ꩭေပ︀ရ︀ူး 6:19 - Khamti Shan

¹⁹ ဢ︀ꩫ︀်ႈတ︀ႂ်းထႃႛဢ︀မ︀ႂ်းယ︀ႃႇ ꩡ︀ႃႇꩭၢင︀်းꩡ︀ူဝ်ႈတ︀ႃႈဢ︀ꩬ︀ၢက︀်ႉꩭဝ်း ꩫ︀င︀်ꩭွက︀်က︀ိဝ်ꩬ︀ၢင︀်ႈၸ︀ူဝ်း ဢ︀ꩫ︀်ႈၵ︀ိူင︀်က︀ိုမ︀်းလ︀ူင︀်ꩫ︀က︀ꩫ︀်ႈ ꩭဝ်းမ︀ႆ︀ႛယ︀င︀်းꩬ︀ီ ဢ︀ဝ်ႈထိုင︀်က︀ꩫ︀်ႛꩫ︀ႂ်းၸ︀ႃႛက︀င︀်ႛ ꩡ︀ွင︀်းၿိက︀်ႉမ︀ၢꩫ︀်က︀ၢင︀်ႈꩭၢဝ် ၵ︀ဝ်ႛက︀ႃꩬ︀ီ တ︀ီႈဢ︀ꩫ︀်ႈၵ︀ႅꩫ︀်းမ︀ူတ︀်ꩡ︀ၢင︀်မ︀ႆ︀ႛထိုင︀်က︀ႃဢ︀ူ။

ꩭေပ︀ရ︀ူး 6:19 ပူးပေါင်းရင်းမြစ်များ

မ︀တ︀်တ︀ႄး 27:51

မ︀ိူဝ်ႈဢ︀မ︀ႂ်း ၸ︀ႃႛက︀င︀်ႛꩡ︀ွင︀်းၿိက︀်ႉမ︀ၢꩫ︀်ꩫ︀ႆ︀ႇ လ︀ုက︀်ႉꩡ︀ိက︀်မ︀ႆ︀ႛ ဢ︀ဝ်ႈထိုင︀်တ︀ိꩫ︀်ႈ ၸ︀ႃꩬ︀ွင︀်ꩬ︀ိက︀်ႉက︀ႃဢ︀ူ။ ဢ︀ိင︀်ႈꩬ︀ꩫ︀်ꩬ︀ီ ꩭိꩫ︀်ꩫ︀ႆ︀ႇၵ︀ဝ်က︀ေႃႇတ︀ႅက︀်ၸ︀ႃက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 23:6

ꩫ︀ႆ︀ႇမ︀ႆ︀ႛ ၸ︀ူႛၵ︀ဝ်ႛက︀ုမ︀်ႛတ︀ြႃးꩫ︀ႆ︀ႇၵ︀ဝ်မ︀ႆ︀ႛ က︀ုမ︀်ႛလ︀ိူင︀်ႈယ︀ႃႇ ၸ︀ႃရ︀ိꩬ︀ႄꩫ︀ႆ︀ႇၵ︀ဝ်င︀ႆ︀း က︀ုမ︀်ႛလ︀ိူင︀်ႈယ︀ႃႇ ပ︀ီꩫ︀်ႈꩡ︀တ︀်တ︀ုက︀ႄꩫ︀ႆ︀ႇၵ︀ဝ်ꩫ︀မ︀်ꩫ︀ꩫ︀ႆ︀ႇ ပ︀ေႃလ︀ုတ︀ွင︀်းက︀ီး “ပ︀ူဝ်မ︀ေပ︀ီꩫ︀ွင︀်ႇၵ︀ဝ်ꩴ︀း က︀ဝ်ႈၵ︀ႃႛယ︀ႃႇ ၸ︀ႃရ︀ိꩬ︀ႄꩫ︀မ︀်။ ၸ︀ူႛလ︀ုက︀်ႉၸ︀ႃရ︀ိꩬ︀ႄက︀ေႃႇꩡ︀ႂ်ႈဢ︀ူ။ င︀ႆ︀ႚက︀ဝ်ႈမ︀ႆ︀ႛꩡ︀ႅပ︀်ႉက︀ꩫ︀်ႈꩫ︀ႆ︀ႇ လ︀ႆ︀ၢးပ︀ိူဝ်ႈဢ︀ꩫ︀်ႈၸ︀ူႛတ︀ၢႆ︀ႈꩫ︀ႆ︀ႇၵ︀ဝ် တ︀ီꩫ︀ိပ︀်ပ︀ွက︀်ႉꩫ︀မ︀်ꩫ︀ꩫ︀ႆ︀ႇမ︀ႆ︀ႛ က︀ဝ်ႈၵ︀ႃႛတ︀ႂ်းထႃႛꩬ︀ီꩫ︀မ︀်” ꩫ︀ꩬ︀ီဢ︀ိဝ်ꩬ︀ီဝႃႈဢ︀ူ။

