Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꩭေပ︀ရ︀ူး 6:4 - Khamti Shan

4 က︀ူꩫ︀်းဢ︀ꩫ︀်ႈ တ︀ၢင︀်းယ︀ုမ︀်ယ︀မ︀်ႈၵ︀ဝ်မ︀ႆ︀ႛ ၵ︀ွတ︀်က︀ႃꩫ︀ႆ︀ႇၵ︀ဝ် ꩭႂ်ႛပ︀ူဝ်းꩬ︀ၢင︀်ဝွေပ︀ွက︀်ႉꩫ︀ႆ︀ႇ ꩭလ︀ိုဝ်က︀ေႃႇꩵ︀ႈပ︀ီꩫ︀်ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ဢ︀ꩫ︀်ႈလ︀ႅင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭွꩫ︀်ထိုင︀်မ︀ႃးယ︀ဝ်ႇ။ ꩬ︀ူးက︀ျေးꩡ︀ူးက︀ၢင︀်ႈꩭၢဝ်မ︀ႆ︀ႛက︀ေႃႇ ꩭူပ︀်ႉꩭꩫ︀်ꩬ︀ီၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩫ︀ႆ︀ႛမ︀ႃးယ︀ဝ်ႇ။

အခန်းကိုကြည့်ပါ။ ကော်ပီ




ꩭေပ︀ရ︀ူး 6:4
38 ပူးပေါင်းရင်းမြစ်များ  

ၸ︀ီꩭၢႆ︀ႇဢ︀ꩫ︀်ႈမ︀ꩫ︀်းမ︀ႆ︀ႛꩭႆ︀ၢႇꩬ︀ႃ ꩡ︀ီတ︀်တ︀ူဝ်ႈမ︀ႆ︀ႛက︀ႃꩭွင︀်ႇမ︀ႃးꩬ︀ီ ဢ︀မ︀ႂ်းမ︀ႆ︀ႛ ၵ︀ဝ်ꩭူမ︀်ႈဢ︀ူဢ︀ူ။ င︀ႆ︀းꩬ︀ီ က︀ူဝ်ႇဢ︀ꩫ︀်ႈၸ︀ီꩭၢႆ︀ႇၵ︀ဝ်ႛပ︀ွက︀်ႉဢ︀မ︀ႂ်းယ︀ႃႇ ꩬ︀ႃတ︀ီမ︀ိူဝ်ႈင︀ႃးက︀ꩫ︀်ႛꩫ︀ႃႛ ꩭၢႆ︀ႇꩡ︀ႃႇက︀ႃယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ူꩫ︀်းꩭႆ︀ၢႇ ꩡ︀ူဝ်ႈပ︀ၢꩫ︀်ႈင︀ႆ︀ႚꩫ︀ႆ︀ႇၵ︀ဝ်က︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈတ︀ီပ︀ီꩫ︀်ႈꩫ︀မ︀်။


ꩬ︀ူယ︀ႃႇ က︀ွꩫ︀်ႛက︀ိူဝ်ႈꩡ︀ႃႇၸ︀ꩫ︀်းက︀ူꩫ︀်းတ︀င︀်းမ︀ိူင︀်းꩫ︀က︀ꩫ︀်ႈꩫ︀မ︀်။ က︀ိူဝ်ႈꩫ︀ꩫ︀ႆ︀ႇ တ︀တ︀်ႉဢ︀ꩫ︀်ႈꩡ︀ိမ︀်းꩫ︀ႆ︀ႇꩭႆ︀ၢက︀ႃက︀ီး ဢ︀ဝ်ႈꩡ︀ိမ︀်းပ︀ွက︀်ႉမ︀ဝ်ꩫ︀ႆ︀ႇꩬ︀ီ ဢ︀ꩬ︀ုင︀်းက︀ꩬ︀င︀်က︀ေႃႇ ꩵ︀ႈယ︀င︀်းယ︀ဝ်ႇ။ င︀ႆ︀းက︀ီး ၵ︀ူꩫ︀်တ︀ၢင︀်းမ︀ႆ︀ႛပ︀ိုဝ်ၵ︀ွတ︀်ꩬ︀ီ ꩭၢင︀်းပ︀ိူꩫ︀်ႈယ︀ီပ︀်ပ︀ူꩫ︀်ႇက︀ႃꩫ︀ႆ︀ၢႈꩫ︀မ︀်။


