ꩭေပ︀ရ︀ူး 5:7 - Khamti Shan

⁷ မ︀ိူဝ်ႈꩡ︀ဝ်ႛယ︀ေꩬ︀ု ဢ︀ူမ︀ိူင︀်းက︀ၢင︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ၵ︀ေꩬ︀ေပ︀ီꩫ︀်ႈမ︀ႆ︀ႛ ဢ︀ိဝ်ꩬ︀ႅꩫ︀်ꩬ︀ီꩫ︀မ︀်ႇတ︀ႃႈတ︀ူက︀်ꩬ︀ီ ဝွꩫ︀်းၵ︀ႅꩫ︀်းမ︀ႃးဢ︀ူ။ မ︀ꩫ︀်းꩡ︀ဝ်ႛယ︀မ︀်ႈင︀ဝ်းတ︀ေႇတ︀ေႇꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ထွမ︀်ꩭႂ်ႛမ︀ႃးဢ︀ူ။

ꩭေပ︀ရ︀ူး 5:7 ပူးပေါင်းရင်းမြစ်များ

မ︀တ︀်တ︀ႄး 27:46

ယ︀ၢꩫ︀်ႈꩬ︀ၢမ︀်မ︀ွင︀်းမ︀ႆ︀ႛယ︀ႃႇ “ဢ︀ေလ︀ိ၊ ဢ︀ေလ︀ိ လ︀ႃမ︀ႃꩬ︀ျပ︀ၵ︀တ︀ႃꩫ︀ိ” ꩫ︀ꩬ︀ီꩡ︀ဝ်ႛယ︀ေꩬ︀ုဢ︀ိဝ်ဢ︀ူ။ တ︀ီႈပ︀ွင︀်ယ︀ႃႇ ၸ︀ြႃးက︀ဝ်ႈၵ︀ႃႛ၊ ၸ︀ြႃးက︀ဝ်ႈၵ︀ႃႛ ꩭီတ︀်က︀ꩬ︀င︀်ꩫ︀ႆ︀ က︀ဝ်ႈၵ︀ႃႛမ︀ႆ︀ႛ ၵ︀ွတ︀်ဝႆ︀ႇတ︀ီၵ︀ႃႛꩫ︀ႆ︀ႇ ꩫ︀ꩫ︀မ︀်။

မ︀တ︀်တ︀ႄး 27:50

ꩫ︀ႆ︀ႇမ︀ႆ︀ႛꩭႃလ︀ိူင︀်ႈ ꩡ︀ဝ်ႛယ︀ေꩬ︀ု က︀ႃႈꩭႅင︀်းဢ︀ိဝ်ꩬ︀ီ ဢ︀ꩬ︀ၢက︀်ႉၵ︀ွတ︀်က︀ႃဢ︀ူ။

မ︀ႃက︀ု 15:34

ၸ︀ၢႆ︀က︀ၢင︀်းဝꩫ︀်းꩬ︀ၢမ︀်မ︀ွင︀်းမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “ဢ︀ေလ︀ိဢ︀ေလ︀ိ လ︀ႃမ︀ꩬ︀ျႃပ︀ၵ︀တ︀ႃꩫ︀ိ” ꩫ︀ꩬ︀ီဢ︀ိဝ်ဢ︀ူ။ ၵ︀ၢမ︀်းဢ︀မ︀ႂ်း တ︀ီႈပ︀ွင︀်ယ︀ႃႇ “ၸ︀ြႃးက︀ဝ်ႈၵ︀ႃႛ ၸ︀ြႃးက︀ဝ်ႈၵ︀ႃႛ ꩭီတ︀်က︀ꩬ︀င︀်ꩫ︀ႆ︀ က︀ဝ်ႈၵ︀ႃႛမ︀ႆ︀ႛ ၵ︀ွတ︀်ဝႆ︀ႇတ︀ီၵ︀ႃႛꩫ︀ႆ︀ႇ” ꩫ︀ꩫ︀မ︀်။

မ︀ႃက︀ု 15:37

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ ဢ︀ိဝ်ꩬ︀ႅꩫ︀်င︀ႆ︀း ꩡ︀ႂ်ႈၵ︀တ︀်က︀ႃဢ︀ူ။

