ꩭေပ︀ရ︀ူး 13:17 - Khamti Shan

¹⁷ ꩭူဝ်က︀ေꩬ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ၢပ︀်ႉယ︀မ︀်ႈꩬ︀ီ ၵ︀ၢမ︀်းၵ︀ဝ်ထွမ︀်ꩡ︀ွမ︀်းက︀ꩫ︀်ႈတ︀ႃႉ။ ဢ︀မ︀ူးၵ︀ဝ်ယ︀ႃႇ ဢ︀မ︀ူးဢ︀ꩫ︀်ႈမ︀ိုင︀်ႇၵ︀ွꩫ︀်ꩬ︀ူꩫ︀မ︀်။ ၵ︀ဝ်ဢ︀မ︀ူးꩫ︀ႆ︀ႇ ꩭလ︀ိုဝ်ꩭီတ︀်ꩫ︀ꩫ︀ႆ︀ႇယ︀ႃႇ ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီꩡ︀ႅပ︀်ႉꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ဝ် မ︀ဝ်ၵ︀င︀်းꩬ︀ီ ပ︀ိဝ်ꩰမ︀ူꩫ︀်းꩰꩭီတ︀်ꩫ︀ႆ︀ႛꩫ︀ႆ︀ႇ ၵ︀ၢမ︀်းၵ︀ဝ်မ︀ႆ︀ႛ ထွမ︀်ꩫ︀ီႈꩫ︀ီႈ က︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩡ︀ႃႇꩬ︀ူဢ︀က︀ိဝ်းꩵ︀ႈယ︀င︀်း။

ꩭေပ︀ရ︀ူး 13:17 ပူးပေါင်းရင်းမြစ်များ

လ︀ုက︀ႃ 16:2

ꩫ︀ႆ︀ႇမ︀ႆ︀ႛ ၸ︀ူႛမ︀ီးꩫ︀ႆ︀ႇ မ︀ꩫ︀်းမ︀ႆ︀ႛꩭွင︀်ႇꩬ︀ီ “လ︀ွင︀်ႈမ︀ႂ်းက︀ဝ်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇ ထွမ︀်ꩵ︀ႈꩫ︀ီႈ။ မ︀ႂ်းဢ︀မ︀ူးဝႃႈဢ︀ွက︀်ဢ︀ူ။ ꩡ︀လ︀ၢင︀်းင︀ိူꩫ︀်းꩫ︀ႆ︀ႇၵ︀ဝ် ဢ︀ၢပ︀်ႉမ︀ႃးတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 20:28

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း၊ ၸ︀ုင︀်ပ︀ူႇꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉꩭႂ်ႛꩫ︀ႆ︀ႇမ︀ႆ︀ႛတ︀မ︀ိူင︀်းမ︀ိုင︀်ႇက︀ꩫ︀်ႈတ︀ႃႉ။ ꩡ︀ိူဝ်းꩡ︀ဝ်ႛမ︀ႆ︀ႛ ꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈမ︀ိုင︀်ႇက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ꩬ︀ၢက︀်ႉ လ︀ုက︀်ႉမ︀ꩫ︀်းꩡ︀ဝ်ႛထွတ︀်ꩬ︀ီ ဢ︀ဝ်ႈပ︀ီꩫ︀်ႈၵ︀ွင︀်မ︀ꩫ︀်းꩡ︀ဝ်ႛယ︀ဝ်ႇ။

ရ︀ေႃမ︀ 14:12

ꩭဝ်းက︀ူႈက︀ူဝ်ႇ ဢ︀ꩫ︀်ႈၸ︀ူႛꩡ︀ဝ်ႛ ꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢင︀်းၸ︀ႂ်ꩭၢင︀်းမ︀ꩫ︀်း ဝႃႈပ︀ုတ︀်ၵ︀ႆ︀ႈပ︀ျႃးꩫ︀မ︀်၊၊

ဢ︀ေၸ︀ႅတ︀် 5:21

ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ က︀ူဝ်ႈယ︀မ︀်ႈင︀ႆ︀းꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ က︀ွမ︀်းဢ︀ၢပ︀်ႉက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 2:12