က︀ူဝ်ႇဢ︀ꩫ︀်ႈက︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ မ︀ဝ်ဢ︀ူꩫ︀ႆ︀ႇယ︀ႃႇ ꩫ︀င︀်ၵ︀ႃႈမ︀ႆ︀ႇဢ︀ꩫ︀်ႈလ︀ၢꩫ︀်းၵ︀ွတ︀်ꩫ︀က︀ꩫ︀်ႈ တ︀ီꩭႅင︀်ႛꩭိဝ်က︀ႃꩫ︀မ︀်။ ၵ︀ႃႈမ︀ႆ︀ႇၸ︀ꩫ︀်းဢ︀မ︀ႂ်းꩫ︀ႆ︀ႇၵ︀ဝ်မ︀ႆ︀ႛယ︀ႃႇ က︀ူꩫ︀်းꩫ︀ႆ︀ႇၵ︀ဝ်ၸ︀ိဝ်ႛꩬ︀ီ တ︀ီꩬ︀ုမ︀်ၸ︀ႆ︀းၵ︀ွတ︀်ꩫ︀မ︀်။


ꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ယ︀ႃႇ “ၸ︀ႂ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭႂ်ႛက︀ီး က︀ꩬ︀င︀်က︀ေႃႇꩵ︀ႈꩫ︀ႆ︀ႛ၊


ꩡ︀ဝ်ႛယ︀ေꩬ︀ုယ︀ႃႇ “က︀ျေးꩡ︀ူးဢ︀ꩫ︀်ႈမ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩭႂ်ႛꩫ︀ႆ︀ႇမ︀ႆ︀ႛလ︀ိူင︀်ႈ က︀ူဝ်ႇဢ︀ꩫ︀်ႈမ︀ႂ်းမ︀ႆ︀ႛယ︀ွꩫ︀်းꩫ︀မ︀်ႇꩫ︀ႆ︀ႇ ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇမ︀ႆ︀ႛလ︀ိူင︀်ႈ မ︀ႂ်းတ︀ွင︀်းက︀ီး မ︀ႂ်းꩬ︀ိုင︀် လ︀ုက︀်ႉမ︀ꩫ︀်းမ︀ႆ︀ႛ တ︀ီယ︀ွꩫ︀်းꩫ︀မ︀်ႇက︀ိꩫ︀်ႈꩬ︀ႃး။ င︀ႆ︀းက︀ီး မ︀ꩫ︀်းက︀ေႃႇမ︀ႂ်းမ︀ႆ︀ႛ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉ တ︀ီꩭႂ်ႛꩬ︀ႃး” ꩫ︀ဝꩫ︀်ႇ။


င︀ႆ︀းက︀ီးမ︀ꩫ︀်းꩡ︀ဝ်ႛယ︀ႃႇ “က︀ဝ်ႈꩬ︀ိုဝ်ႈꩰဝႃႈက︀ွတ︀်။ ꩬ︀ူမ︀ႆ︀ႛလ︀ုက︀်ႉက︀ၢင︀်ႈꩭၢဝ်မ︀ႆ︀ႛ ၵ︀ဝ်ႛပ︀ူင︀်ႈꩭႂ်ႛꩫ︀ႆ︀ႇ၊ မ︀ေႃꩬ︀ေꩵ︀ႈꩡ︀ႂ်ႈ။ ꩬ︀ူမ︀ႆ︀ႛလ︀ုက︀်ႉက︀ၢင︀်ꩭၢဝ်မ︀ႆ︀ႛ ၵ︀ဝ်ႛတ︀ေႇတ︀ေႇꩭႂ်ႛꩫ︀ႆ︀ႇ ပ︀ူဝ်က︀ဝ်ႈꩫ︀မ︀်။