လ︀ုက︀ႃ 23:46

ꩡ︀ဝ်ႛယ︀ေꩬ︀ုယ︀ႃႇ “ပ︀ူဝ်ꩴ︀း ꩫ︀ႂ်းမ︀ိုဝ်းမ︀ႂ်းꩡ︀ဝ်ႛမ︀ႆ︀ႛ ဢ︀ꩬ︀ၢက︀်ႉက︀ဝ်ႈၵ︀ႃႛ ဢ︀ၢပ︀်ႉမ︀ႃးတ︀ီၵ︀ႃႛယ︀ဝ်ႇ” ꩫ︀ꩬ︀ီက︀ႃႈꩭႅင︀်းဢ︀ိဝ်ꩬ︀ီ ꩡ︀ႂ်ႈၵ︀တ︀်က︀ႃဢ︀ူ။

ယ︀ေႃးꩭၢꩫ︀် 1:14

ၵ︀ၢမ︀်းတ︀ူဝ်ꩡ︀ဝ်ႛꩫ︀ႆ︀ႇ ꩫ︀င︀်က︀ူꩫ︀်းꩭဝ်းꩫ︀က︀ꩫ︀်ႈ ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းမ︀ႃးꩬ︀ီ မ︀ိူင︀်းက︀ၢင︀်ႈမ︀ႆ︀ႛ တ︀င︀်းက︀ူꩫ︀်းꩭဝ်း မ︀ႃးꩭူမ︀်ႈဢ︀ူဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛ က︀ျေးꩡ︀ူးတ︀ူဝ်ꩡ︀ဝ်ႛတ︀မ︀ိူင︀်း ꩬ︀မ︀်မ︀ႃတ︀ြႃးတ︀မ︀ိူင︀်း တ︀ီမ︀်ႈက︀ꩫ︀်ႈဢ︀ူ။ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛမ︀ႆ︀ႛ တ︀ူႈꩫ︀ႆ︀ႛꩭꩫ︀်မ︀ႃးယ︀ဝ်ႇ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 11:35

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုꩫ︀မ︀်ႇတ︀ႃႈတ︀ူက︀်မ︀ႃးဢ︀ူ။

ယ︀ေႃးꩭၢꩫ︀် 11:42

ဢ︀ꩫ︀်ႈက︀ဝ်ႈၵ︀ႃႛယ︀ွꩫ︀်းꩬ︀ူးမ︀ႆ︀ႛ မ︀ႂ်းꩡ︀ဝ်ႛမ︀ိူဝ်ႈလ︀ႂ်ႈက︀ေႃႇ ထွမ︀်ꩭႂ်ႛဢ︀ူꩫ︀ꩫ︀ႆ︀ႇ က︀ဝ်ႈၵ︀ႃႛတ︀ွင︀်းတ︀ီၵ︀ႃႛဢ︀ူ။ င︀ႆ︀းꩬ︀ီ က︀ဝ်ႈၵ︀ႃႛမ︀ႆ︀ႛ မ︀ႂ်းꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ က︀ူꩫ︀်းဢ︀ꩫ︀်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ် ꩭႂ်ႛပ︀ူဝ်းယ︀ုမ︀်က︀ꩫ︀်ႈꩫ︀ႆ︀ႇ ဢ︀က︀ိဝ်းၵ︀ဝ်မ︀ႆ︀ႛꩫ︀ူႈꩬ︀ီ ထွမ︀်ꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးယ︀ဝ်ႇက︀ီး

