ꩭေပ︀ရ︀ူး 7:6 - Khamti Shan

⁶ မ︀ေလ︀ၵ︀ိꩡ︀ေတ︀ိက︀်ယ︀ႃႇ လ︀ုက︀်ႉၵ︀ိူဝ်းလ︀ေဝိမ︀ႆ︀ႛ မ︀ဝ်ꩡ︀ႂ်ႈꩫ︀က︀ေႃႇ လ︀ုက︀်ႉဢ︀ႃပ︀ြႃꩭၢမ︀် က︀ူဝ်ႇဢ︀ꩫ︀်ႈက︀တ︀ိၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛဝႆ︀ႇမ︀ႆ︀ႛ ꩬ︀ိပ︀်ꩡ︀ႃႇꩡ︀ႃႇလ︀ိူင︀်ႈ ꩭၢပ︀်ႉဢ︀ဝ်ႈꩬ︀ီ မ︀ꩫ︀်းမ︀ႆ︀ႛဢ︀က︀ိဝ်းပ︀ူင︀်ႈꩭႂ်ႛမ︀ႃးဢ︀ူ။

ꩭေပ︀ရ︀ူး 7:6 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 3:25

က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ုက︀်ႉပ︀ရ︀ေႃးၸ︀ႅတ︀်ႉဢ︀မ︀ႂ်းၵ︀ဝ်မ︀ႆ︀ႛꩭႂ်ႛမ︀ႃးꩫ︀ႆ︀ႇ ꩡ︀ႃႇꩭၢင︀်းꩬ︀ူꩫ︀မ︀်။ ၵ︀ၢမ︀်းၵ︀တ︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀င︀်းပ︀ူလ︀ီꩫ︀်ꩬ︀ူꩭီတ︀်မ︀ႃးꩫ︀ႆ︀ႇၵ︀ဝ်က︀ေႃႇ ꩡ︀ႃႇꩭၢင︀်းꩬ︀ူꩫ︀မ︀်။ ဢ︀ႃပ︀ြႃꩭၢမ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇ “လ︀ုက︀်ႉꩡ︀ိူဝ်ႇၸ︀ꩫ︀်းမ︀ႂ်းမ︀ႆ︀ႛ က︀ူꩫ︀်းက︀မ︀်ၸ︀ႃတ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ီပ︀ူင︀်ႈဢ︀က︀ိဝ်းꩫ︀မ︀်” ꩫ︀ဝꩫ︀်ႇ။

ရ︀ေႃမ︀ 4:13

မ︀ိူဝ်ႈ ဢ︀ႃပ︀ြႃꩭၢမ︀်င︀ႆ︀း ꩡ︀ိူဝ်ႇၵ︀ိူဝ်းမ︀ꩫ︀်းၵ︀ဝ်မ︀ႆ︀ႛ တ︀င︀်းက︀မ︀်ၸ︀ႃꩭႂ်ႛက︀ွတ︀်ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛမ︀ႃးꩫ︀ႆ︀ႇ လ︀ႆ︀ၢးပ︀ိူဝ်ႈမ︀ꩫ︀်းꩡ︀ွမ︀်းက︀ျမ︀်းꩬ︀ိꩫ︀်ꩬ︀ီꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈမ︀ꩫ︀်းꩬ︀ီ မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်မ︀ႃးꩫ︀ႆ︀ႇꩬ︀ီꩫ︀မ︀်။

ရ︀ေႃမ︀ 9:4

ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉꩬ︀ီ ဢ︀ဝ်ႈပ︀ီꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛဝႆ︀ႇꩫ︀ႆ︀ႇၵ︀ဝ်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ပ︀ျႃးꩭႂ်ႛမ︀ႃးယ︀ဝ်ႇ။ ၵ︀ၢမ︀်းၵ︀တ︀်ႉꩫ︀ႆ︀ႇၵ︀ဝ်က︀ေႃႇ တ︀င︀်းၵ︀ဝ်ၵ︀တ︀်ႉဝႆ︀ႇꩬ︀ီ က︀ျမ︀်းꩬ︀ိꩫ︀်မ︀ꩫ︀်းꩡ︀ဝ်ႛက︀ေႃႇ ၵ︀ဝ်မ︀ႆ︀ႛꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛ ꩭလ︀ိုဝ်ဝႃႈပ︀ႆ︀ၢႛဝႆ︀ႈꩫ︀ꩫ︀ႆ︀ႇ ၵ︀ဝ်မ︀ႆ︀ႛပ︀ျႃးꩭႂ်ႛꩬ︀ီ က︀တ︀ိꩫ︀ႆ︀ႇၵ︀ဝ်က︀ေႃႇ ၵ︀ဝ်မ︀ႆ︀ႛꩭႂ်ႛမ︀ႃးယ︀ဝ်ႇ။

က︀လ︀ႃတ︀ိ 3:16

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်င︀ႆ︀း ꩡ︀ိူဝ်ႇၵ︀ိူဝ်းမ︀ꩫ︀်းမ︀ႆ︀ႛ က︀တ︀ိꩭႂ်ႛဝႆ︀ႇမ︀ႃးဢ︀ူ။ ꩡ︀ိူဝ်ႇၵ︀ိူဝ်းမ︀ꩫ︀်းꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ က︀ူꩫ︀်းꩫ︀မ︀်ꩰမ︀ႆ︀ႛဝႃႈမ︀ဝ်ꩡ︀ႂ်ႈꩬ︀ီ က︀ူဝ်ႇလ︀ိဝ်ႈမ︀ႆ︀ႛꩫ︀ႆ︀ၢႈꩡ︀ိုဝ်ဝႆ︀ႇꩫ︀မ︀်။ က︀ူဝ်ႇဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

