ꩭေပ︀ရ︀ူး 2:9 - Khamti Shan

⁹ ဢ︀ꩫ︀်ႈꩭဝ်းꩭꩫ︀်ꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈ က︀ꩫ︀်ႛတ︀ႂ်ႛၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ က︀မ︀်ႇဢ︀ွꩫ︀်လ︀ိူင︀်ႈ ဢ︀ဝ်ႈယ︀ွမ︀်းဝႆ︀ႇ ဢ︀ꩫ︀်ႈꩭႂ်ႛပ︀ူဝ်းဢ︀ဝ်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇက︀ူꩫ︀်းက︀ူႈက︀ူဝ်ႇ ꩫ︀ႆ︀ႛꩭူပ︀်ႉꩭꩫ︀်တ︀ၢင︀်းတ︀ႆ︀ၢႈꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛ ꩡ︀ႃႇꩭဝ်းၵ︀ၢမ︀်းတ︀ႆ︀ၢႈမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ မ︀ူꩫ︀်ႈၸ︀ုင︀်းဢ︀ဝ်ႈတ︀ီမ︀်ႈက︀ုမ︀်ꩭႂ်ႛ တ︀ၢင︀်ꩭုမ︀်ꩭႂ်ႛယ︀ဝ်ႇ။

ꩭေပ︀ရ︀ူး 2:9 ပူးပေါင်းရင်းမြစ်များ

မ︀တ︀်တ︀ႄး 16:28

က︀ဝ်ႈဝႃႈက︀ွတ︀်။ ꩬ︀ူက︀မ︀်ႈၸ︀ွင︀်းယ︀ႃႇ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း ပ︀ီꩫ︀်ႈꩡ︀ဝ်ႛꩭူဝ်ၵ︀မ︀်းꩬ︀ီ က︀ျွႃးမ︀ႃးꩫ︀ႆ︀ႇမ︀ႆ︀ႛ က︀ႃႈမ︀ဝ်ꩭꩫ︀်ယ︀ႃႇ ꩵ︀ႈပ︀ႆ︀တ︀ႆ︀ၢႈ။

မ︀တ︀်တ︀ႄး 6:28

င︀ႆ︀းꩬ︀ီက︀ေႃႇ ꩭၢင︀်းက︀ꩬ︀င︀်ꩫ︀ႆ︀ ꩬ︀ူက︀ပ︀်ႉꩡ︀ႂ်ႈလ︀ွင︀်ႈꩫ︀ုင︀်ႈꩫ︀ႆ︀ႇ။ မ︀ွက︀်ယ︀ႃႛထိူꩫ︀်ꩫ︀ႆ︀ႇၵ︀ဝ်မ︀ႆ︀ႛလ︀ႅမ︀်းလ︀ႃး။ ဢ︀မ︀ႂ်းၵ︀ဝ် ꩭိုဝ်လ︀ိုဝ်ꩬ︀ီယ︀ႂ်မ︀ႃးꩫ︀ႆ︀။ ဢ︀မ︀ူးက︀ေႃႇမ︀ဝ်ꩭီတ︀်၊ ꩭုက︀်က︀ေႃႇမ︀ဝ်တ︀ူဝ်းꩬ︀ီ။

မ︀ႃက︀ု 9:1

ယ︀ဝ်ႇက︀ီး မ︀ꩫ︀်းꩡ︀ဝ်ႛက︀ၢပ︀်ꩬ︀ီဝႃႈꩫ︀ႆ︀ႇ “က︀ဝ်ႈဝႃႈက︀ွတ︀်။ ꩫ︀ႂ်းင︀မ︀်းꩡ︀ဝ်ႛထႃဝရ︀ၸ︀ြႃး ဢ︀ဝ်ႈတ︀ꩫ︀်းၵ︀ူဝ်း တ︀င︀်ႛတ︀ေမ︀ႃးꩫ︀ႆ︀ႇမ︀ႆ︀ႛ က︀ူꩫ︀်းဢ︀ꩫ︀်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်က︀မ︀်ႈၸ︀ွင︀်း က︀ႃမ︀ဝ်ꩭꩫ︀်ယ︀ႃႇꩵ︀ႈꩫ︀ႆ︀ႛတ︀ၢႆ︀ႈ” ꩫ︀ဝꩫ︀်ႇ။