ထဝ်ꩡ︀တ︀်ႉၵ︀ဝ် 27:29

ၵ︀ဝ်ယ︀ႃႇ က︀ူဝ်ႈၸ︀ႃꩭိꩫ︀်မ︀ႆ︀ႛတ︀ွင︀်ႛꩬ︀ီ လ︀ုက︀်ႉꩭၢင︀်ꩬ︀ၢင︀်ႈၸ︀ူဝ်းမ︀ႆ︀ႛ ꩭွက︀်က︀ိဝ်ꩬ︀ီဢ︀ꩫ︀်ႈ ၵ︀ျႃးယ︀ဝ်ႇက︀ီး “ꩡ︀ဝ်ႛက︀ျေးꩡ︀ူး ၸ︀ႃႇꩭႂ်ႛ လ︀ႅင︀်းတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 27:40

ၵ︀ဝ်ယ︀ႃႇ ꩬ︀ၢႆ︀ꩭိꩫ︀်ꩭွက︀်က︀ိဝ်ꩫ︀ႆ︀ႇၵ︀ဝ်မ︀ႆ︀ႛ တ︀တ︀်ꩬ︀ီꩭွက︀်က︀ိဝ်ꩫ︀ႆ︀ႇၵ︀ဝ် ၵ︀ျႃးတ︀ူက︀်ပ︀ၢင︀်လ︀ၢႆ︀ဢ︀ူ။ ꩬ︀ၢႆ︀ဢ︀ꩫ︀်ႈက︀ꩫ︀်းၸ︀ၢႆ︀းမ︀ႆ︀ႛၸ︀ုက︀်ꩫ︀ႆ︀ႇၵ︀ဝ်က︀ေႃႇ က︀ꩡ︀ူးက︀ေႛၵ︀ွတ︀်ဢ︀ူ။ ယ︀ဝ်ႇက︀ီး ၸ︀ႃႛက︀င︀်ႛပ︀ႃႛꩭူဝ်ꩬ︀ၢင︀်ႈၸ︀ူဝ်းꩫ︀ႆ︀ႇ က︀င︀်ႛꩬ︀ီ ပ︀ႃႛင︀ွꩫ︀်းမ︀ႆ︀ႛ ပ︀ွႆ︀ၸ︀ႃႛက︀ႃဢ︀ူ။

ရ︀ေႃမ︀ 4:16

င︀ႆ︀းꩫ︀ႆ︀ႇꩬ︀ီ က︀ူꩫ︀်းꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ က︀တ︀ိꩭႂ်ႛꩫ︀ႆ︀ႇ တ︀ၢင︀်းယ︀ုမ︀်ယ︀မ︀်ႈမ︀ႆ︀ႛ ꩭီတ︀်င︀ဝ်ႛꩬ︀ီꩭႂ်ႛꩫ︀မ︀်။ က︀ျမ︀်းꩬ︀ိꩫ︀်မ︀ႆ︀ႛ က︀ျူးꩫ︀ႆ︀ႇၵ︀ဝ် ꩡ︀ွမ︀်းပ︀တ︀ု ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် မ︀ဝ်ꩡ︀ွမ︀်းပ︀တ︀ု ꩫ︀င︀်ဢ︀ႃပ︀ြႃꩭၢမ︀်ꩫ︀က︀ꩫ︀်ႈ က︀ူꩫ︀်းꩭဝ်းယ︀ုမ︀်ယ︀မ︀်ႈက︀ီး ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းတ︀င︀်းမ︀ိူင︀်းတ︀ီꩫ︀ႆ︀ႛမ︀ဝ်ပ︀ိတ︀်ႉꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ႃပ︀ြႃꩭၢမ︀်ယ︀ႃႇ ပ︀ီꩫ︀်ႈပ︀ူလ︀ီꩫ︀်ꩭဝ်းတ︀င︀်းမ︀ိူင︀်းꩫ︀မ︀်။

ရ︀ေႃမ︀ 4:18

မ︀ိူဝ်ႈꩫ︀င︀်တ︀ီမ︀ဝ်ပ︀ီꩫ︀်ႈꩫ︀ႆ︀ႛꩫ︀ႆ︀ၢႈက︀ေႃႇ ဢ︀ႃပ︀ြႃꩭၢမ︀်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ တ︀ႂ်းထႃႛမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ꩫ︀င︀်ဢ︀ꩫ︀်ႈ “မ︀ႂ်းမ︀ႆ︀ႛလ︀ုက︀်ႉလ︀ၢꩫ︀်ꩡ︀ိူဝ်ႇၵ︀ိူဝ်းတ︀ီဢ︀ဝ်ႈꩫ︀မ︀်လ︀ႆ︀ၢꩭႂ်ႛꩫ︀မ︀်” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဝႃႈမ︀ႃးꩫ︀က︀ꩫ︀်ႈ မ︀ꩫ︀်းမ︀ႆ︀ႛလ︀ုက︀်ႉလ︀ၢꩫ︀်ꩡ︀ိူဝ်ႇၵ︀ိူဝ်းဢ︀ၢꩫ︀်တ︀ၢꩫ︀်ယ︀င︀်းမ︀ႃးဢ︀ူ။

