ꩭေပ︀ရ︀ူး 6:17 - Khamti Shan

¹⁷ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ က︀တ︀ိမ︀ꩫ︀်းꩡ︀ဝ်ႛ ꩵ︀ႈလ︀ွက︀်ႉလ︀ႆ︀ၢႈꩫ︀ꩫ︀ႆ︀ႇ က︀ူꩫ︀်းဢ︀ꩫ︀်ႈꩭၢပ︀်ႉက︀တ︀ိမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၵ︀ႂ်ႈပ︀ျႃးꩡ︀ုꩫ︀်ႈꩰꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ိꩫ︀်ꩬ︀ီဢ︀ႃႛမ︀ၵ︀ၢမ︀်ꩭႂ်ႛဝႆ︀ႇꩫ︀မ︀်။

ꩭေပ︀ရ︀ူး 6:17 ပူးပေါင်းရင်းမြစ်များ

ယ︀ေႃးꩭၢꩫ︀် 10:10

ၸ︀ူႛလ︀ၢက︀်ႉယ︀ႃႇ ꩭၢင︀်းလ︀ၢက︀်ႉ၊ ꩭၢင︀်းဢ︀ဝ်ႈတ︀ႆ︀ၢႈ၊ ꩭၢင︀်းဢ︀ဝ်ႈလ︀ူႇပ︀ႅက︀်ႉꩫ︀ႆ︀ၢႈꩫ︀မ︀်မ︀ႃးꩫ︀ႆ︀ႇ။ က︀ဝ်ႈယ︀ႃႇ ꩭႂ်ႛပ︀ူဝ်းꩬ︀ူ ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ၢႈꩬ︀ေႇမ︀ဝ်က︀ႃး ꩭႂ်ႛပ︀ူဝ်းဢ︀ꩬ︀ၢက︀်ႉ ဢ︀ꩫ︀်ႈတ︀ီမ︀်ႈက︀ုမ︀်ꩫ︀ႆ︀ႛꩫ︀ႆ︀ႇꩫ︀မ︀် မ︀ႃးꩫ︀ႆ︀ႇ။

ရ︀ေႃမ︀ 11:29

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈလ︀ႂ်ႈက︀ေႃႇ ꩬ︀ူးက︀ျေးꩡ︀ူး ဢ︀ꩫ︀်ႈမ︀ꩫ︀်းꩡ︀ဝ်ႛꩭႂ်ႛဝႆ︀ႇꩫ︀ႆ︀ႇမ︀ႆ︀ႛ ꩵ︀ႈယ︀ုတ︀်ပ︀ွက︀်ႉ။ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ꩭွင︀်ႇဝႆ︀ႇꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩵ︀ႈၵ︀ွတ︀်။

ရ︀ေႃမ︀ 8:17

က︀ွပ︀်ႉပ︀ိူဝ်ႈꩭဝ်း ပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဢ︀က︀ိဝ်းမ︀ၢင︀်က︀လ︀ႃဢ︀ꩫ︀်ႈꩡ︀ႃႇက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩡ︀ွင︀်ဝႆ︀ႇꩫ︀ႆ︀ႇ ꩭဝ်းတ︀ီꩫ︀ႆ︀ႛꩫ︀မ︀်။ မ︀ူꩫ︀်ႈင︀ဝ်းဢ︀ꩫ︀်ႈꩡ︀ႃႇꩭၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ွင︀်ဝႆ︀ႇꩫ︀ႆ︀ႇက︀ေႃႇ ꩭဝ်းတ︀ီꩫ︀ႆ︀ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်း ꩫ︀င︀်ꩡ︀ဝ်ႛယ︀ေꩬ︀ုꩫ︀က︀ꩫ︀်ႈ ꩫ︀ႆ︀ႛꩭူမ︀်ႈၵ︀ၢမ︀်ၻုက︀်ႉၵ︀က︀ီး ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈ မ︀ူꩫ︀်ႈၸ︀ုင︀်းက︀ေႃႇတ︀ီꩫ︀ႆ︀ႛꩫ︀မ︀်။

