ꩭေပ︀ရ︀ူး 8:13 - Khamti Shan

¹³ မ︀ိူဝ်ႈမ︀ꩫ︀်းꩡ︀ဝ်ႛ လ︀ိက︀်ႉၵ︀တ︀်ႉမ︀ႂ်ꩫ︀ꩬ︀ီဝႃႈꩫ︀ႆ︀ႇ လ︀ိက︀်ႉၵ︀တ︀်ႉဢ︀ꩫ︀်ႈဢ︀ွꩫ︀်ႈတ︀ၢင︀်းမ︀ႆ︀ႛ ဢ︀ဝ်ႈက︀ဝ်ယ︀ဝ်ႇ။ ဢ︀ꩫ︀်ႈက︀ဝ်ꩫ︀ꩫ︀ႆ︀ႇယ︀ႃႇ တ︀ိုဝ်းမ︀ဝ်ꩫ︀ႆ︀ႛꩬ︀ီ တ︀ီꩭႆ︀ၢက︀ႃꩫ︀မ︀်။

ꩭေပ︀ရ︀ူး 8:13 ပူးပေါင်းရင်းမြစ်များ

မ︀တ︀်တ︀ႄး 24:35

က︀ၢင︀်ႈၸ︀ႃႇꩫ︀ၵ︀ႃက︀မ︀်ၸ︀ႃပ︀ႅက︀်ႉက︀ႃꩫ︀က︀ေႃႇ ၵ︀ၢမ︀်းက︀ဝ်ႈယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈပ︀ႅက︀်ႉ။

လ︀ုက︀ႃ 22:20

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၵ︀ဝ်ႛပ︀ၢင︀်ႛၵ︀မ︀်ႈက︀ိꩫ︀်ႈယ︀ဝ်ႇက︀ီး မ︀ꩫ︀်းꩡ︀ဝ်ႛ က︀ွက︀်ဝၢႆ︀မ︀က︀်ꩡ︀ပ︀ႅတ︀်ႉဢ︀မ︀ႂ်းဢ︀ဝ်ႈꩬ︀ီ “ဢ︀ꩫ︀်ႈꩫ︀ႆ︀ႇယ︀ႃႇ ꩫ︀ိူတ︀်ႉက︀ဝ်ႈ ဢ︀ꩫ︀်ႈꩡ︀ႃႇꩬ︀ူလ︀ူဝ်၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၵ︀ၢမ︀်းၵ︀တ︀်ႉမ︀ႂ်မ︀ႆ︀ႛ တ︀ွက︀်ꩡ︀ုမ︀်ႛꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 13:8

မ︀ႅတ︀်ႉတ︀ႃꩭဝ်းယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈမ︀ူတ︀်ꩡ︀ၢင︀်ႈ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ၊ ဢ︀ꩫ︀်ႈတ︀ၢꩫ︀်ႛၵ︀ၢမ︀်းလ︀ၢက︀်လ︀ႆ︀ၢး၊ တ︀ၢင︀်းꩡ︀ၢင︀်ႈဢ︀ꩫ︀်ႈတ︀ွင︀်းဝႆ︀ႇꩫ︀ႆ︀ႇၵ︀ဝ်ယ︀ႃႇ တ︀ီꩭၢႆ︀က︀ႃမ︀ူတ︀်ꩫ︀မ︀်။

