ꩭေပ︀ရ︀ူး 13:22 - Khamti Shan

²² ပ︀ီႈꩫ︀ွင︀်ႇၵ︀ဝ်ꩴ︀း လ︀ိက︀်ႉဢ︀ꩫ︀်ႈꩬ︀ႂ်ꩭႅင︀်းꩫ︀ႆ︀ႇ က︀ဝ်ႈဢ︀ဝ်ႈပ︀ွတ︀်ꩰတ︀ႅမ︀်ႛဝႆ︀ႇꩫ︀ႆ︀ႇꩬ︀ီ ꩭီတ︀်ꩫ︀ီႈꩫ︀ီႈထွမ︀်က︀ꩫ︀်ႈမ︀ႃးတ︀ႃႉ။

ꩭေပ︀ရ︀ူး 13:22 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 13:15

က︀ျမ︀်းꩬ︀ိꩫ︀်မ︀ေႃꩬ︀ေꩫ︀ၵ︀ႃ က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ဢ︀ၢꩫ︀်ယ︀ဝ်ႇက︀ီး ၸ︀ူႛမ︀ိုင︀်ႇꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်ယ︀ႃႇ ၸ︀ူႛꩡ︀ႂ်ႇပ︀ွႆ︀ꩬ︀ီ “ပ︀ီႈꩫ︀ွင︀်ႇၵ︀ဝ်ꩴ︀း ၵ︀ၢမ︀်းဢ︀ꩫ︀်ႈၵ︀ႂ်ႈꩬ︀င︀်ꩬ︀ွꩫ︀်ယ︀င︀်းက︀ီး ꩬ︀င︀်ꩬ︀ွꩫ︀်ꩭႂ်ႛမ︀ႃးတ︀ႃႉ” ꩫ︀ꩬ︀ီပ︀ေႃလ︀ုၵ︀ဝ်မ︀ႆ︀ႛဝႃႈဢ︀ူ။

က︀ေႃရ︀ိꩫ︀်တ︀ု ႒ 10:1

က︀ဝ်ႈပ︀ေႃလ︀ုယ︀ႃႇ မ︀ိူဝ်ႈတ︀ူဝ်ꩫ︀ႃႛက︀ꩫ︀်ႈꩫ︀ႆ︀ႇက︀ူဝ်ႈꩰꩬ︀ွင︀်ꩰတ︀ၢꩫ︀်ႛꩬ︀ီ မ︀ိူဝ်ႈဢ︀ဝ်ႈလ︀ိက︀်ႉတ︀ႅမ︀်ႛက︀ီးꩭတ︀်ꩭၢꩫ︀်ဢ︀ူ ꩫ︀ꩬ︀ီက︀ူꩫ︀်းꩬ︀ူက︀မ︀်ႈၸ︀ွင︀်းဝႃႈဢ︀ူ။ ꩫ︀ႆ︀ႇꩫ︀က︀ေႃႇ င︀ႆ︀ႚက︀ဝ်ႈ ꩡ︀ႂ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈက︀ွမ︀်းꩫ︀ွမ︀်း ဢ︀ူꩫ︀်ႛꩥ︀ေႈꩫ︀ႆ︀ႇပ︀ၢက︀်ႉꩬ︀ီ ꩬ︀ူမ︀ႆ︀ႛ ဝွꩫ︀်းၵ︀ႅꩫ︀်းက︀ွတ︀်။ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ က︀ူဝ်ႇဢ︀ꩫ︀်ႈꩫ︀င︀်က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩭီတ︀်ဢ︀မ︀ူးꩫ︀မ︀်ꩫ︀ꩬ︀ီ ဝႃႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈဝႃႈတ︀ၢꩫ︀်ႛၵ︀တ︀်ꩰꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူပ︀်တ︀င︀်းꩬ︀ူꩬ︀ီ ꩭႂ်ႛပ︀ူဝ်းၵ︀ဝ်မ︀ႆ︀ႛ မ︀ဝ်တ︀ၢꩫ︀်ႛၵ︀တ︀်ꩰꩫ︀ႆ︀ႇ ꩡ︀ွႆ︀ႈက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 5:20