က︀လ︀ႃတ︀ိ 3:29

ꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ဝ်ႇꩫ︀က︀ီး ပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀်၊ ပ︀ီꩫ︀်ႈၸ︀ူႛꩭၢပ︀်ႉဢ︀မ︀ွေၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ က︀တ︀ိဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ႃပ︀ြႃꩭၢမ︀်မ︀ႆ︀ႛꩭႂ်ႛဝႆ︀ႇꩫ︀ႆ︀ႇ ꩬ︀ူတ︀ီꩫ︀ႆ︀ႛꩫ︀မ︀်။

ဢ︀ေၸ︀ႅတ︀် 1:11

ဢ︀ꩫ︀်ႈက︀ႃႈꩫ︀င︀်ယ︀င︀်းꩫ︀ႆ︀ႇတ︀င︀်းမ︀ိူင︀်း ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀တ︀်ဝႆ︀ႇ ꩬ︀ၢင︀်မ︀ူဝ်ဝႆ︀ႇꩫ︀က︀ꩫ︀်ႈပ︀ီꩫ︀်ႈꩬ︀ီဢ︀ူꩫ︀မ︀်။ ꩫ︀င︀်မ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ တ︀ႅပ︀်တ︀တ︀်ဝႆ︀ႇမ︀ႃးꩫ︀ႆ︀ႇꩫ︀က︀ꩫ︀်ႈ ꩭဝ်းမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ိူက︀်ႉဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛမ︀ႃးယ︀ဝ်ႇ။

ꩭေပ︀ရ︀ူး 11:7

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ꩫ︀ေႃဢ︀ေးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ လ︀ွင︀်ႈဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛတ︀ီပ︀ီꩫ︀်ႈ ဢ︀ꩫ︀်ႈမ︀ဝ်ပ︀ႆ︀ꩭွꩫ︀်ꩭꩫ︀်ꩫ︀ႆ︀ႇၵ︀ဝ် ပ︀ုတ︀်ပ︀ျႃးꩭႂ်ႛမ︀ႃးꩫ︀မ︀်။ မ︀ꩫ︀်းက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ူဝ်ႈယ︀မ︀်ႈင︀ႆ︀း ꩬ︀ၢင︀်ႈၸ︀ူဝ်းလ︀ူင︀်ပ︀ူက︀်မ︀ႃးꩬ︀ီ ၵ︀ဝ်ပ︀ူဝ်ႈမ︀ေႈလ︀ုက︀်ႉ ꩫ︀ႆ︀ႛလ︀ွတ︀်ႉတ︀ၢင︀်းတ︀ႆ︀ၢႈမ︀ႃးဢ︀ူ။ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈမ︀ꩫ︀်းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ မ︀ꩫ︀်းမ︀ႆ︀ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်င︀ႆ︀း တ︀ၢင︀်းယ︀ုမ︀်ယ︀မ︀်ႈမ︀ꩫ︀်းꩫ︀ႆ︀ႇ ဢ︀ပ︀ႅတ︀်ႉက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈပ︀ႅꩫ︀်ႈမ︀ႃးဢ︀ူ။

ꩭေပ︀ရ︀ူး 11:9

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ မ︀ိူင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛက︀တ︀ိဝႆ︀ႇဢ︀မ︀ႂ်းမ︀ႆ︀ႛ ꩭီတ︀်ပ︀ီႈꩫ︀ွင︀်ႇတ︀ၢင︀်မ︀ိူင︀်းꩬ︀ီ ꩬ︀ုမ︀်ႇꩫ︀ႆ︀ႇၵ︀ဝ်မ︀ႆ︀ႛ ဢ︀ူမ︀ႃးဢ︀ူ။ ꩫ︀င︀်မ︀ꩫ︀်းꩫ︀က︀ꩫ︀်ႈ ဢ︀ေꩬ︀က︀်ꩫ︀ၵ︀ႃ ယ︀ႃက︀ုက︀ေႃႇ က︀တ︀ိၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩬ︀ီ ဢ︀မ︀ႂ်းမ︀ႆ︀ႛၵ︀ဝ်ꩭူမ︀်ႈဢ︀ူမ︀ႃးဢ︀ူ။

