ꩭေပ︀ရ︀ူး 13:9 - Khamti Shan9 တ︀ြႃးဢ︀ꩫ︀်ႈမ︀ႂ် ဢ︀ꩫ︀်ႈလ︀ၢက︀်ꩰလ︀ႆ︀ၢးꩰꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩬ︀ီ ꩬ︀ူလ︀ုက︀်ႉꩬ︀မ︀်မ︀ႃတ︀ြႃးမ︀ႆ︀ႛ ပ︀ီၸ︀ႆ︀က︀ႃ။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇꩬ︀ိုင︀် ꩡ︀ႃႇၵ︀ွꩫ︀်ꩭဝ်း ဢ︀က︀ိဝ်းယ︀င︀်းတ︀ေႇတ︀ေႇꩫ︀မ︀်။ ထုင︀်းၸ︀ိင︀်ႛ ဢ︀ꩫ︀်ႈက︀ꩬ︀င︀်ဝႃႈက︀ိꩫ︀်ႈ က︀ꩬ︀င︀်ဝႃႈင︀ိူင︀်ႇ ꩫ︀ꩫ︀ႆ︀ႇၵ︀ဝ်မ︀ႆ︀ႛ ꩭီတ︀်င︀ဝ်ႛꩬ︀ီ ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇယ︀ႃႇ ဢ︀က︀ိဝ်းꩵ︀ႈယ︀င︀်း။ အခန်းကိုကြည့်ပါ။ |
ꩭေပ︀ရ︀ူး 13:9
35 ပူးပေါင်းရင်းမြစ်များ
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ွင︀်ႈဢ︀ꩫ︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ုပ︀်ႉပ︀ိုင︀်ꩫ︀ႆ︀ႇယ︀ႃႇ တ︀င︀်းဢ︀ꩫ︀်ႈက︀ꩬ︀င︀်ဝႃႈက︀ိꩫ︀်ႈ က︀ꩬ︀င︀်မ︀ဝ်ဝႃႈက︀ိꩫ︀်ႈꩫ︀ꩫ︀ႆ︀ႇꩵ︀ႈလ︀ႅင︀်က︀ꩫ︀်ႈ။ တ︀င︀်းဢ︀ꩫ︀်ႈပ︀ၢင︀်ႈꩫ︀ႃႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩰတ︀ူဝ်ꩰꩬ︀ီဢ︀ူ၊ ဢ︀ꩫ︀်ႈတ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈꩬ︀ီဢ︀ူင︀ႆ︀း ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ꩭုမ︀်ꩰꩡ︀ူမ︀်းꩰဢ︀ူꩫ︀ႆ︀ႇၵ︀ဝ်ꩫ︀မ︀်လ︀ႅင︀်က︀ꩫ︀်ႈꩫ︀ႆ︀ႇ။
က︀ူဝ်ႇဢ︀ꩫ︀်ႈဝꩫ︀်းမ︀ႅတ︀်ႉဝꩫ︀်းထွတ︀်ႉမ︀ႆ︀ႛ က︀မ︀်ႈꩬ︀ိꩫ︀်ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီ က︀မ︀်ႈꩬ︀ိꩫ︀်ꩫ︀မ︀်။ က︀ူဝ်ႇဢ︀ꩫ︀်ႈတ︀ၢင︀်းက︀ိꩫ︀်ႈက︀ꩬ︀င︀်မ︀ႆ︀ႛက︀ေႃႇ မ︀ဝ်င︀ိူင︀်ႇꩬ︀ီ က︀ိꩫ︀်ႈꩫ︀ႆ︀ႇက︀ေႃႇ ယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ိꩫ︀်ႈꩫ︀မ︀်။ က︀ူဝ်ႇဢ︀ꩫ︀်ႈတ︀ၢင︀်းက︀ိꩫ︀်ႈက︀မ︀်ႈၸ︀ွင︀်းမ︀ႆ︀ႛ င︀ိူင︀်ႇꩫ︀ႆ︀ႇက︀ေႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီ င︀ိူင︀်ႇꩫ︀မ︀်။ ၵ︀ဝ်ꩭီတ︀်င︀ႆ︀းꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီꩭီတ︀်ꩫ︀မ︀်။
