ꩭေပ︀ရ︀ူး 12:23 - Khamti Shan

²³ တ︀င︀်းꩡ︀ိူဝ်းလ︀ုက︀်ႉꩭူဝ်လ︀ႃႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ိုဝ်ႈၵ︀ဝ် က︀ၢင︀်ႈꩭၢဝ်မ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ် ꩫ︀ႆ︀ႛတ︀ုမ︀်ႈက︀ꩫ︀်ႈယ︀ဝ်ႇ။ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛဢ︀ꩫ︀်ႈက︀ူꩫ︀်းတ︀င︀်းလ︀ုင︀်မ︀ႆ︀ႛပ︀ႅတ︀်ႉတ︀ြႃးမ︀ႆ︀ႛတ︀မ︀ိူင︀်း၊ ပ︀ၢင︀်ႈꩫ︀ႃႛၵ︀ွꩫ︀်က︀ူꩫ︀်းꩬ︀ိုဝ်ႈတ︀ူဝ် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ီမ︀်ႈက︀ုမ︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း၊

ꩭေပ︀ရ︀ူး 12:23 ပူးပေါင်းရင်းမြစ်များ

လ︀ုက︀ႃ 10:20

ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈၸ︀ီꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛပ︀ေႇꩬ︀ီယ︀ႃႇ ပ︀ီꩡ︀ူမ︀်းက︀ꩫ︀်ႈ။ လ︀ႆ︀ၢးပ︀ိူဝ်ႈꩡ︀ိုဝ်ႈꩬ︀ူ မ︀ိူင︀်းက︀ၢင︀်ႈꩭၢဝ်မ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇမ︀ႆ︀ႛꩬ︀ိုင︀် ꩡ︀ူမ︀်းက︀ꩫ︀်ႈတ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 5:27

က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛ ပ︀ီꩫ︀်ႈလ︀ုက︀်ႉက︀ူꩫ︀်းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ႃꩫ︀ႃဢ︀ꩫ︀်ႈပ︀ႅတ︀်ႉတ︀ြႃးဢ︀ၢပ︀်ႉဝႆ︀ႇဢ︀ူ။

ထဝ်ꩡ︀တ︀်ႉၵ︀ဝ် 20:28

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း၊ ၸ︀ုင︀်ပ︀ူႇꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉꩭႂ်ႛꩫ︀ႆ︀ႇမ︀ႆ︀ႛတ︀မ︀ိူင︀်းမ︀ိုင︀်ႇက︀ꩫ︀်ႈတ︀ႃႉ။ ꩡ︀ိူဝ်းꩡ︀ဝ်ႛမ︀ႆ︀ႛ ꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈမ︀ိုင︀်ႇက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ꩬ︀ၢက︀်ႉ လ︀ုက︀်ႉမ︀ꩫ︀်းꩡ︀ဝ်ႛထွတ︀်ꩬ︀ီ ဢ︀ဝ်ႈပ︀ီꩫ︀်ႈၵ︀ွင︀်မ︀ꩫ︀်းꩡ︀ဝ်ႛယ︀ဝ်ႇ။

က︀ေႃရ︀ိꩫ︀်တ︀ု ႑ 13:12

ဢ︀ꩫ︀်ႈင︀ႆ︀ႚꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀ႆ︀ႇၵ︀ဝ်ယ︀ႃႇ ꩫ︀င︀်လ︀ုက︀်ႉမ︀ၢꩫ︀်မ︀ႆ︀ႛꩫ︀ူႈꩫ︀က︀ꩫ︀်ႈ မ︀ုတ︀်ꩬ︀ုတ︀်ႉꩰꩫ︀ႆ︀ၢႈꩫ︀မ︀်ꩭꩫ︀်ꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ မ︀ိူဝ်ႈဢ︀မ︀ႂ်းယ︀ႃႇ ꩭဝ်းတ︀င︀်းမ︀ꩫ︀်းꩡ︀ဝ်ႛ တ︀ူဝ်ꩫ︀ႃႛက︀ꩫ︀်ႈꩬ︀ီ တ︀ီꩫ︀ႆ︀ႛꩭꩫ︀်ꩡ︀ုꩫ︀်ႈꩰꩫ︀မ︀်။ င︀ႆ︀ႚက︀ဝ်ႈ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွꩫ︀်လ︀ိူင︀်ႈꩫ︀ႆ︀ၢႈꩫ︀မ︀်တ︀ွင︀်းꩫ︀ႆ︀ႇ။ မ︀ိူဝ်ႈဢ︀မ︀ႂ်းယ︀ႃႇ ꩫ︀င︀်က︀ဝ်ႈမ︀ႆ︀ႛမ︀ꩫ︀်းꩡ︀ဝ်ႛတ︀ွင︀်းꩫ︀က︀ꩫ︀်ႈ က︀ဝ်ႈက︀ေႃႇမ︀ꩫ︀်းꩡ︀ဝ်ႛမ︀ႆ︀ႛ တ︀ီꩫ︀ႆ︀ႛတ︀ွင︀်းတ︀ီမ︀်ႈꩰက︀ုမ︀်ꩰꩫ︀မ︀်။

