ꩭေပ︀ရ︀ူး 11:16 - Khamti Shan

¹⁶ ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ မ︀ိူင︀်းက︀ၢင︀်ႈꩭၢဝ် မ︀ိူင︀်းဢ︀ꩫ︀်ႈꩫ︀ီႈꩬ︀ႃမ︀ႆ︀ႛꩬ︀ိုင︀် ဢ︀ေꩬ︀ီဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ပ︀ီꩫ︀်ႈၸ︀ြႃးၵ︀ဝ်ꩫ︀ႆ︀ႇꩵ︀ႈဢ︀ႆ︀ၢႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛဝီင︀်းꩡ︀ႃႇꩭၢင︀်းၵ︀ဝ် ꩭႅမ︀်းဝႆ︀ႇꩬ︀ီꩫ︀မ︀်။

ꩭေပ︀ရ︀ူး 11:16 ပူးပေါင်းရင်းမြစ်များ

မ︀တ︀်တ︀ႄး 25:34

ယ︀ဝ်ႇက︀ီး က︀ဝ်ႈၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်းယ︀ႃႇ က︀ူꩫ︀်းပ︀ႃႛၵ︀ႃꩫ︀ႆ︀ႇၵ︀ဝ်မ︀ႆ︀ႛ “ꩬ︀ူဢ︀ꩫ︀်ႈပ︀ူဝ်က︀ဝ်ႈ ပ︀ူင︀်ႈဢ︀က︀ိဝ်းꩫ︀ႆ︀ႇၵ︀ဝ်မ︀ႃးတ︀ႃႉ။ မ︀ိူင︀်းဢ︀ꩫ︀်ႈꩡ︀ႃႇꩭၢင︀်းꩬ︀ူ လ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛꩭႅမ︀်းဝႆ︀ႇမ︀ႆ︀ႛ မ︀ႃးဢ︀ူတ︀ႃႉ။

မ︀ႃက︀ု 12:26

က︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛ လ︀ွင︀်ႈဢ︀ꩫ︀်ႈၸ︀ူႛတ︀ၢႆ︀ႈꩫ︀ႆ︀ႇၵ︀ဝ် တ︀ီꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ꩬ︀ူမ︀ဝ်ꩭွꩫ︀်ဢ︀ၢꩫ︀်က︀ျႃး။ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉယ︀ုမ︀်းဢ︀ꩫ︀်ႈမ︀ႆ︀ႛၸ︀ႆ︀းမ︀ႆ︀ႛ တ︀ၢꩫ︀်ႛၵ︀ၢမ︀်းꩫ︀ႆ︀ႇ “က︀ဝ်ႈယ︀ႃႇ ၸ︀ြႃးဢ︀ႃပ︀ြႃꩭၢမ︀်၊ ၸ︀ြႃးဢ︀ေꩬ︀က︀်၊ ၸ︀ြႃးယ︀ႃက︀ုꩫ︀မ︀်” ꩫ︀ꩬ︀ီ မ︀ေႃꩬ︀ေမ︀ႆ︀ႛဝႃႈမ︀ႃးဢ︀ူ။

မ︀ႃက︀ု 8:38

ꩡ︀ူဝ်ႈပ︀ၢꩫ︀်ႈင︀ႆ︀ႚ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ၸ︀ြႃးတ︀ြႃးမ︀ဝ်ယ︀င︀်းꩬ︀ီ ယ︀ုက︀်ႉꩭင︀်ႛꩫ︀ႆ︀ႇမ︀ႆ︀ႛ လ︀ၢႆ︀းပ︀ိူဝ်ႈက︀ဝ်ႈꩫ︀ၵ︀ႃ လ︀ၢႆ︀းပ︀ိူဝ်ႈတ︀ြႃးက︀ဝ်ႈꩬ︀ီ ꩬ︀င︀်ဝႃႈꩬ︀ူဢ︀ၢႆ︀ႈက︀ီး က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းက︀ေႃႇ မ︀ိူဝ်ႈဢ︀ဝ်ႈမ︀ူꩫ︀်ႈၸ︀ုင︀်းပ︀ူဝ်ꩡ︀ဝ်ႛထႃဝရ︀ၸ︀ြႃးင︀ႆ︀း တ︀င︀်းၵ︀ုꩫ︀်ꩬ︀ၢင︀်က︀ဝ်ႈၵ︀ဝ် က︀ျွႃးလ︀ူင︀်းမ︀ႃးꩫ︀ႆ︀ႇ ꩡ︀ႃႇꩭင︀်းꩬ︀ူတ︀ီဢ︀ၢႆ︀ႈꩫ︀မ︀်” ꩫ︀ဝꩫ︀်ႇ။

