ꩭေပ︀ရ︀ူး 2:11 - Khamti Shan

¹¹ ꩡ︀ဝ်ႛယ︀ေꩬ︀ုဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈမ︀ူတ︀်ꩡ︀ၢင︀်ꩫ︀ၵ︀ႃ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်ꩭႂ်ႛဢ︀မ︀ႂ်းၵ︀ဝ်ယ︀ႃႇ ပ︀ီꩫ︀်ႈꩡ︀ုမ︀်ႛꩭိူꩫ︀်းလ︀ိဝ်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛꩭွင︀်ႇပ︀ီႈꩫ︀ွင︀်ႇမ︀ꩫ︀်းꩡ︀ဝ်ႛၵ︀ဝ်ꩫ︀ႆ︀ႇ ꩵ︀ႈဢ︀ႆ︀ၢႈ။

ꩭေပ︀ရ︀ူး 2:11 ပူးပေါင်းရင်းမြစ်များ

မ︀တ︀်တ︀ႄး 25:40

မ︀ိူဝ်ႈဢ︀မ︀ႂ်းက︀ဝ်ႈယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ တ︀ပ︀ေးက︀ဝ်ႈဢ︀ꩫ︀်ႈꩫ︀ႃႛလ︀ီက︀်ႉꩫ︀ႃႛယ︀ႂ်မ︀ဝ်ဝႃႈ ၸ︀ႂ်မ︀ႆ︀ႛꩫ︀က︀ေႃႇ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛꩭီတ︀်ꩭႂ်ႛမ︀ႃးꩫ︀မ︀်” ꩫ︀ꩬ︀ီတ︀ီဝႃႈꩫ︀မ︀်။

မ︀တ︀်တ︀ႄး 28:10

မ︀ꩫ︀်းꩡ︀ဝ်ႛယ︀ႃႇ “ပ︀ီက︀ူဝ်ႈ။ ꩫ︀ွင︀်ႇက︀ဝ်ႈၵ︀ဝ်မ︀ႆ︀ႛꩬ︀ိုင︀်က︀ႃꩬ︀ီ ၵ︀ဝ်မ︀ႆ︀ႛꩭႂ်ႛက︀ႃတ︀ိူင︀်းက︀ႃလ︀ိလ︀ႄးတ︀ႃႉ။ ဢ︀မ︀ႂ်းမ︀ႆ︀ႛၵ︀ဝ်က︀ဝ်ႈမ︀ႆ︀ႛ တ︀ီꩫ︀ႆ︀ႛꩭꩫ︀်ꩫ︀မ︀်” ꩫ︀ဢ︀ူ။

မ︀ႃက︀ု 3:34

ꩫ︀ယ︀ဝ်ႇက︀ီး က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ꩫ︀င︀်ႈၵ︀ုမ︀်ႇက︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ႅမ︀်းꩬ︀ီ “မ︀ေက︀ဝ်ႈꩫ︀ွင︀်ႇက︀ဝ်ႈၵ︀ဝ်ꩫ︀ꩫ︀ႆ︀ႇယ︀ႃႇ က︀ူဝ်ႇꩫ︀ႆ︀ႇၵ︀ဝ်ꩫ︀မ︀်။

မ︀ႃက︀ု 8:38

ꩡ︀ူဝ်ႈပ︀ၢꩫ︀်ႈင︀ႆ︀ႚ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ၸ︀ြႃးတ︀ြႃးမ︀ဝ်ယ︀င︀်းꩬ︀ီ ယ︀ုက︀်ႉꩭင︀်ႛꩫ︀ႆ︀ႇမ︀ႆ︀ႛ လ︀ၢႆ︀းပ︀ိူဝ်ႈက︀ဝ်ႈꩫ︀ၵ︀ႃ လ︀ၢႆ︀းပ︀ိူဝ်ႈတ︀ြႃးက︀ဝ်ႈꩬ︀ီ ꩬ︀င︀်ဝႃႈꩬ︀ူဢ︀ၢႆ︀ႈက︀ီး က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းက︀ေႃႇ မ︀ိူဝ်ႈဢ︀ဝ်ႈမ︀ူꩫ︀်ႈၸ︀ုင︀်းပ︀ူဝ်ꩡ︀ဝ်ႛထႃဝရ︀ၸ︀ြႃးင︀ႆ︀း တ︀င︀်းၵ︀ုꩫ︀်ꩬ︀ၢင︀်က︀ဝ်ႈၵ︀ဝ် က︀ျွႃးလ︀ူင︀်းမ︀ႃးꩫ︀ႆ︀ႇ ꩡ︀ႃႇꩭင︀်းꩬ︀ူတ︀ီဢ︀ၢႆ︀ႈꩫ︀မ︀်” ꩫ︀ဝꩫ︀်ႇ။

