ꩭေပ︀ရ︀ူး 13:3 - Khamti Shan

³ က︀ူꩫ︀်းဢ︀ꩫ︀်ႈတ︀ူက︀်ထွင︀်ꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ꩬ︀ူၸ︀ူႛꩡ︀ဝ်ႛက︀ေႃႇ တ︀င︀်းၵ︀ဝ်တ︀ူက︀်ထွင︀်ဢ︀ူꩫ︀က︀ꩫ︀်ႈ ၵ︀ၢꩫ︀်ꩡ︀ႂ်ႈꩭႂ်ႛက︀ꩫ︀်ႈတ︀ႃႉ။ က︀ူꩫ︀်းဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ꩬ︀ူၸ︀ူႛꩡ︀ဝ်ႛက︀ေႃႇ ၵ︀ၢမ︀်ဝေတ︀ꩫ︀ႃꩫ︀က︀ꩫ︀်ႈ ၵ︀ၢꩫ︀်ꩡ︀ႂ်ႈꩭႂ်ႛက︀ꩫ︀်ႈတ︀ႃႉ။

ꩭေပ︀ရ︀ူး 13:3 ပူးပေါင်းရင်းမြစ်များ

မ︀တ︀်တ︀ႄး 25:36

မ︀ိူဝ်ႈက︀ဝ်ႈၵ︀ိူင︀်ႈꩫ︀ုင︀်ႈမ︀ဝ်ယ︀င︀်းꩫ︀ႆ︀ႇက︀ေႃႇ ၵ︀ိူင︀်ႈꩭႂ်ႛမ︀ႃးဢ︀ူ။ မ︀ိူဝ်ႈက︀ဝ်ႈမ︀ဝ်ပ︀ီꩫ︀်ႈꩫ︀ႆ︀ႇက︀ေႃႇ မ︀ိုင︀်ႇꩭႂ်ႛမ︀ႃးဢ︀ူ။ မ︀ိူဝ်ႈက︀ဝ်ႈတ︀ူက︀်ထွင︀်ꩫ︀ႆ︀ႇက︀ေႃႇ က︀ဝ်ႈမ︀ႆ︀ႛမ︀ႃးလ︀ႅမ︀်းꩭႂ်ႛဢ︀ူ” ꩫ︀ꩬ︀ီတ︀ီဝႃႈꩫ︀မ︀်။

မ︀တ︀်တ︀ႄး 25:43

မ︀ိူဝ်ႈက︀ဝ်ႈꩭိူꩫ︀်းꩬ︀ူမ︀ႆ︀ႛထိုင︀်မ︀ႃးꩫ︀ႆ︀ႇက︀ေႃႇ ꩬ︀ူꩵ︀ႈꩭၢပ︀်ႉꩵ︀ႈမ︀ိုင︀်ႇမ︀ႃး။ မ︀ိူဝ်ႈက︀ဝ်ႈၵ︀ိူင︀်ႈꩫ︀ုင︀်ႈမ︀ဝ်ယ︀င︀်းꩫ︀ႆ︀ႇက︀ေႃႇ ၵ︀ိူင︀်ႈꩫ︀ုင︀်ꩵ︀ႈꩭႂ်ႛမ︀ႃး။ မ︀ိူဝ်ႈက︀ဝ်ႈမ︀ဝ်ပ︀ီꩫ︀်ႈꩫ︀ႆ︀ႇက︀ေႃႇ ꩵ︀ႈမ︀ိုင︀်ႇꩭႂ်ႛမ︀ႃး။ မ︀ိူဝ်ႈက︀ဝ်ႈတ︀ူက︀်ထွင︀်ꩫ︀ႆ︀ႇက︀ေႃႇ က︀ဝ်ႈမ︀ႆ︀ႛꩵ︀ႈမ︀ႃးလ︀ႅမ︀်း” ꩫ︀ꩬ︀ီတ︀ီဝႃႈꩫ︀မ︀်။

ထဝ်ꩡ︀တ︀်ႉၵ︀ဝ် 24:23

ယ︀ဝ်ႇက︀ီး ꩡ︀ဝ်ႛꩭူဝ်ꩬ︀ိူက︀်ဢ︀ွꩫ︀်ဢ︀ꩫ︀်ႈပ︀ႂ်ႇပ︀ေႃလ︀ုမ︀ႆ︀ႛ ဢ︀မ︀ိင︀်းꩭႂ်ႛꩬ︀ီပ︀ေႃလ︀ုမ︀ႆ︀ႛ ꩭႂ်ႛပ︀ႂ်ႇꩫ︀ီႈꩫ︀ီႈ ဢ︀ူ။ တ︀ႆ︀းက︀ူဝ်ႇဢ︀ꩫ︀်ႈပ︀ေႃလ︀ုမ︀ႆ︀ႛမ︀ိုင︀်ႇꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ၵ︀ၢင︀်းဢ︀ꩫ︀်ႈမ︀ိုင︀်ႇꩭႂ်ႛဝႆ︀ႇဢ︀ူ။