ꩬ︀င︀်ဝႃႈ ဢ︀ꩫ︀်ႈက︀ိꩫ︀်ႈယ︀ႃႇ ꩡ︀ႃႇတ︀ွင︀်ႇꩫ︀မ︀်။ တ︀ွင︀်ႇက︀ေႃႇ ꩡ︀ႃႇဢ︀ꩫ︀်ႈက︀ိꩫ︀်ႈꩫ︀မ︀် ꩫ︀က︀တ︀ႃႉ။ ꩫ︀ႆ︀ႇꩫ︀က︀ေႃႇ ဢ︀မ︀ႂ်းꩫ︀ၵ︀ႃတ︀င︀်းꩬ︀ွင︀်ဢ︀ꩫ︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီယ︀ႃႇၵ︀ွတ︀်ꩫ︀မ︀်။ တ︀ူဝ်ႈꩭဝ်းꩫ︀ႆ︀ႇ ꩡ︀ႃႇၸ︀ိတ︀်က︀ႃႛမ︀ꩭင︀်ႛꩵ︀ႈꩡ︀ႂ်ႈ။ ꩡ︀ႃႇꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ တ︀ူဝ်ႈꩭဝ်းမ︀ႆ︀ႛမ︀ိုင︀်ႇꩭႂ်ႛဢ︀ူ။
ꩡ︀ႃႇလ︀ိူင︀်ႈ ꩡ︀ဝ်ႛဢ︀ꩫ︀်ႈꩬ︀ူꩫ︀ၵ︀ႃတ︀ူႈမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛၵ︀ရ︀ီတ︀်မ︀ႆ︀ႛ ဢ︀ဝ်ႈယ︀ုမ︀်ယ︀မ︀်ႈၵ︀ိူင︀်ꩰꩭႂ်ႛꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛလ︀ိူက︀်ႉဢ︀ဝ်ႈင︀ႆ︀း တ︀ွက︀်ꩡ︀ုမ︀်ႛဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ က︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩭဝ်းမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛꩬ︀ႂ်ꩭႂ်ႛဢ︀ူ။ ၵ︀ွꩫ︀်ဢ︀မ︀ႂ်းယ︀ႃႇ ဢ︀ႃမ︀ၵ︀ၢမ︀်ꩡ︀ႃႇꩭၢင︀်း ဢ︀ꩫ︀်ႈꩭဝ်းမ︀ႆ︀ႛမ︀ꩫ︀်းꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းꩫ︀မ︀်။
ဝꩫ︀်းꩡ︀ဝ်ႛယ︀ေꩬ︀ုက︀ျွႃးပ︀ွက︀်ႉမ︀ႃးꩫ︀ႆ︀ႇထိုင︀်မ︀ႃးယ︀ဝ်ႇꩫ︀ꩬ︀ီ ပ︀ိူꩫ︀်ႈꩭိုဝ်လ︀ိုဝ်ꩬ︀ီဝႃႈꩫ︀က︀ေႃႇ ၵ︀တ︀်ႉၵ︀ႅင︀်းပ︀ီဢ︀ၢမ︀်းက︀ꩫ︀်ႈ၊ ꩡ︀ႂ်ႈယ︀ုင︀်ႛꩬ︀ီ ပ︀ီꩡ︀ႂ်ႈလ︀ူႇꩡ︀ႂ်ႈမ︀ႃက︀ꩫ︀်ႈ။ ၵ︀ၢဝ်ႈၵ︀ၢမ︀်းꩫ︀ႆ︀ႇꩭူင︀်က︀ꩫ︀်ႈက︀ီး ပ︀ိူꩫ︀်ႈယ︀ႃႇတ︀ီၵ︀ꩫ︀်တ︀ႂ်းၿျႃၻိက︀်ႉဢ︀ꩫ︀်ႈတ︀ူႈꩭူဝ်း၊ ၵ︀ၢမ︀်းဢ︀ꩫ︀်ႈတ︀ူႈꩬ︀ွꩫ︀်ꩬ︀င︀်၊ လ︀ိက︀်ႉဢ︀ꩫ︀်ႈတ︀ူႈတ︀ႅမ︀်ႛက︀ꩫ︀်ႈꩫ︀မ︀်။
