ꩭေပ︀ရ︀ူး 12:1 - Khamti Shan

¹ ꩬ︀ၢက︀်ႉꩬ︀ေၸ︀ုင︀်က︀ူꩫ︀်းလ︀ူင︀်ꩫ︀ႆ︀ႇ ꩭဝ်းမ︀ႆ︀ႛၵ︀ုမ︀်ႇက︀ꩫ︀်ႈဢ︀ူꩫ︀ႆ︀ႇꩬ︀ီ ပ︀ႆ︀ႉ ဢ︀ꩫ︀်ႈꩭဝ်းမ︀ႆ︀ႛ ꩫ︀က︀်ꩫ︀ႃꩬ︀ီ ဢ︀ဝ်ႈꩫ︀ၢꩫ︀်းꩫ︀ႆ︀ႇၵ︀ဝ်င︀ႆ︀း ဢ︀ပ︀ႅတ︀်ႉဢ︀ꩫ︀်ႈꩭဝ်းမ︀ႆ︀ႛ င︀ႆ︀ၢႈꩰၸ︀ုက︀်ဝႆ︀ႇꩫ︀ႆ︀ႇၵ︀ဝ် လ︀ွꩫ︀်ႛၵ︀ွတ︀်င︀ႆ︀း ပ︀ွႆ︀းလ︀ႅꩫ︀်ႈၵ︀ီင︀်က︀ꩫ︀်ႈ ဢ︀ꩫ︀်ႈပ︀ၢင︀်ႈꩫ︀ႃႛꩭဝ်းမ︀ႆ︀ႛ ꩭႅမ︀်းဝႆ︀ႇမ︀ႆ︀ႛတ︀တ︀်ꩡ︀ႂ်ႈꩬ︀ီ လ︀ႅꩫ︀်ႈက︀ႃက︀ꩫ︀်ႈꩫ︀မ︀်။

ꩭေပ︀ရ︀ူး 12:1 ပူးပေါင်းရင်းမြစ်များ

မ︀တ︀်တ︀ႄး 10:22

လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇꩬ︀ီ ပ︀ိူꩫ︀်ႈတ︀င︀်းမ︀ိူင︀်း ꩬ︀ူမ︀ႆ︀ႛတ︀ီꩡ︀င︀်းက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ တ︀ူဝ်ပ︀ူဝ်းတ︀ႆ︀ၢႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ေꩬ︀ေꩭႂ်ႛꩫ︀မ︀်။

မ︀တ︀်တ︀ႄး 24:13

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈဢ︀ဝ်ႈထိုင︀်ပ︀ႆ︀ၢႈꩭၢင︀်လ︀ေႚလ︀ေႚ ꩬ︀ႅတ︀်ႉꩡ︀ႃယ︀င︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ေꩬ︀ေꩭႂ်ႛꩫ︀မ︀်။

မ︀ႃက︀ု 10:50

လ︀ꩭႃꩫ︀ႆ︀ႇမ︀ꩫ︀်းက︀ေႃႇ ၵ︀ိူင︀်ႈမ︀ꩫ︀်းမ︀ႆ︀ႛပ︀ိူဝ်ၵ︀ွတ︀်ယ︀ဝ်ႇက︀ီး လ︀ုက︀်ႉꩡ︀ၢတ︀်ꩫ︀ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးဢ︀ူ။

လ︀ုက︀ႃ 12:15

မ︀ꩫ︀်းꩡ︀ဝ်ႛက︀ၢပ︀်ꩬ︀ီဝႃႈꩫ︀ႆ︀ႇ “ဢ︀ꩫ︀်ႈလ︀ေႃးၸ︀ႃးက︀ူႈၸ︀ꩫ︀်းမ︀ႆ︀ႛ ꩬ︀တ︀ိꩬ︀ီင︀ိူင︀်ႇတ︀ႃႉ။ ꩬ︀ူမ︀ီးၵ︀ႂ်ႈလ︀ႂ်ႈꩫ︀က︀ေႃႇ ဢ︀ꩬ︀ၢက︀်ႉꩬ︀ူတ︀ေႇတ︀ေႇယ︀ႃႇ ဢ︀ဝ်ႈၵ︀ူဝ်းလ︀ိင︀်းꩬ︀ူꩵ︀ႈꩡ︀ႂ်ႈ ꩫ︀ိပ︀်ဢ︀ူꩫ︀ႆ︀ႇ” ꩫ︀ဝꩫ︀်ႇ။