ထဝ်ꩡ︀တ︀်ႉၵ︀ဝ် 27:3

ꩫ︀င︀်မ︀ိူဝ်ႈꩭုက︀်ႉ တ︀ူႈဝီင︀်းꩡ︀ိတ︀ုင︀်မ︀ႆ︀ႛထိုင︀်က︀ႃဢ︀ူ။ ꩡ︀ဝ်ႛꩭူဝ်ꩬ︀ိူက︀်ယ︀ႃႇ ပ︀ေႃလ︀ုမ︀ႆ︀ႛဢ︀ီꩫ︀ူႈꩬ︀ီ ဢ︀ၵ︀ၢင︀်းဢ︀ꩫ︀်ႈက︀ႃꩭꩫ︀် တ︀ႆ︀းက︀ူဝ်ႇမ︀ꩫ︀်းၵ︀ဝ်ꩭႂ်ႛဢ︀ူ။ တ︀ႆ︀းက︀ူဝ်ႇမ︀ꩫ︀်းၵ︀ဝ်မ︀ႆ︀ႛက︀ေႃႇ ဢ︀ၵ︀ၢင︀်းဢ︀ꩫ︀်ႈပ︀ေႃလ︀ုမ︀ႆ︀ႛ မ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀ꩫ︀ႆ︀ႇꩭႂ်ႛဢ︀ူ။

ရ︀ေႃမ︀ 12:15

တ︀င︀်းက︀ူꩫ︀်းဢ︀ꩫ︀်ႈꩡ︀ူမ︀်းꩭုမ︀်ꩫ︀ႆ︀ႇၵ︀ဝ် ꩡ︀ူမ︀်းꩭုမ︀်လ︀ွေႛက︀ꩫ︀်ႈတ︀ႃႉ။ တ︀င︀်းက︀ူꩫ︀်းဢ︀ꩫ︀်ႈၵ︀ီၵ︀ုမ︀်ꩫ︀ႆ︀ႇၵ︀ဝ် ၵ︀ီၵ︀ုမ︀်လ︀ွေႛက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 12:26

င︀ႆ︀းꩫ︀ႆ︀ႇꩬ︀ီ တ︀ူဝ်ႈꩭဝ်းမ︀ႆ︀ႛ ꩬ︀ိက︀်ႉတ︀ွꩫ︀်ႈဢ︀ꩫ︀်ႈလ︀ိူင︀်ႈ ꩫ︀ႆ︀ႛꩡ︀ီပ︀်က︀ီး ꩬ︀ိက︀်ႉတ︀ွꩫ︀်ႈတ︀ၢင︀်ဢ︀ꩫ︀်ႈတ︀င︀်းမ︀ိူင︀်း ꩡ︀ီပ︀်လ︀ွေႛဢ︀ူ။ ꩬ︀ိက︀်ႉတ︀ွꩫ︀်ႈꩭဝ်းဢ︀ꩫ︀်ႈလ︀ိူင︀်ႈမ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛက︀ီး ꩬ︀ိက︀်ႉတ︀ွꩫ︀်ႈဢ︀ꩫ︀်ႈက︀ိူတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း ꩡ︀ူမ︀်းလ︀ွေႛဢ︀ူ။

ဢ︀ေၸ︀ႅတ︀် 4:1

င︀ႆ︀းꩫ︀ႆ︀ႇꩬ︀ီ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛဝႆ︀ႇꩫ︀ႆ︀ႇꩬ︀ီ ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛၵ︀ႂ်ႈꩭႂ်ႛဢ︀ူꩫ︀က︀ꩫ︀်ႈ ဢ︀ူက︀ꩫ︀်ႈမ︀ႃးတ︀ႃႉꩫ︀ꩬ︀ီ က︀ဝ်ႈၸ︀ူႛဢ︀ꩫ︀်ႈလ︀ႆ︀ၢးပ︀ိူဝ်ႈꩭီတ︀်ဢ︀မ︀ူးမ︀ꩫ︀်းꩡ︀ဝ်ႛꩬ︀ီ ꩫ︀ႆ︀ႛတ︀ူက︀်ထွင︀်ဢ︀ူꩫ︀ႆ︀ႇ ၵ︀ႅꩫ︀်းဝွꩫ︀်းဢ︀ူ။