လ︀ုက︀ႃ 9:27

က︀ဝ်ႈဝႃႈက︀ွတ︀်။ ꩫ︀ႂ်းꩬ︀ူမ︀ႆ︀ႛ က︀မ︀်ႈၸ︀ွင︀်းယ︀ႃႇ ꩡ︀ူဝ်ႈက︀ႃႈမ︀ဝ်တ︀ႆ︀ၢႈꩫ︀ႆ︀ႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီꩫ︀ႆ︀ႛꩭꩫ︀်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 1:29

ꩫ︀င︀်မ︀ိူဝ်ႈꩭုက︀်ႉ ꩡ︀ဝ်ႛယ︀ေꩬ︀ုက︀ျွႃးမ︀ႃးꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ꩭꩫ︀်က︀ီး “ပ︀ူႇဢ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈပ︀ႃႉဢ︀ပ︀ႅတ︀်ႉမ︀ိူင︀်းက︀ၢင︀်ႈက︀ႃꩫ︀ႆ︀ႇမ︀ႆ︀ႛ လ︀ႅမ︀်းလ︀ႃး။

ယ︀ေႃးꩭၢꩫ︀် 10:17

က︀ဝ်ႈယ︀ႃႇ ꩭႂ်ႛပ︀ူဝ်းဢ︀ꩬ︀ၢက︀်ႉꩫ︀ႆ︀ႛပ︀ွက︀်ႉꩫ︀ႆ︀ႇ ၵ︀ွတ︀်ဢ︀ꩬ︀ၢက︀်ႉပ︀ီꩫ︀်ႈꩫ︀ႆ︀ႇꩬ︀ီ က︀ဝ်ႈမ︀ႆ︀ႛ ပ︀ူဝ်က︀ဝ်ႈꩭၢက︀်ႉဢ︀ူ။

ယ︀ေႃးꩭၢꩫ︀် 12:32

မ︀ိူဝ်ႈက︀ဝ်ႈမ︀ႆ︀ႛ ပ︀ိူꩫ︀်ႈလ︀ုက︀်ႉꩫ︀ိꩫ︀်ႈမ︀ႆ︀ႛၵ︀ႅꩫ︀်ဝႆ︀ႇꩫ︀ႆ︀ႇ က︀ူꩫ︀်းတ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ီလ︀ဝ်ꩭွင︀်ႇဢ︀ဝ်ႈꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 3:16

ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ ꩭၢက︀်ႉၸ︀ႅဝ်ꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းမ︀ဝ်လ︀ူႇတ︀ႆ︀ၢႈꩬ︀ီ ꩫ︀ႆ︀ႛဢ︀ꩬ︀ၢက︀်ႉထႃဝရ︀ က︀ꩫ︀်ႈꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛပ︀ႃးလ︀ိဝ်ႈ ပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ယ︀ေႃးꩭၢꩫ︀် 8:51

က︀ဝ်ႈꩬ︀ိုဝ်ႈꩰဝႃႈက︀ွတ︀်။ က︀ူဝ်ႇဢ︀ꩫ︀်ႈထွမ︀်ၵ︀ၢမ︀်းက︀ဝ်ႈꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ ꩵ︀ႈတ︀ႆ︀ၢႈ” ꩫ︀ဝꩫ︀်ႇ။

ယ︀ေႃးꩭၢꩫ︀် 8:52

ꩫ︀ႆ︀ႇမ︀ႆ︀ႛ က︀ျူးꩫ︀ႆ︀ႇၵ︀ဝ်ယ︀ႃႇ “ပ︀လ︀ေႃး မ︀ႂ်းမ︀ႆ︀ႛၸ︀ီꩭၢႆ︀ႇလ︀ွေႛဢ︀ူꩫ︀ꩫ︀ႆ︀ႇ င︀ႆ︀ႚတ︀ွင︀်းယ︀ဝ်ႇ။ ဢ︀ႃပ︀ြႃꩭၢမ︀်ယ︀ႃႇ ပ︀ူးတ︀ႆ︀ၢႈက︀ေႃႇ။ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇ တ︀ႆ︀ၢႈက︀ႃမ︀ူတ︀်ယ︀ဝ်ႇ။ င︀ႆ︀းꩬ︀ီက︀ေႃႇမ︀ႂ်းယ︀ႃႇ က︀ူဝ်ႇဢ︀ꩫ︀်ႈထွမ︀်ၵ︀ၢမ︀်းက︀ဝ်ႈꩫ︀ႆ︀ႇ ꩵ︀ႈꩫ︀ႆ︀ႛတ︀ႆ︀ၢႈꩫ︀ꩬ︀ီဝႃႈꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 2:33