က︀ေႃရ︀ိꩫ︀်တ︀ု ႒ 3:6

မ︀ꩫ︀်းꩡ︀ဝ်ႛꩫ︀မ︀် တ︀ူႈမ︀ႆ︀ႛတ︀ꩫ︀်းၵ︀ူဝ်းꩭႂ်ႛꩬ︀ီ ꩭႂ်ႛထၢမ︀်းဢ︀မ︀ူး ၵ︀ၢမ︀်းၵ︀တ︀်ႉမ︀ႂ်ꩫ︀ႆ︀ႇ။ ၵ︀ၢမ︀်းၵ︀တ︀်ႉꩫ︀ႆ︀ႇယ︀ႃႇ ꩬ︀ိꩫ︀်ဢ︀ꩫ︀်ႈဢ︀ဝ်ႈလ︀ိက︀်ႉတ︀ႅမ︀်ႛꩭႂ်ႛꩵ︀ႈꩡ︀ႂ်ႈ။ တ︀ြႃးဢ︀ꩫ︀်ႈ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩭႂ်ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ိꩫ︀်ဢ︀ꩫ︀်ႈဢ︀ဝ်ႈလ︀ိက︀်ႉတ︀ႅမ︀်ႛꩭႂ်ႛꩫ︀ႆ︀ႇယ︀ႃႇ ꩭဝ်းမ︀ႆ︀ႛတ︀ၢင︀်းတ︀ႆ︀ၢႈꩭႂ်ႛꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ꩬ︀ၢက︀်ႉꩭႂ်ႛဢ︀ူ။

က︀ေႃရ︀ိꩫ︀်တ︀ု ႒ 5:17

င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ဝ်ဝႃႈ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ီး ပ︀ီꩫ︀်ႈက︀ူꩫ︀်းမ︀ႂ်မ︀ႃးယ︀ဝ်ႇ။ က︀ူဝ်ႇဢ︀မ︀ႂ်းယ︀ႃႇ ꩡ︀တ︀်ႉက︀ဝ်တ︀ႆ︀ၢႈက︀ႃꩬ︀ီ ပ︀ီꩫ︀်ႈꩡ︀တ︀်ႉမ︀ႂ်ယ︀ဝ်ႇ။

ꩭေပ︀ရ︀ူး 1:11

ဢ︀မ︀ႂ်းၵ︀ဝ် လ︀ူႇပ︀ႅက︀်ႉက︀ႃꩫ︀က︀ေႃႇ ၵ︀ိင︀်းတ︀ူဝ်ꩡ︀ဝ်ႛယ︀ႃႇ မ︀ိူဝ်ႈလ︀ႂ်ႈက︀ေႃႇ တ︀ီယ︀င︀်းဢ︀ူꩫ︀မ︀်။ ဢ︀ꩫ︀်ႈက︀ႃႈꩫ︀င︀်ယ︀င︀်းꩫ︀ႆ︀ႇၵ︀ဝ်ယ︀ႃႇ ꩫ︀င︀်ၵ︀ိူင︀်ႈꩫ︀ုင︀်ႈꩫ︀က︀ꩫ︀်ႈ တ︀ီက︀ဝ်က︀ႃꩫ︀မ︀်။

ꩭေပ︀ရ︀ူး 12:24

ပ︀ၢင︀်ႈꩫ︀ႃႛꩡ︀ဝ်ႛယ︀ေꩬ︀ု ၸ︀ူႛဢ︀ꩫ︀်ႈတ︀င︀်းꩭဝ်းꩭီတ︀်ၵ︀ၢမ︀်းၵ︀တ︀်ႉမ︀ႂ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း ꩫ︀ိူတ︀်ႉမ︀ꩫ︀်းꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛၸ︀ွက︀်ꩭႂ်ႛ ဢ︀ꩫ︀်ႈꩫ︀ိူတ︀်ႉဢ︀ႃၿေလ︀မ︀ႆ︀ႛ က︀တ︀ိဢ︀ꩫ︀်ႈယ︀ႂ်မ︀ႅတ︀်ႉꩬ︀ႃꩭႂ်ႛမ︀ႆ︀ႛတ︀မ︀ိူင︀်းꩬ︀ူထိုင︀်ယ︀ဝ်ႇ။

ꩭေပ︀ရ︀ူး 7:22

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုယ︀ႃႇ ဢ︀ႃႛမ︀ၵ︀ၢမ︀်ၵ︀ၢမ︀်းၵ︀တ︀်ႉ ဢ︀ꩫ︀်ႈမ︀ႅတ︀်ႉꩬ︀ႃꩫ︀မ︀်။