လ︀ုက︀ႃ 9:26

ꩬ︀င︀်ဝႃႈꩬ︀ူ လ︀ႆ︀ၢးပ︀ိူဝ်ႈက︀ဝ်ႈ၊ လ︀ႆ︀ၢးပ︀ိူဝ်ႈၵ︀ၢမ︀်းက︀ဝ်ႈꩬ︀ီ ဢ︀ႆ︀ၢႈက︀ီး မ︀ိူဝ်ႈလ︀ုက︀်ႉက︀ူꩫ︀်း ဢ︀ဝ်ႈမ︀ူꩫ︀်ႈင︀ဝ်းမ︀ꩫ︀်းꩡ︀ဝ်ႛ၊ ဢ︀ဝ်ႈမ︀ူꩫ︀်ႈင︀ဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ဢ︀ဝ်ႈမ︀ူꩫ︀်ႈင︀ဝ်းၵ︀ုꩫ︀်ꩬ︀ၢင︀်မ︀ူတ︀်ꩡ︀ၢင︀်ꩫ︀ႆ︀ႇၵ︀ဝ် က︀ျွႃးမ︀ႃးꩫ︀ႆ︀ႇ ꩡ︀ႃႇꩬ︀ူတ︀ီဢ︀ႆ︀ၢႈꩫ︀မ︀်။

ယ︀ေႃးꩭၢꩫ︀် 17:19

ꩭႂ်ႛပ︀ူဝ်းၵ︀ဝ် ꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းဢ︀ၢပ︀်ႉပ︀ီꩫ︀်ႈꩫ︀ႆ︀ႇ က︀ဝ်ႈၵ︀ႃႛၸ︀ူႛꩡ︀ဝ်ႛ ꩡ︀ႃႇဢ︀က︀ိဝ်းၵ︀ဝ် ꩡ︀ဝ်ႛမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်း ဢ︀ၢပ︀်ႉမ︀ႃးတ︀ီၵ︀ႃႛယ︀ဝ်ႇ။

ယ︀ေႃးꩭၢꩫ︀် 17:21

ၵ︀ဝ်မ︀ႆ︀ႛဢ︀ဝ်ႈၸ︀ွမ︀်ႇလ︀ွမ︀်ႈက︀ꩫ︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။ ပ︀ူဝ်ꩡ︀ဝ်ႛꩴ︀း က︀ꩫ︀်ႛꩫ︀ႂ်းက︀ဝ်ႈၵ︀ႃႛမ︀ႆ︀ႛ ꩡ︀ဝ်ႛယ︀င︀်းꩬ︀ီ က︀ꩫ︀်ႛꩫ︀ႂ်းꩡ︀ဝ်ႛမ︀ႆ︀ႛက︀ဝ်ႈၵ︀ႃႛယ︀င︀်းꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇက︀ꩫ︀်ႛꩫ︀ႂ်းꩭဝ်းၵ︀ႃႛမ︀ႆ︀ႛ ဢ︀ဝ်ႈယ︀င︀်းꩭႂ်ႛတ︀ီၵ︀ႃႛမ︀ႃးတ︀ႃႉ။ က︀ဝ်ႈၵ︀ႃႛမ︀ႆ︀ႛ ꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛဢ︀ဝ်ႈၸ︀ွမ︀်ႇလ︀ွမ︀်ႈက︀ꩫ︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။

ယ︀ေႃးꩭၢꩫ︀် 20:17

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈင︀ႆ︀ႚပ︀ူဝ်က︀ဝ်ႈမ︀ႆ︀ႛ ꩵ︀ႈပ︀ႆ︀ၵ︀ိုꩫ︀်ႛက︀ႃꩫ︀ႆ︀ႇꩬ︀ီ က︀ဝ်ႈမ︀ႆ︀ႛပ︀ီက︀ွတ︀်ဝႆ︀ႇ။ ၸ︀ူႛꩡ︀ွမ︀်းက︀ဝ်ႈၵ︀ဝ်မ︀ႆ︀ႛꩬ︀ိုင︀်က︀ႃꩬ︀ီ ပ︀ူဝ်က︀ဝ်ႈဢ︀ꩫ︀်ႈပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛ က︀ဝ်ႈတ︀ီၵ︀ိုꩫ︀်ႛက︀ႃꩫ︀မ︀်ꩫ︀ꩫ︀ႆ︀ႇ က︀ႃၵ︀ႆ︀ႈတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 17:26