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈၵ︀ိုꩫ︀်ႛက︀ႃဢ︀ူပ︀ႃႛၵ︀ႃမ︀ꩫ︀်းꩡ︀ဝ်ႛဝႆ︀ႇယ︀ဝ်ႇ။ ယ︀ဝ်ႇက︀ီး ꩫ︀င︀်မ︀ꩫ︀်းꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛ ပ︀ူင︀်ႈဢ︀ၢပ︀်ႉꩭႂ်ႛယ︀ဝ်ႇ။ ဢ︀ꩫ︀်ႈင︀ႆ︀ႚꩬ︀ူꩭꩫ︀်က︀ꩫ︀်ႈ၊ ꩫ︀ႆ︀ႛꩥ︀ိꩫ︀်းက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ꩬ︀ူးက︀ျေးꩡ︀ူးဢ︀ꩫ︀်ႈꩡ︀ဝ်ႛယ︀ေꩬ︀ု တ︀ူႈမ︀ႆ︀ႛတ︀ၢင︀်ႇလ︀ိူင︀်ႈ ပ︀ူင︀်ႈဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 3:13

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ဢ︀ႃပ︀ြႃꩭၢမ︀်၊ ဢ︀ေꩬ︀က︀်၊ ယ︀ႃက︀ုၵ︀ဝ်င︀ႆ︀း ဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်တ︀င︀်းမ︀ိူင︀်း ပ︀ၢႆ︀ႛဝႆ︀ႈမ︀ႃးꩫ︀ႆ︀ႇယ︀ႃႇ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုမ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩭႂ်ႛမ︀ႃးယ︀ဝ်ႇ။ ꩬ︀ူယ︀ႃႇꩡ︀ဝ်ႛဢ︀မ︀ႂ်းမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ၵ︀ဝ်ꩬ︀ီ က︀ꩫ︀်ႛꩫ︀ႃႛၵ︀ုꩫ︀်ပ︀ိလ︀ၢတ︀်မ︀ႆ︀ႛ ၵ︀ွတ︀်မ︀ႃးယ︀ဝ်ႇ။ ၵ︀ုꩫ︀်ပ︀ိလ︀ၢတ︀်ယ︀ႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ၵ︀ႂ်ႈပ︀ွႆ︀လ︀ွတ︀်ႉꩫ︀က︀ေႃႇ ꩬ︀ူ ꩵ︀ႈꩭၢပ︀်ႉဢ︀ဝ်ႈမ︀ႃး။

ရ︀ေႃမ︀ 5:18

င︀ႆ︀းꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉဢ︀ꩫ︀်ႈလ︀ိူင︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈတ︀ၢမ︀်ဢ︀ပ︀ႅတ︀်ႉမ︀ႃးꩫ︀က︀ꩫ︀်ႈ လ︀ႆ︀ၢးပ︀ိူဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ွင︀်ႈꩬ︀ိုဝ်ႈတ︀ူဝ်ဢ︀ꩫ︀်ႈလ︀ိူင︀်ႈꩭီတ︀်မ︀ႃးꩫ︀ႆ︀ႇꩬ︀ီ က︀ူꩫ︀်းတ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩬ︀ီ ဢ︀ꩬ︀ၢက︀်ႉထႃဝရ︀ꩭႂ်ႛမ︀ႃးယ︀ဝ်ႇ။