လ︀ုက︀ႃ 16:28

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈၵ︀ႃႛမ︀ႆ︀ႛ ꩫ︀ွင︀်ႇꩡ︀ႆ︀ၢးꩭႃႛက︀ူဝ်ႇယ︀င︀်းတ︀ီၵ︀ႃႛဢ︀ူ။ ꩭႂ်ႛပ︀ူဝ်းၵ︀ဝ်က︀ေႃႇ တ︀ီႈဢ︀ꩫ︀်ႈၵ︀ၢမ︀်ၻုက︀်ႉၵ︀လ︀ူင︀်ꩫ︀ႆ︀ႇမ︀ႆ︀ႛ မ︀ဝ်ထိုင︀်မ︀ႃးꩫ︀ႆ︀ႇ ꩭႂ်ႛက︀ႃပ︀ꩫ︀်ႈꩬ︀တ︀ိတ︀ီၵ︀ႃႛမ︀ႃးတ︀ႃႉ” ꩫ︀ဝꩫ︀်ႇ။

လ︀ုက︀ႃ 21:34

ꩬ︀ူꩬ︀တ︀ိꩬ︀ီဢ︀ူက︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး မ︀ိူဝ်ႈꩬ︀ူက︀ိꩫ︀်ႈꩰမ︀ဝ်းꩰꩬ︀ီ လ︀ွင︀်ႈက︀ိꩫ︀်ႈ၊ လ︀ွဝ်ႈꩫ︀ုင︀်ႈ၊ လ︀ွင︀်ႈဢ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ၢႈꩬ︀ိုင︀် ဢ︀မ︀ူးယ︀ုင︀်ႛဢ︀ူꩫ︀ႆ︀ႇ မ︀ဝ်ထိူပ︀်မ︀ဝ်တ︀ႂ်းꩬ︀ီ လ︀ွင︀်ႈဢ︀မ︀ႂ်းၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

ယ︀ေႃးꩭၢꩫ︀် 3:32

ꩡ︀ဝ်ႛဢ︀မ︀ႂ်းယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛꩭꩫ︀်မ︀ႃး၊ ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇၵ︀ဝ် ၵ︀ႆ︀ႈꩫ︀က︀ေႃႇ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ၸ︀ႂ်က︀ေႃႇꩵ︀ႈꩭၢပ︀်ႉဢ︀ဝ်ႈ။

ယ︀ေႃးꩭၢꩫ︀် 4:39

ၸ︀ူႛယ︀ိင︀်းꩬ︀မ︀ႃရ︀ိꩫ︀ႆ︀ႇ “ဢ︀ꩫ︀်ႈက︀ဝ်ႈꩭွꩫ︀်ꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း ꩡ︀ဝ်ႛꩫ︀ႆ︀ႇက︀ဝ်ႈမ︀ႆ︀ႛၵ︀ႆ︀ႈꩭႂ်ႛဢ︀ူ” ꩫ︀ꩬ︀ီက︀ႃၵ︀ႆ︀ႈလ︀ေဢ︀ူ။ င︀ႆ︀းꩬ︀ီ က︀ူꩫ︀်းꩬ︀မ︀ႃရ︀ိ ဢ︀ꩫ︀်ႈဢ︀ူဝီင︀်းဢ︀မ︀ႂ်းၵ︀ဝ်ဢ︀ၢꩫ︀်တ︀ၢꩫ︀် ꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။

ရ︀ေႃမ︀ 12:12

ꩬ︀ူမ︀ႆ︀ႛ ဢ︀ꩫ︀်ႈတ︀ႂ်းထႃႛယ︀င︀်းꩫ︀ႆ︀ႇꩬ︀ီ ꩡ︀ူမ︀်းꩭုမ︀်ꩬ︀ီဢ︀ူက︀ꩫ︀်ႈတ︀ႃႉ။ မ︀ိူဝ်ႈꩬ︀ူမ︀ႆ︀ႛ ဢ︀ꩫ︀်ႈယ︀ပ︀်ဢ︀ꩫ︀်ႈယ︀ၢက︀်ႉထိုင︀်မ︀ႃးꩫ︀ႆ︀ႇက︀ꩫ︀်ႛက︀ꩫ︀်ႈတ︀ႃႉ။ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ယ︀ွꩫ︀်းꩬ︀ူးꩬ︀ီဢ︀ူက︀ꩫ︀်ႈတ︀ႃႉ။