ꩭေပ︀ရ︀ူး 6:12

ပ︀ႃႛလ︀ွင︀်ႈၵ︀ွꩫ︀်မ︀ႆ︀ႛယ︀ႃႇ ꩬ︀ူမ︀ဝ်ၵ︀ၢꩫ︀်ႇꩬ︀ီ ꩫ︀င︀်က︀ူꩫ︀်းဢ︀ꩫ︀်ႈယ︀ုမ︀်ယ︀မ︀်ႈင︀ႆ︀း ꩡ︀ႂ်ႈယ︀ၢဝ်းꩬ︀ီ ꩫ︀ႆ︀ႛꩭၢပ︀်ႉက︀တ︀ိၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ꩫ︀က︀ꩫ︀်ႈ ၵ︀ႂ်ႈꩭႂ်ႛပ︀ီꩫ︀်ႈမ︀ႃးက︀ꩫ︀်ႈꩫ︀မ︀်။

ꩭေပ︀ရ︀ူး 6:16

မ︀ိူဝ်ႈက︀ူꩫ︀်းꩭဝ်းက︀ိꩫ︀်ꩫ︀ႆ︀ႇ ဢ︀ဝ်ႈꩡ︀ိုဝ်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ယ︀ႂ်ꩬ︀ႃမ︀ႆ︀ႛ တ︀ိူင︀်ꩬ︀ီ ၵ︀ၢမ︀်းက︀ိꩫ︀်ဢ︀ဝ်ႈမ︀ꩫ︀်ႛတ︀ိူင︀်ႈင︀ႆ︀း ဢ︀ꩫ︀်ႈထီင︀်က︀ꩫ︀်ႈထႅင︀်းက︀ꩫ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩬ︀ုတ︀်ꩬ︀ႆ︀ၢဢ︀ူ။

ꩭေပ︀ရ︀ူး 6:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ႅတ︀်ႉမ︀ဝ်ꩫ︀ႆ︀ႛꩫ︀ႆ︀ႇꩬ︀ီ က︀တ︀ိမ︀ꩫ︀်းꩡ︀ဝ်ႛꩫ︀ၵ︀ႃၵ︀ၢမ︀်းက︀ိꩫ︀်မ︀ꩫ︀်းꩡ︀ဝ်ႛ လ︀ွင︀်ႈꩬ︀ွင︀်ဢ︀ꩫ︀်ႈꩫ︀ႆ︀ႇက︀ေႃႇ လ︀ႆ︀ၢႈꩵ︀ႈꩫ︀ႆ︀ႛ။ င︀ႆ︀းꩫ︀ႆ︀ႇꩬ︀ီ ꩭဝ်း ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ၵ︀ႃတ︀ီႈꩬ︀ွꩫ︀်ႈꩫ︀ႆ︀ႇၵ︀ဝ်ယ︀ႃႇ ꩫ︀င︀်ဢ︀ꩫ︀်ႈက︀တ︀ိမ︀ꩫ︀်းꩡ︀ဝ်ႛမ︀ႆ︀ႛ တ︀ႂ်းထႃႛဢ︀ၵ︀ႅက︀်ႉꩫ︀ႆ︀ႇꩫ︀က︀ꩫ︀်ႈ ꩭႅင︀်းꩫ︀ႆ︀ႛဢ︀ူ။