င︀ႆ︀းꩫ︀ႆ︀ႇꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဝႃႈꩫ︀က︀ꩫ︀်ႈ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ထုက︀်က︀ꩫ︀်ႈပ︀ွက︀်ႉမ︀တ︀ႃႉꩫ︀ꩬ︀ီ တ︀ၢင︀်ႈတ︀ူဝ်ႈꩡ︀ဝ်ႛၵ︀ရ︀ီတ︀်ꩬ︀ီ ꩬ︀ူမ︀ႆ︀ႛတ︀ူႈဝွꩫ︀်းၵ︀ႅꩫ︀်းဢ︀ူ။

က︀ေႃရ︀ိꩫ︀်တ︀ု ႒ 6:1

တ︀ူႈယ︀ႃႇ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛꩭီတ︀်ဢ︀မ︀ူးꩫ︀ႆ︀ႇꩬ︀ီ က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛ ꩬ︀ူ ပ︀ီဝႆ︀ႇꩬ︀ၢႆ︀ႇꩫ︀ꩬ︀ီ ဝွꩫ︀်းၵ︀ႅꩫ︀်းဢ︀ူ။

က︀လ︀ႃတ︀ိ 6:11

လ︀ိက︀်ႉတ︀ွꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈဢ︀ဝ်ႈမ︀ိုဝ်းက︀ဝ်ႈၸ︀ူႛꩡ︀ဝ်ႛတ︀ႅမ︀်ႛꩫ︀မ︀်။ တ︀ူဝ်ႈလ︀ိက︀်ႉက︀ဝ်ႈဢ︀ꩫ︀်ႈယ︀ႂ်ꩰꩫ︀ႆ︀ႇၵ︀ဝ်မ︀ႆ︀ႛလ︀ႅမ︀်းတ︀ႃႉ။

ဢ︀ေၸ︀ႅတ︀် 3:3

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛလ︀ိူက︀်ႉꩰလ︀မ︀်ꩰꩬ︀ၢင︀်ဝႆ︀ႇꩫ︀ႆ︀ႇ က︀ဝ်ႈမ︀ႆ︀ႛ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။ လ︀ွင︀်ႈꩫ︀ႆ︀ႇ က︀ဝ်ႈꩬ︀ူမ︀ႆ︀ႛꩡ︀ွꩫ︀်လ︀ိူင︀်ႈတ︀ႅမ︀်ႛꩭႂ်ႛမ︀ႃးယ︀ဝ်ႇ။

ꩭေပ︀ရ︀ူး 12:5

ၵ︀ၢမ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛမ︀တ︀်ႉလ︀ုက︀်ႉꩬ︀ီ ꩬ︀ႂ်ꩭႅင︀်းꩭႂ်ႛမ︀ႃးမ︀ႆ︀ႛ ꩬ︀ူလ︀ုမ︀်းက︀ႃက︀ျႃး။ မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “လ︀ုက︀်ႉက︀ဝ်ႈꩴ︀း ဢ︀ꩫ︀်ႈꩡ︀ဝ်ႛထႃဝရ︀ၸ︀ြႃး ꩬ︀ွꩫ︀်ꩬ︀ုင︀်းမ︀ႃးမ︀ႆ︀ႛ ပ︀ီမ︀ဝ်လ︀ႅင︀်ႇ။ မ︀ိူဝ်ႈမ︀ꩫ︀်းꩡ︀ဝ်ႛ ꩬ︀ုင︀်းမ︀ႃးꩫ︀ႆ︀ႇ ꩡ︀ႂ်ႈပ︀ီၸ︀ေႛ။

ꩭေပ︀ရ︀ူး 13:19

ꩭႂ်ႛပ︀ူဝ်းက︀ဝ်ႈ ꩬ︀ူမ︀ႆ︀ႛꩡ︀ိဝ်းꩰထိုင︀်ပ︀ွက︀်ႉမ︀ႃးꩫ︀ႆ︀ႇ ꩭီတ︀်ဢ︀ၵ︀ႅက︀်ႉꩬ︀ီ ယ︀ွꩫ︀်းꩬ︀ူးꩭႂ်ႛက︀ꩫ︀်ႈမ︀ႃးတ︀ႃႉ။