ရ︀ေႃမ︀ 2:7

က︀ူꩫ︀်းဢ︀ꩫ︀်ႈ ꩭီတ︀်လ︀ွင︀်ႈꩫ︀ီႈ မ︀ဝ်ꩬ︀ဝ်းင︀ႆ︀းꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ူဝ်းယ︀ွင︀်ႛတ︀ၢင︀်ꩭုမ︀်ꩫ︀ၵ︀ႃ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႆ︀ႛ ꩭႅꩫ︀်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉထႃဝရ︀တ︀ီꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႒ 7:1

ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀မ︀ႂ်းၵ︀ဝ်ယ︀ႃႇ ꩡ︀ႃႇꩭၢင︀်းꩭဝ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈတ︀ူဝ်ႈꩭဝ်း၊ ၵ︀ွꩫ︀်ꩭဝ်းမ︀ႆ︀ႛ ဢ︀ဝ်ႈꩭင︀်ႛꩫ︀ႆ︀ႇၵ︀ဝ်က︀ူႈဢ︀ꩫ︀်ႈမ︀ႆ︀ႛင︀ိူင︀်ႇင︀ႆ︀း လ︀ၢႆ︀းပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းက︀ူဝ်ႈယ︀မ︀်ႈꩫ︀ႆ︀ႇꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်လ︀ေႚလ︀ေႚက︀ꩫ︀်ႈꩫ︀မ︀်။

က︀လ︀ႃတ︀ိ 5:7

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူ ꩬ︀မ︀်မ︀ႃတ︀ြႃးမ︀ႆ︀ႛ ꩡ︀ွမ︀်းꩫ︀ီႈꩫ︀ီႈမ︀ႃးဢ︀ူ။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇꩬ︀ူꩭိုဝ်လ︀ိုဝ်ꩫ︀ႆ︀။ ၸ︀ႂ်ꩫ︀ႆ︀ ꩬ︀ူမ︀ႆ︀ႛၸ︀ၢမ︀်းꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛꩬ︀ူမ︀ဝ်ꩡ︀ွမ︀်းꩫ︀ႆ︀ႇ။

ဢ︀ေၸ︀ႅတ︀် 4:25

င︀ႆ︀းꩫ︀ႆ︀ႇꩬ︀ီ ပ︀ီၸ︀ႅတ︀်ႉၸ︀ၢင︀်းက︀ꩫ︀်ႈယ︀ဝ်ႇ။ ꩭဝ်းတ︀င︀်းမ︀ိူင︀်း ꩫ︀ႂ်းတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ီꩫ︀်ႈꩬ︀ိက︀်ႉတ︀ူဝ်ႈက︀ꩫ︀်ႈꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇမ︀ႆ︀ႛ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀်ဝႃႈဝႃႈက︀ꩫ︀်ႈꩫ︀မ︀်။

ၸ︀ိလ︀ိပ︀်ပ︀ၢႆ︀ 1:30

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈက︀ဝ်ႈ ꩡ︀ႃႇၵ︀ၢဝ်ႈၵ︀ၢမ︀်းꩫ︀ီႈတ︀ိက︀်တ︀ူဝ်းꩫ︀ႆ︀ႇမ︀ႆ︀ႛ ꩫ︀င︀်ꩬ︀ူ ꩭꩫ︀်မ︀ႃးꩫ︀က︀ꩫ︀်ႈ က︀ဝ်ႈင︀ႆ︀ႚက︀ေႃႇ တ︀ိက︀်တ︀ူဝ်းဢ︀ူꩫ︀မ︀်။ ꩬ︀ူက︀ေႃႇ တ︀င︀်းက︀ဝ်ႈတ︀ိက︀်တ︀ူဝ်းꩬ︀ီဢ︀ူꩫ︀မ︀်။