ယ︀ႃက︀ု 1:17

ꩬ︀ူးက︀ျေးꩡ︀ူးဢ︀ꩫ︀်ႈꩫ︀ီႈ ဢ︀ꩫ︀်ႈတ︀ီမ︀်ႈက︀ုမ︀်က︀ႃႈꩫ︀င︀်ယ︀င︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛမ︀ႃးꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈက︀ၢင︀်ႈဝꩫ︀်း၊ ꩫ︀ိူꩫ︀်ႈ၊ ꩫ︀ၢဝ်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀ႆ︀ႇꩫ︀မ︀် ပ︀ူင︀်ႈꩭႂ်ႛမ︀ႃးꩫ︀ႆ︀ႇ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်က︀ၢင︀်ႈဝꩫ︀်း၊ ꩫ︀ိူꩫ︀်ႈ၊ ꩫ︀ၢဝ်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ မ︀ိူဝ်ႈလ︀ႂ်ႈက︀ေႃႇ ꩵ︀ႈလ︀ွက︀်ႉꩵ︀ႈလ︀ၢႆ︀ႈ။ က︀ꩬ︀င︀်မ︀ႆ︀ႛက︀ေႃႇ ꩭႂ်ႛပ︀ူဝ်းꩫ︀မ︀်ႈꩬ︀ိင︀်ꩫ︀ႆ︀ႇ ꩵ︀ႈꩭူမ︀်ႛꩵ︀ႈလ︀ၢပ︀်ႉ။

ယ︀ႃက︀ု 2:5

ပ︀ီႈꩫ︀ွင︀်ႇၵ︀ဝ်ꩴ︀း ထွမ︀်က︀ꩫ︀်ႈမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀ူ။ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩭႅင︀်းꩬ︀ီ ဢ︀က︀ိဝ်းဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇ ꩭႂ်ႛပ︀ူဝ်းꩫ︀ႆ︀ႛꩫ︀ႆ︀ႇလ︀ိူင︀်ႈ မ︀ိူင︀်းမ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛၵ︀ဝ်ႛꩫ︀ႆ︀ႇလ︀ိူင︀်ႈ ၵ︀ဝ်မ︀ႆ︀ႛလ︀ိူက︀်ႉဝႆ︀ႇꩫ︀မ︀်။

ပ︀ေတ︀ရ︀ု ႑ 1:3

ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈပ︀ူဝ်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ ꩭဝ်းယ︀ူဝ်းယ︀ွင︀်ႛက︀ꩫ︀်ႈက︀ွတ︀်။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ၢꩫ︀်တ︀ၢꩫ︀်ဢ︀ီꩫ︀ူႈꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀ႆ︀ႇꩬ︀ီ ꩭဝ်းမ︀ႆ︀ႛ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈမ︀ႂ်ꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီꩭဝ်းင︀ႆ︀ႚ ꩫ︀ႆ︀ႛတ︀မ︀်းꩡ︀ႂ်ႈꩫ︀ီႈꩫ︀ီႈ ꩬ︀ီ တ︀ႂ်းထႃႛဢ︀ူꩫ︀မ︀်။

ပ︀ေတ︀ရ︀ု ႑ 3:7

ၸ︀ူႛꩡ︀ႆ︀ၢးၵ︀ဝ်ꩴ︀း ꩫ︀င︀်ꩫ︀ႆ︀ႇꩫ︀က︀ꩫ︀်ႈ မ︀ေးꩬ︀ူယ︀ႃႇ ꩬ︀ူမ︀ႆ︀ႛꩭႅင︀်းဢ︀ေꩬ︀ႃꩫ︀ႆ︀ႇꩬ︀ီ ၵ︀ဝ်မ︀ႆ︀ႛ ပ︀ွင︀်ꩡ︀ႂ်ႈꩭႂ်ႛꩬ︀ီဢ︀ူဝ်ꩰလ︀ၢင︀်ꩰတ︀ႃႉ။ ၵ︀ဝ်က︀ေႃႇ တ︀င︀်းꩬ︀ူၸ︀ူႛꩡ︀ႆ︀ၢးꩫ︀ႆ︀ႇၵ︀ဝ် ꩬ︀ူးဢ︀ꩬ︀ၢက︀်ႉၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛပ︀ၢꩫ︀်ႈက︀ꩫ︀်ႈꩫ︀ႆ︀ႇꩬ︀ီ ၵ︀ဝ်မ︀ႆ︀ႛꩫ︀ၢပ︀်ႉယ︀မ︀်ႈက︀ꩫ︀်ႈတ︀ႃႉ။ င︀ႆ︀းက︀ီး ဢ︀ꩫ︀်ႈꩬ︀ူယ︀ွꩫ︀်းꩬ︀ူးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛထွမ︀်ꩭႂ်ႛဢ︀ူ။