မ︀ꩫ︀်းꩡ︀ဝ်ႛꩫ︀မ︀် က︀ူꩫ︀်းက︀ူဝ်ႇလ︀ိူင︀်ႈမ︀ႆ︀ႛၸ︀ၢꩫ︀်ꩬ︀ၢင︀်းꩬ︀ီ လ︀ုက︀်ႉက︀ူꩫ︀်းဢ︀မ︀ႂ်းမ︀ႆ︀ႛ ၸ︀ꩫ︀်းက︀ူꩫ︀်းတ︀င︀်းမ︀ိူင︀်း ဢ︀ဝ်ႈပ︀ႃးမ︀ႃးင︀ႆ︀း က︀မ︀်ၸ︀ႃက︀ူႈတ︀ီႈမ︀ႆ︀ႛ ꩭႂ်ႛဢ︀ူꩫ︀ႆ︀ႇ။ မ︀ꩫ︀်းꩡ︀ဝ်ႛꩫ︀မ︀် ꩡ︀ႃႇꩭၢင︀်းက︀ူꩫ︀်းက︀ူႈၸ︀ꩫ︀်း ꩡ︀ူဝ်ႈယ︀ၢမ︀်းဢ︀ꩫ︀်ႈဢ︀ူင︀ႆ︀း တ︀ီႈဢ︀ꩫ︀်ႈဢ︀ူꩫ︀ႆ︀ႇၵ︀ဝ် ꩬ︀ၢင︀်ꩭႂ်ႛꩡ︀ွင︀်ꩭႂ်ႛꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 17:28

“က︀ူꩫ︀်းꩭဝ်းယ︀ႃႇလ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ဢ︀ꩬ︀ၢက︀်ႉꩫ︀ိပ︀်ꩬ︀ီ ꩫ︀ိင︀်ၵ︀ွꩫ︀်းꩬ︀ီဢ︀ူꩫ︀ႆ︀ႇ” ꩫ︀ꩬ︀ီꩡ︀ဝ်ႛမ︀ူဝ်က︀ူဝ်ႇလ︀ိူင︀်ႈဝႃႈꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ိုꩫ︀်းꩫ︀က︀ဝ် ꩡ︀ဝ်ႛမ︀ူဝ်က︀မ︀်ႈၸ︀ွင︀်းယ︀ႃႇ “ꩭဝ်းက︀ေႃႇ လ︀ုက︀်ႉလ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်” ꩫ︀ꩬ︀ီက︀ေႃႇဝႃႈဢ︀ူ။

ရ︀ေႃမ︀ 8:29

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ လ︀ိူက︀်ႉဢ︀ဝ်ႈဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်လ︀ုက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ဢ︀ဝ်ႈပ︀ီꩫ︀်ႈꩭႂ်ႛဢ︀ူ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩫ︀ႂ်းက︀ူꩫ︀်းမ︀ꩫ︀်းꩡ︀ဝ်ႛတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ီꩫ︀်ႈလ︀ုက︀်ႉꩡ︀ႆ︀ၢးလ︀ူင︀်မ︀ႃးꩫ︀ႆ︀ႇꩫ︀မ︀်။

က︀လ︀ႃတ︀ိ 4:4

ꩫ︀ႆ︀ႇꩫ︀က︀ေႃႇ ယ︀ၢမ︀်းထိုင︀်မ︀ႃးက︀ီး ၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩬ︀ီ လ︀ုက︀်ႉမ︀ꩫ︀်းꩡ︀ဝ်ႛက︀ေႃႇ လ︀ုက︀်ႉက︀ူꩫ︀်းယ︀ိင︀်းမ︀ႆ︀ႛ ၸ︀ႃးပ︀ီꩫ︀်ႈက︀ူꩫ︀်းမ︀ႃးယ︀ဝ်ႇ။ ꩭႂ်ႛပ︀ူဝ်း က︀ူꩫ︀်းဢ︀ꩫ︀်ႈဢ︀ူက︀ꩫ︀်ႛတ︀ႂ်ႛꩬ︀ိꩫ︀်က︀ျူးꩫ︀ႆ︀ႇၵ︀ဝ်မ︀ႆ︀ႛ ထွတ︀်ꩭႂ်ႛꩫ︀ႆ︀ႇင︀ႆ︀း ꩭႂ်ႛပ︀ူဝ်းက︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ မ︀ꩫ︀်းꩡ︀ဝ်ႛ က︀ꩫ︀်ႛတ︀ႂ်ႛꩬ︀ိꩫ︀်က︀ျူးမ︀ႆ︀ႛ ၸ︀ႃးမ︀ႃးယ︀ဝ်ႇ။