လ︀ုက︀ႃ 12:32

ꩬ︀ူဢ︀ꩫ︀်ႈမ︀ိူꩫ︀်ꩫ︀င︀်ၸ︀ုင︀်ပ︀ူႇဢ︀ွꩫ︀်က︀ဝ်ႈၵ︀ဝ်ꩴ︀း။ ပ︀ီက︀ူဝ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူယ︀ႃႇ ꩬ︀ူမ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛၵ︀ႂ်ႈꩭႂ်ႛဢ︀ူ။

လ︀ုက︀ႃ 20:37

က︀ျမ︀်းလ︀ိက︀်ႉမ︀ႆ︀ႛ လ︀ွင︀်ႈထဝ်ယ︀ုမ︀်းဢ︀ꩫ︀်ႈမ︀ုက︀်ႉၸ︀ႆ︀းဢ︀ွက︀်မ︀ႆ︀ႛ မ︀ေႃꩬ︀ေယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ႃပ︀ြႃꩭၢမ︀်၊ ဢ︀ေꩬ︀က︀်င︀ႆ︀း ယ︀ႃက︀ုၵ︀ဝ်ပ︀ႆ︀ၢႛဝႆ︀ႈꩫ︀ႆ︀ႇꩫ︀မ︀်” ꩫ︀ꩬ︀ီ လ︀ွင︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ် တ︀ီꩫ︀ိပ︀်ပ︀ွက︀်ႉꩫ︀ႆ︀ႇ ဝႃႈꩡ︀ုꩫ︀်ႈꩰဝႆ︀ႇဢ︀ူ။

ယ︀ေႃးꩭၢꩫ︀် 14:2

ꩭိူꩫ︀်းပ︀ူဝ်က︀ဝ်ႈမ︀ႆ︀ႛ ၵ︀ွက︀်ႉဢ︀ၢꩫ︀်တ︀ၢꩫ︀်ယ︀င︀်းဢ︀ူ။ က︀ဝ်ႈတ︀ီက︀ႃꩭႅမ︀်းတ︀ီႈꩭၢင︀်းꩬ︀ူဢ︀ူꩫ︀မ︀်။ ဢ︀ꩫ︀်ႈက︀ဝ်ႈဝႃႈꩫ︀ႆ︀ႇ ဢ︀ꩫ︀်ႈꩡ︀ႂ်ႈတ︀ေႇတ︀ေႇꩫ︀မ︀်။

ထဝ်ꩡ︀တ︀်ႉၵ︀ဝ် 7:32

“က︀ဝ်ႈယ︀ႃႇ ၸ︀ြႃးပ︀ူလ︀ီꩫ︀်မ︀ႂ်းၵ︀ဝ်ꩫ︀မ︀်။ ၸ︀ြႃးဢ︀ႃပ︀ြႃꩭၢမ︀်၊ ဢ︀ေꩬ︀က︀်၊ ယ︀ႃက︀ုၵ︀ဝ်ꩫ︀မ︀်” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛတ︀ၢꩫ︀်ႛမ︀ႃးꩫ︀ႆ︀ႇမ︀ႆ︀ႛ မ︀ꩫ︀်းꩫ︀ႆ︀ႛꩥ︀ိꩫ︀်းဢ︀ူ။ င︀ႆ︀းꩬ︀ီမ︀ꩫ︀်းယ︀ႃႇ က︀ူဝ်ႈꩰꩬ︀ွင︀်ꩰꩬ︀ီ ꩫ︀ူႈꩫ︀ႆ︀ၢႈက︀ေႃႇꩵ︀ႈပ︀ီꩫ︀်ႈ။