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ ꩬ︀ူၵ︀ၢမ︀်းက︀ဝ်ႈထွမ︀်မ︀ႃးꩫ︀ႆ︀ႇꩫ︀က︀ꩫ︀်ႈ င︀ႆ︀ႚမ︀ိူဝ်ႈက︀ဝ်ႈဢ︀ူတ︀ီႈက︀ႆ︀ႈꩫ︀ႆ︀ႇ ဢ︀ေႈၵ︀ႅꩫ︀်းထွမ︀်က︀ꩫ︀်ႈမ︀ႃးတ︀ႃႉ။ ꩫ︀င︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩫ︀တ︀်ꩬ︀ီၵ︀ေꩬ︀ေဝႆ︀ႇꩫ︀ႆ︀ႇꩫ︀က︀ꩫ︀်ႈ ꩬ︀ူတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩬ︀ီ မ︀ူတ︀်ꩡ︀ၢင︀်တ︀ီမ︀်ႈꩰက︀ꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈတ︀ေႇတ︀ေႇꩬ︀ီ ꩬ︀ေႈꩡ︀ႃႉက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 2:29

မ︀ꩫ︀်းမ︀ႆ︀ႛ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭၢပ︀်ႉꩫ︀က︀ꩫ︀်ႈ ꩭုမ︀်ꩰꩡ︀ူမ︀်းꩰꩬ︀ီ ꩭၢပ︀်ႉက︀ꩫ︀်ႈမ︀ႃးတ︀ႃႉ။ က︀ူꩫ︀်းဢ︀ꩫ︀်ႈꩫ︀င︀်မ︀ꩫ︀်းꩫ︀က︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ꩫ︀ၢပ︀်ႉယ︀မ︀်ႈက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 3:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူမ︀ႆ︀ႛက︀ီလ︀ႆ︀ၢပ︀ၢꩫ︀်ႈဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ င︀ႆ︀ႚက︀ေႃႇ ꩫ︀မ︀်ႇတ︀ႃႈတ︀ူက︀်ꩬ︀ီ ဝႃႈဢ︀ိက︀်က︀ွတ︀်။ က︀ူꩫ︀်းဢ︀ꩫ︀်ႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈမ︀ႆ︀ႛꩬ︀ၢꩫ︀်တ︀ၢꩫ︀်း၊ ဢ︀ꩫ︀်ႈꩫ︀င︀်လ︀ꩫ︀်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ဢ︀ူꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ယ︀င︀်းဢ︀ူ။

ၸ︀ိလ︀ိပ︀်ပ︀ၢႆ︀ 4:1

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛက︀ဝ်ႈꩭၢက︀်ႉလ︀ူင︀် ဢ︀ွက︀်ꩡ︀ႂ်ႈလ︀ူင︀်ꩫ︀မ︀်။ လ︀ႆ︀ၢးပ︀ိူဝ်ႈꩬ︀ူꩬ︀ီ က︀ဝ်ႈꩡ︀ူမ︀်းလ︀ူင︀် ꩭုမ︀်လ︀ူင︀်ꩫ︀မ︀်။ ꩬ︀ူ ပ︀ီႈꩫ︀ွင︀်ႇꩭၢက︀်ႉက︀ဝ်ႈ ၸ︀ူႛပ︀ီꩫ︀်ႈꩬ︀ူးက︀ဝ်ႈၵ︀ဝ်ꩴ︀း က︀ၢပ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းၵ︀ိူင︀်ꩰက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:14

ဢ︀ꩫ︀်ႈင︀ႆ︀ႚတ︀ူႈꩬ︀ွꩫ︀်ꩬ︀င︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ က︀ူဝ်ႇဢ︀ꩫ︀်ႈမ︀ဝ်ꩡ︀ွမ︀်းက︀ႅင︀်းယ︀င︀်းက︀ီး မ︀ꩫ︀်းမ︀ႆ︀ႛင︀ိူင︀်ႇတ︀ႃႉ။ ꩭႂ်ႛပ︀ူဝ်းမ︀ꩫ︀်းဢ︀ႆ︀ၢႈꩫ︀ႆ︀ႇ မ︀ꩫ︀်းမ︀ႆ︀ႛပ︀ီလ︀ွေႛ။

တ︀ိမ︀ေႃတ︀ေ ႑ 5:17

ၸ︀ူႛင︀မ︀်းꩡ︀ိူဝ်း ဢ︀ꩫ︀်ႈꩡ︀ိူဝ်းꩡ︀ဝ်ႛမ︀ႆ︀ႛ င︀မ︀်းꩫ︀ီႈꩫ︀ီႈ၊ ꩫ︀ႆ︀ႇꩬ︀ေႇမ︀ဝ်က︀ႃး ဢ︀ꩫ︀်ႈလ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩫ︀ီႈꩫ︀ီႈꩭူဝ်းꩫ︀ီႈꩫ︀ီႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩬ︀ွင︀်ꩡ︀ူဝ်ႈဝႃႈထွက︀်ႉဝႃႈယ︀ွင︀်ႛꩭႂ်ႛꩫ︀မ︀်။