ꩭေပ︀ရ︀ူး 11:13

က︀ူဝ်ႇဢ︀ꩫ︀်ႈင︀ႆ︀ႚဝႃႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ယ︀ုမ︀်ယ︀မ︀်ႈꩬ︀ီတ︀ႆ︀ၢႈက︀ႃယ︀ဝ်ႇ။ ၵ︀ဝ်ယ︀ႃႇ ဢ︀ꩫ︀်ႈက︀တ︀ိꩭႂ်ႛဝႆ︀ႇဢ︀မ︀ႂ်းမ︀ႆ︀ႛ မ︀ဝ်ꩫ︀ႆ︀ႛꩭၢပ︀်ႉမ︀ႃးꩫ︀က︀ေႃႇ လ︀ုက︀်ႉတ︀ီႈက︀ႆ︀ႈမ︀ႆ︀ႛꩭꩫ︀်င︀ႆ︀း ꩭၢပ︀်ႉတ︀ွꩫ︀်ႛမ︀ႃးဢ︀ူ။ က︀မ︀်ၸ︀ႃꩫ︀ႆ︀ႇမ︀ႆ︀ႛယ︀ႃႇ ၵ︀ဝ်ပ︀ီꩫ︀်ႈက︀ူꩫ︀်းတ︀ၢင︀်မ︀ိူင︀်းင︀ႆ︀း ပ︀ီꩫ︀်ႈပ︀ီႈꩫ︀ွင︀်ႇꩬ︀ီဢ︀ူꩫ︀မ︀်ꩫ︀ꩫ︀ႆ︀ႇ ၵ︀ဝ်ꩭၢပ︀်ႉၵ︀ၢမ︀်ꩡ︀ုꩫ︀်ႈꩰက︀ႃဢ︀ူ။

ꩭေပ︀ရ︀ူး 11:17

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ဢ︀ႃပ︀ြႃꩭၢမ︀်ယ︀ႃႇ မ︀ိူဝ်ႈမ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩡ︀ၢမ︀်းꩫ︀ႆ︀ႇ လ︀ုက︀်ႉမ︀ꩫ︀်းဢ︀ေꩬ︀က︀်မ︀ႆ︀ႛ တ︀ၢင︀်ၵ︀ႅက︀်မ︀ႃးဢ︀ူ။ “လ︀ုက︀်ႉဢ︀ေꩬ︀က︀်မ︀ႆ︀ႛꩫ︀မ︀် ၵ︀ိူဝ်းမ︀ႂ်းတ︀ီပ︀ႃးမ︀ႃးꩫ︀ႆ︀ႇ” ꩫ︀ꩬ︀ီ မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛဝႆ︀ႇမ︀ႃးꩫ︀က︀ေႃႇ မ︀ꩫ︀်းယ︀ႃႇ လ︀ုက︀်ႉꩡ︀ႆ︀ၢးမ︀ꩫ︀်း ဢ︀ꩫ︀်ႈက︀ူဝ်ႇလ︀ိူင︀်ႈꩫ︀ႆ︀ၢႈယ︀င︀်းဢ︀မ︀ႂ်းမ︀ႆ︀ႛ တ︀ၢင︀်ၵ︀ႅက︀်မ︀ႃးဢ︀ူ။

ꩭေပ︀ရ︀ူး 7:1

မ︀ေလ︀ၵ︀ိꩡ︀ေတ︀ိက︀်ꩫ︀ႆ︀ႇယ︀ႃႇ ꩡ︀ဝ်ႛꩭူဝ်ၵ︀မ︀်းꩬ︀ႃလ︀ိမ︀် ယ︀ီတ︀်ႉပ︀ရ︀ေႃးꩭိက︀်ႉၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈၵ︀ႅꩫ︀်းꩬ︀ုင︀်မ︀ႅတ︀်ႉꩫ︀မ︀်။ မ︀ꩫ︀်းယ︀ႃႇ မ︀ိူဝ်ႈဢ︀ႃပ︀ြႃꩭၢမ︀် ꩡ︀ဝ်ႛꩭူဝ်ၵ︀မ︀်းꩬ︀ီပ︀ႃးမ︀ႆ︀ႛတ︀ိက︀်ပ︀ေႇꩬ︀ီ ပ︀ွက︀်ႉမ︀ႃးꩫ︀ႆ︀ႇ ဢ︀ႃပ︀ြႃꩭၢမ︀်မ︀ႆ︀ႛꩭၢပ︀်ႉတ︀ွꩫ︀်ႛꩬ︀ီ ဢ︀က︀ိဝ်းပ︀ူင︀်ႈꩭႂ်ႛမ︀ႃးဢ︀ူ။

ꩭေပ︀ရ︀ူး 7:7

က︀ူဝ်ႇဢ︀ꩫ︀်ႈပ︀ူင︀်ႈဢ︀က︀ိဝ်းꩫ︀ႆ︀ႇယ︀ႃႇ က︀ူဝ်ႇဢ︀ꩫ︀်ႈꩭၢပ︀်ႉဢ︀က︀ိဝ်းမ︀ႆ︀ႛ ယ︀ႂ်ꩬ︀ႃဢ︀ူꩫ︀ꩫ︀ႆ︀ႇ ၸ︀ႂ်က︀ေႃႇတ︀ွင︀်းဢ︀ူ။