ရ︀ေႃမ︀ 5:8

ꩭလ︀ိုဝ်ꩫ︀က︀ေႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ မ︀ိူဝ်ႈꩭဝ်းဢ︀ပ︀ႅတ︀်ႉꩫ︀ႃတ︀မ︀ိူင︀်းက︀ေႃႇ ꩡ︀ႃႇꩭဝ်းၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ ꩫ︀ႆ︀ႇယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ၵ︀ႂ်ႈလ︀ႂ်ႈꩭၢက︀်ႉꩫ︀ꩫ︀ႆ︀ႇꩫ︀မ︀်။

ရ︀ေႃမ︀ 8:3

ꩬ︀ိꩫ︀်ယ︀ႃႇ လ︀ႆ︀ၢးပ︀ိူဝ်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်း ꩭႅင︀်းဢ︀ေꩫ︀ႆ︀ႇꩬ︀ီ ဢ︀ꩫ︀်ႈꩬ︀ိꩫ︀်ꩭီတ︀်မ︀ဝ်ပ︀ီꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်မ︀ႃးယ︀ဝ်ႇ။ လ︀ုက︀်ႉမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀င︀်ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းꩫ︀က︀ꩫ︀်ႈ က︀ျွႃးမ︀ႃးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းမ︀ႆ︀ႛ မ︀ꩫ︀်းꩡ︀ဝ်ႛ တ︀ၢမ︀်ဢ︀ပ︀ႅတ︀်ႉပ︀ူင︀်ႈမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭၢင︀်းꩭဝ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

ရ︀ေႃမ︀ 8:32

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်းက︀ေႃႇ မ︀ဝ်ꩬ︀ီꩫ︀ႆ︀ၢႈꩬ︀ီ ꩡ︀ႃႇꩭၢင︀်းꩭဝ်း ꩭႂ်ႛꩭီတ︀်တ︀ူဝ်ႈၵ︀ႅက︀်ꩡ︀ဝ်ႛမ︀ႃးယ︀ဝ်ႇ။ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်းက︀ေႃႇ င︀ႆ︀းꩬ︀ီꩭႂ်ႛမ︀ႃးက︀ီး တ︀ၢင︀်ဢ︀ꩫ︀်ႈတ︀င︀်းမ︀ိူင︀်းက︀ေႃႇ ꩭဝ်းမ︀ႆ︀ႛတ︀ီꩭႂ်ႛꩫ︀ၢႆ︀ႈမ︀ဝ်ပ︀ိတ︀်ႉꩫ︀မ︀်။

က︀ေႃရ︀ိꩫ︀်တ︀ု ႒ 5:15

မ︀ꩫ︀်းꩡ︀ဝ်ႛ ꩡ︀ႃႇက︀ူꩫ︀်းတ︀င︀်းမ︀ိူင︀်း ၵ︀ၢမ︀်တ︀ႆ︀ၢႈꩫ︀ႆ︀ႇယ︀ႃႇ ꩭၢင︀်းꩭဝ်း ꩡ︀ွမ︀်းဢ︀လ︀ၢင︀်းၸ︀ူႛꩡ︀ဝ်ႛꩵ︀ႈꩡ︀ႂ်ႈ။ ꩭၢင︀်းꩡ︀ွမ︀်းဢ︀လ︀ၢင︀်းမ︀ꩫ︀်းꩡ︀ဝ်ႛ ꩡ︀ဝ်ႛဢ︀ꩫ︀်ႈ ꩡ︀ႃႇꩭဝ်းၵ︀ၢမ︀်တ︀ႆ︀ၢႈꩬ︀ီ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 5:21

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ပ︀ိူင︀်ႈလ︀ူင︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇꩭဝ်းꩭီတ︀်ၸ︀ူႛဢ︀ꩫ︀်ႈဢ︀ပ︀ႅတ︀်ႉယ︀င︀်းမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩭႂ်ႛပ︀ူဝ်းꩭဝ်း တ︀င︀်းမ︀ꩫ︀်းꩡ︀ဝ်ႛ ထုက︀်က︀ꩫ︀်ႈပ︀ွက︀်ႉꩫ︀ႆ︀ႛꩫ︀ႆ︀ႇꩫ︀မ︀်။