ၸ︀ိလ︀ိပ︀်ပ︀ၢႆ︀ 3:20

ꩭဝ်းယ︀ႃႇ ပ︀ီꩫ︀်ႈက︀ူꩫ︀်းမ︀ိူင︀်းက︀ၢင︀်ႈꩭၢဝ်ꩫ︀ႆ︀ႇꩬ︀ီ ဢ︀ꩫ︀်ႈꩡ︀ဝ်ႛၵ︀ေꩬ︀ေꩭဝ်း ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉက︀ၢင︀်ႈꩭၢဝ်မ︀ႆ︀ႛ တ︀ီက︀ျွႃးပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩭီတ︀်ဢ︀ၵ︀ႅက︀်ႉꩬ︀ီထႃႛဢ︀ူꩫ︀မ︀်။

တ︀ိမ︀ေႃတ︀ေ ႒ 4:18

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛလ︀ုက︀်ႉၸ︀ေးတ︀င︀်းလ︀ုင︀်မ︀ႆ︀ႛ ၵ︀ေꩬ︀ေꩭႂ်ႛꩬ︀ီ မ︀ိူင︀်းက︀ၢင︀်ႈꩭၢဝ်မ︀ႆ︀ႛ တ︀ီꩬ︀ူင︀်ꩭႂ်ႛꩫ︀ီႈꩫ︀ီႈ ꩫ︀မ︀်။ မ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀ူဝ်းယ︀ွင︀်ႛက︀ꩫ︀်ႈတ︀ီၵ︀ႃႛက︀ႃတ︀ႃႉ။ ꩬ︀ႃထု။

ꩭေပ︀ရ︀ူး 10:34

က︀ူꩫ︀်းဢ︀ꩫ︀်ႈတ︀ူက︀်ထွင︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ူဢ︀ီꩫ︀ူႈမ︀ႃးဢ︀ူ။ ၵ︀ူဝ်းလ︀ိင︀်းꩬ︀ူꩫ︀ႆ︀ႇၵ︀ဝ်မ︀ႆ︀ႛ ပ︀ိူꩫ︀်ႈၸ︀ိဝ်ႛဢ︀ဝ်ႈက︀ႃꩫ︀က︀ေႃႇ ꩬ︀ူမ︀ႆ︀ႛ ၵ︀ူဝ်းလ︀ိင︀်းဢ︀ꩫ︀်ႈမ︀ျတ︀်ႉꩬ︀ႃ ဢ︀ꩫ︀်ႈမ︀ဝ်လ︀ူႇꩡ︀ၢင︀်ႈ ယ︀င︀်းဢ︀ူꩫ︀မ︀်ꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ႆ︀ႇꩬ︀ီ ꩭုမ︀်ꩰꩡ︀ူမ︀်းꩰက︀ꩫ︀်ႛမ︀ႃးဢ︀ူ။

ꩭေပ︀ရ︀ူး 11:10

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ႃပ︀ြႃꩭၢမ︀်ꩭီတ︀်င︀ႆ︀းꩫ︀ႆ︀ႇယ︀ႃႇ ဝီင︀်းဢ︀ꩫ︀်ႈထႃဝရ︀မ︀ꩫ︀်ႛတ︀ိူင︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ၢင︀်မ︀ူဝ်ꩬ︀ီတ︀င︀်ႛတ︀ေမ︀ႆ︀ႛ ထႃႛꩬ︀ီꩫ︀မ︀်။

ꩭေပ︀ရ︀ူး 11:14

ၵ︀ဝ်ဢ︀ꩫ︀်ႈင︀ႆ︀းꩬ︀ီ ꩭၢပ︀်ႉၵ︀ၢမ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ႃမ︀ိူင︀်းၵ︀ဝ်ၸ︀ူႛꩡ︀ဝ်ႛꩫ︀မ︀်ꩫ︀ꩫ︀ႆ︀ႇ ပ︀ျႃးꩡ︀ုꩫ︀်ႈꩰꩫ︀မ︀်။