ꩭေပ︀ရ︀ူး 2:1

င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းꩭဝ်းမ︀ဝ်ပ︀ႅက︀်တ︀ၢင︀်းက︀ႃꩫ︀ႆ︀ႇ ဢ︀ꩫ︀်ႈꩭဝ်းꩫ︀ႆ︀ႛꩥ︀ိꩫ︀်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ႆ︀ႉထွမ︀်ꩫ︀ီႈꩫ︀ီႈ က︀ꩫ︀်ႈꩫ︀မ︀်။

ꩭေပ︀ရ︀ူး 3:1

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၸ︀ူႛမ︀ူတ︀်ꩡ︀ၢင︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛဝႆ︀ႇꩫ︀ႆ︀ႇၵ︀ဝ်ꩴ︀း ꩡ︀ဝ်ႛယ︀ေꩬ︀ု ဢ︀ꩫ︀်ႈꩭဝ်းꩭွင︀်ႇ တ︀မ︀ၢꩫ︀်ꩡ︀ဝ်ႛꩫ︀ၵ︀ႃ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉမ︀ႆ︀ႛ ၵ︀ႂ်ႈꩡ︀ႂ်ႈꩫ︀ီႈꩫ︀ီႈ က︀ꩫ︀်ႈတ︀ႃႉ။

ꩭေပ︀ရ︀ူး 4:1

ꩡ︀ႃႇလ︀ိူင︀်ႈ က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ႃႇꩭဝ်း ၵ︀ဝ်ႛတ︀ီႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ꩫ︀်းꩡ︀ဝ်ႛꩫ︀ႆ︀ႇ ယ︀င︀်းဢ︀ူꩫ︀ႆ︀ႇꩬ︀ီ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈမ︀ဝ်ꩫ︀ႆ︀ႛၵ︀ဝ်ႛ ꩭႂ်ႛပ︀ူဝ်းမ︀ဝ်ယ︀င︀်းꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

ꩭေပ︀ရ︀ူး 4:11

င︀ႆ︀းꩫ︀ႆ︀ႇꩬ︀ီ ꩫ︀င︀်က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩬ︀ီ ꩫ︀ႆ︀ႛလ︀ူႇꩬ︀ုမ︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩭဝ်းယ︀ႃႇမ︀ဝ်လ︀ူႇꩬ︀ုမ︀်းꩬ︀ီ ꩭႂ်ႛပ︀ူဝ်းတ︀ီႈက︀တ︀်ယ︀ီꩫ︀်ႈ ၵ︀ႅမ︀်းꩬ︀ႃဢ︀မ︀ႂ်းမ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇ ပ︀ႆ︀ႉꩭဝ်း ꩬ︀ေႈꩡ︀ႃႉက︀ꩫ︀်ႈꩫ︀မ︀်။

ပ︀ေတ︀ရ︀ု ႑ 5:12

က︀ဝ်ႈလ︀ိက︀်ႉꩫ︀ႆ︀ႇ ꩬ︀ီလ︀ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းလ︀ူင︀်မ︀ႆ︀ႛꩫ︀မ︀် ꩭႂ်ႛꩡ︀ွႆ︀ႈတ︀ႅမ︀်ႛꩬ︀ီၸ︀ၢက︀်မ︀ႃးꩫ︀ႆ︀ႇ။ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛၵ︀ႂ်ႈꩬ︀ႂ်ꩭႅင︀်းꩭႂ်ႛꩬ︀ီလ︀ိူင︀်ႈ၊ င︀ႆ︀ႚꩬ︀ူက︀ꩬ︀င︀်ꩭူပ︀်ႉꩭꩫ︀်ꩬ︀ီဢ︀ူꩫ︀က︀ေႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛယ︀င︀်းꩬ︀ီဢ︀ူꩫ︀မ︀်ꩫ︀ꩫ︀ႆ︀ႇ ၵ︀ႂ်ႈꩭႂ်ႛတ︀ွင︀်းꩫ︀ီႈꩫ︀ီႈꩬ︀ီလ︀ိူင︀်ႈ လ︀ိက︀်ႉꩫ︀ႆ︀ႇတ︀ႅမ︀်ႛမ︀ႃးꩫ︀မ︀်။ က︀ꩫ︀်ႛꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။