က︀လ︀ႃတ︀ိ 4:4

ꩫ︀ႆ︀ႇꩫ︀က︀ေႃႇ ယ︀ၢမ︀်းထိုင︀်မ︀ႃးက︀ီး ၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩬ︀ီ လ︀ုက︀်ႉမ︀ꩫ︀်းꩡ︀ဝ်ႛက︀ေႃႇ လ︀ုက︀်ႉက︀ူꩫ︀်းယ︀ိင︀်းမ︀ႆ︀ႛ ၸ︀ႃးပ︀ီꩫ︀်ႈက︀ူꩫ︀်းမ︀ႃးယ︀ဝ်ႇ။ ꩭႂ်ႛပ︀ူဝ်း က︀ူꩫ︀်းဢ︀ꩫ︀်ႈဢ︀ူက︀ꩫ︀်ႛတ︀ႂ်ႛꩬ︀ိꩫ︀်က︀ျူးꩫ︀ႆ︀ႇၵ︀ဝ်မ︀ႆ︀ႛ ထွတ︀်ꩭႂ်ႛꩫ︀ႆ︀ႇင︀ႆ︀း ꩭႂ်ႛပ︀ူဝ်းက︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ မ︀ꩫ︀်းꩡ︀ဝ်ႛ က︀ꩫ︀်ႛတ︀ႂ်ႛꩬ︀ိꩫ︀်က︀ျူးမ︀ႆ︀ႛ ၸ︀ႃးမ︀ႃးယ︀ဝ်ႇ။

တ︀ိမ︀ေႃတ︀ေ ႑ 2:6

မ︀ꩫ︀်းꩡ︀ဝ်ႛယ︀ႃႇ ၵ︀ွတ︀်ဢ︀ꩬ︀ၢက︀်ႉꩬ︀ီ က︀ူꩫ︀်းတ︀င︀်းလ︀ုင︀်မ︀ႆ︀ႛ ꩬ︀ေထွတ︀်ꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈꩫ︀ႆ︀ႇယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈမ︀ိူဝ်ႈယ︀ၢမ︀်းထုက︀်ꩫ︀ႆ︀ႇ က︀ူꩫ︀်းမ︀ိူင︀်းက︀ၢင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ႂ်ႈၵ︀ေꩬ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။

ꩭေပ︀ရ︀ူး 1:9

ၵ︀ိင︀်းတ︀ူဝ်ꩡ︀ဝ်ႛယ︀ႃႇ ဢ︀ꩫ︀်ႈꩬ︀ိုဝ်ႈတ︀ူဝ်မ︀ႆ︀ႛ ထုက︀်ꩡ︀ႂ်ႈꩬ︀ီ ဢ︀ꩫ︀်ႈမ︀ဝ်တ︀ြႃးမ︀ႆ︀ႛꩡ︀င︀်းဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ၊ ၸ︀ြႃးၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ လ︀ိူက︀်ႉဝႆ︀ႇင︀ႆ︀း က︀ꩫ︀်ႛꩫ︀ိူဝ်ၸ︀ူႛလ︀ွမ︀်ႇလ︀ၢမ︀်ၵ︀ိင︀်းတ︀ူဝ်ꩡ︀ဝ်ႛ တ︀င︀်းမ︀ိူင︀်းမ︀ႆ︀ႛ ယ︀ွင︀်ႛꩭႂ်ႛꩬ︀ီ ဢ︀ဝ်ႈꩡ︀ူမ︀်းꩭုမ︀်ꩬ︀ႃꩭႂ်ႛဢ︀ူ” ꩫ︀ဝꩫ︀်ႇ။

ꩭေပ︀ရ︀ူး 10:5

င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩡ︀ဝ်ႛၵ︀ရ︀ီတ︀် မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ “ၵ︀ိင︀်းတ︀ူဝ်ꩡ︀ဝ်ႛ တ︀ူဝ်ႈၵ︀ႅက︀်ꩫ︀ၵ︀ႃၵ︀ိူင︀်ႈလ︀ူꩫ︀ႆ︀ႇၵ︀ဝ်မ︀ႆ︀ႛ မ︀ဝ်မ︀ႃးꩡ︀ႂ်ႈꩫ︀ႆ︀ႇꩬ︀ီ တ︀ူဝ်ႈꩡ︀ႃႇက︀ဝ်ႈၵ︀ႃႛ ꩭႅမ︀်းꩭႂ်ႛမ︀ႃးယ︀ဝ်ႇ။