တ︀ိမ︀ေႃတ︀ေ ႒ 2:4

လ︀ုက︀်ႉꩬ︀ိူက︀်ဢ︀ꩫ︀်ႈတ︀ိက︀်ꩬ︀ိူက︀်ꩬ︀ီဢ︀ူꩫ︀ႆ︀ႇယ︀ႃႇ ꩭႂ်ႛပ︀ူဝ်းꩡ︀ဝ်ႛꩭူဝ်ꩬ︀ိူက︀်မ︀ꩫ︀်း ထုက︀်ꩡ︀ႂ်ႈꩫ︀ႆ︀ၢႈꩬ︀ိုင︀် ꩬ︀ေႈꩡ︀ႃႉꩫ︀မ︀်။ လ︀ွင︀်ႈတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩵ︀ႈၵ︀ႂ်ႈꩡ︀ႂ်ႈပ︀ိူင︀်ႈလ︀ူင︀်။

တ︀ိမ︀ေႃတ︀ေ ႒ 4:7

ဢ︀ꩫ︀်ႈက︀ဝ်ႈဝႃႈတ︀ိက︀်တ︀ူဝ်းမ︀ႆ︀ႛ က︀ဝ်ႈတ︀ိက︀်တ︀ူဝ်းꩫ︀ီႈꩫ︀ီႈ မ︀ႃးယ︀ဝ်ႇ။ ꩡ︀ူဝ်ႈတ︀ၢင︀်းဢ︀ꩫ︀်ႈက︀ဝ်ႈဝႃႈလ︀ႅꩫ︀်ႈမ︀ႆ︀ႛ ဢ︀ဝ်ႈꩬ︀ုတ︀်တ︀ိက︀် လ︀ႅꩫ︀်ႈမ︀ႃးꩬ︀ီ ဢ︀ဝ်ႈထိုင︀်ပ︀ႆ︀ၢႈꩭၢင︀်လ︀ေႚလ︀ေႚ ꩬ︀ႅတ︀်ႉꩡ︀ႃယ︀င︀်းမ︀ႃးယ︀ဝ်ႇ။

ꩭေပ︀ရ︀ူး 6:15

င︀ႆ︀းꩬ︀ီ ဢ︀ႃပ︀ြႃꩭၢမ︀်က︀ေႃႇ ꩡ︀ႂ်ႈꩭီးꩡ︀ႂ်ႈယ︀ၢဝ်းထႃႛယ︀ဝ်ႇက︀ီး ဢ︀က︀ိဝ်းက︀တ︀ိဢ︀မ︀ႂ်း ꩫ︀ႆ︀ႛꩭၢပ︀်ႉမ︀ႃးဢ︀ူ။

ယ︀ႃက︀ု 1:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈင︀ႆ︀းꩬ︀ီယ︀ပ︀်ယ︀ၢက︀်ႉꩫ︀ႆ︀ႇ က︀ꩫ︀်ႛပ︀ီꩫ︀်ႈက︀ီး ꩡ︀ႂ်ႈဢ︀ꩫ︀်ႈꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ꩬ︀ူမ︀ႆ︀ႛ ဢ︀ေႈၵ︀ႅꩫ︀်းဢ︀ဝ်ႈက︀ꩫ︀်ႛပ︀ီꩫ︀်ႈမ︀ႃးဢ︀ူꩫ︀ꩫ︀ႆ︀ႇ ꩬ︀ူတ︀ွင︀်းဢ︀ူ။

ပ︀ေတ︀ရ︀ု ႑ 2:1

င︀ႆ︀းꩫ︀ႆ︀ႇꩬ︀ီ တ︀ၢင︀်းက︀ႅင︀်းဢ︀ꩫ︀်ႈမ︀ဝ်ꩫ︀ီႈဢ︀ꩫ︀်ႈက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ၸ︀ၢမ︀်းက︀ꩫ︀်ႈ၊ ꩡ︀ႂ်ႈက︀ူတ︀်ႉက︀ꩫ︀်ႈ၊ တ︀ႃႈꩫ︀ႅင︀်ႈက︀ꩫ︀်ႈ၊ ဢ︀ဝ်ႈꩬ︀ူဝ်ႇက︀ꩫ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ၸ︀ႃႛက︀ꩫ︀်ႈတ︀ႃႉ။

ပ︀ေတ︀ရ︀ု ႑ 4:2

င︀ႆ︀းꩫ︀ႆ︀ႇꩬ︀ီ ꩬ︀ူလ︀ုက︀်ႉင︀ႆ︀ႚက︀ူဝ်ꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူဢ︀ꩫ︀်ႈက︀ိူတ︀်မ︀ႆ︀ႛယ︀ႃႇ ဢ︀လ︀ၢင︀်ႈက︀ူꩫ︀်းမ︀ႆ︀ႛမ︀ဝ်ꩡ︀ွမ︀်းꩬ︀ီ ꩭႂ်ႛပ︀ူဝ်းꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီဢ︀ူꩫ︀ႆ︀ႇꩬ︀ိုင︀် ꩭီတ︀်ဢ︀ၵ︀ႅက︀်ႉက︀ꩫ︀်ႈတ︀ႃႉ။

