ꩭေပ︀ရ︀ူး 12:10 - Khamti Shan

¹⁰ ပ︀ူဝ်မ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ တ︀ိူက︀်ႉဢ︀ꩫ︀်ႈꩫ︀င︀်ၵ︀ဝ်ꩭꩫ︀် ဢ︀ꩫ︀်ႈၵ︀ႅꩫ︀်းတ︀ီꩫ︀ီႈꩫ︀ႆ︀ႇ က︀ိုမ︀်ႇလ︀ိူင︀်ႈꩫ︀ႆ︀ၢႈꩫ︀မ︀်ꩬ︀ွꩫ︀်ꩬ︀ုင︀်းမ︀ႃးꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်း ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈ မ︀ူတ︀်ꩡ︀ၢင︀်ꩫ︀ႆ︀ႇ ဢ︀က︀ိဝ်းꩭဝ်းမ︀ႆ︀ႛꩫ︀ူႈꩬ︀ီ ꩬ︀ွꩫ︀်ꩬ︀ုင︀်းမ︀ႃးꩫ︀မ︀်။

ꩭေပ︀ရ︀ူး 12:10 ပူးပေါင်းရင်းမြစ်များ

ဢ︀ေၸ︀ႅတ︀် 4:24

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ဝ်ႈတ︀ူꩫ︀င︀်ꩡ︀ႂ်ႈမ︀ꩫ︀်းꩡ︀ဝ်ႛꩬ︀ီ ၸ︀ၢꩫ︀်ꩬ︀ၢင︀်းဢ︀ဝ်ႈပ︀ီꩫ︀်ႈက︀ူꩫ︀်းမ︀ႂ်ꩭႂ်ႛယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူꩫ︀င︀်က︀ူꩫ︀်းမ︀ႂ် ဢ︀ꩫ︀်ႈꩬ︀ိုဝ်ႈတ︀ူဝ်၊ ဢ︀ꩫ︀်ႈမ︀ူတ︀်ꩡ︀ၢင︀် ꩫ︀က︀ꩫ︀်ႈဢ︀ူက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 1:22

ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ လ︀ႆ︀ၢးပ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛ ဢ︀ဝ်ႈꩡ︀ႃတ︀ိႉက︀ူꩫ︀်းင︀ႆ︀း ၵ︀ၢမ︀်တ︀ႆ︀ၢႈꩭႂ်ႛမ︀ႃးꩫ︀ႆ︀ႇꩬ︀ီ ꩬ︀ူမ︀ႆ︀ႛတ︀င︀်းမ︀ꩫ︀်းꩡ︀ဝ်ႛ ဢ︀ဝ်ႈထုက︀်က︀ꩫ︀်ႈပ︀ွက︀်ႉယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းꩬ︀ူ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ူတ︀်ꩡ︀ၢင︀်င︀ႆ︀း ꩡ︀ႂ်ႈၵ︀ၢဝ်ꩬ︀ီ ꩬ︀ူမ︀ႆ︀ႛ ဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းပ︀ိူင︀်ႈလ︀ူင︀်ꩫ︀ႆ︀ႇꩫ︀မ︀်။

တ︀ိတ︀ု 2:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ဝ်ႈမ︀ူတ︀်ꩡ︀ၢင︀်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းꩭဝ်း ပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ ꩭီတ︀်လ︀ွင︀်ႈꩫ︀ီႈꩫ︀ႆ︀ႇလ︀ိူင︀်ႈ ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛꩭႂ်ႛꩬ︀ီ ၵ︀ေꩬ︀ေမ︀ႃးယ︀ဝ်ႇ။