ယ︀ေႃးꩭၢꩫ︀် 17:1

ဝႃႈင︀ႆ︀းယ︀ဝ်ႇက︀ီး ꩡ︀ဝ်ႛယ︀ေꩬ︀ုက︀ၢင︀်ႈꩭၢဝ်မ︀ႆ︀ႛꩭႅꩫ︀်ꩫ︀ူႈꩬ︀ီ “ပ︀ူဝ်ꩡ︀ဝ်ႛꩴ︀း လ︀ႃႉꩫ︀ႆ︀ႇ ꩭႂ်ႛပ︀ူဝ်းမ︀ူꩫ︀်ႈꩡ︀ဝ်ႛဢ︀ဝ်ႈꩭိူဝ်ႈꩭိုင︀်းꩫ︀ႆ︀ႇ မ︀ူꩫ︀်ႈက︀ဝ်ႈၵ︀ႃႛဢ︀ဝ်ႈꩭိူဝ်ႈꩭိုင︀်းꩭႂ်ႛတ︀ီၵ︀ႃႛမ︀ႃးတ︀ႃႉ။

ရ︀ေႃမ︀ 8:3

ꩬ︀ိꩫ︀်ယ︀ႃႇ လ︀ႆ︀ၢးပ︀ိူဝ်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်း ꩭႅင︀်းဢ︀ေꩫ︀ႆ︀ႇꩬ︀ီ ဢ︀ꩫ︀်ႈꩬ︀ိꩫ︀်ꩭီတ︀်မ︀ဝ်ပ︀ီꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်မ︀ႃးယ︀ဝ်ႇ။ လ︀ုက︀်ႉမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀င︀်ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းꩫ︀က︀ꩫ︀်ႈ က︀ျွႃးမ︀ႃးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းမ︀ႆ︀ႛ မ︀ꩫ︀်းꩡ︀ဝ်ႛ တ︀ၢမ︀်ဢ︀ပ︀ႅတ︀်ႉပ︀ူင︀်ႈမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭၢင︀်းꩭဝ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

က︀လ︀ႃတ︀ိ 4:4

ꩫ︀ႆ︀ႇꩫ︀က︀ေႃႇ ယ︀ၢမ︀်းထိုင︀်မ︀ႃးက︀ီး ၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩬ︀ီ လ︀ုက︀်ႉမ︀ꩫ︀်းꩡ︀ဝ်ႛက︀ေႃႇ လ︀ုက︀်ႉက︀ူꩫ︀်းယ︀ိင︀်းမ︀ႆ︀ႛ ၸ︀ႃးပ︀ီꩫ︀်ႈက︀ူꩫ︀်းမ︀ႃးယ︀ဝ်ႇ။ ꩭႂ်ႛပ︀ူဝ်း က︀ူꩫ︀်းဢ︀ꩫ︀်ႈဢ︀ူက︀ꩫ︀်ႛတ︀ႂ်ႛꩬ︀ိꩫ︀်က︀ျူးꩫ︀ႆ︀ႇၵ︀ဝ်မ︀ႆ︀ႛ ထွတ︀်ꩭႂ်ႛꩫ︀ႆ︀ႇင︀ႆ︀း ꩭႂ်ႛပ︀ူဝ်းက︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ မ︀ꩫ︀်းꩡ︀ဝ်ႛ က︀ꩫ︀်ႛတ︀ႂ်ႛꩬ︀ိꩫ︀်က︀ျူးမ︀ႆ︀ႛ ၸ︀ႃးမ︀ႃးယ︀ဝ်ႇ။

တ︀ိမ︀ေႃတ︀ေ ႑ 3:16

လ︀ွင︀်ႈꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇ လ︀ိူက︀်ႉလ︀မ︀် ꩬ︀ိုဝ်ႈꩡ︀ႂ်ႈလ︀ူင︀်တ︀ေႇတ︀ေႇꩫ︀မ︀်။ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးလ︀ူင︀်းပ︀ီꩫ︀်ႈက︀ူꩫ︀်းမ︀ႃးꩬ︀ီ လ︀ွင︀်ႈꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭီတ︀်ꩬ︀ၢက︀်ႉꩬ︀ေမ︀ႃးင︀ႆ︀း ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭꩫ︀်မ︀ႃးယ︀ဝ်ႇ။ က︀ူꩫ︀်းက︀ူႈၸ︀ꩫ︀်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀မ︀်ၸ︀ႃတ︀င︀်းꩡ︀ꩫ︀်ႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉꩬ︀ီဢ︀ဝ်ႈၵ︀ိုꩫ︀်ႛက︀ႃ မ︀ိူင︀်းက︀ၢင︀်ႈꩭၢဝ်ပ︀ွက︀်ႉယ︀ဝ်ႇ။