ပ︀ေတ︀ရ︀ု ႑ 5:1

ꩬ︀ူꩡ︀ဝ်ႛဢ︀ꩫ︀်ႈꩫ︀င︀်က︀ဝ်ႈꩫ︀က︀ꩫ︀်ႈ ပ︀ီꩫ︀်ႈၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈဝွꩫ︀်းၵ︀ႅꩫ︀်းဢ︀ူ။ က︀ဝ်ႈယ︀ႃႇၸ︀ူႛဢ︀ꩫ︀်ႈ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ႉ ꩫ︀ႆ︀ႛၵ︀ၢမ︀်ၻုက︀်ႉၵ︀မ︀ႆ︀ႛ ꩭူပ︀်ႉꩭꩫ︀်မ︀ႃးꩬ︀ီ မ︀ိူဝ်ႈမ︀ꩫ︀်းꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛက︀ျွႃးပ︀ွက︀်ႉမ︀ႃးꩫ︀ႆ︀ႇ တ︀ီꩫ︀ႆ︀ႛꩭၢပ︀်ႉမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။

ပ︀ေတ︀ရ︀ု ႑ 5:12

က︀ဝ်ႈလ︀ိက︀်ႉꩫ︀ႆ︀ႇ ꩬ︀ီလ︀ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းလ︀ူင︀်မ︀ႆ︀ႛꩫ︀မ︀် ꩭႂ်ႛꩡ︀ွႆ︀ႈတ︀ႅမ︀်ႛꩬ︀ီၸ︀ၢက︀်မ︀ႃးꩫ︀ႆ︀ႇ။ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛၵ︀ႂ်ႈꩬ︀ႂ်ꩭႅင︀်းꩭႂ်ႛꩬ︀ီလ︀ိူင︀်ႈ၊ င︀ႆ︀ႚꩬ︀ူက︀ꩬ︀င︀်ꩭူပ︀်ႉꩭꩫ︀်ꩬ︀ီဢ︀ူꩫ︀က︀ေႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛယ︀င︀်းꩬ︀ီဢ︀ူꩫ︀မ︀်ꩫ︀ꩫ︀ႆ︀ႇ ၵ︀ႂ်ႈꩭႂ်ႛတ︀ွင︀်းꩫ︀ီႈꩫ︀ီႈꩬ︀ီလ︀ိူင︀်ႈ လ︀ိက︀်ႉꩫ︀ႆ︀ႇတ︀ႅမ︀်ႛမ︀ႃးꩫ︀မ︀်။ က︀ꩫ︀်ႛꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။

ပ︀ေတ︀ရ︀ု ႒ 1:6

က︀ꩫ︀်ႛꩫ︀ိူဝ်တ︀ၢင︀်းꩭူႇꩭꩫ︀်မ︀ႆ︀ႛ ဢ︀ꩫ︀်ႈထိꩫ︀်ၵ︀ိင︀်းၸ︀ူႛꩡ︀ဝ်ႛ၊ က︀ꩫ︀်ႛꩫ︀ိူဝ်ဢ︀ꩫ︀်ႈထိꩫ︀်ၵ︀ိင︀်းၸ︀ူႛꩡ︀ဝ်ႛမ︀ႆ︀ႛ ဢ︀ꩫ︀်ႈꩬ︀ေးၵ︀ၢမ︀်၊ က︀ꩫ︀်ႛꩫ︀ိူဝ်ဢ︀ꩫ︀်ႈꩬ︀ေးၵ︀ၢမ︀်မ︀ႆ︀ႛ ဢ︀ꩫ︀်ႈၵ︀ႂ်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛ၊

ၿျႃၻိက︀်ႉ 1:9

က︀ဝ်ႈယ︀ႃႇ ပ︀ီႈꩫ︀ွင︀်ႇꩬ︀ူ ယ︀ေႃးꩭၢꩫ︀် ဢ︀ꩫ︀်ႈꩫ︀င︀်ꩬ︀ူꩫ︀က︀ꩫ︀်ႈ ပ︀ီꩫ︀်ႈတ︀ပ︀ေးꩡ︀ဝ်ႛယ︀ေꩬ︀ုꩫ︀မ︀်။ က︀ဝ်ႈက︀ေႃႇ ꩫ︀င︀်က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ မ︀တ︀်ႉꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ် ꩫ︀ႆ︀ႛၵ︀ၢမ︀်ꩫ︀ိက︀်ႉꩬ︀ၢက︀်ႉꩫ︀က︀ꩫ︀်ႈ ꩫ︀ႆ︀ႛၵ︀ၢမ︀်င︀ႆ︀း ꩫ︀ႆ︀ႛက︀ꩫ︀်ႛဢ︀ူꩫ︀မ︀်။ လ︀ႆ︀ၢးပ︀ိူဝ်ႈက︀ဝ်ႈ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးဢ︀ꩫ︀်ႈꩡ︀ဝ်ႛယ︀ေꩬ︀ု ပ︀ုတ︀်ပ︀ျႃးꩭႂ်ႛꩫ︀ႆ︀ႇ တ︀ႅဝ်လ︀ေꩫ︀ႆ︀ႇꩬ︀ီ က︀ဝ်ႈမ︀ႆ︀ႛင︀ွꩫ︀်ႈပ︀ၢတ︀်မ︀ုမ︀ႆ︀ႛ ꩬ︀ူင︀်ၵ︀ွတ︀်ဝႆ︀ႇꩫ︀မ︀်။

ၿျႃၻိက︀်ႉ 13:10

က︀ူဝ်ႇဢ︀ꩫ︀်ႈပ︀ိူꩫ︀်ႈဝႃႈꩬ︀ႅဝ်ႛက︀ႃꩫ︀ႆ︀ႇယ︀ႃႇ ဝႃႈꩫ︀ႆ︀ႛꩬ︀ႅဝ်ႛက︀ႃꩫ︀မ︀်။ က︀ူဝ်ႇဢ︀ꩫ︀်ႈပ︀ိူꩫ︀်ႈဝႃႈတ︀ႅပ︀်တ︀ႆ︀ၢႈꩫ︀ႆ︀ႇက︀ေႃႇ ဝႃႈꩫ︀ႆ︀ႛတ︀ႅပ︀်တ︀ႆ︀ၢႈꩫ︀မ︀်။ င︀ႆ︀းꩫ︀ႆ︀ႇꩬ︀ီ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ဝႃႈက︀ꩫ︀်ႛပ︀ီꩫ︀်ႈ ဝႃႈꩬ︀ႅတ︀်ႉꩡ︀ႃယ︀င︀်းက︀ꩫ︀်ႈꩫ︀မ︀်။

ၿျႃၻိက︀်ႉ 22:16

က︀ဝ်ႈꩡ︀ဝ်ႛယ︀ေꩬ︀ုꩫ︀မ︀် ၵ︀ုꩫ︀်ꩬ︀ၢင︀်က︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩬ︀ီ ꩬ︀ူꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩫ︀ႆ︀ႇၵ︀ဝ်ꩭႂ်ႛမ︀ႃးၵ︀ႆ︀ႈꩫ︀ႆ︀ႇ။ က︀ဝ်ႈယ︀ႃႇ ၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိꩫ︀မ︀်။ ꩫ︀ၢဝ်ႈက︀ၢင︀်ႈလ︀ႂ် ဢ︀ꩫ︀်ႈꩭုင︀်ႈလ︀ူင︀် က︀ေႃႇꩡ︀ႂ်ႈဢ︀ူ” ꩫ︀ဝꩫ︀်ႇ။

ၿျႃၻိက︀်ႉ 3:10

မ︀ႂ်းယ︀ႃႇ ၵ︀ၢမ︀်းက︀ဝ်ႈမ︀ႆ︀ႛထွမ︀်ꩬ︀ီ က︀ꩫ︀်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈက︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ၸ︀ေးတ︀ၢမ︀်ပ︀ူင︀်ႈꩬ︀ီꩡ︀ႅပ︀်ႉꩫ︀ႆ︀ႇ မ︀ႂ်းမ︀ႆ︀ႛယ︀ႃႇလ︀ုက︀်ႉၸ︀ေးမ︀ႆ︀ႛ က︀ဝ်ႈတ︀ီက︀ုမ︀်ႇꩭႂ်ႛꩫ︀မ︀်။