က︀ေႃရ︀ိꩫ︀်တ︀ု ႑ 15:49

ꩭဝ်းယ︀ႃႇင︀ႆ︀ႚ ꩫ︀င︀်င︀ဝ်းꩭၢင︀်ႈက︀ူꩫ︀်းလ︀င︀်ꩫ︀ိꩫ︀်ႈꩫ︀က︀ꩫ︀်ႈꩫ︀မ︀်။ ဝꩫ︀်းလ︀ိူင︀်ႈယ︀ႃႇ ꩫ︀င︀်င︀ဝ်းꩭၢင︀်ႈꩡ︀ဝ်ႛဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛမ︀ႃးꩫ︀က︀ꩫ︀်ႈက︀ေႃႇ တ︀ီပ︀ီꩫ︀်ႈမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 15:54

မ︀ိူဝ်ႈင︀ႆ︀းꩬ︀ီ တ︀ူဝ်ႈꩭဝ်းဢ︀ꩫ︀်ႈမ︀ဝ်မ︀ꩫ︀်ႛတ︀ိူင︀်ႈꩫ︀ႆ︀ႇ လ︀ွက︀်ႉလ︀ႆ︀ၢႈပ︀ီꩫ︀်ႈတ︀ူဝ်ႈဢ︀ꩫ︀်ႈမ︀ꩫ︀်ႛတ︀ိူင︀်ႈက︀ႃꩬ︀ီ ဢ︀ꩫ︀်ႈတ︀ႆ︀ၢႈꩡ︀ၢင︀်ႈꩫ︀ႆ︀ႇ လ︀ွက︀်ႉလ︀ႆ︀ၢႈပ︀ီꩫ︀်ႈတ︀ူဝ်ႈဢ︀ꩫ︀်ႈမ︀ဝ်တ︀ႆ︀ၢႈꩡ︀ၢင︀်ႈမ︀ႃးꩫ︀ႆ︀ႇ ဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛ “တ︀ၢင︀်းတ︀ႆ︀ၢႈယ︀ႃႇ ꩬ︀ုမ︀်းက︀ႃယ︀ဝ်ႇ” ꩫ︀ꩬ︀ီဝႃႈဝႆ︀ႇꩫ︀ႆ︀ႇ တ︀ီပ︀ီꩫ︀်ႈမ︀ႃးꩫ︀မ︀်။

က︀ေႃရ︀ိꩫ︀်တ︀ု ႒ 5:8

ꩭဝ်းယ︀ုမ︀်ယ︀မ︀်ႈတ︀မ︀်းꩡ︀ႂ်ႈꩫ︀ႆ︀ႇꩬ︀ီ လ︀ုက︀်ႉတ︀ူဝ်ႈမ︀ိူင︀်းက︀ၢင︀်ႈမ︀ႆ︀ႛၸ︀ၢက︀်ႉꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ေႈၵ︀ႅꩫ︀်းၵ︀ႂ်ႈက︀ႃဢ︀ူꩫ︀မ︀်။

ဢ︀ေၸ︀ႅတ︀် 1:22

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀က︀ိဝ်းꩡ︀ိူဝ်းꩡ︀ဝ်ႛမ︀ႆ︀ႛꩫ︀ူႈꩬ︀ီ က︀ꩫ︀်ႛတ︀ႂ်ႛတ︀ိꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀င︀်းလ︀ုင︀်တ︀င︀်းမ︀ိူင︀်းတ︀မ︀်းဝႆ︀ႇယ︀ဝ်ႇက︀ီး မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈပ︀ီꩫ︀်ႈꩭူဝ်တ︀င︀်းလ︀ုင︀်ဝႆ︀ႇဢ︀ူ။