ꩭေပ︀ရ︀ူး 10:10

လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛ ꩡ︀ႃႇထႃဝရ︀ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈ ပ︀ုက︀်ႉꩡ︀ူဝ်ꩫ︀ႆ︀ႇꩬ︀ီ ꩭဝ်းတ︀င︀်းလ︀ုင︀်မ︀ူတ︀်ꩡ︀ၢင︀်က︀ꩫ︀်ႈယ︀ဝ်ႇ။

ꩭေပ︀ရ︀ူး 10:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ ၵ︀ႅက︀်ဢ︀ꩫ︀်ႈလ︀ိူင︀်ႈꩫ︀ႆ︀ၢႈ ပ︀ုက︀်ႉꩡ︀ူဝ်မ︀ႃးꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ထႃဝရ︀ဢ︀ဝ်ႈတ︀ီမ︀်ႈက︀ုမ︀်ꩭႂ်ႛယ︀ဝ်ႇ။

ꩭေပ︀ရ︀ူး 11:16

ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ မ︀ိူင︀်းက︀ၢင︀်ႈꩭၢဝ် မ︀ိူင︀်းဢ︀ꩫ︀်ႈꩫ︀ီႈꩬ︀ႃမ︀ႆ︀ႛꩬ︀ိုင︀် ဢ︀ေꩬ︀ီဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ပ︀ီꩫ︀်ႈၸ︀ြႃးၵ︀ဝ်ꩫ︀ႆ︀ႇꩵ︀ႈဢ︀ႆ︀ၢႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛဝီင︀်းꩡ︀ႃႇꩭၢင︀်းၵ︀ဝ် ꩭႅမ︀်းဝႆ︀ႇꩬ︀ီꩫ︀မ︀်။

ꩭေပ︀ရ︀ူး 13:12

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုက︀ေႃႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်ꩫ︀ႆ︀ႇ က︀ꩫ︀်ႛꩫ︀ွက︀်ႉဝီင︀်းမ︀ႆ︀ႛ ၵ︀ၢမ︀်တ︀ႆ︀ၢႈမ︀ႃးဢ︀ူ။

ꩭေပ︀ရ︀ူး 2:14

ꩭဝ်းၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုက︀ေႃႇ မ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ၵ︀ုꩫ︀်ꩬ︀ူင︀်ဢ︀ꩫ︀်ႈတ︀ꩫ︀်းၵ︀ူဝ်းတ︀ၢင︀်းတ︀ႆ︀ၢႈယ︀င︀်းမ︀ႆ︀ႛ ယ︀ႃႇၵ︀ွတ︀်င︀ႆ︀း က︀ူꩫ︀်းꩭဝ်းဢ︀ꩫ︀်ႈက︀ူႈမ︀ိုဝ်ႇ တ︀ၢင︀်းတ︀ႆ︀ၢႈမ︀ႆ︀ႛ ꩫ︀င︀်ၵ︀ႃႛꩫ︀က︀ꩫ︀်ႈ ꩫ︀ႆ︀ႛက︀ူဝ်ႈꩬ︀ီဢ︀ူꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛက︀ွတ︀်ꩫ︀ꩬ︀ီ ꩫ︀င︀်ꩭဝ်းꩫ︀က︀ꩫ︀်ႈ ပ︀ီꩫ︀်ႈꩫ︀ိူဝ်ႇꩫ︀ိူတ︀်ႉမ︀ႃးꩫ︀မ︀်။

ꩭေပ︀ရ︀ူး 3:1

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၸ︀ူႛမ︀ူတ︀်ꩡ︀ၢင︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛဝႆ︀ႇꩫ︀ႆ︀ႇၵ︀ဝ်ꩴ︀း ꩡ︀ဝ်ႛယ︀ေꩬ︀ု ဢ︀ꩫ︀်ႈꩭဝ်းꩭွင︀်ႇ တ︀မ︀ၢꩫ︀်ꩡ︀ဝ်ႛꩫ︀ၵ︀ႃ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉမ︀ႆ︀ႛ ၵ︀ႂ်ႈꩡ︀ႂ်ႈꩫ︀ီႈꩫ︀ီႈ က︀ꩫ︀်ႈတ︀ႃႉ။