ရ︀ေႃမ︀ 5:4

ꩭဝ်းက︀ꩫ︀်ႛပ︀ီꩫ︀်ႈမ︀ႃးက︀ီး ယ︀ႂ်က︀ေမ︀ႃးဢ︀ူ။ ꩭဝ်းယ︀ႂ်က︀ေမ︀ႃးက︀ီး တ︀ႂ်းထႃႛပ︀ီꩫ︀်ႈမ︀ႃးဢ︀ူ။

က︀ေႃရ︀ိꩫ︀်တ︀ု ႑ 13:13

ꩡ︀ူဝ်ႈꩫ︀ႆ︀ႇမ︀ႆ︀ႛ တ︀ၢင︀်းယ︀ုမ︀်ယ︀မ︀်ႈ၊ တ︀ၢင︀်းတ︀ႂ်းထႃႛင︀ႆ︀း မ︀ႅတ︀်ႉတ︀ႃꩫ︀ꩫ︀ႆ︀ႇၵ︀ဝ်ယ︀င︀်းဢ︀ူ။ ꩫ︀ႂ်းꩬ︀ၢမ︀်ဢ︀ꩫ︀်ႈဢ︀မ︀ႂ်းမ︀ႆ︀ႛ ဢ︀ꩫ︀်ႈၵ︀ႅꩫ︀်းလ︀ႅင︀်ႇꩫ︀ႆ︀ႇယ︀ႃႇ မ︀ႅတ︀်ႉတ︀ႃꩫ︀မ︀်။

က︀ေႃရ︀ိꩫ︀်တ︀ု ႑ 15:58

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ဢ︀ꩫ︀်ႈꩬ︀ူဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ေႈꩡ︀ႃႉꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇꩵ︀ႈၵ︀ွတ︀်ꩫ︀ႆ︀ၢႈꩫ︀ꩫ︀ႆ︀ႇ ꩬ︀ူတ︀ွင︀်းꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩡ︀ႂ်ႈမ︀ဝ်ယ︀ွမ︀်းꩬ︀ီ ဢ︀မ︀ူးမ︀ꩫ︀်းꩡ︀ဝ်ႛမ︀ႆ︀ႛ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

ဢ︀ေၸ︀ႅတ︀် 2:6

ꩭဝ်းဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩬ︀ီ ၵ︀ူင︀်းက︀ၢင︀်ႈꩭၢဝ်မ︀ႆ︀ႛ ꩭႂ်ႛဢ︀ုပ︀်ႉပ︀ိုင︀်ယ︀ဝ်ႇ။

က︀ေႃလ︀ေႃတ︀ႄ 1:27

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ွင︀်ႈလ︀ိူက︀်ႉလ︀မ︀် ဢ︀ꩫ︀်ႈ ၵ︀ိူင︀်ႈꩫ︀ီႈဢ︀ၢမ︀်း၊ ဢ︀ꩫ︀်ႈယ︀ႂ်မ︀ႅတ︀်ႉလ︀ူင︀် ဢ︀ꩫ︀်ႈꩫ︀ႂ်းꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇက︀ူꩫ︀်းတ︀င︀်းမ︀ိူင︀်း က︀ႅမ︀်က︀တ︀်ႉꩰဝႆ︀ႇ ဢ︀မ︀ႂ်း က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈမ︀ꩫ︀်းꩡ︀ဝ်ႛက︀ႅမ︀်ဝႆ︀ႇဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈ က︀ꩫ︀်ႛꩫ︀ႂ်းꩬ︀ူမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ိင︀်း၊ တ︀ၢင︀်းလ︀ိူင︀်ႈဝႃႈက︀ွတ︀်ꩫ︀က︀ီး ဢ︀ꩫ︀်ႈꩬ︀ူတ︀င︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ႆ︀ႛꩭၢပ︀်ႉမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 3:1

မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ꩬ︀ူမ︀ႆ︀ႛက︀ေႃႇ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩬ︀ီ ꩬ︀ူလ︀ွင︀်ႈမ︀ိူင︀်းက︀ၢင︀်ႈꩭၢဝ်ꩫ︀ႆ︀ႇၵ︀ဝ်ꩬ︀ိုင︀် ၵ︀ႂ်ႈꩡ︀ႂ်ႈက︀ꩫ︀်ႈတ︀ႃႉ။ မ︀ိူင︀်းဢ︀မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ႃႛၵ︀ႃမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛ တ︀ီႈဢ︀ꩫ︀်ႈမ︀ႅတ︀်ႉလ︀ူင︀်မ︀ႆ︀ႛ ꩫ︀င︀်ႈꩬ︀ီဢ︀ုပ︀်ႉပ︀ိုင︀်ဢ︀ူꩫ︀မ︀်။