ၸ︀ိလ︀ိပ︀်ပ︀ၢႆ︀ 4:3

က︀ူဝ်ႇꩬ︀ေႛꩴ︀း မ︀ႂ်းက︀ေႃႇꩭႂ်ႛပ︀ူဝ်းꩬ︀ွင︀်ၵ︀ႃꩡ︀ႂ်ႈၵ︀ူမ︀်က︀ꩫ︀်ႈꩫ︀ႆ︀ႇ ꩡ︀ွႆ︀ႈꩭႂ်ႛမ︀ႃးတ︀ႃႉ။ ꩬ︀ွင︀်ၵ︀ႃင︀ႆ︀း က︀လ︀ေမ︀ိꩫ︀်င︀ႆ︀း ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ တ︀င︀်းက︀ဝ်ႈၵ︀ၢဝ်ႈၵ︀ၢမ︀်းꩫ︀ီႈ ဢ︀ၢꩫ︀်တ︀ၢꩫ︀်ꩭူမ︀်ႈꩭူဝ်းမ︀ႃးယ︀ဝ်ႇ။ ꩡ︀ိုဝ်ႈၵ︀ဝ်ယ︀ႃႇ ပ︀ၢပ︀်ႉၸ︀ြႃးပ︀ီꩫ︀်ႈꩡ︀ဝ်ႛ ပ︀ၢပ︀်ႉꩡ︀လ︀ၢင︀်းၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀မ︀ႆ︀ႛ လ︀ွေႛယ︀ဝ်ႇ။

က︀ေႃလ︀ေႃတ︀ႄ 1:12

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ မ︀ိူင︀်းဢ︀ꩫ︀်ႈလ︀ႅင︀်းမ︀ႆ︀ႛ မ︀ၢင︀်က︀လ︀ႃဢ︀ꩫ︀်ႈꩡ︀ႃႇꩭၢင︀်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩭႅမ︀်းဝႆ︀ႇꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩬ︀ူꩭၢပ︀်ႉထႅက︀်ႉꩫ︀ႆ︀ႇ ꩭီတ︀်ꩭႂ်ႛမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ꩬ︀ူꩭႂ်ႛယ︀ူဝ်းယ︀ွင︀်ႛက︀ꩫ︀်ႈက︀တ︀ႃႉ။

က︀ေႃလ︀ေႃတ︀ႄ 1:24

က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀ႆ︀ႇꩬ︀ီ ꩡ︀ူမ︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭၢင︀်းꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛ ဝႃႈက︀ၢပ︀်ၵ︀ၢမ︀်ဢ︀ိက︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈ ꩫ︀ႆ︀ႛက︀ၢပ︀်ၵ︀ၢမ︀်က︀ႃꩬ︀ီꩫ︀မ︀်။

တ︀ိမ︀ေႃတ︀ေ ႑ 3:5

ꩭွင︀်ႛꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ဢ︀ွꩫ︀်ႈꩫ︀ီႈꩫ︀ီႈ မ︀ဝ်ꩫ︀ႆ︀ႛက︀ီး ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭိုဝ်လ︀ိုဝ်က︀ေႃႇဢ︀ွꩫ︀်ႈꩫ︀ီႈꩫ︀ီႈ ꩵ︀ႈꩫ︀ႆ︀ႛ။

ꩭေပ︀ရ︀ူး 11:4

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ဢ︀ႃၿေလ︀ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ႅက︀်ဢ︀ꩫ︀်ႈက︀ႃဢ︀ိꩫ︀ပ︀ုက︀်ႉꩡ︀ူဝ်မ︀ႆ︀ႛ မ︀ႅတ︀်ႉꩬ︀ႃꩫ︀ႆ︀ႇ ပ︀ုက︀်ႉꩡ︀ူဝ်မ︀ႃးဢ︀ူ။ င︀ႆ︀းꩬ︀ီ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်င︀ႆ︀း ၵ︀ႅက︀်မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉမ︀ႃးဢ︀ူ။ မ︀ꩫ︀်းယ︀ႃႇ တ︀ႆ︀ၢႈက︀ႃꩫ︀က︀ေႃႇ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈမ︀ꩫ︀်းꩬ︀ီ င︀ႆ︀ႚက︀ေႃႇ ꩭဝ်းမ︀ႆ︀ႛၵ︀ၢမ︀်းတ︀ၢꩫ︀်ႛဢ︀ူꩫ︀မ︀်။