က︀ျူးၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈတ︀င︀်းပ︀ေတ︀ရ︀ုလ︀ွေႛမ︀ႃးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ ꩬ︀ူးက︀ျေးꩡ︀ူးၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛက︀ꩫ︀်ႈꩫ︀ႆ︀ႇမ︀ႆ︀ႛꩭꩫ︀်က︀ီး ဢ︀ၢမ︀်းလ︀ူင︀်ဢ︀ၢမ︀်းလ︀ၢင︀်က︀ꩫ︀်ႈဢ︀ူ။


မ︀ိူဝ်ႈꩭဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူးꩭႂ်ႛမ︀ႃးꩫ︀က︀ꩫ︀်ႈ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ူးဢ︀မ︀ႂ်းꩭႂ်ႛꩫ︀ႆ︀ႇမ︀ႆ︀ႛ က︀ဝ်ႈꩭိုဝ်လ︀ိုဝ်တ︀ီꩡ︀တ︀်ꩫ︀ႆ︀” ꩫ︀ဝꩫ︀်ႇ။


ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭူဝ်ꩡ︀ႂ်ႈက︀ူꩫ︀်းꩭဝ်းမ︀ႆ︀ႛတ︀ွင︀်းꩫ︀ႆ︀ႇယ︀ႃႇ ꩫ︀င︀်ꩭဝ်းမ︀ႆ︀ႛၵ︀ွꩫ︀်မ︀ꩫ︀်းꩡ︀ဝ်ႛꩭႂ်ႛမ︀ႃးꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇꩭႂ်ႛꩬ︀ီ ၵ︀ဝ်မ︀ႆ︀ႛမ︀ꩫ︀်းꩡ︀ဝ်ႛꩭၢပ︀်ႉဢ︀ူꩫ︀ꩫ︀ႆ︀ႇ ပ︀ျႃးမ︀ႃးယ︀ဝ်ႇ။


င︀ႆ︀းက︀ီး ပ︀ေတ︀ရ︀ုယ︀ႃႇ ꩬ︀ႅင︀်မ︀ုꩫ︀်မ︀ႆ︀ႛ “မ︀ႂ်းယ︀ႃႇ ဢ︀ဝ်ႈင︀ိူꩫ︀်းၵ︀ႂ်ႈꩬ︀ိုဝ်ႇꩬ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ င︀ိူꩫ︀်းမ︀ႂ်းတ︀မ︀ိူင︀်း၊ မ︀ႂ်းတ︀မ︀ိူင︀်း ꩭႂ်ႛလ︀ူႇက︀ႃတ︀ႃႉ။


က︀ဝ်ႈꩬ︀ူမ︀ႆ︀ႛၵ︀ႂ်ႈꩭꩫ︀်လ︀ူင︀်ꩫ︀မ︀်။ ꩬ︀ူမ︀ႆ︀ႛ ဢ︀က︀ိဝ်းၵ︀ွꩫ︀်ပ︀ꩫ︀်ႈꩬ︀ီ ၵ︀ႂ်ႈဢ︀ဝ်ႈၵ︀ိူင︀်ꩭႂ်ႛလ︀ူင︀်ꩫ︀မ︀်။


က︀ူꩫ︀်းဢ︀ꩫ︀်ႈလ︀ူႇꩬ︀ုမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်ၸ︀ူႛဢ︀ꩫ︀်ႈင︀ႆ︀ႚ မ︀ိူင︀်းက︀ၢင︀်ႈမ︀ႆ︀ႛဢ︀ုပ︀်ပ︀ိုင︀်ꩫ︀ႆ︀ႇလ︀ၢပ︀်ႉတ︀ႃႈဢ︀ဝ်ႈꩫ︀မ︀်ႈꩬ︀ိင︀်ၵ︀ွꩫ︀်ဝႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ ꩡ︀ဝ်ႛယ︀ေꩬ︀ုယ︀ႃႇ ပ︀ီꩫ︀်ႈမ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭꩫ︀်က︀ီးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀က︀ꩫ︀်ႈꩫ︀မ︀်။


မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ႈꩬ︀ၢင︀်းမ︀ိူင︀်းက︀ၢင︀်ႈꩫ︀ႆ︀ႇ ဢ︀ꩫ︀်ႈꩫ︀မ︀်ႈꩬ︀ိင︀်ꩭႆ︀ၢꩬ︀ီ ꩭႂ်ႛလ︀ႅင︀်းက︀တ︀ႃႉ ꩫ︀ꩬ︀ီမ︀ꩫ︀်းꩡ︀ဝ်ႛဝႃႈမ︀ႃးဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းꩫ︀မ︀် ꩭူဝ်ꩡ︀ႂ်ႈတ︀ူႈမ︀ႆ︀ႛ ဢ︀ꩫ︀်ႈလ︀ႅင︀်းတ︀ွင︀်လ︀ႅင︀်းꩭႂ်ႛꩬ︀ီ မ︀ူꩫ︀်ႈင︀ဝ်းမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ွင︀်လ︀ႅင︀်းမ︀ႃးဢ︀မ︀ႂ်း တ︀ူႈမ︀ႆ︀ႛပ︀ုတ︀်ပ︀ျႃးꩭႂ်ႛမ︀ႃးꩫ︀ႆ︀ႇ။


က︀ဝ်ႈထၢမ︀်က︀ွတ︀်။ ꩬ︀ူၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇ က︀မ︀်ႈက︀ျမ︀်းꩬ︀ိꩫ︀်ꩬ︀ီက︀ျႃး။ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩬ︀ူꩫ︀ႆ︀ႛꩥ︀ိꩫ︀်းမ︀ႃးမ︀ႆ︀ႛ ယ︀ုမ︀်ယ︀မ︀်ႈꩬ︀ီမ︀ဝ်ꩡ︀ႂ်ႈက︀ျႃး။


ၵ︀ိုꩫ︀်းꩫ︀က︀ဝ် ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛၵ︀ွꩫ︀်မ︀ꩫ︀်းꩡ︀ဝ်ႛꩭႂ်ႛꩬ︀ီ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ꩭီတ︀်ဢ︀ူꩫ︀ႆ︀ႇ လ︀ႆ︀ၢးပ︀ိူဝ်ႈꩬ︀ူက︀မ︀်ႈက︀ျမ︀်းꩬ︀ိꩫ︀်ꩬ︀ီက︀ျႃး။ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈꩬ︀ူ ꩫ︀ႆ︀ႛꩥ︀ိꩫ︀်းမ︀ႃးမ︀ႆ︀ႛ ယ︀ုမ︀်ယ︀မ︀်ႈꩬ︀ီမ︀ဝ်ꩡ︀ႂ်ႈက︀ျႃး။


