ꩭေပ︀ရ︀ူး 11:3 - Khamti Shan

³ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ တ︀မ︀်တ︀ိူင︀်းတ︀င︀်းလ︀ုက︀်ႉꩫ︀ႆ︀ႇယ︀ႃႇ ဢ︀ဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇꩬ︀ိုင︀် ၸ︀ၢꩫ︀်ꩬ︀ၢင︀်းဝႆ︀ႇꩬ︀ီ ဢ︀ဝ်ႈဢ︀ꩫ︀်ႈꩭဝ်းꩭꩫ︀်ယ︀ဝ်ႇမ︀ႆ︀ႛ ပ︀ီꩫ︀်ႈမ︀ႃးꩵ︀ႈꩡ︀ႂ်ႈꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

ꩭေပ︀ရ︀ူး 11:3 ပူးပေါင်းရင်းမြစ်များ

ယ︀ေႃးꩭၢꩫ︀် 1:3

က︀ႃႈꩫ︀င︀်ယ︀င︀်းမ︀ႆ︀ႛ ၵ︀ၢမ︀်းတ︀ူဝ်ꩡ︀ဝ်ႛꩫ︀မ︀် ၸ︀ၢꩫ︀်ꩬ︀ၢင︀်းမ︀ႃးꩫ︀ႆ︀ႇ။ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ဝ်ၸ︀ၢꩫ︀်ꩬ︀ၢင︀်းꩬ︀ီ ပ︀ိူꩫ︀်ႈꩡ︀ဝ်ႛꩫ︀ႆ︀ၢႈယ︀င︀်းမ︀ႃးꩫ︀ꩫ︀ႆ︀ႇ က︀ꩬ︀င︀်က︀ေႃႇꩵ︀ႈယ︀င︀်း။

ထဝ်ꩡ︀တ︀်ႉၵ︀ဝ် 14:15

“က︀လ︀ုက︀်က︀ူꩥ︀်း ꩭီတ︀်က︀ꩬ︀င︀်ꩫ︀ႆ︀ ꩭီတ︀်င︀ႆ︀းꩫ︀ႆ︀ႇ။ ပ︀ီꩭီတ︀်မ︀ႃႉ၊ ၵ︀ႅꩫ︀်းꩫ︀က︀ေႃႚ၊ တ︀ူႈက︀ေႃႇꩫ︀င︀်ꩬ︀ူꩫ︀က︀ꩫ︀်ႈက︀ူꩫ︀်းꩫ︀ႆ︀ၢႈꩫ︀မ︀်။ တ︀ူႈ မ︀ႆ︀ႛမ︀ႃးꩫ︀ႆ︀ႇ ꩭႂ်ႛပ︀ူဝ်းꩬ︀ူ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ်မ︀ႆ︀ႛၵ︀ွတ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉယ︀င︀်းမ︀ႆ︀ႛ ပ︀ိုင︀်ဢ︀ိင︀်ႈꩫ︀ႆ︀ႇ မ︀ႃးꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈက︀ၢင︀်ႈꩭၢဝ်၊ လ︀င︀်ꩫ︀ိꩫ︀်ႈ၊ ပ︀ၢင︀်လ︀ႆ︀ၢင︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈက︀ꩫ︀်ႛꩫ︀ႂ်းဢ︀မ︀ႂ်းၵ︀ဝ်မ︀ႆ︀ႛ ယ︀င︀်းꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀မ︀်။

ထဝ်ꩡ︀တ︀်ႉၵ︀ဝ် 17:24

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈက︀မ︀်ၸ︀ႃတ︀င︀်းလ︀ုက︀်ႉင︀ႆ︀း ဢ︀ꩫ︀်ႈက︀ႃႈꩫ︀င︀်ယ︀င︀်းတ︀င︀်းမ︀ိူင︀်းမ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀ႆ︀ႇယ︀ႃႇ ပ︀ီꩫ︀်ႈꩡ︀ဝ်ႛဢ︀ꩫ︀်ႈက︀ၢင︀်ႈၸ︀ႃႇလ︀င︀်ꩫ︀ိꩫ︀်ႈမ︀ႆ︀ႛ ဢ︀ုပ︀်ႉပ︀ိုင︀်ႈꩫ︀ႆ︀ႇꩬ︀ီ ꩡ︀ွင︀်းၿိက︀်ႉမ︀ၢꩫ︀်ဢ︀ꩫ︀်ႈက︀ူꩫ︀်းꩭီတ︀်မ︀ႆ︀ႛꩵ︀ႈၵ︀ိင︀်း။

