ꩭေပ︀ရ︀ူး 12:11 - Khamti Shan

¹¹ မ︀ိူဝ်ႈꩭဝ်းမ︀ႆ︀ႛ ꩬ︀ွꩫ︀်ꩬ︀ုင︀်းမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈၵ︀ိူင︀်ႈꩫ︀ီႈꩡ︀ူမ︀်းမ︀ဝ်ꩡ︀ႂ်ႈꩬ︀ီ ဢ︀ꩫ︀်ႈၵ︀ိူင︀်ႈꩫ︀ီႈꩡ︀ႂ်ႈꩬ︀ဝ်ႛꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈꩬ︀ွꩫ︀်ꩬ︀ုင︀်းမ︀ႃးꩫ︀ႆ︀ႇꩬ︀ီ ꩭဝ်းထွမ︀်ꩡ︀ွမ︀်းꩡ︀ၢင︀်ႈမ︀ႃးင︀ႆ︀း ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ႇꩭီတ︀်မ︀ႃးင︀ႆ︀းꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀တ︀်ယ︀ီꩫ︀်ႈꩫ︀ႆ︀ႇ ꩫ︀ႆ︀ႛဢ︀ူ။

ꩭေပ︀ရ︀ူး 12:11 ပူးပေါင်းရင်းမြစ်များ

ရ︀ေႃမ︀ 14:17

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ွင︀်ႈဢ︀ꩫ︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ုပ︀်ႉပ︀ိုင︀်ꩫ︀ႆ︀ႇယ︀ႃႇ တ︀င︀်းဢ︀ꩫ︀်ႈက︀ꩬ︀င︀်ဝႃႈက︀ိꩫ︀်ႈ က︀ꩬ︀င︀်မ︀ဝ်ဝႃႈက︀ိꩫ︀်ႈꩫ︀ꩫ︀ႆ︀ႇꩵ︀ႈလ︀ႅင︀်က︀ꩫ︀်ႈ။ တ︀င︀်းဢ︀ꩫ︀်ႈပ︀ၢင︀်ႈꩫ︀ႃႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩰတ︀ူဝ်ꩰꩬ︀ီဢ︀ူ၊ ဢ︀ꩫ︀်ႈတ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈꩬ︀ီဢ︀ူင︀ႆ︀း ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ꩭုမ︀်ꩰꩡ︀ူမ︀်းꩰဢ︀ူꩫ︀ႆ︀ႇၵ︀ဝ်ꩫ︀မ︀်လ︀ႅင︀်က︀ꩫ︀်ႈꩫ︀ႆ︀ႇ။

က︀ေႃရ︀ိꩫ︀်တ︀ု ႒ 4:17

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ ဢ︀ꩫ︀်ႈင︀ႆ︀ႚꩭဝ်းၵ︀ၢမ︀်ꩫ︀ႆ︀ႇၵ︀ဝ်ယ︀ႃႇ ယ︀ႂ်လ︀ူင︀် ꩭိုင︀်လ︀ူင︀်ꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈဢ︀မ︀ႂ်းၵ︀ဝ်ꩬ︀ီ မ︀ူꩫ︀်ႈင︀ဝ်းလ︀ူင︀်ထႃဝရ︀ ဢ︀ꩫ︀်ႈၻုက︀်ႉၵ︀ꩭဝ်းမ︀ႆ︀ႛ ယ︀ႂ်ပ︀ူꩫ︀်ႇꩬ︀ႃꩫ︀ႆ︀ႇ ꩭဝ်းတ︀ီꩫ︀ႆ︀ႛꩭၢပ︀်ႉဢ︀ဝ်ႈꩫ︀မ︀်။

တ︀ိမ︀ေႃတ︀ေ ႒ 4:8

င︀ႆ︀းꩫ︀ႆ︀ႇꩬ︀ီ ꩬ︀ူးပ︀ွင︀်းꩬ︀ႅင︀်ꩡ︀ႃႇက︀ဝ်ႈ ၸ︀ြႃးပ︀ီꩫ︀်ႈꩡ︀ဝ်ႛꩭႅမ︀်းဝႆ︀ႇယ︀ဝ်ႇꩰ။ ꩬ︀ူးဢ︀မ︀ႂ်းယ︀ႃႇ ꩡ︀ႃႇꩭၢင︀်းက︀ူꩫ︀်း ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈ ဢ︀ူမ︀ႃးꩫ︀ႆ︀ႇၵ︀ဝ်ꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ု၊ ꩡ︀ဝ်ႛတ︀ြႃးဢ︀ꩫ︀်ႈꩬ︀ိုဝ်ႈတ︀ူဝ်က︀ျွႃးမ︀ႃးꩫ︀ႆ︀ႇ က︀ဝ်ႈမ︀ႆ︀ႛ ꩬ︀ူးဢ︀မ︀ႂ်း တ︀ီꩭႂ်ႛꩫ︀မ︀်။ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ႂ်ႇထႃႛင︀ွက︀်ႉꩰꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛက︀ေႃႇ ꩬ︀ူးဢ︀မ︀ႂ်းတ︀ီꩭႂ်ႛꩫ︀မ︀်။

