ꩭေပ︀ရ︀ူး 8:4 - Khamti Shan

⁴ ꩡ︀ႃႇလ︀ိူင︀်ႈ ꩬ︀င︀်ဝႃႈမ︀ꩫ︀်းꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛꩬ︀ိုင︀်ဢ︀ူမ︀ႃးက︀ီး က︀ွပ︀်ႉပ︀ိူဝ်ႈꩫ︀င︀်က︀ျမ︀်းꩬ︀ိꩫ︀်ꩫ︀က︀ꩫ︀်ႈ ယ︀ီတ︀်ႉပ︀ရ︀ေႃးꩭိက︀်ႉတ︀ၢင︀်က︀ူဝ်ႇ ဢ︀ꩫ︀်ႈတ︀ၢင︀်ၵ︀ႅက︀်ꩫ︀ႆ︀ႇၵ︀ဝ်ယ︀င︀်းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛပ︀ီꩫ︀်ႈ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉꩵ︀ႈꩫ︀ႆ︀ႛ။

ꩭေပ︀ရ︀ူး 8:4 ပူးပေါင်းရင်းမြစ်များ

ꩭေပ︀ရ︀ူး 10:11

က︀ꩫ︀်ႛတ︀ႂ်ႛၵ︀ၢမ︀်းၵ︀တ︀်ႉက︀ဝ်မ︀ႆ︀ႛယ︀ႃႇ ယ︀ီတ︀်ႉပ︀ရ︀ေႃးꩭိက︀်ႉꩫ︀ႆ︀ႇၵ︀ဝ် က︀ူႈမ︀ိုဝ်ႇက︀ူႈဝꩫ︀်း ပ︀ၢင︀်ႈꩫ︀ႃႛၵ︀ီင︀်ၵ︀ႅက︀်မ︀ႆ︀ႛꩬ︀ဝ်းꩬ︀ီ ၵ︀ႅက︀်ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈ ဢ︀ꩫ︀်ႈဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩭႆ︀ၢမ︀ဝ်ပ︀ီꩫ︀်ႈꩫ︀ႆ︀ႇ က︀ီလ︀ႆ︀ၢပ︀ၢꩫ︀်ႈ ꩫ︀ႆ︀ႛပ︀ုက︀်ႉꩡ︀ူဝ်ဢ︀ူꩫ︀မ︀်။

ꩭေပ︀ရ︀ူး 11:4

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ဢ︀ႃၿေလ︀ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ႅက︀်ဢ︀ꩫ︀်ႈက︀ႃဢ︀ိꩫ︀ပ︀ုက︀်ႉꩡ︀ူဝ်မ︀ႆ︀ႛ မ︀ႅတ︀်ႉꩬ︀ႃꩫ︀ႆ︀ႇ ပ︀ုက︀်ႉꩡ︀ူဝ်မ︀ႃးဢ︀ူ။ င︀ႆ︀းꩬ︀ီ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်င︀ႆ︀း ၵ︀ႅက︀်မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉမ︀ႃးဢ︀ူ။ မ︀ꩫ︀်းယ︀ႃႇ တ︀ႆ︀ၢႈက︀ႃꩫ︀က︀ေႃႇ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈမ︀ꩫ︀်းꩬ︀ီ င︀ႆ︀ႚက︀ေႃႇ ꩭဝ်းမ︀ႆ︀ႛၵ︀ၢမ︀်းတ︀ၢꩫ︀်ႛဢ︀ူꩫ︀မ︀်။

ꩭေပ︀ရ︀ူး 5:1

ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉꩫ︀ꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉက︀ူꩫ︀်းမ︀ႆ︀ႛ လ︀ိူက︀်ႉင︀ႆ︀း တ︀ၢင︀်ႈတ︀ူဝ်ႈက︀ူꩫ︀်းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ုက︀်ႉꩡ︀ူဝ်ၵ︀ိူင︀်ႈလ︀ူင︀ႆ︀း တ︀ၢင︀်ၵ︀ႅက︀်ꩡ︀ႃႇဢ︀ပ︀ႅတ︀်ႉꩫ︀မ︀်။

ꩭေပ︀ရ︀ူး 7:27

မ︀ꩫ︀်းꩡ︀ဝ်ႛယ︀ႃႇ ꩫ︀င︀်ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉ တ︀ၢင︀်ပ︀ႃးꩫ︀ႆ︀ႇၵ︀ဝ်ꩫ︀က︀ꩫ︀်ႈ ဢ︀ꩫ︀်ႈက︀ူႈမ︀ိုဝ်ႇ ꩡ︀ႃႇဢ︀ပ︀ႅတ︀်ႉၸ︀ူႛꩡ︀ဝ်ႛ တ︀ၢင︀်ၵ︀ႅက︀်ယ︀ဝ်ႇက︀ီး ꩡ︀ႃႇဢ︀ပ︀ႅတ︀်ႉက︀ူꩫ︀်းꩫ︀ႆ︀ႇၵ︀ဝ် တ︀ၢင︀်ၵ︀ႅက︀်ꩫ︀ႆ︀ႇ ꩵ︀ႈဝႃႈꩭီတ︀်။ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛꩬ︀ိုင︀် ꩡ︀ႃႇထႃဝရ︀ ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈတ︀ၢင︀်ၵ︀ႅက︀်ꩬ︀ီ ဢ︀မ︀ူးဢ︀ꩫ︀်ႈတ︀ၢင︀်ၵ︀ႅက︀်ဢ︀မ︀ႂ်း ဢ︀ဝ်ႈယ︀ဝ်ႇလ︀ေႚလ︀ေႚယ︀ဝ်ႇ။

ꩭေပ︀ရ︀ူး 8:3

ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉတ︀င︀်းလ︀ုင︀်ယ︀ႃႇ ၵ︀ိူင︀်ႈလ︀ူꩫ︀ၵ︀ႃတ︀ူဝ်ႈၵ︀ႅက︀်ဝႃႈ ပ︀ုက︀်ႉꩡ︀ူဝ်ꩫ︀ႆ︀ႇꩬ︀ီ ꩡ︀ဝ်ႛၵ︀ရ︀ီတ︀်က︀ေႃႇ ꩭၢင︀်းပ︀ုက︀်ႉꩡ︀ူဝ်ဢ︀ꩫ︀်ႈလ︀ိူင︀်ႈယ︀ႃႇ ꩭၢင︀်ႇမ︀ႃးဢ︀ူ။

ꩭေပ︀ရ︀ူး 9:9

ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းယ︀ႃႇ ပ︀ီꩫ︀်ႈပ︀ုင︀်ꩭၢင︀်ႈꩡ︀ူဝ်ႈင︀ႆ︀ႚꩫ︀မ︀်။ ၵ︀ိူင︀်ႈလ︀ူꩫ︀ၵ︀ႃၵ︀ႅက︀်ꩫ︀ႆ︀ႇၵ︀ဝ်ယ︀ႃႇ ꩡ︀ႂ်ႈၵ︀ွꩫ︀်ၸ︀ူႛဝႆ︀ႈၸ︀ြႃးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩡ︀ုꩫ︀်ႈꩡ︀ၢင︀်ꩭႂ်ႛꩵ︀ႈꩫ︀ႆ︀ႛꩫ︀ꩫ︀ႆ︀ႇ ပ︀ုတ︀်ပ︀ျႃးဢ︀ူꩫ︀မ︀်။