ꩭေပ︀ရ︀ူး 10:10

လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛ ꩡ︀ႃႇထႃဝရ︀ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈ ပ︀ုက︀်ႉꩡ︀ူဝ်ꩫ︀ႆ︀ႇꩬ︀ီ ꩭဝ်းတ︀င︀်းလ︀ုင︀်မ︀ူတ︀်ꩡ︀ၢင︀်က︀ꩫ︀်ႈယ︀ဝ်ႇ။

ꩭေပ︀ရ︀ူး 10:5

င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩡ︀ဝ်ႛၵ︀ရ︀ီတ︀် မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ “ၵ︀ိင︀်းတ︀ူဝ်ꩡ︀ဝ်ႛ တ︀ူဝ်ႈၵ︀ႅက︀်ꩫ︀ၵ︀ႃၵ︀ိူင︀်ႈလ︀ူꩫ︀ႆ︀ႇၵ︀ဝ်မ︀ႆ︀ႛ မ︀ဝ်မ︀ႃးꩡ︀ႂ်ႈꩫ︀ႆ︀ႇꩬ︀ီ တ︀ူဝ်ႈꩡ︀ႃႇက︀ဝ်ႈၵ︀ႃႛ ꩭႅမ︀်းꩭႂ်ႛမ︀ႃးယ︀ဝ်ႇ။

ꩭေပ︀ရ︀ူး 11:7

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ꩫ︀ေႃဢ︀ေးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ လ︀ွင︀်ႈဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛတ︀ီပ︀ီꩫ︀်ႈ ဢ︀ꩫ︀်ႈမ︀ဝ်ပ︀ႆ︀ꩭွꩫ︀်ꩭꩫ︀်ꩫ︀ႆ︀ႇၵ︀ဝ် ပ︀ုတ︀်ပ︀ျႃးꩭႂ်ႛမ︀ႃးꩫ︀မ︀်။ မ︀ꩫ︀်းက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ူဝ်ႈယ︀မ︀်ႈင︀ႆ︀း ꩬ︀ၢင︀်ႈၸ︀ူဝ်းလ︀ူင︀်ပ︀ူက︀်မ︀ႃးꩬ︀ီ ၵ︀ဝ်ပ︀ူဝ်ႈမ︀ေႈလ︀ုက︀်ႉ ꩫ︀ႆ︀ႛလ︀ွတ︀်ႉတ︀ၢင︀်းတ︀ႆ︀ၢႈမ︀ႃးဢ︀ူ။ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈမ︀ꩫ︀်းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ မ︀ꩫ︀်းမ︀ႆ︀ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်င︀ႆ︀း တ︀ၢင︀်းယ︀ုမ︀်ယ︀မ︀်ႈမ︀ꩫ︀်းꩫ︀ႆ︀ႇ ဢ︀ပ︀ႅတ︀်ႉက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈပ︀ႅꩫ︀်ႈမ︀ႃးဢ︀ူ။

ꩭေပ︀ရ︀ူး 12:28

င︀ႆ︀းꩫ︀ႆ︀ႇꩬ︀ီ ꩭဝ်းယ︀ႃႇ မ︀ိူင︀်းဢ︀ꩫ︀်ႈၵ︀ွꩫ︀်းမ︀ဝ်ꩫ︀ႆ︀ႛမ︀ႆ︀ႛ ꩫ︀ႆ︀ႛဝႆ︀ႇꩫ︀ႆ︀ႇꩬ︀ီ ပ︀ႆ︀ႉက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛင︀ႆ︀း မ︀ꩫ︀်းꩡ︀ဝ်ႛမ︀ႆ︀ႛ ယ︀မ︀်ႈင︀ဝ်းꩬ︀ီ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ꩭေပ︀ရ︀ူး 13:20

ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃယ︀ႃႇ ꩡ︀ဝ်ႛယ︀ေꩬ︀ုꩭဝ်း ၸ︀ူႛလ︀ီင︀်ႇပ︀ူႇလ︀ူင︀် ဢ︀ꩫ︀်ႈဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ တ︀ွက︀်ꩡ︀ုမ︀်ႛလ︀ိက︀်ႉၵ︀တ︀်ႉထႃဝရ︀မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ꩭေပ︀ရ︀ူး 2:14