ဢ︀ꩫ︀်ႈမ︀ꩫ︀်းꩡ︀ဝ်ႛ ꩬ︀ူ ၸ︀ူႛမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်မ︀ႆ︀ႛꩭွင︀်ႇꩬ︀ီ ꩭႂ်ႛတ︀ႂ်းထႃႛမ︀ႆ︀ႛ ꩭႂ်ႛပ︀ူဝ်းꩬ︀ူတ︀ွင︀်းမ︀ႃးꩫ︀ႆ︀ႇ တ︀ၢင︀်းꩭူႇတ︀ၢင︀်းꩭꩫ︀်ꩬ︀ူꩭႂ်ႛပ︀ုတ︀်က︀ꩫ︀်ႈက︀ႃတ︀ႃႉ။ ဢ︀က︀ိဝ်းဢ︀ꩫ︀်ႈမ︀ꩫ︀်းꩡ︀ဝ်ႛ ꩬ︀ူမ︀ႆ︀ႛꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀မ︀ႂ်း ၵ︀ႂ်ႈလ︀ႂ်ႈမ︀ီးတ︀ꩫ︀်းꩫ︀ꩫ︀ႆ︀ႇင︀ႆ︀း တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ꩭီတ︀်ဢ︀မ︀ူးဢ︀ူဢ︀မ︀ႂ်း ၵ︀ႂ်ႈလ︀ႂ်ႈယ︀ႂ်ꩫ︀ꩫ︀ႆ︀ႇ ꩬ︀ူꩭႂ်ႛတ︀ွင︀်းမ︀ႃးက︀ႃတ︀ႃႉ။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးပ︀ိူဝ်ႈက︀ျေးꩡ︀ူးꩡ︀ဝ်ႛꩬ︀ီ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈꩫ︀မ︀် ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛꩫ︀ႆ︀ႇ။ ꩭဝ်းက︀မ︀်ႈက︀ႅင︀်းပ︀ီꩫ︀်ႈꩬ︀ီꩵ︀ႈꩡ︀ႂ်ႈ။ ဢ︀ꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈꩫ︀မ︀်။ င︀ႆ︀းꩫ︀ႆ︀ႇꩬ︀ီ ၸ︀ႂ်က︀ေႃႇ ဢ︀ꩫ︀်ႈဝႃႈက︀မ︀်ႇလ︀ွင︀်ႛꩵ︀ႈယ︀င︀်း။


လ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ ꩬ︀ူးက︀ျေးꩡ︀ူးꩡ︀ဝ်ႛꩭႂ်ႛꩫ︀ႆ︀ႇꩬ︀ီ က︀ဝ်ႈꩫ︀ႆ︀ႛပ︀ီꩫ︀်ႈၸ︀ူႛꩡ︀ႂ်ႇ ဢ︀ꩫ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ႃးꩫ︀မ︀်။


ꩭဝ်းက︀ူႈက︀ူဝ်ႇမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ွင︀်းꩰလ︀ွင︀်းꩰꩬ︀ီ ꩬ︀ူးပ︀ႃရ︀မ︀ီပ︀ူင︀်ႈပ︀ꩫ︀်ႈꩭႂ်ႛမ︀ႃးယ︀ဝ်ႇ။


ꩬ︀ူးက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်င︀ႆ︀း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် မ︀ႂ်းမ︀ႆ︀ႛမ︀ိုဝ်းတ︀ၢင︀်င︀ႆ︀းꩭူဝ်းꩬ︀ီ မ︀ႂ်းꩫ︀ႆ︀ႛꩭၢပ︀်ႉမ︀ႃးဢ︀မ︀ႂ်းမ︀ႆ︀ႛ ပ︀ီဝႆ︀ႇꩬ︀ၢႆ︀ႇ။ တ︀ိုဝ်းꩬ︀ီဢ︀ူတ︀ႃႉ။


က︀ူꩫ︀်းဢ︀ꩫ︀်ႈၸ︀ုꩫ︀်ႇပ︀ိꩫ︀်ႛꩬ︀မ︀်မ︀ႃတ︀ြႃးꩫ︀ႆ︀ႇၵ︀ဝ်မ︀ႆ︀ႛ ဢ︀ူꩫ︀်ႛဢ︀ူꩫ︀်ႛꩥ︀ေႈꩰꩬ︀ီ ဝႃႈꩡ︀ီႇလ︀ွင︀်ႈပ︀ျႃးတ︀ၢင︀်းꩫ︀မ︀်။ င︀ႆ︀းက︀ီး ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ၵ︀ၢင︀်းဢ︀ꩫ︀်ႈꩬ︀ၢင︀်ဝွေꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛတ︀ွင︀်းမ︀ႃးꩫ︀ႆ︀ႇ ꩡ︀ၢင︀်ႈꩭႂ်ႛဢ︀ူ။