က︀ူဝ်ႇꩬ︀ေႛꩭၢက︀်ႉၵ︀ဝ်ꩴ︀း က︀ူꩫ︀်းဢ︀ꩫ︀်ႈ က︀ဝ်ႈမ︀ႆ︀ႛၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈဢ︀ူ ꩫ︀ꩬ︀ီဝႃႈꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ပ︀ီယ︀ုမ︀်ဝၢင︀်။ ၵ︀ၢမ︀်းဢ︀ꩫ︀်ႈၵ︀ဝ်ဝႃႈမ︀ႆ︀ႛ ꩡ︀ႅပ︀်ႉလ︀ႅမ︀်းဢ︀ွꩫ︀်ႈတ︀ႃႉ။ င︀ႆ︀းက︀ီး ဢ︀ꩫ︀်ႈၵ︀ဝ်ဝႃႈꩫ︀ႆ︀ႇ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀် ꩡ︀ႂ်ႈမ︀ဝ်ꩡ︀ႂ်ႈꩫ︀ꩫ︀ႆ︀ႇတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် က︀ူႈတ︀ီႈက︀ူႈꩫ︀ႅꩫ︀်ႈမ︀ႆ︀ႛ ထိုင︀်က︀ႃက︀ꩫ︀်ႈယ︀ဝ်ႇ။
ၵ︀ဝ်ယ︀ႃႇ ဢ︀ꩫ︀်ႈက︀ူဝ်ႈဢ︀ꩫ︀်ႈဢ︀ႆ︀ၢႈမ︀ဝ်ယ︀င︀်းင︀ႆ︀း က︀ိꩫ︀်ႈꩰမ︀ဝ်းꩰင︀ႆ︀း ဢ︀ꩫ︀်ႈꩬ︀ူၵ︀ဝ်ႛၵ︀ွꩫ︀်ႛက︀ꩫ︀်ႈမ︀ႆ︀ႛ ၵ︀ဝ်ႛလ︀ွေႛꩬ︀ီ ꩬ︀ူမ︀ႆ︀ႛဢ︀ဝ်ႈမ︀ူꩫ︀်ႈယ︀ွမ︀်းဢ︀ူ။ ၵ︀ဝ်ယ︀ႃႇ ꩡ︀ႃႇၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈꩫ︀မ︀်လ︀ႅမ︀်းꩫ︀ႆ︀ႇ။ င︀ႆ︀းꩬ︀ီ ၵ︀ဝ်ယ︀ႃႇ မ︀ွက︀်ၸ︀ူꩫ︀်ဢ︀ꩫ︀်ႈၸ︀ူꩫ︀်မ︀ဝ်လ︀ွေႛꩬ︀ီ ပ︀ႅဝ်ႈလ︀ူမ︀်းက︀ႃꩫ︀က︀ꩫ︀်ႈ၊ တ︀ူꩫ︀်ႛမ︀ႆ︀ႇဢ︀ꩫ︀်ႈယ︀ၢမ︀်းထိုင︀်ꩫ︀က︀ေႃႇ မ︀က︀်မ︀ဝ်ပ︀ီꩫ︀်ႈꩬ︀ီ လ︀ုက︀်ႉင︀ဝ်ႛမ︀ႆ︀ႛထွေႛၵ︀ွတ︀်ꩬ︀ီ တ︀ႆ︀ၢႈꩬ︀ွင︀်ပ︀ၢꩫ︀်ႈက︀ႃꩫ︀က︀ꩫ︀်ႈ၊
ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛက︀ဝ်ႈ လ︀ွင︀်ႈတ︀ꩫ︀်းၵ︀ူဝ်း ဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛမ︀ႃးꩫ︀ႆ︀ႇ ၵ︀ႂ်ႈတ︀ႅမ︀်ႛလ︀ူင︀်မ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ လ︀ွင︀်ႈဢ︀ꩫ︀်ႈꩬ︀ူမ︀ႆ︀ႛၵ︀ႂ်ႈꩭႂ်ႛက︀ုမ︀်ႇ ꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇꩬ︀ိုင︀် က︀ဝ်ႈဝႃႈတ︀ႅမ︀်ႛက︀ႃꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းယ︀ႃႇ ဢ︀ꩫ︀်ႈမ︀ဝ်လ︀ွက︀်ႉလ︀ႆ︀ၢႈꩡ︀ၢင︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။
ကြော်ငြာတွေ