀ၢႈမ︀ႆ︀ႛ ဢ︀ွက︀်မ︀ႃးꩬ︀ီ ပ︀ႆ︀ၢႈꩭၢင︀်မ︀ႆ︀ႛ တ︀ီလ︀ူႇက︀ႃꩫ︀မ︀်။ က︀ူꩫ︀်းဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်ယ︀ႃႇ တ︀ူဝ်ႈꩭႆ︀ၢႇဢ︀ꩫ︀်ႈꩭွꩫ︀်ယ︀င︀်းမ︀ႃးꩬ︀ီ င︀ႆ︀ႚမ︀ဝ်ယ︀င︀်းꩫ︀က︀ေႃႇ က︀ꩫ︀်ႛꩫ︀ႃႛမ︀ႆ︀ႛတ︀ီယ︀င︀်းမ︀ႃးဢ︀မ︀ႂ်းမ︀ႆ︀ႛꩭꩫ︀်က︀ီး တ︀ီဢ︀ၢမ︀်းက︀ꩫ︀်ႈꩫ︀မ︀်။
ကြော်ငြာတွေ