ꩭေပ︀ရ︀ူး 8:6

ꩫ︀ႆ︀ႇꩫ︀က︀ေႃႇ င︀ႆ︀ႚꩡ︀ဝ်ႛယ︀ေꩬ︀ုယ︀ႃႇ လ︀ိက︀်ႉၵ︀တ︀်ႉဢ︀ꩫ︀်ႈမ︀ႅတ︀်ႉꩬ︀ႃ ဢ︀ꩫ︀်ႈက︀တ︀ိဢ︀ꩫ︀်ႈမ︀ႅတ︀်ႉꩬ︀ႃမ︀ႆ︀ႛ ꩭီတ︀်င︀ဝ်ႛဝႆ︀ႇမ︀ႆ︀ႛ က︀ၢပ︀်က︀ႆ︀ၢဢ︀ဝ်ႈꩫ︀ီႈꩭႂ်ႛꩫ︀ႆ︀ႇꩬ︀ီ ဢ︀ဝ်ႈတ︀ၢင︀်းဢ︀ꩫ︀်ႈꩫ︀ီႈꩬ︀ႃꩫ︀ႆ︀ႇ ꩫ︀ႆ︀ႛꩭီတ︀်ဢ︀မ︀ူးၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉယ︀ဝ်ႇ။

ꩭေပ︀ရ︀ူး 8:8

ꩫ︀ႆ︀ႇꩫ︀က︀ေႃႇ မ︀ိူဝ်ႈတ︀ၢင︀်းၸ︀ိတ︀်က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭꩫ︀်ꩫ︀ႆ︀ႇ မ︀ꩫ︀်းꩡ︀ဝ်ႛယ︀ႃႇ “ꩡ︀ဝ်ႛထႃဝရ︀ၸ︀ြႃးဝႃႈꩫ︀ႆ︀ႇ ဝꩫ︀်းဝူင︀်ႈ ဢ︀ꩫ︀်ႈတ︀င︀်းၸ︀ꩫ︀်းဢ︀ီတ︀်ꩬ︀ြေးꩫ︀ၵ︀ႃ ၸ︀ꩫ︀်းယ︀ုတ︀မ︀ႆ︀ႛ ꩭီတ︀်ၵ︀ၢမ︀်းၵ︀တ︀်ႉမ︀ႂ်ꩫ︀ႆ︀ႇ တ︀ီထိုင︀်မ︀ႃးယ︀ဝ်ႇ။

ꩭေပ︀ရ︀ူး 9:15

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛၵ︀ရ︀ီတ︀်ယ︀ႃႇ ꩡ︀ႃႇၵ︀ၢမ︀်းၵ︀တ︀်ႉမ︀ႂ် ပ︀ီꩫ︀်ႈၸ︀ူႛက︀ၢပ︀်က︀ၢႆ︀ဢ︀ဝ်ႈꩫ︀ီႈꩭႂ်ႛꩫ︀မ︀်။ ၵ︀ၢမ︀်းၵ︀တ︀်ႉမ︀ႂ်ဢ︀မ︀ႂ်းယ︀ႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇဝႆ︀ႇꩫ︀ႆ︀ႇၵ︀ဝ် ဢ︀က︀ိဝ်းထႃဝရ︀ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇ ꩫ︀ႆ︀ႛꩭၢပ︀်ႉက︀ꩫ︀်ႈꩫ︀ႆ︀ႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩭဝ်း လ︀ုက︀်ႉဢ︀ပ︀ႅတ︀်ႉ ဢ︀ꩫ︀်ႈၵ︀ၢမ︀်းၵ︀တ︀်ႉက︀ဝ်မ︀ႆ︀ႛ ၸ︀ိတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛလ︀ွတ︀်ႉꩫ︀ႆ︀ႇ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။