ꩭေပ︀ရ︀ူး 11:40

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႃႇꩭဝ်းꩬ︀ိုင︀်ဢ︀ꩫ︀်ႈꩫ︀ီႈꩬ︀ႃ ꩬ︀ၢင︀်ဝႆ︀ႇꩫ︀ႆ︀ႇꩬ︀ီ ꩭဝ်းလ︀ွေႛက︀ီးꩬ︀ိုင︀် ၵ︀ဝ်မ︀ႆ︀ႛ တ︀ီဢ︀ဝ်ႈတ︀ီမ︀်ႈက︀ုမ︀်ꩭႂ်ႛꩫ︀မ︀်။

ꩭေပ︀ရ︀ူး 12:22

ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ꩫ︀ွႆ︀ႈꩡ︀ီဢ︀ုꩫ︀်ꩫ︀ၵ︀ႃ ဝီင︀်းယ︀ေရ︀ုꩬ︀လ︀ိမ︀်က︀ၢင︀်ႈꩭၢဝ် ဝီင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛ ထိုင︀်မ︀ႃးယ︀ဝ်ႇ။ ဝီင︀်းဢ︀မ︀ႂ်းမ︀ႆ︀ႛ ꩬ︀ူတ︀င︀်းၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛ ꩫ︀မ︀်ꩰလ︀ၢႆ︀လ︀ၢႆ︀င︀ႆ︀း

ꩭေပ︀ရ︀ူး 13:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛယ︀ႃႇ ဝီင︀်းဢ︀ꩫ︀်ႈမ︀ꩫ︀်ႛတ︀ိူင︀်ႈꩡ︀ႃႇꩭဝ်းꩵ︀ႈယ︀င︀်း။ ꩭဝ်းယ︀ႃႇ ဝီင︀်းဢ︀ꩫ︀်ႈတ︀ီမ︀ႃးမ︀ႆ︀ႛꩫ︀မ︀် တ︀ႂ်းထႃႛက︀ꩫ︀်ႈဢ︀ူꩫ︀ႆ︀ႇ။

ꩭေပ︀ရ︀ူး 2:11

ꩡ︀ဝ်ႛယ︀ေꩬ︀ုဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈမ︀ူတ︀်ꩡ︀ၢင︀်ꩫ︀ၵ︀ႃ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်ꩭႂ်ႛဢ︀မ︀ႂ်းၵ︀ဝ်ယ︀ႃႇ ပ︀ီꩫ︀်ႈꩡ︀ုမ︀်ႛꩭိူꩫ︀်းလ︀ိဝ်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛꩭွင︀်ႇပ︀ီႈꩫ︀ွင︀်ႇမ︀ꩫ︀်းꩡ︀ဝ်ႛၵ︀ဝ်ꩫ︀ႆ︀ႇ ꩵ︀ႈဢ︀ႆ︀ၢႈ။

ၿျႃၻိက︀်ႉ 21:2

ꩫ︀ႆ︀ႇမ︀ႆ︀ႛ ဝီင︀်းလ︀ူင︀်ဢ︀ꩫ︀်ႈမ︀ူတ︀်ꩡ︀ၢင︀် ဝီင︀်းယ︀ေရ︀ုꩬ︀လ︀ိမ︀်မ︀ႂ်ꩫ︀ႆ︀ႇ ꩫ︀င︀်ၸ︀ူႛꩬ︀ၢဝ်မ︀ႂ် ဢ︀ꩫ︀်ႈꩡ︀ႃႇၸ︀ူႛမ︀ၢဝ်မ︀ႂ် ꩭၢင︀်ႛၵ︀ိူင︀်ႈဝႆ︀ႇꩫ︀က︀ꩫ︀်ႈ လ︀ုက︀်ႉက︀ၢင︀်ႈꩭၢဝ် တ︀ီႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ိင︀်းမ︀ႆ︀ႛ လ︀ူင︀်းမ︀ႃးꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။