က︀ေႃလ︀ေႃတ︀ႄ 4:18

ဢ︀ꩫ︀်ႈꩫ︀ႆ︀ႇယ︀ႃႇ လ︀ိက︀်ႉဢ︀ꩫ︀်ႈက︀ဝ်ႈပ︀ေႃလ︀ုၸ︀ူႛꩡ︀ဝ်ႛတ︀ႅမ︀်ႛꩫ︀မ︀် ꩫ︀ꩬ︀ီ ဢ︀ဝ်ႈမ︀ိုဝ်းက︀ဝ်ႈၸ︀ူႛꩡ︀ဝ်ႛ တ︀ႅမ︀်ႛမ︀ႃးယ︀ဝ်ႇ။ က︀ဝ်ႈတ︀ူက︀်ထွင︀်ဢ︀ူꩫ︀မ︀်ꩫ︀ꩫ︀ႆ︀ႇ ꩬ︀ူပ︀ီလ︀ုမ︀်း။ ꩬ︀ူတ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀တ︀ႃႉ။

ꩭေပ︀ရ︀ူး 10:34

က︀ူꩫ︀်းဢ︀ꩫ︀်ႈတ︀ူက︀်ထွင︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ူဢ︀ီꩫ︀ူႈမ︀ႃးဢ︀ူ။ ၵ︀ူဝ်းလ︀ိင︀်းꩬ︀ူꩫ︀ႆ︀ႇၵ︀ဝ်မ︀ႆ︀ႛ ပ︀ိူꩫ︀်ႈၸ︀ိဝ်ႛဢ︀ဝ်ႈက︀ႃꩫ︀က︀ေႃႇ ꩬ︀ူမ︀ႆ︀ႛ ၵ︀ူဝ်းလ︀ိင︀်းဢ︀ꩫ︀်ႈမ︀ျတ︀်ႉꩬ︀ႃ ဢ︀ꩫ︀်ႈမ︀ဝ်လ︀ူႇꩡ︀ၢင︀်ႈ ယ︀င︀်းဢ︀ူꩫ︀မ︀်ꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ႆ︀ႇꩬ︀ီ ꩭုမ︀်ꩰꩡ︀ူမ︀်းꩰက︀ꩫ︀်ႛမ︀ႃးဢ︀ူ။

ꩭေပ︀ရ︀ူး 11:37

က︀မ︀်ႈၸ︀ွင︀်းမ︀ႆ︀ႛ ဢ︀ဝ်ႈꩭိꩫ︀်ꩬ︀ိုင︀်းတ︀ႆ︀ၢႈ၊ က︀မ︀်ႈၸ︀ွင︀်းမ︀ႆ︀ႛ ဢ︀ဝ်ႈလ︀ီက︀်လ︀ိူဝ်ႈလ︀ိူဝ်ႈတ︀ႆ︀ၢႈ၊ က︀မ︀်ႈၸ︀ွင︀်းမ︀ႆ︀ႛ ဢ︀ဝ်ႈၸ︀ႃႇတ︀ႅပ︀်တ︀ႆ︀ၢႈꩫ︀ႆ︀ႇၵ︀ဝ် ယ︀င︀်းမ︀ႃးဢ︀ူ။ ၵ︀ဝ်ယ︀ႃႇ ယ︀ၢက︀်ႉၸ︀ၢꩫ︀်ၵ︀ႅတ︀်ႉꩰꩬ︀ီ ဢ︀ဝ်ႈꩫ︀င︀်ပ︀ေႇယ︀ႃႛ၊ ꩫ︀င︀်ပ︀ူႇꩫ︀ႆ︀ႇၵ︀ဝ်ꩫ︀ႆ︀ၢႈ ꩭီတ︀်ၵ︀ိူင︀်ႈꩬ︀ီꩫ︀ုင︀်ႈင︀ႆ︀း ပ︀ꩫ︀်လ︀ေꩬ︀ီ ဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉ ဢ︀ꩫ︀်ႈပ︀ိူꩫ︀်ႈမ︀ဝ်တ︀ြႃးꩫ︀ႆ︀ႇၵ︀ဝ် ꩫ︀ႆ︀ႛၵ︀ၢမ︀်မ︀ႃးဢ︀ူ။

ပ︀ေတ︀ရ︀ု ႑ 3:8

ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛၵ︀ႂ်ႈဝႃႈꩫ︀ႆ︀ႇယ︀ႃႇ ꩬ︀ူတ︀င︀်းမ︀ိူင︀်ႈ ꩡ︀ႂ်ႈၵ︀ူမ︀်က︀ꩫ︀်ႈတ︀ႃႉ။ ꩫ︀င︀်ပ︀ီႈꩫ︀ွင︀်ႇက︀ꩫ︀်ႈꩫ︀က︀ꩫ︀်ႈ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈ၊ လ︀ႅင︀်ႇက︀ꩫ︀်ႈ၊ ဢ︀ီꩫ︀ူႈက︀ꩫ︀်ႈꩬ︀ီ က︀ွမ︀်းꩫ︀ွမ︀်းက︀ꩫ︀်ႈတ︀ႃႉ။