ရ︀ေႃမ︀ 4:17

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်မ︀ႆ︀ႛ “မ︀ႂ်းမ︀ႆ︀ႛ က︀ဝ်ႈတ︀ီဢ︀ဝ်ႈပ︀ီꩫ︀်ႈ ပ︀ူပ︀ူဝ် ၸ︀ꩫ︀်းက︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀ꩭႂ်ႛꩫ︀မ︀်” ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ၸ︀ူႛတ︀ႆ︀ၢႈမ︀ႆ︀ႛဢ︀ဝ်ႈꩫ︀ိပ︀်ꩭႂ်ႛ၊ ဢ︀ꩫ︀်ႈက︀ꩬ︀င︀်က︀ေႃႇမ︀ဝ်ယ︀င︀်းမ︀ႆ︀ႛ ၸ︀ၢꩫ︀်ꩬ︀ၢင︀်းဢ︀ဝ်ႈယ︀င︀်းꩭႂ်ႛꩫ︀ႆ︀ႇယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ဢ︀ႃပ︀ြႃꩭၢမ︀်ယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩫ︀င︀်မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ ဢ︀ဝ်ႈပ︀ီꩫ︀်ႈꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 2:7

ဢ︀ꩫ︀်ႈတ︀ူႈၵ︀ႆ︀ႈꩫ︀ႆ︀ႇယ︀ႃႇ ပ︀ိင︀်ꩥ︀ႃၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ိူက︀်ႉလ︀မ︀်လ︀ူင︀် ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ဝ်ႈမ︀ႅပ︀်ဝႆ︀ႇမ︀ႃးꩫ︀ႆ︀ႇꩫ︀မ︀်။ ပ︀ိင︀်ꩥ︀ႃဢ︀မ︀ႂ်းယ︀ႃႇ ဢ︀ꩫ︀်ႈꩡ︀ႃႇꩭၢင︀်းဢ︀ဝ်ႈပ︀ီꩫ︀်ႈမ︀ူꩫ︀်ႈၸ︀ုင︀်းꩭဝ်းꩫ︀ꩬ︀ီ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ မ︀ꩫ︀်းꩡ︀ဝ်ႛꩬ︀ၢင︀်မ︀ူဝ်ဝႆ︀ႇမ︀ႃးꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 4:5

ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩫ︀ီႈဢ︀ူꩫ︀ꩬ︀ီဝႃႈꩫ︀ႆ︀ႇꩬ︀ီလ︀ိူင︀်ႈ၊ က︀ူꩫ︀်းꩭဝ်းက︀ေႃႇ က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛင︀ႆ︀း ယ︀ွꩫ︀်းꩬ︀ူးꩬ︀ီလ︀ိူင︀်ႈ ဢ︀ꩫ︀်ႈက︀ိꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ꩫ︀်ႈမ︀ဝ်ꩫ︀ီႈꩫ︀ꩫ︀ႆ︀ႇ ꩵ︀ႈယ︀င︀်းယ︀ဝ်ႇ။

ꩭေပ︀ရ︀ူး 1:2

င︀ႆ︀ႚ ꩡ︀ူဝ်ႈပ︀ႆ︀ၢႈꩭၢင︀်မ︀ႆ︀ႛယ︀ႃႇ ꩭဝ်းမ︀ႆ︀ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛပ︀ွႆ︀ꩡ︀ႂ်ႇꩬ︀ီ ဝႃႈမ︀ႃးဢ︀ူ။ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ဢ︀မ︀ွေမ︀ꩫ︀်းꩡ︀ဝ်ႛတ︀င︀်းမ︀ိူင︀်းဢ︀ၢပ︀်ႉꩭႂ်ႛꩬ︀ီ တ︀မ︀်တ︀ိူင︀်းတ︀င︀်းလ︀ုက︀်ႉမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းလ︀ုက︀်ႉမ︀ꩫ︀်းꩡ︀ဝ်ႛ ၸ︀ၢꩫ︀်ꩬ︀ၢင︀်းမ︀ႃးယ︀ဝ်ႇ။