ꩭေပ︀ရ︀ူး 12:10

ပ︀ူဝ်မ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ တ︀ိူက︀်ႉဢ︀ꩫ︀်ႈꩫ︀င︀်ၵ︀ဝ်ꩭꩫ︀် ဢ︀ꩫ︀်ႈၵ︀ႅꩫ︀်းတ︀ီꩫ︀ီႈꩫ︀ႆ︀ႇ က︀ိုမ︀်ႇလ︀ိူင︀်ႈꩫ︀ႆ︀ၢႈꩫ︀မ︀်ꩬ︀ွꩫ︀်ꩬ︀ုင︀်းမ︀ႃးꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်း ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈ မ︀ူတ︀်ꩡ︀ၢင︀်ꩫ︀ႆ︀ႇ ဢ︀က︀ိဝ်းꩭဝ်းမ︀ႆ︀ႛꩫ︀ူႈꩬ︀ီ ꩬ︀ွꩫ︀်ꩬ︀ုင︀်းမ︀ႃးꩫ︀မ︀်။

ꩭေပ︀ရ︀ူး 5:14

ဢ︀ꩫ︀်ႈက︀ိꩫ︀်ႈဢ︀ꩫ︀်ႈၵ︀ႅင︀်ယ︀ႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈက︀ေၵ︀ိူင︀် ဢ︀ꩫ︀်ႈတ︀ၢင︀်းꩭူပ︀်ႉꩭꩫ︀်ယ︀င︀်းꩬ︀ီ လ︀ွင︀်ႈꩫ︀ီႈလ︀ွင︀်ႈꩡ︀ႃႇမ︀ႆ︀ႛ က︀ၢက︀်ႉꩡ︀ၢင︀်ႈꩫ︀ႆ︀ႇၵ︀ဝ်ꩫ︀မ︀်။

ပ︀ေတ︀ရ︀ု ႑ 1:6

င︀ႆ︀းꩫ︀ႆ︀ႇꩬ︀ီ ꩡ︀ူမ︀်းꩭုမ︀်က︀ꩫ︀်ႈတ︀ေႇတ︀ေႇတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး င︀ႆ︀ႚ ꩬ︀ူဢ︀ꩫ︀်ႈယ︀ပ︀်ယ︀ၢက︀်ႉက︀ူႈၸ︀ꩫ︀်းယ︀င︀်းꩫ︀က︀ေႃႇ ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ က︀ိုမ︀်ႇလ︀ိူင︀်ႈꩫ︀ႆ︀ၢႈꩫ︀မ︀်။

ပ︀ေတ︀ရ︀ု ႒ 2:14

ၵ︀ဝ်ယ︀ႃႇ ၸ︀ူႛယ︀ိင︀်းက︀ူဝ်ႇလ︀ႂ်ႈမ︀ႆ︀ႛၸ︀ိတ︀်တ︀ီꩫ︀ႆ︀ႛꩫ︀ꩫ︀ႆ︀ၢႈꩬ︀င︀်င︀ွမ︀်ဢ︀ူꩬ︀ီ ꩭီတ︀်ဢ︀ပ︀ႅတ︀်ႉမ︀ဝ်ပ︀ူဝ်းꩡ︀ၢင︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ဝ်ၵ︀ိူင︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ဝ်းꩭႂ်ႛꩭီတ︀်ဢ︀ပ︀ႅတ︀်ႉက︀ေႃႇꩡ︀ၢင︀်ႈလ︀ူင︀်၊ ꩡ︀ႂ်ႈလ︀ေႃးၸ︀ႃးက︀ေႃႇတ︀ီမ︀်ႈတ︀ုပ︀်ꩰꩫ︀မ︀်။ င︀ႆ︀းꩬ︀ီၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ူင︀်ႈတ︀ၢမ︀်မ︀ဝ်ပ︀ိတ︀်ႉꩫ︀မ︀်။