ꩭေပ︀ရ︀ူး 12:14

တ︀င︀်းပ︀ိူꩫ︀်ႈက︀ူႈက︀ူဝ်ႇ ꩬ︀ေႈꩡ︀ႃႉꩬ︀ီ ဢ︀ဝ်ႈထုက︀်က︀ꩫ︀်ႈတ︀ႃႉ။ ꩡ︀ူဝ်ႈတ︀ႃႈဢ︀ꩬ︀ၢက︀်ႉ ꩬ︀ေႈꩡ︀ႃႉꩬ︀ီ ဢ︀ဝ်ႈမ︀ူတ︀်ꩡ︀ၢင︀်က︀ꩫ︀်ႈတ︀ႃႉ။ မ︀ဝ်မ︀ူတ︀်ꩡ︀ၢင︀်က︀ီး ၸ︀ႂ်က︀ေႃႇ ꩡ︀ဝ်ႛထႃဝရ︀ၸ︀ြႃးမ︀ႆ︀ႛ ꩵ︀ႈꩫ︀ႆ︀ႛꩭꩫ︀်။

ပ︀ေတ︀ရ︀ု ႑ 2:5

ꩬ︀ူက︀ေႃႇ ꩭိꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ိုဝ်းꩬ︀ီ ပ︀ူက︀်ꩭိူꩫ︀်းမ︀ꩫ︀်းꩡ︀ဝ်ႛ ꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ꩬ︀ူယ︀ႃႇ ယ︀ီတ︀်ႉပ︀ရ︀ေႃးꩭိက︀်ႉၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်ꩫ︀မ︀်။ ꩬ︀ူယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ႅက︀်ၵ︀ွꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇၵ︀ဝ် ပ︀ုက︀်ႉꩡ︀ူဝ်ꩭႂ်ႛꩬ︀ီဢ︀ူꩫ︀မ︀်။

ပ︀ေတ︀ရ︀ု ႑ 2:9

ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ၵ︀ိူဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ၊ က︀ုမ︀်ႛယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း၊ ၸ︀ꩫ︀်းက︀ူꩫ︀်းဢ︀ꩫ︀်ႈမ︀ူတ︀်ꩡ︀ၢင︀်၊ ၸ︀ꩫ︀်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ꩭႂ်ႛပ︀ူဝ်းယ︀ႃးလ︀ွင︀်ႈဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ီႈမ︀ႅတ︀်ႉꩫ︀ႆ︀ႇ လ︀ုက︀်ႉဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ꩭွင︀်ႇဢ︀ွက︀်ꩬ︀ီ ဢ︀ꩫ︀်ႈလ︀ႅင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းလ︀ူင︀်မ︀ႆ︀ႛ ꩬ︀ူင︀်ꩭႂ်ႛမ︀ႃးယ︀ဝ်ႇ။

ပ︀ေတ︀ရ︀ု ႒ 1:4

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩭူဝ်ꩡ︀ႂ်ႈꩭဝ်းꩫ︀င︀်ꩡ︀ႂ်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈပ︀ီꩫ︀်ႈမ︀ႃးꩬ︀ီ ꩭႂ်ႛပ︀ူဝ်းလ︀ုက︀်ႉꩡ︀ႂ်ႈလ︀ေႃးက︀ီဢ︀ꩫ︀်ႈမ︀ဝ်ꩫ︀ီႈဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ဢ︀ဝ်ႈလ︀ူႇပ︀ႅက︀်ႉꩫ︀ႆ︀ႇၵ︀ဝ်မ︀ႆ︀ႛ ပ︀ူꩫ︀်ႇလ︀ွတ︀်ႉꩫ︀ႆ︀ႇ ꩭဝ်းမ︀ႆ︀ႛက︀တ︀ိမ︀ꩫ︀်းꩡ︀ဝ်ႛ ဢ︀ꩫ︀်ႈယ︀ႂ်မ︀ႅတ︀်ႉꩬ︀ီလ︀ႅင︀်ႇတ︀ေႇတ︀ေႇꩫ︀ႆ︀ႇၵ︀ဝ် ꩭႂ်ႛမ︀ႃးယ︀ဝ်ႇ။