ꩭေပ︀ရ︀ူး 13:24

ꩭူဝ်က︀ေꩬ︀ူꩫ︀ႆ︀ႇၵ︀ဝ်င︀ႆ︀း က︀ူꩫ︀်းꩡ︀ဝ်ႛထႃဝရ︀ၸ︀ြႃးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ တ︀ူႈꩬ︀င︀်ၵ︀ၢမ︀်းဢ︀ူꩫ︀ꩫ︀ႆ︀ႇ ၵ︀ႆ︀ႈꩭႂ်ႛမ︀ႃးတ︀ႃႉ။ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈလ︀ုက︀်ႉမ︀ိူင︀်းဢ︀ီတ︀လ︀ီမ︀ႆ︀ႛမ︀ႃးꩫ︀ႆ︀ႇၵ︀ဝ် ꩬ︀ူမ︀ႆ︀ႛꩬ︀င︀်ၵ︀ၢမ︀်းက︀ꩫ︀်ႈဢ︀ူ။

ꩭေပ︀ရ︀ူး 13:7

ꩭူဝ်က︀ေ ဢ︀ꩫ︀်ႈꩬ︀ူမ︀ႆ︀ႛ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩭူဝ်းမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ဢ︀ꩫ︀်ႈၵ︀ဝ်ဢ︀ူ ဢ︀ꩫ︀်ႈၵ︀ဝ်ꩬ︀ိုင︀်ႛꩬ︀ုတ︀်က︀ႃꩫ︀ႆ︀ႇၵ︀ဝ်မ︀ႆ︀ႛ လ︀ႅမ︀်းꩬ︀ီ လ︀ုက︀်ႉၵ︀ဝ်မ︀ႆ︀ႛ ꩬ︀ွꩫ︀်ဢ︀ဝ်ႈက︀ꩫ︀်ႈတ︀ႃႉ။ တ︀ၢင︀်းယ︀ုမ︀်ယ︀မ︀်ႈၵ︀ဝ်မ︀ႆ︀ႛ ꩡ︀ွမ︀်းဢ︀ဝ်ႈၵ︀ိုတ︀်က︀ꩫ︀်ႈတ︀ႃႉ။

ယ︀ႃက︀ု 4:7

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ဢ︀လ︀ၢင︀်းꩡ︀ဝ်ႛထႃဝရ︀ၸ︀ြႃးမ︀ႆ︀ႛꩡ︀ွမ︀်းꩫ︀ီႈꩫ︀ီႈတ︀ႃႉ။ ၵ︀ုꩫ︀်ꩬ︀ူင︀်မ︀ႆ︀ႛယ︀ႃႇ ꩭေႇက︀င︀်ႛပ︀ွက︀်ႉတ︀ႃႉ။ င︀ႆ︀းက︀ီးမ︀ꩫ︀်းလ︀ုက︀်ႉꩭဝ်းမ︀ႆ︀ႛ ပ︀ၢႆ︀ႈဢ︀ွက︀်က︀ႃဢ︀ူ။

ပ︀ေတ︀ရ︀ု ႑ 5:5

ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ူꩫ︀်းꩫ︀ုမ︀်ၵ︀ဝ်ꩴ︀း ꩬ︀ူက︀ေႃႇ ၵ︀ၢမ︀်းၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ထွမ︀်က︀ꩫ︀်ႈတ︀ႃႉ။ ꩬ︀ူတ︀င︀်းမ︀ိူင︀်း က︀ူဝ်ႇလ︀ိူင︀်ႈမ︀ႆ︀ႛက︀ူဝ်ႇလ︀ိူင︀်ႈ က︀ွမ︀်းꩫ︀ွမ︀်းꩬ︀ီ ꩡ︀ွႆ︀ႈက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ူႛဢ︀ꩫ︀်ႈက︀မ︀်ႇလ︀ွင︀်ႛမ︀ႆ︀ႛꩡ︀ႃႇꩬ︀ီ ၸ︀ူႛဢ︀ꩫ︀်ႈက︀ွမ︀်းꩫ︀ွမ︀်းမ︀ႆ︀ႛယ︀ႃႇ ဢ︀ီꩫ︀ူႈꩭႂ်ႛဢ︀ူ” ꩫ︀ꩬ︀ီဝႃႈဝႆ︀ႇဢ︀ူ။