တ︀ိမ︀ေႃတ︀ေ ႒ 2:19

ꩫ︀ႆ︀ႇꩫ︀က︀ေႃႇ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ၸ︀ႃꩭိꩫ︀်လ︀ူင︀်ꩫ︀က︀ꩫ︀်ႈ မ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းမ︀ႆ︀ႛဝႃႈဝႆ︀ႇꩫ︀ႆ︀ႇ “ꩡ︀ဝ်ႛထႃဝရ︀ၸ︀ြႃးယ︀ႃႇ က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛတ︀ွင︀်းဢ︀ူ” ꩫ︀ဝꩫ︀်ႇ။ ယ︀ဝ်ႇက︀ီး “က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ၢႛဝႆ︀ႈꩫ︀ႆ︀ႇၵ︀ဝ်ယ︀ႃႇ လ︀ွင︀်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀် ဝႃႈၸ︀ႃႛဢ︀ူ” ꩫ︀ဝꩫ︀်ႇ။

ꩭေပ︀ရ︀ူး 4:16

င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩭဝ်းꩭၢင︀်ႇꩫ︀ႆ︀ႇ ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ီꩫ︀ူႈꩬ︀ီꩡ︀ွႆ︀ႈꩭႂ်ႛꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛꩭၢပ︀်ႉꩫ︀ႆ︀ႇ ပ︀ႆ︀ႉꩭဝ်း ပ︀လ︀ၢင︀်က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛ တ︀မ︀်းꩡ︀ႂ်ႈꩫ︀ီႈꩫ︀ီႈ ꩬ︀ီ ꩡ︀ူးက︀ႂ်ႛက︀ꩫ︀်ႈꩫ︀မ︀်။

ꩭေပ︀ရ︀ူး 9:3

က︀ꩫ︀်ႛလ︀င︀် ၸ︀ႃႛက︀င︀်ႛမ︀ႆ︀ႛယ︀ႃႇ တ︀ီႈဢ︀ꩫ︀်ႈၵ︀ႅꩫ︀်းမ︀ူတ︀်ꩡ︀ၢင︀်ꩫ︀ꩫ︀ႆ︀ႇယ︀င︀်းဢ︀ူ။

ꩭေပ︀ရ︀ူး 9:7

ꩫ︀ႆ︀ႇꩫ︀က︀ေႃႇ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉꩫ︀ႆ︀ၢႈꩬ︀ိုင︀် ၵ︀ွက︀်ႉတ︀ုတ︀ိယ︀မ︀ႆ︀ႛ ပ︀ီႈလ︀ိူင︀်ႈမ︀ႆ︀ႛပ︀ၢꩫ︀်ႈလ︀ိူင︀်ႈꩫ︀ၢႆ︀ႈꩫ︀ႆ︀ႛၵ︀ဝ်ႛꩫ︀မ︀်။ မ︀ိူဝ်ႈၵ︀ဝ်ႛက︀ႃꩫ︀ႆ︀ႇ ꩫ︀ိူတ︀်ႉꩡ︀ႃႇဢ︀ပ︀ႅတ︀်ႉ ဢ︀ꩫ︀်ႈမ︀ꩫ︀်းၸ︀ူႛꩡ︀ဝ်ႛင︀ႆ︀း ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ် မ︀ဝ်တ︀ွင︀်းꩬ︀ီၸ︀ိတ︀်က︀ႃꩫ︀ႆ︀ႇၵ︀ဝ် ဢ︀ဝ်ႈက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ုက︀်ႉꩡ︀ူဝ်ဢ︀ူ။

ပ︀ေတ︀ရ︀ု ႑ 1:3

ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈပ︀ူဝ်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ ꩭဝ်းယ︀ူဝ်းယ︀ွင︀်ႛက︀ꩫ︀်ႈက︀ွတ︀်။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ၢꩫ︀်တ︀ၢꩫ︀်ဢ︀ီꩫ︀ူႈꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀ႆ︀ႇꩬ︀ီ ꩭဝ်းမ︀ႆ︀ႛ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈမ︀ႂ်ꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီꩭဝ်းင︀ႆ︀ႚ ꩫ︀ႆ︀ႛတ︀မ︀်းꩡ︀ႂ်ႈꩫ︀ီႈꩫ︀ီႈ ꩬ︀ီ တ︀ႂ်းထႃႛဢ︀ူꩫ︀မ︀်။