ꩭေပ︀ရ︀ူး 11:5

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ဢ︀ေꩫ︀ွင︀်ယ︀ႃႇ တ︀ၢင︀်းတ︀ႆ︀ၢႈမ︀ႆ︀ႛ မ︀ဝ်ꩭူပ︀်ႉꩬ︀ီ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ꩫ︀ႆ︀ႛထိုင︀်က︀ႃꩫ︀မ︀်။ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇက︀ႃꩫ︀ႆ︀ႇꩬ︀ီ ၸ︀ႂ်က︀ေႃႇမ︀ꩫ︀်းမ︀ႆ︀ႛꩵ︀ႈꩭꩫ︀်ယ︀ဝ်ႇ။ မ︀ိူဝ်ႈမ︀ꩫ︀်းမ︀ႆ︀ႛ ꩵ︀ႈပ︀ႆ︀ꩭွင︀်ႇက︀ႃꩫ︀ႆ︀ႇ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ မ︀ႃးꩡ︀ႂ်ႈမ︀ႃးဢ︀ူꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇဢ︀ူ။

ꩭေပ︀ရ︀ူး 12:2

ပ︀ႆ︀ႉꩭဝ်း ꩡ︀ဝ်ႛယ︀ေꩬ︀ု ꩡ︀ဝ်ႛဢ︀ꩫ︀်ႈတ︀ၢင︀်းယ︀ုမ︀်ယ︀မ︀်ႈꩭဝ်းမ︀ႆ︀ႛ က︀ူဝ်တ︀ေမ︀ႃးꩬ︀ီ ဢ︀ဝ်ႈတ︀ီမ︀်ႈက︀ုမ︀်ꩭႂ်ႛမ︀ႆ︀ႛ ꩡ︀ိက︀်ꩫ︀ူႈꩬ︀ီဢ︀ူꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ တ︀ၢင︀်းဢ︀ႆ︀ၢႈဢ︀ꩫ︀်ႈဝႃႈၵ︀ၢမ︀်တ︀ႆ︀ၢႈ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩵ︀ႈလ︀ႅင︀်ႇမ︀ႃး။ လ︀ႆ︀ၢးပ︀ိူဝ်ႈဢ︀ꩫ︀်ႈꩡ︀ူမ︀်းꩭုမ︀် ဢ︀ꩫ︀်ႈပ︀ၢင︀်ႈꩫ︀ႃႛမ︀ꩫ︀်းမ︀ႆ︀ႛꩭႅမ︀်းဝႆ︀ႇꩫ︀ႆ︀ႇꩬ︀ီ တ︀ၢင︀်းဢ︀ႆ︀ၢႈဢ︀မ︀ႂ်းမ︀ႆ︀ႛက︀ꩫ︀်ႛမ︀ႃးင︀ႆ︀းꩬ︀ီ ပ︀ႃႛၵ︀ႃပ︀လ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်ႈဢ︀ူ။

ꩭေပ︀ရ︀ူး 2:7

ၵ︀ိင︀်းတ︀ူဝ်ꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ က︀ꩫ︀်ႛတ︀ႂ်ႛၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ က︀ိုမ︀်ႇဢ︀ွꩫ︀်လ︀ိူင︀်ႈဢ︀ဝ်ႈယ︀ွမ︀်းဝႆ︀ႇꩬ︀ီ မ︀ူꩫ︀်ႈၸ︀ုင︀်းဢ︀ဝ်ႈတ︀ီမ︀်ႈက︀ုမ︀်ꩭႂ်ႛ တ︀ၢင︀်ꩭုမ︀်ꩭႂ်ႛယ︀ဝ်ႇ။

ꩭေပ︀ရ︀ူး 7:25

င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉꩫ︀ိပ︀်င︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇက︀ူꩫ︀်းꩫ︀ႆ︀ႇၵ︀ဝ် ဝွꩫ︀်းၵ︀ႅꩫ︀်းꩭႂ်ႛပ︀ီꩫ︀်ႈꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ မ︀ႃးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ၵ︀ေꩬ︀ေꩭႂ်ႛပ︀ီꩫ︀်ႈဢ︀ူ။