ꩭေပ︀ရ︀ူး 6:5

ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ီႈဢ︀ူꩫ︀ꩫ︀ႆ︀ႇက︀ေႃႇတ︀ွင︀်းယ︀ဝ်ႇꩬ︀ီ တ︀ꩫ︀်းၵ︀ူဝ်းꩡ︀ူဝ်ႈꩫ︀ႃႛꩫ︀ႆ︀ႇၵ︀ဝ်က︀ေႃႇ ꩫ︀ႆ︀ႛꩭၢပ︀်ႉယ︀ဝ်ႇ။

ပ︀ေတ︀ရ︀ု ႒ 3:5

ၵ︀ဝ်ယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈဢ︀မ︀ိင︀်းꩬ︀ီ က︀ၢင︀်ႈꩭၢဝ်မ︀ႆ︀ႛၸ︀ၢꩫ︀်ꩬ︀ၢင︀်းမ︀ႃးမ︀ႆ︀ႛလ︀ိူင︀်ႈ၊ လ︀ုက︀်ႉꩫ︀မ︀်ႇမ︀ႆ︀ႛ လ︀င︀်ꩫ︀ိꩫ︀်ႈဢ︀ဝ်ႈဢ︀ွက︀်မ︀ႃးꩬ︀ီ လ︀င︀်ꩫ︀ိꩫ︀်ႈမ︀ႆ︀ႛ ဢ︀ဝ်ႈꩫ︀မ︀်ႇꩭူဝ်ဝႆ︀ႇမ︀ႃးမ︀ႆ︀ႛလ︀ိူင︀်ႈ၊ က︀မ︀်ၸ︀ႃက︀ဝ်ဢ︀မ︀ႂ်းမ︀ႆ︀ႛ ꩫ︀မ︀်ႇလ︀ူင︀်ဢ︀ဝ်ႈထူမ︀်ႛၵ︀ွတ︀်ꩬ︀ီ ဢ︀ဝ်ႈလ︀ူႇပ︀ႅက︀်ႉမ︀ႃးꩫ︀ႆ︀ႇၵ︀ဝ်မ︀ႆ︀ႛလ︀ိူင︀်ႈ တ︀ိင︀်းꩰတ︀ီလ︀ုမ︀်းၵ︀ွတ︀်ꩫ︀မ︀်။

ၿျႃၻိက︀်ႉ 4:11

“ꩡ︀ဝ်ႛထႃဝရ︀ၸ︀ြႃးတ︀ီၵ︀ႃႛ ၵ︀ိင︀်းတ︀ူဝ်ꩡ︀ဝ်ႛယ︀ႃႇ တ︀င︀်းလ︀ုင︀်တ︀င︀်းမ︀ိူင︀်း ၸ︀ၢꩫ︀်ꩬ︀ၢင︀်းဝႆ︀ႇတ︀ီၵ︀ႃႛယ︀ဝ်ႇ။ ဢ︀ꩫ︀်ႈယ︀င︀်းဢ︀ူꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ လ︀ႆ︀ၢးပ︀ိူဝ်ႈဢ︀လ︀ၢင︀်းၵ︀ိင︀်းတ︀ူဝ်ꩡ︀ဝ်ႛꩬ︀ီ ယ︀င︀်းက︀ꩫ︀်ႈ၊ ဢ︀ꩬ︀ၢက︀်ႉꩫ︀ိပ︀်က︀ꩫ︀်ႈတ︀ီၵ︀ႃႛꩫ︀မ︀်။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ မ︀ူꩫ︀်ႈ၊ ၸ︀ုင︀်း၊ တ︀ꩫ︀်းၵ︀ူဝ်းꩫ︀ႆ︀ႇၵ︀ဝ် ꩭၢပ︀်ႉထႅက︀်ႉတ︀ီၵ︀ႃႛဢ︀ူ” ꩫ︀ဝꩫ︀်ႇ။