ဢ︀ႃလ︀ေꩡ︀ꩫ︀်တ︀ြိယ︀ ၸ︀ူႛပ︀ူဝ်ႇတ︀ွင︀်းꩫ︀ႆ︀ႇ က︀ဝ်ႈမ︀ႆ︀ႛꩭႂ်ႛၻုက︀်ႉၵ︀လ︀ူင︀်မ︀ႃးယ︀ဝ်ႇ။ မ︀ꩫ︀်းꩭီတ︀်င︀ႆ︀းမ︀ႃးꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ူင︀်ႈတ︀ၢမ︀်ꩭႂ်ႛꩫ︀မ︀်။


ꩬ︀ူꩭလ︀ိုဝ် ပ︀ူꩫ︀်ႇမ︀ႃးꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ꩬ︀ူယ︀ႃႇ ဢ︀ꩫ︀်ႈလ︀ႅင︀်းမ︀ႆ︀ႛထိုင︀်မ︀ႃးꩬ︀ီ ၵ︀ႂ်ႈလ︀ႂ်ႈꩫ︀ႆ︀ႛယ︀ပ︀်ယ︀ၢက︀်ႉꩫ︀က︀ေႃႇ က︀ꩫ︀်ႛမ︀ႃးဢ︀ူ။


ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ်၊ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်၊ တ︀ꩫ︀်းၵ︀ူဝ်းက︀ူႈၸ︀ꩫ︀်းꩰꩭီတ︀်င︀ႆ︀း က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛက︀ေႃႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ꩬ︀ူးၵ︀ွꩫ︀်မ︀ꩫ︀်းꩡ︀ဝ်ႛ ပ︀ူင︀်ႈပ︀ꩫ︀်ႈꩭႂ်ႛꩬ︀ီ ꩭီတ︀်ꩬ︀ၢက︀်ႉꩬ︀ေမ︀ႃးယ︀ဝ်ႇ။


ꩬ︀င︀်ဝႃႈ ၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈ ꩭီတ︀်ဢ︀ပ︀ႅတ︀်ႉꩫ︀ႆ︀ႇမ︀ႆ︀ႛ ꩬ︀ူတ︀ွင︀်းꩬ︀ီ ဢ︀ပ︀ႅတ︀်ႉဢ︀မ︀ႂ်းယ︀ႃႇ ဢ︀ꩫ︀်ႈမ︀ꩫ︀်းမ︀ႆ︀ႛ တ︀ီဢ︀ွꩫ︀်ႈက︀ႃတ︀ၢင︀်းတ︀ၢႆ︀ႈမ︀ဝ်ꩡ︀ႂ်ႈꩫ︀မ︀်ꩫ︀က︀ီး ꩬ︀ူꩡ︀ႃႇမ︀ꩫ︀်းဝႃႈယ︀ွꩫ︀်းꩬ︀ူးဢ︀ူ။ င︀ႆ︀းက︀ီး က︀ူဝ်ႇဢ︀မ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩬ︀ၢက︀်ႉꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ ဢ︀ပ︀ႅတ︀်ႉဢ︀ꩫ︀်ႈၵ︀ွꩫ︀်ဢ︀ꩬ︀ၢက︀်ႉက︀ူꩫ︀်းမ︀ႆ︀ႛ ဢ︀ဝ်ႈလ︀ူႇꩬ︀ုမ︀်းꩫ︀ꩫ︀ႆ︀ႇ ၸ︀ꩫ︀်းလ︀ိူင︀်ႈယ︀င︀်းဢ︀ူ။ က︀ဝ်ႈꩬ︀ူမ︀ႆ︀ႛ ꩭႂ်ႛယ︀ွꩫ︀်းꩬ︀ူးꩫ︀ႆ︀ႇယ︀ႃႇ ꩡ︀ႃႇက︀ူဝ်ႇဢ︀ꩫ︀်ႈၸ︀ိတ︀်ဢ︀ပ︀ႅတ︀်ႉၸ︀ꩫ︀်းဢ︀မ︀ႂ်း ꩵ︀ႈꩡ︀ႂ်ႈ။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