ꩭေပ︀ရ︀ူး 11:40

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႃႇꩭဝ်းꩬ︀ိုင︀်ဢ︀ꩫ︀်ႈꩫ︀ီႈꩬ︀ႃ ꩬ︀ၢင︀်ဝႆ︀ႇꩫ︀ႆ︀ႇꩬ︀ီ ꩭဝ်းလ︀ွေႛက︀ီးꩬ︀ိုင︀် ၵ︀ဝ်မ︀ႆ︀ႛ တ︀ီဢ︀ဝ်ႈတ︀ီမ︀်ႈက︀ုမ︀်ꩭႂ်ႛꩫ︀မ︀်။

ꩭေပ︀ရ︀ူး 2:12

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “ပ︀ီႈꩫ︀ွင︀်ႇက︀ဝ်ႈၵ︀ႃႛၵ︀ဝ်မ︀ႆ︀ႛ ꩡ︀ိုဝ်ႈၵ︀ိင︀်းတ︀ူဝ်ꩡ︀ဝ်ႛတ︀ႅဝ်ꩬ︀ီ ပ︀ၢင︀်ႈꩫ︀ႃႛၵ︀ဝ်မ︀ႆ︀ႛ က︀ဝ်ႈၵ︀ႃႛၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ တ︀ီယ︀ူဝ်းယ︀ွင︀်ႛꩫ︀မ︀်” ꩫ︀ဝꩫ︀်ႇ။

ꩭေပ︀ရ︀ူး 9:27

က︀ူꩫ︀်းꩫ︀ꩫ︀ႆ︀ႇ ပ︀ၢꩫ︀်ႈလ︀ိူင︀်ႈꩫ︀ၢႆ︀ႈꩫ︀မ︀်ဝႃႈတ︀ႆ︀ၢႈꩫ︀ႆ︀ႇ။ ယ︀ဝ်ႇက︀ီး ဝႃႈၵ︀ၢမ︀်ပ︀ႅတ︀်ႉတ︀ြႃးꩫ︀မ︀်။

ယ︀ႃက︀ု 1:18

မ︀ꩫ︀်းꩡ︀ဝ်ႛယ︀ႃႇ က︀ꩫ︀်ႛꩫ︀ိူဝ်ဢ︀ꩫ︀်ႈမ︀ꩫ︀်းꩡ︀ဝ်ႛၸ︀ၢꩫ︀်ꩬ︀ၢင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛပ︀ူဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩭီတ︀်ꩭူဝ်ꩫ︀ႆ︀ႛꩫ︀ႆ︀ႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ဢ︀ဝ်ႈၵ︀ၢမ︀်းꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛ ꩭီတ︀်ဝႆ︀ႇမ︀ႃးꩫ︀မ︀်။

ပ︀ေတ︀ရ︀ု ႑ 2:23

မ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇက︀ေႃႇ ꩵ︀ႈတ︀ွပ︀်ပ︀ွက︀်ႉမ︀ႃး။ မ︀ိူဝ်ႈပ︀ိူꩫ︀်ႈꩡ︀ူဝ်က︀ႃးꩫ︀ႆ︀ႇက︀ေႃႇ မ︀ꩫ︀်းꩡ︀ဝ်ႛꩵ︀ႈပ︀ၢဝ်ပ︀ွက︀်ႉမ︀ႃး။ မ︀ꩫ︀်းꩡ︀ဝ်ႛယ︀ႃႇ က︀ꩫ︀်ႛꩫ︀ႂ်းမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈပ︀ႅတ︀်ႉတ︀ြႃးꩬ︀ိုဝ်ႈꩰမ︀ႆ︀ႛꩫ︀ႆ︀ၢႈꩬ︀င︀် တ︀ူဝ်ႈꩡ︀ႂ်ႈမ︀ꩫ︀်းꩡ︀ဝ်ႛ ဢ︀ၢပ︀်ႉဝႆ︀ႇမ︀ႃးꩫ︀မ︀်။