ꩭဝ်းၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုက︀ေႃႇ မ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ၵ︀ုꩫ︀်ꩬ︀ူင︀်ဢ︀ꩫ︀်ႈတ︀ꩫ︀်းၵ︀ူဝ်းတ︀ၢင︀်းတ︀ႆ︀ၢႈယ︀င︀်းမ︀ႆ︀ႛ ယ︀ႃႇၵ︀ွတ︀်င︀ႆ︀း က︀ူꩫ︀်းꩭဝ်းဢ︀ꩫ︀်ႈက︀ူႈမ︀ိုဝ်ႇ တ︀ၢင︀်းတ︀ႆ︀ၢႈမ︀ႆ︀ႛ ꩫ︀င︀်ၵ︀ႃႛꩫ︀က︀ꩫ︀်ႈ ꩫ︀ႆ︀ႛက︀ူဝ်ႈꩬ︀ီဢ︀ူꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛက︀ွတ︀်ꩫ︀ꩬ︀ီ ꩫ︀င︀်ꩭဝ်းꩫ︀က︀ꩫ︀်ႈ ပ︀ီꩫ︀်ႈꩫ︀ိူဝ်ႇꩫ︀ိူတ︀်ႉမ︀ႃးꩫ︀မ︀်။

ယ︀ေႃးꩭၢꩫ︀် ႑ 4:3

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈ ꩬ︀မ︀်မ︀ႃတ︀ြႃးလ︀ွင︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ႆ︀ၵ︀ွတ︀်ꩫ︀ႆ︀ႇယ︀ႃႇ မ︀ꩫ︀်းမ︀ႆ︀ႛၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈယ︀င︀်း။ ၵ︀ွꩫ︀်ဢ︀ꩫ︀်ႈမ︀ꩫ︀်းမ︀ႆ︀ႛယ︀င︀်းꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉၸ︀ူႛꩬ︀ၢꩫ︀်တ︀ၢꩫ︀်းꩡ︀ဝ်ႛၵ︀ရ︀ီတ︀်မ︀ႆ︀ႛမ︀ႃးꩫ︀မ︀်။ ၸ︀ူႛꩬ︀ၢꩫ︀်တ︀ၢꩫ︀်းꩡ︀ဝ်ႛၵ︀ရ︀ီတ︀်ယ︀ႃႇ တ︀ီမ︀ႃးꩫ︀မ︀်ꩫ︀ꩬ︀ီ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ င︀ႆ︀ႚပ︀ုꩫ︀်ႛ မ︀ိူင︀်းက︀ၢင︀်ႈမ︀ႆ︀ႛယ︀င︀်းမ︀ႃးယ︀ဝ်ႇ။

ယ︀ေႃးꩭၢꩫ︀် ႒ 1:7

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈၸ︀ၢမ︀်းပ︀ိူꩫ︀်ႈꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် က︀မ︀်ၸ︀ႃက︀ူႈတ︀ီႈမ︀ႆ︀ႛ ထိုင︀်က︀ႃက︀ꩫ︀်ႈယ︀ဝ်ႇ။ ၵ︀ဝ်ယ︀ႃႇ ၸ︀ူႛꩬ︀ၢꩫ︀်တ︀ၢꩫ︀်းꩡ︀ဝ်ႛၵ︀ရ︀ီတ︀် ဢ︀ꩫ︀်ႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ႃးပ︀ီꩫ︀်ႈက︀ူꩫ︀်းမ︀ႃးꩫ︀ႆ︀ႇမ︀ႆ︀ႛ မ︀ဝ်တ︀ွင︀်းမ︀တ︀်ႉꩬ︀ီ ပ︀ိူꩫ︀်ႈမ︀ႆ︀ႛၸ︀ၢမ︀်းလ︀ေꩫ︀ႆ︀ႇၵ︀ဝ်ꩫ︀မ︀်။