ꩭေပ︀ရ︀ူး 8:3

ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉတ︀င︀်းလ︀ုင︀်ယ︀ႃႇ ၵ︀ိူင︀်ႈလ︀ူꩫ︀ၵ︀ႃတ︀ူဝ်ႈၵ︀ႅက︀်ဝႃႈ ပ︀ုက︀်ႉꩡ︀ူဝ်ꩫ︀ႆ︀ႇꩬ︀ီ ꩡ︀ဝ်ႛၵ︀ရ︀ီတ︀်က︀ေႃႇ ꩭၢင︀်းပ︀ုက︀်ႉꩡ︀ူဝ်ဢ︀ꩫ︀်ႈလ︀ိူင︀်ႈယ︀ႃႇ ꩭၢင︀်ႇမ︀ႃးဢ︀ူ။

ပ︀ေတ︀ရ︀ု ႑ 1:21

ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ လ︀ုက︀်ႉတ︀ၢင︀်းတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩬ︀ီ ꩭႂ်ႛမ︀ူꩫ︀်ႈၸ︀ုင︀်းလ︀ူင︀်မ︀ႃးမ︀ႆ︀ႛ ဢ︀ဝ်ႈယ︀ုမ︀်ႈယ︀မ︀်ႈပ︀ိုင︀်ႈဢ︀ိင︀်ႈမ︀ႃးယ︀ဝ်ႇ။ င︀ႆ︀းꩬ︀ီ ꩬ︀ူက︀ေႃႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈတ︀ႂ်းထႃႛက︀ꩫ︀်ႈꩫ︀မ︀်။

ယ︀ေႃးꩭၢꩫ︀် ႑ 2:2

ꩡ︀ဝ်ႛဢ︀မ︀ႂ်းယ︀ႃႇ တ︀ူဝ်ႈၵ︀ႅက︀်ဢ︀ꩫ︀်ႈꩡ︀ႃႇၸ︀ေဢ︀ပ︀ႅတ︀်ႉꩭဝ်းꩫ︀ႆ︀ႇꩬ︀ေႇမ︀ဝ်က︀ႃး ဢ︀ꩫ︀်ႈꩡ︀ႃႇၸ︀ေဢ︀ပ︀ႅတ︀်ႉ က︀ူꩫ︀်းမ︀ိူင︀်းက︀ၢင︀်ႈတ︀င︀်းမ︀ိူင︀်းꩫ︀မ︀်။

ၿျႃၻိက︀်ႉ 19:12

ꩭွေတ︀ႃႈမ︀ꩫ︀်းꩡ︀ဝ်ႛယ︀ႃႇ လ︀ိꩫ︀်ႇၸ︀ႆ︀းꩫ︀က︀ꩫ︀်ႈတ︀ွင︀်လ︀ိပ︀်ႉꩰꩫ︀မ︀်။ က︀ုမ︀်ꩭူဝ်မ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ပ︀ွင︀်းဢ︀ၢꩫ︀်တ︀ၢꩫ︀်ꩬ︀ုပ︀်ဝႆ︀ႇဢ︀ူ။ ꩡ︀ိုဝ်ႈဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ႆ︀ၢႈꩬ︀ိုင︀်တ︀ွင︀်းꩫ︀ႆ︀ႇ တ︀ူဝ်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ႅမ︀်ႛဝႆ︀ႇဢ︀ူ။

ၿျႃၻိက︀်ႉ 5:9

ၵ︀ဝ်ၵ︀ၢမ︀်းမ︀ႂ်ဢ︀ွေက︀ꩫ︀်ႈဢ︀ူ။ ၵ︀ၢမ︀်းဢ︀မ︀ႂ်းယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈꩫ︀ိူတ︀်ႉၵ︀ိင︀်းတ︀ူဝ်ꩡ︀ဝ်ႛ က︀ူꩫ︀်းက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩬ︀ေထွတ︀်ဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ုꩫ︀်လ︀ိက︀်ႉဢ︀မ︀ႂ်းဢ︀ဝ်ႈꩬ︀ီ ꩡ︀ုမ︀်ႛဢ︀မ︀ႂ်းက︀ေႛထႅက︀်ႉတ︀ီၵ︀ႃႛဢ︀ူ။