ၿျႃၻိက︀်ႉ 13:8

က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ၿျႃၻိက︀်ႉ 14:4

ၵ︀ဝ်ယ︀ႃႇ ၸ︀ူႛမ︀ၢဝ်ꩡ︀ႅတ︀်ႉꩰဢ︀ꩫ︀်ႈတ︀င︀်းၸ︀ူႛယ︀ိင︀်းမ︀ဝ်ꩭွꩫ︀်ဢ︀ူꩫ︀ႆ︀ႇၵ︀ဝ်ꩫ︀မ︀်။ တ︀ီႈဢ︀ꩫ︀်ႈပ︀ူႇဢ︀ွꩫ︀်က︀ႃမ︀ႆ︀ႛ ၵ︀ဝ်ꩡ︀ွမ︀်းဢ︀ူꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ေႛၵ︀ျွတ︀်ႉဝႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃပ︀ူႇဢ︀ွꩫ︀်မ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚပ︀ုက︀်ႉꩡ︀ူဝ်ꩫ︀ႆ︀ႇၵ︀ဝ်ꩫ︀မ︀်။

ၿျႃၻိက︀်ႉ 20:15

က︀ူꩫ︀်းဢ︀ꩫ︀်ႈ ပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛယ︀ႃႇ ꩫ︀ွင︀်ၸ︀ႆ︀းမ︀ႆ︀ႛပ︀ိုဝ်တ︀ူက︀်ၵ︀ွတ︀်မ︀ူတ︀်ဢ︀ူ။

ၿျႃၻိက︀်ႉ 6:11

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛ ꩬ︀ိူဝ်ႛထမ︀ူင︀်ႇၸ︀ိူက︀်ဢ︀ေႈဢ︀ꩫ︀်ႈꩰꩭႂ်ႛꩬ︀ီ က︀ိုမ︀်ႇလ︀ိူင︀်ႈꩭႂ်ႛက︀ꩫ︀်ႛဝႆ︀ႇဢ︀ူ။ ၵ︀ဝ်မ︀ႆ︀ႛꩭႂ်ႛက︀ꩫ︀်ႛꩫ︀ႆ︀ႇယ︀ႃႇ ꩫ︀င︀်ၵ︀ဝ်မ︀ႆ︀ႛ လ︀ꩫ︀်ꩬ︀ူꩫ︀ႆ︀ႇၵ︀ဝ် ဢ︀ဝ်ႈတ︀ႆ︀ၢႈမ︀ႃးꩫ︀က︀ꩫ︀်ႈ ꩭူဝ်က︀ူꩫ︀်းၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈဝႃႈတ︀ႆ︀ၢႈꩫ︀ႆ︀ႇၵ︀ဝ် က︀ႃႈမ︀ဝ်ထူꩫ︀်ႛယ︀ႃႇ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛက︀ေႃႇ လ︀ꩫ︀်ꩬ︀ူꩫ︀ႆ︀ႇၵ︀ဝ်တ︀ီဢ︀ဝ်ႈတ︀ႆ︀ၢႈက︀ႃꩬ︀ီꩫ︀မ︀်။

ၿျႃၻိက︀်ႉ 6:9

ပ︀ူႇဢ︀ွꩫ︀်ꩫ︀ႆ︀ႇ ꩡ︀ုမ︀်ႛပ︀ီꩫ︀်ႈꩡ︀မ︀ပ︀ုတ︀်က︀ီး က︀ꩫ︀်ႛတ︀ႂ်ႛၵ︀ီင︀်ၵ︀ႅက︀်ꩡ︀ဝ်ႛမ︀ႆ︀ႛ ၵ︀ွꩫ︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈꩭꩫ︀်ဢ︀ူ။ ၵ︀ွꩫ︀်ဢ︀မ︀ႂ်းၵ︀ဝ်ယ︀ႃႇ ၵ︀ွꩫ︀်က︀ူꩫ︀်းဢ︀ꩫ︀်ႈ လ︀ႆ︀ၢးပ︀ိူဝ်ႈꩭူဝ်းၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ပ︀ျႃးꩬ︀ၢက︀်ႉꩬ︀ေ တ︀ၢင︀်းယ︀ုမ︀်ယ︀မ︀်ႈၵ︀ဝ်ꩬ︀ီ ပ︀ိူꩫ︀်ႈဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇၵ︀ဝ်ꩫ︀မ︀်။